ဓာတုအဆိပ်ဓာတ်ငွေ့ အလီလို့ လူသိများတဲ့ ဆက်ဒမ် ဟူစိန် (Saddam Hussein) ရဲ့ လက်ရုံးလည်းဖြစ်၊ တ၀မ်းကွဲ ညီအကိုတော်လည်း ဖြစ်တဲ့သူကို လူသားမျိုးနွယ်ပေါ် စော်ကားတဲ့ ရာဇ၀တ်မှုနဲ့ ကွပ်မျက်လိုက်ပြီလို့ အီရတ်အစိုးရက ကြေညာပါတယ်။
သူ့ကို တနင်္လာနေ့က ကြိုးပေးလိုက်တာ ဖြစ်တယ်လို့ အီရတ်အစိုးရရဲ့ ပြောရေးဆိုခွင့်ရှိသူ အလီ အယ်လ် ဒက်ဘ်ဘာ့ဂ် (Ali al-Dabbagh) က ပြောပါတယ်။
အီရတ်တရားရုံးတွေက သူ့ကို သေဒဏ် ၄ ကြိမ် ချမှတ်ခဲ့ပါတယ်။ နောက်ဆုံးပြစ်ဒဏ်ကတော့ ဒီလ အစောပိုင်း မကြာသေးမီက ဖြစ်ပါတယ်။
၁၉၈၈ တုန်းက ကဒ်ဒေသ အရှေ့မြောက်ပိုင်းက ရွာတရွာဖြစ်တဲ့ ဟာလပ်ဘ်ဂျာ (Halabja) ကို အဆိပ်ဓာတ်ငွေ့နဲ့ တိုက်ခိုက်ဖို့ အမိန့်ပေးခဲ့ကြောင်း အပြစ်ထင်ရှားတယ်လို့ အယ်လ် မာဂျစ်ဒ် (Al-Majid) အပေါ် နောက်ဆုံး ဆုံးဖြတ်ချက် ချခဲ့တာ ဖြစ်ပါတယ်။ ဒီတိုက်ခိုက်မှုတွေကြောင့် ကဒ်လူမျိုး ၅,၀၀၀ သေဆုံးခဲ့ကြရပါတယ်။ဒါကြောင့်လည်း သူ့ကို ဓာတုအဆိပ်ဓာတ်ငွေ့ အလီလို့ သိကြပါတယ်။
ကြိုးပေး ကွပ်မျက်စဉ်အတွင်း သူ့ကို ကြည့်သူတွေက အော်ဟစ်ဆဲဆိုတာ မရှိခဲ့ဘူးလို့ အီရတ် တာဝန်ရှိသူတွေက ပြောပါတယ်။ ၂၀၀၆ခုနှစ်မှာ ဆက်ဒမ် ဟူစိန်ကို ကွပ်မျက်စဉ်ကတော့ သူ့ကို အော်ဟစ်ဆဲဆိုခဲ့ကြပါတယ်။
Subscribe to:
Post Comments (Atom)
No comments:
Post a Comment