မဇ္ဈိမ
“မုန်တိုင်းဖြစ်ဦးတော့မယ့် အခြေအနေတွေ ပြနေပြန်ပြီ" လို့ မိုးလေဝပညာရှင် ဒေါက်တာထွန်းလွင်ရဲ့ အင်တာနက် စာမျက်နှာမှာ ဒီကနေ့ ဖော်ပြထားပါတယ်။
မုန်တိုင်းဟာ ပင်လယ်အော်တောင်ပိုင်း လတ္တီကျု့ ၁ဝ၊ လောင်တ္တီကျု့ ၉ဝ လောက်မှာ ဖြစ်ပေါ်နေပြီး၊ လောလောဆယ် အနောက်ဘက်ကို ဦးတည်နေကြောင်းနဲ့ တကယ်လို့ ဒီမုန်တိုင်းဟာ ပြန်ကွေ့မယ်ဆိုရင် ရခိုင်ပြည်နယ်နဲ့ ဘင်္ဂလားဒေ့ရှ် နိုင်ငံတွေကို ဦးတည်နိုင်ကြောင်း ဒေါက်တာထွန်းလွင်က ခန့်မှန်းထားပါတယ်။
သူက ဆက်ပြီး “ကွေ့၊ မကွေ့က အဖြေပဲ။ ကွေ့မယ်ဆိုရင်တော့ ကျနော်တို့က အကြီးအကျယ် သတိထားရတော့မှာပဲ။ အနည်းဆုံး ၃ ရက်က ၄ ရက်လောက် ကြာဦးမယ်။ သတိကတော့ ဒီအချိန်ဖြစ်ရင် သတိထားရမယ်ဗျ။ ဒီအချိန်က မုန်တိုင်း အလုံး ၁ဝဝ မှာ ၈ လုံးလောက် ဝင်နိုင်တယ်ဆိုတော့ ဒီနိုဝင်ဘာမှာ သတိတော့ထားရမယ်။ ရာခိုင်နှုန်းတော့ မမြင့်ဘူး။ ဒါပေမဲ့ သတိတော့ထားရမယ်။ ပြင်းအားကတော့ ဒီအချိန်မှာ ရောက်တဲ့ကောင်တွေက ဆိုက်ကလုန်း (တနာရီ ၇၅ မိုင် ၈ဝ နှုန်း) အထိတော့ ရောက်မှာပဲ။ ပြန်ကွေ့မယ်ဆိုရင်တော့ ၁ဝဝ ကျော်သွားမယ်ဗျ” လို့ ပြောပါတယ်။
Subscribe to:
Post Comments (Atom)
No comments:
Post a Comment