ပုသိမ်ရှုခင်းကြည့်ခရီးစဉ် ၁၀ ယောက်စီးလေယာဉ်ဖြင့် ပြေးဆွဲတော့မည်
Written by Mizzima Newsရန်ကုန် (မဇ္ဈိမ) ။ ။ ပုသိမ်-ငွေဆောင်-မော်တင် နှင့် ပုသိမ်- ငွေဆောင်- ချောင်းသာ- ပုသိမ် ရှုခင်းကြည့် ခရီးစဉ်အတွက်
မြန်မာ့လေကြောင်းက အောက်တိုဘာ ၁၈ ရက်က စတင်ကာ ၁၀ ယောက်စီး Grand Caravan လေယာဉ် စတင်ပြေးဆွဲမည် ဖြစ်သည်။
ရန်ကုန်လေဆိပ်တွင် ရပ်ထားသည့် ၁၀ယောက်စီး Grand Caravan လေယာဉ် တစ်စီးကို တွေ့ရစဉ်။ (ဓာတ်ပုံ - မြန်မာ့လေကြောင်း)
ယင်းခရီးစဉ်နှစ်ခုတွင် Promotion ကာလ၌ ပုသိမ်-ငွေဆောင်-မော်တင် ခရီးစဉ်အတွက် တစ်ဦး ကျပ် ၃၀၀၀၀၊ ပုသိမ်- ငွေဆောင်- ချောင်းသာ- ပုသိမ် ခရီးစဉ်အတွက် ၂၅၀၀၀ ဖြင့် ပျံသန်းပြေးဆွဲမည်ဟု နိုင်ငံပိုင် သတင်းစာတွင် ဖော်ပြထားသည်။
ထိုနေ့တွင်ပင် ရန်ကုန်- ပုသိမ် ခရီးစဉ်ကို Grand Caravan လေယာဉ်ဖြင့် ပျံသန်းမည်ဖြစ်ကာ သုံးသောင်းကျသင့်မည်ဖြစ်သည်။
ရန်ကုန်- ပုသိမ် ခရီးစဉ်အတွက် ရန်ကုန်မှ နံနက် ၈နာရီတွင် ထွက်ခွာမည်ဖြစ်ပြီး ပုသိမ်မှ ရှုခင်းကြည့် ခရီးစဉ်များကို သောကြာ၊ စနေ၊ တနင်္ဂနွေ နေ့များတွင် ခရီးသည်လိုအပ်ချက် ရှိသလောက် ပျံသန်းပြေးဆွဲမည်ဖြစ်သည်။
No comments:
Post a Comment