ဒါ့အပြင် ပြီးခဲ့တဲ့ နအဖ စစ်တိုင်းမှူးတွေရဲ့ ယခုနှစ်ကုန် (၄) လပတ် အစည်းအဝေးမှာ နအဖ အတွင်း ရာထူး အပြောင်းအလဲတချို့ လုပ်ခဲ့တယ်လို့ သိရပါတယ်။ အဲဒီအထဲမှာ စစ်ရာထူးခန့်ချုပ် ဗိုလ်ချုပ် ဆန်းဆင့်၊ စစ်ဥပဒေချုပ် ဗိုလ်ချုပ် စိုးမောင်၊ တပ်မတော် လေ့ကျင့်ရေးအရာရှိချုပ် ဗိုလ်ချုပ် လှဌေးဝင်းတို့ကို ဒု-ဗိုလ်ချုပ်ကြီး အဆင့် အသီးသီး တိုးမြှင့်လိုက်တယ်လို့ သိရပါတယ်။
ဗိုလ်ချုပ် ဆန်းဆင့်ဟာ ၂ဝဝ၂ ခုနှစ်မှာ ရန်ကုန်တိုင်း ဒု-တိုင်းမှူး၊ နောက်ပိုင်း စစ်ရာထူးခန့်ချုပ် ဖြစ်လာသူပါ။ ဗိုလ်ချုပ်စိုးမောင် ဆိုရင် ၂ဝဝ၃ မှာ အမှတ် (၆) စကခမှူးကနေ စစ်ဥပဒေချုပ် ဖြစ်လာပါတယ်။ ဗိုလ်ချုပ် လှဌေးဝင်းကတော့ ရန်ကုန်တိုင်း တိုင်းမှူးကနေ ၂၀၀၇စက်တင်ဘာ အရေးအခင်းနောက်ပိုင်း ရာထူးတက်လာသူ တဦးဖြစ်တယ်။
အလားတူ အခြားအဆင့်တွေကိုလည်း ရာထူးတိုးပေးတာတွေ ဒီရက်ပိုင်းမှာ ရှိခဲ့တယ်လို့ ကြားသိရပါတယ်။ ပြီးခဲ့တဲ့လ ၂၃ ရက်က စခဲ့တဲ့ ၄ လပတ် အစည်းဝေးမှာ ဒီလို ရာထူးတိုးတာတွေ ရှိနေပေမယ့် အသေးစိတ် အတည်မပြုနိုင်သေးပါဘူး။
Subscribe to:
Post Comments (Atom)
No comments:
Post a Comment