ပင်မစာမျက်နှာ မြန်ပြည်သတင်း နိုင်ငံတကာသတင်း ဓာတ်ပုံ ဗီဒီယို ဆောင်းပါး ၀တ္တု ကဗျာ ဟာသ မြင်ကွင်း ပျိုး

Saturday, February 11, 2012

အရှင်ဂမ္ဘီရ ပြန်လွတ်....ဦးပဉ္ဇင်းအား ဒီမိုကရေစီ စနစ်သစ် ဆွမ်းစားပင့်ပြီးမှ ပြန်ကြွ

ကိုကျော်ကျော်သိန်း
ဗွီအိုအေ

သောကြာနေ့မနက် ၂ နာရီ ပတ်ဝန်းကျင်မှာ အာဏာပိုင်တွေက လာခေါ်သွားတဲ့ အရှင်ဂမ္ဘီရကို သောကြာနေ့ညဘက်မှာ မဂ္ဂင်ကျောင်းတိုက်ဆီ ပြန်ပို့ပေးခဲ့ပါတယ်။ အာဏာပိုင်တွေက ဘာ့ကြောင့် လာပင့်သွားတယ်၊ ဘယ်ကိုခေါ်သွားတယ်၊ ဘာတွေပြောဆိုခဲ့ကြတယ် ဆိုတာတွေကို တိတိကျကျ မသိရသေးပေမဲ့ သူ့ကို ကောင်းကောင်းမွန်မွန် ဆက်ဆံပြီး ကျန်းကျန်းမာမာလည်း ရှိနေပါတယ်လို့ ပြန်ရောက်လာပြီးတဲ့နောက် အရှင်ဂမ္ဘီရက ဖုန်းဆက် မိန့်ကြားခဲ့ကြောင်း အစ်မတော်ဖြစ်သူ မခင်သူဌေးက ပြောပါတယ်။ သောကြာနေ့ ညဥ့်နက်ပိုင်းမှာ ကိုကျော်ကျော်သိန်းက မခင်သူဌေးကို ဆက်သွယ် မေးမြန်းတဲ့အခါ အရှင်ဂမ္ဘီရ ပြန်ရောက်နေပြီ ဖြစ်ကြောင်း အတည်ပြု ပြောဆိုခဲ့ပါတယ်။

“၁၀ နာရီလောက်က ကျမဆီကို ဖုန်းဆက်ပါတယ်။ ဥပဉ္ဇင်းက လွတ်လာပြီဆိုတဲ့ အကြောင်းကို ဖုန်းဆက်ပြီး ကျမကို ပြောပါတယ်။ သောကြာနေ့ည ၁၀ နာရီပါ။”

ဥပဉ္ဇင်းကို လာခေါ်သွားတာ ဘယ်နေ့ ဘယ်အချိန်ကပါလဲခင်ဗျာ။ -

“သောကြာနေ့မနက် ၂ နာရီလောက်ကပါ။ လယ်တီ ကျောင်းတိုက်ကနေ လာခေါ်သွားတာရှင့်။”

ဘုန်းကြီးက သူ ကျောင်းကို ကောင်းကောင်းမွန်မွန် ပြန်ရောက်ပါပြီတဲ့။ ရောက်ပြီဆိုတာနဲ့ အဲဒါ ဥပဉ္ဇင်း ဘယ်ကို ခေါ်သွားတာလဲ ဆိုတော့ သူက မဟန ဆရာတော်ကြီးတွေနဲ့လည်း တွေ့ပြီးပါပြီတဲ့။ ဥပဉ္ဇင်းကို ကောင်းကောင်းမွန်မွန် ဆက်ဆံရဲ့လားဆိုတော့ ဆက်ဆံပါတယ်တဲ့။ အဲဒီလိုပဲ ပြောပါတယ်။ ဆရာတော်ကြီးတွေနဲ့တော့ အေးအေးဆေးဆေးပါပဲ တဲ့။”

ဒါဆို အစ်မနဲ့ စကားပြောပြီးတဲ့ နောက်ပိုင်းမှာ ဥပဉ္ဇင်း ဂမ္ဘီရက မဂ္ဂင်ကျောင်းတိုက်မှာ သတင်းပြန်သုံးပြီးပေါ့နော်။ -

“ဟုတ်ပါတယ်။”

မဂ္ဂင်ကျောင်းတိုက်ကို သူတို့ လာပို့သွားတာလား။ ဒါမှမဟုတ် ဦးပဉ္ဇင်းက ကိုယ့်ဘာသာကိုယ် ပြန်ကြွလာတာလား။ -

“သူတို့ ပြန်လာပို့တာလို့ ပြောတယ်။”

အရှင်ဂမ္ဘီရ ရဲ့ အစ်မတော်ဖြစ်သူ မခင်သူဌေးပါ။

အစိုးရအပြောင်းအလဲ ဖြစ်ခဲ့ပြီးတဲ့နောက် ဇန်န၀ါရီလ ၁၃ ရက်နေ့က လွှတ်ပေးခဲ့တဲ့ နိုင်ငံရေး အကျဉ်းသားတွေထဲမှာ ပါဝင်ခဲ့ပြီး မြောင်းမြထောင်ကနေ ပြန်လည် လွတ်မြောက်ခဲ့တာ ဖြစ်ပါတယ်။

စကားချပ်...

ဒီမိုကရေစီ စနစ်သစ် မှာ အာရုံဆွမ်း ပင့်တာနေ မှာပါ ပြောတဲ့ သက်ဝင်းရေ ...နေ့ ဆွမ်းပါ ပါသွားလို့  ကြာသွားတာဖြစ်မှာပါ..ဘာပဲဖြစ်ဖြစ်လေ... အဆင်ပြေပြေ ပြီးဆုံးသွားတာ စိတ်ချမ်းသာစရာပါ...

ဒီင်္မိုကရေစီ သွားရင်း အဆင်မပြေသော အထုံးလေးများ လျော့နည်းနိူင်ပါစေ..

2 comments:

  1. သြော် နေ့ဆွမ်းပါ ကပ်နေကြတာကိုး။ တော်သေးတာပေါ့ ည ပါ မကျိန်းလိုက်ရလို့။ :D

    ReplyDelete
  2. ညကျိန်းရင် ဥပဒေနဲ့ တော့ နည်းနည်း ညှိသွားနိူင်တာကိုး ဒီမိုကရေစီဖော်ဆောင်နေတာဆိုတော့...ကျောင်းအရောက် လိုက်ပင့် လိုက်လံပို့ ဆောင် တတ်တာရယ် ဆန္ဒစောတာလေးရယ်ပါ... အရုဏ်ဆွမ်းအမီကိုး ညနေ အအေးတွေ ဘာတွေ ကပ်ပြီးမှ ပြန် ပို့ တာနော် တစ်နေ့ တာ တာဝန် အကျေ ကို ယူတာ...ဒီမိုကရေစီ အစိုးရသစ် ကိုး

    ReplyDelete