ပါကစ္စတန်နိုင်ငံ အစ္စလမ်မာဘတ်မြို့မှာရှိတဲ့ ကမ္ဘာ့စားနပ်ရိက္ခာ အစီအစဉ် အဆောက်အအုံကို အသေခံ ဗုံးခွဲ တိုက်ခိုက်ခဲ့လို့ ၀န်ထမ်း ၅ ယောက်ထက်မနည်း သေဆုံးပြီး ၅ ယောက် ဒဏ်ရာရရှိခဲ့ပါတယ်။
အသေခံ ဗုံးခွဲသမားက လုံခြုံရေးအစောင့် ယူနီဖောင်းကို ၀တ်ဆင်ထားပြီး ၈ ပေါင်ခန့် အလေးချိန်ရှိတဲ့ ဖောက်ခွဲရေးပစ္စည်းတွေကို WFP အဆောက်အအုံရဲ့ အ၀င်ခန်းမမှာ ဖောက်ခွဲခဲ့တာ ဖြစ်ပါတယ်။
သေဆုံးသူ WFP ၀န်ထမ်းတွေထဲမှာ ပါကစ္စတန်နိုင်ငံသား ၄ ဦးနဲ့အတူ အီရတ်နိုင်ငံသား ၁ ဦးလည်း ပါဝင်တယ်လို့ WFP တာဝန်ခံတွေက ပြောပါတယ်။
ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) ကလည်း ဒီတိုက်ခိုက်မှုကို ပြစ်တင်ရှုတ်ချလိုက်ပြီး အစ္စလမ်မာဘတ်နဲ့ ရာဝါပင်ဒီမြို့တွေမှာရှိတဲ့ ကုလသမဂ္ဂ ရုံးခွဲတွေ အားလုံးကို နောက်ထပ် မကြေညာမခြင်း ပိတ်ထားမှာဖြစ်တယ်လို့ ပြောဆိုလိုက်ပါတယ်။ ဒါပေမဲ့ လုပ်စရာရှိတဲ့ တာဝန်တွေကိုတော့ ဆက်ပြီး ထမ်းဆောင်သွားမှာဖြစ်တယ်လို့ ပြောပါတယ်။
VOA news
No comments:
Post a Comment