ဟိုတယ်ဖြစ်လာမှာလား ဒူးယား ...သရဲခြောက်သော အိမ်သာ နှင့် ပိတ်ထားရသော အခန်း တစ်ခန်း

သတင်း တစ်ခုမှာ ဒူးယားဆောင်တို့  ပုပ္ပါးဆောင်တို့ ကို ဟိုတယ် လုပ်ဖို့ ကြိုးပမ်းနေတယ် ဆိုလို့ 
ဒူးယား မှာ ၁၉၉၃ ဖေဖော်ဝါရီ လ ကနေ ၁၉၉၆ အထိ အဆောင်နေလာခဲ့တော့ အဆောင် ကို စာသင်နှစ် ပုံမှန် ၄ တန်းစာပဲ နေရမှာဖြစ်ပေမဲ့
ဒူးယား မှာ အပျော်လွန်ပြီး တစ်တန်းစာ ပိုနေခဲ့ရတာကြောင့် ဒူးယား အကြောင်း တွေ့ ရမြင်ရ တာလေးတွေ ရေးချင်တာပါ။

တစ်တန်းစာ ပိုနေချိန်တွင်း မှာ နားလည်ပေးသော ကွယ်လွန်သွားပြီဖြစ်သော အဆောင်မှုးဆရာဦးဝင်းမြင့် အား ကျေးဇူးတင်အောက်မေ့သတိရလျက်ပါ...အဲဒီတုန်းက ဂျာမနီ မသွားခင်တောင် အစစ အရာရာ စီစဉ်ပေးသွားခဲ့တာပါ...ပုပ္ပါးအဆောင်မှုး ဆရာဦးစိုးလွင် ကြီးဆီတောင် အကူအညီ ရအောင် လုပ်ပေးခဲ့တာပါ...

အဲလို ဒူးယား မှာ နှစ်တွေ သူများထက်ပိုကြာရတော့ ဒူးယား ဆောင် အောက်ဆုံးထပ်က သရဲခြောက်တာလေး သတိရမိပါရဲ့ ...
အောက်ဆုံးထပ်မှာ အိမ်သာမှာ အိမ်သာတတ် အပေါ့သွား ရင် အပေါ့တွေသွား အိမ်သာတတ်ပြီး ရေတွေ လောင်းချပြီးရင် ပြန်လာတာနဲ့  အပြင် အဝရောက် ပြီဆိုတာ နဲ့  ဘယ်သူမှ အထဲမှာ မရှိဘဲ နဲ့  ရေ တွေ ဆွဲချတော့ တာပါပဲ...

အဲလိုရေဆွဲချတာ ကို ကြောက်လန့် ပြီးမယုံလို့ ဆိုပြီ တကယ်သွားကြည့်ပြီး ဖျားသွားတာ တစ်ယောက် ရှိပါတယ်...
သူကတော့ လတ်ကြီး ခေါ်တင်မောင်လတ် CIVIL နဲ့ ကျောင်းပြီးသွားပါပြီ...တကယ်ဖျားတာမဟုတ်ဖူး ထင်လို့  ထပ်စလိုက်မိတာ နောက်တစ်ခါထပ်ဖျားတော့ နောက်ဘယ်သူ ကို မှာ မပြောပဲ နေလာ လိုက်တာ အခုမှ သတိရလို့ ရေးမိတာပါ...

အဲလို အိမ်သာနဲ့ ပက်သက်လို့  အဆောင်မှာ ကဗျာရေးသူ တစ်ယောက် စာတိုလေးကို လည်း သတိရသလောက်ရေးပါရစေ ...

ခေါင်းစဉ် နဲ့ စာရေးသူ မမှတ်မိပေမဲ့ ...ကဗျာလေးကတော့....

ဝုန်းကနဲ ဖွင့်
ဒိုင်းကနဲ တွေ့ 
သရဲ ရေ မလောင်းခဲ့ ပါတကား။

....အဲဒီကဗျာလေး ကတော့ ဒူးယားမှာ မှတ်မှတ်ရရပေါ့...အဆောင် နှစ်ပတ်လည် ဒင်နာ မှာ နံရံကတ် လုပ်စဉ်မှာ တွေ့ ခဲ့ရတာပါ...
ကဗျာထဲ က မှားယွင်းမှု ရှိပါ ကအခုရေးသူ ကျွန်တော် မှားယွင်းမှုသာလို့ ပြောပါရစေ...မှတ်မိတာရေးရတာဆိုတော့လေ...

နောက်တစ်ခုကတော့
ပိတ်ထားတဲ့ အပေါ်ဆုံးထပ်က လမ်းမပေါ်ကို မြင်နေရတဲ့ အဆောင်မှုး အိမ်ဘက်ရောက်နေတဲ့ အ ပေါ်ဘက်က အခန်းပါ..
အဲဒီ အခန်း ကတော့ အစွန်ဆုံး အခန်းပါ..

အဲဒီ အခန်း ပိတ်ထားတော့ အဲဒီအခန်းကပ်နေတဲ့ သူက အဝတ်လှန်းဖို့  အခန်း ဖွင့်ချင်တယ်ဆိုလို့  ကျွန်တော် ကကောင်းပါမလားပြောပေမဲ့...
သူက ဘာမှမဖြစ်ပါဘူး ပြောတော့ အေးလေ မင်းသဘောပဲ

ဒါပေမဲ့ သူဟာသူဖွင့်တော့ မရတော့ အကူအညီတောင်းတော့ ဖွင့်တော့ ပေးလိုက်ပါတယ် အပြင်ဘက်ကသော့ခတ်ထားပေမဲ့
ဝရန်တာ ဘက်ကနေ ဖွင့်လိုက်တော့ ရပါတယ်...

ဒါပေမဲ့ စိတ်ကမသတီတော့ ခဏပဲ ကြည့်ပြီး နေလိုက်ပေမဲ့ သူကတော့ အခန်းထဲ ဝင်ပြီးဟိုရှင်းဒီရှင်းလုပ်ပြီ အဝတ်လှန်း ဖို့ လုပ်လိုက်တော့တာပါပဲ...

သူကတော့ မာမီမိုး ခေါ်အောင်လွှမ်းမိုး CIVIL နဲ့ ကျောင်းပြီးသွားလေရဲ့ ...

အဲလိုလုပ်ပြီး နောက်တစ်ရက် မှာ မာမီမိုးတစ်ယောက် ကောက်ကာငင်ကာ ဖျားတော့တာပါပဲ...

အဲလိုနဲ့  သူလည်း အခန်းတစ်ခါးပြန်စိ ပိတ်လိုက်ပြီ အခန်းထဲကို သူနေမကောင်းလို့ စားတဲ့ ပေါင်မုန့် လေးဖဲ့ ပြီး အခန်းထဲ ပစ်ထည့် လိုက်လုပ်လိုက်တော့ မှ သူလည်း သက်သာသွားတော့တယ်...

အဲလိုဖွင့်ပြီးတဲ့ညက သူ အိမ်မက်ဆိုးလိုလို ဘာလိုလို ဖြစ်တယ်တဲ့ ...

နောက်ပိုင်း အစားအစာလည်း ပေးလိုက်တော့မှ သက်သာ သွားတာတဲ့...

အဲဒီအကြောင်းကို အဆောင်မှုးကသိတော့ အဆောင်ထိန်း ဦးကျော်ကို အခန်းကို သော့ပြန်ဖွင့် ပြီး ဝရန်တာဘက်က တံခါး ကို သံနဲ့ အသေပိတ်တော့တာပါပဲ...

ဘာမေးမေး မပြောပေမဲ့... ဘယ်သူမှ ကိုလည်းမထား အသေပိတ်ထား တာပါ...

တစ်စုံတစ်ရာ အကြောင်းတော့ ရှိမှာပါ...

အခန်း ကို ဖွင့်ပေးမိတုန်း က စိတ်ထဲ တစ်မျိုး ချက်ချင်းဖြစ်သွား မိပေမဲ့ မာမီမိုးတော့ အဲလောက်ဖြစ်သွားလိမ့်မယ် မထင်ခဲ့တာပါ.. အဲဒီအခန်း ရှေ့ ကဝရန်တာ ကိုတောင်အဝတ်သွားတောင်မလှန်း ရဲတော့တာ အဲဒီ အတန်းပြီးတဲ့အထိပေါ့...

ဒီအကြောင်းတွေ ရေးတော့ တွေ့ ရတဲ့ အဖြစ်အပျက်ပါ....တခါတရံမှာ မထင်မှတ်တာတွေ ဖြစ်လာတာတွေ က အထူးအဆန်းပါ....ကြောက်စရာတွေတော့ မဟုတ်ပေမဲ့...

ကြောက်တတ်သူတွေ အတွက်တော့ စ စရာမဟုတ်သလို ...ခြောက်စရာမဖြစ်စေချင်ပါ...

ဒူးယားဆောင် ကတကယ်အဖြစ်အပျက်လေးပါ..... ဟိုတယ်လုပ်ရင်တော့ .မြန်မာပြည်ပြန်ရင်တော့ အမှတ်တရ သွားတည်းရဦးမယ်...အဆောင်က သရဲ ကြီး ရှိသေးရင် မပျင်းရဘူးပေါ့...