၃ ထပ်နှင့်အထက် ဆောက်လုပ်သော အထပ်မြင့် အဆောက်အဦများတွင် မီးငြှိမ်းသတ်ရေးအတွက် အနည်းဆုံး ရေဂါလန် ၅၀၀၀ဆံ့မီးသတ် ရေကန်တစ်ခု ပါရှိမှသာ မီးသတ်ဦးစီးဌာနက လူနေထိုင်ရန် သင့်တော်ကြောင်း ထောက်ခံချက်ပေးမည် ဖြစ်ကြောင်း မီးသတ်ဦးစီးဌာန( ရုံးချုပ်) မှ အရာရှိ တစ်ဦးက ပြောကြားခဲ့သည်။
၎င်းအပြင် ယင်းမီးသတ် ရေလှောင်ကန်ကိုအမြဲတမ်း ရေပြည့်အောင် စီစဉ်ထားရန် လိုအပ်ကြောင်း ၊ အထပ်မြင့် တိုက်များတွင် အရေးပေါ်လှေကားနှင့် မီးသတ်ဆေးဘူးများ ထားရှိရန်လည်း လိုအပ်ကြောင်း အဆိုပါအရာရှိက ဆိုသည်။ “မီးလောင်မှု ဖြစ်စဉ်တွေမှာ ကန်ထရိုက် တိုက်ဆောက်တဲ့သူတွေရဲ့ တာဝန်လဲမကင်းဘူး။ ကန်ထရိုက် တိုက်ခန်းတွေမှာ တစ်ခန်းကို မီးသတ်ဆေးဘူး တစ်ဘူး ထားရမယ်လို့ ညွှန်ကြားထားတာ ရှိတယ်။ လာစစ်တုန်းကတော့ သေချာချိတ်ထားပြတယ်။
မီးသတ်က စစ်ဆေးပြီးလို့ပြန်လဲသွားရော ဆေးဘူးကို အခန်းဝယ်သူကို မအပ်ဘဲ ရတဲ့ဈေးနဲ့ ရောင်းစားပစ်တယ်။ ရေနဲ့ငြှိမ်းမရတဲ့ လျှပ်စစ်ကလောင်တဲ့ မီးမျိုးဖြစ်ရင် အခန်းပိုင်ရှင်မှာ ငြှိမ်းစရာဆေးဘူး မရှိတော့ဘူး။ အသက်ကယ်လှေကား ထားဖို့ပြောလဲ ထန်းတက်တဲ့ လှေကားလိုအဖြစ် လှေကားတွေ ထားတယ်။ မီးသတ်ကပြောရင်လဲ အပိုအလုပ်ဆိုပြီး လျစ်လျူရှုနေတယ်”ဟု ၎င်းကဆိုသည်။ မြန်မာနိုင်ငံ တစ်ဝန်းလုံးတွင် လွန်ခဲ့သော ၂၂နှစ်အတွင်း မီးလောင်သည့်အကြိမ်မှာ ၂၃၇၂၇ ရှိခဲ့ပြီး လူပေါင်း ၉၅၆ ဦးသေဆုံးကာ ၁၅၇၅ ဦးဒဏ်ရာ ရရှိခဲ့ကြောင်း News Watch Weekly ဂျာနယ်တွင် ဖော်ပြထားပါသည်။
Subscribe to:
Post Comments (Atom)
No comments:
Post a Comment