စိုးမိုး
မြန်မာ့လွတ်လပ်ရေးအတွက် တောင်သူလယ်သမား အရေးတော်ပုံကြီးဖြင့် ပါဝင်ကြိုးပမ်းခဲ့သည့် သမိုင်းဝင် တောင်သူ လယ်သမားနေ့ကို တောင်သူလယ်သမားကြီးများကိုယ်တိုင် ယနေ့ ဦးစီးကျင်းပခဲ့ခြင်းဖြစ်သည်။
ယနေ့ကျရောက်သည့် တောင်သူလယ်သမားနေ့တွင် လယ်သမားအရေး ဆောင်ရွက်နေသည့် ရန်ကုန်တိုင်း ခရမ်းမြို့နယ်မှ တောင်သူလယ်သမားအဖွဲ့က ဦးစီးကာ အထိမ်းအမှတ် အခမ်းအနားတရပ် ကျင်းပသည်။
ယနေ့ ခရမ်းမြို့နယ်တွင် ကျင်းပသည့် တောင်သူလယ်သမားနေ့ အခမ်းအနားသို့ တောင်သူလယ်သမားများနှင့် လူ့အခွင့်အရေး လှုပ်ရှားသူများ စုစုပေါင်း (၃၀) ကျော်ခန့် တက်ရောက်ခဲ့ပြီး အာဏာပိုင်များကလည်း ပိတ်ပင်မှုများ မရှိကြောင်း သိရသည်။
လယ်သမားများ လယ်ယာမြေ အသိမ်းခံရမှုများ၊ အခြားပိုင်ဆိုင်မှု ပစ္စည်းများ သိမ်းဆည်းခံရခြင်းများ၊ စိုက်ပျိုးစရိတ်ချေးငွေ အပြည့်အ၀ မရရှိသည့် ကိစ္စများအပါအ၀င် လယ်သမားများ အခွင့်အရေး နစ်နာနေမှုများကို ဆက်လက်ဆောင်ရွက်သွားမည် ဖြစ်ကြောင်း တောင်သူလယ်သမားအဖွဲ့က ပြောကြားသည်။
“လယ်သမားတွေကို ဆောင်ရွက်ပေးနေတာတွေမှာတော့ အောင်မြင်ပါတယ်။ ရန်ကုန်နဲ့ ပဲခူးမှာရှိတဲ့ ရွာတွေက လယ်သမားတွေလောက်ကိုပဲ လုပ်ပေးနိုင်ပါသေးတယ်” ဟု အဆိုပါလယ်သမားအဖွဲ့မှ အဖွဲ့ဝင်ဖြစ်သူက ပြောသည်။
နအဖစစ်အစိုးရ လက်ထက်တွင် စိုက်ပျိုးရေးလုပ်ငန်းများ တိုးတက်စေရန် ဆည်တာတမံများ တည်ဆောက်ပေးခဲ့သည် ဆိုသော်လည်း တောင်သူများ၏ လယ်ယာထွက်ကုန်များကို ကန့်သတ်ဈေးဖြင့် ရောင်းချစေခြင်း၊ လွတ်လပ်စွာ ပြည်ပတင်ပို့ ရောင်းချမှုကို ပိတ်ပင်ခြင်းများကြောင့် တောင်သူများမှာ ဆင်းရဲတွင်း နက်နေဆဲဖြစ်သည်။
Subscribe to:
Post Comments (Atom)
No comments:
Post a Comment