ပင်မစာမျက်နှာ မြန်ပြည်သတင်း နိုင်ငံတကာသတင်း ဓာတ်ပုံ ဗီဒီယို ဆောင်းပါး ၀တ္တု ကဗျာ ဟာသ မြင်ကွင်း ပျိုး

Thursday, October 28, 2010

မန္တလေးမီး လူဦးရေ ၁၂ဝ ကျော် အိုးအိမ်မဲ့

ဆလိုင်း ဟံသာစန်း
(မဇ္ဈိမ)
မန္တလေးတိုင်း အောင်မြေသာစံမြို့၌ လူဦးရေ ၁၂ဝ ကျော် အိုးအိမ်မဲ့ဖြစ်စေသည့် မီးလောင်မှုတရပ် ယမန်နေ့ ညနေတွင် ဖြစ်ပွားခဲ့သည်။

ညနေ ၃ နာရီ ၄၅ မိနစ်ခန့်တွင် အမဲရိုးတန်းရပ်ကွက်ရှိ နေအိမ်တလုံးမှ စတင်ခဲ့ရာ အိမ်ခြေ ၂၂ လုံး လောင်ကျွမ်းခဲ့ပြီး၊ နယ်မြေခံ မီးသတ်ကားများ ငြှိမ်းသတ်သဖြင့် မိနစ် ၃ဝ ခန့်အကြာ၌ မီးညွန့်ကျိုးခဲ့သည်။

“အိပ်ခန်းထဲမှာ ခြင်ဆေးခွေထွန်းပြီး ကလေးတွေနဲ့ ထားခဲ့တာ။ အဲဒီခြင်ဆေးခွေက စလောင်တာ။ အိမ် ၂၂ လုံး ပါသွားတယ်။ ဆုံးရှုံးမှုတန်ဖိုးတော့ တွက်နေတုန်းပါပဲ” ဟု မန္တလေး ဗဟိုမီးသတ်ဌာနမှ တာဝန်ကျ အရာရှိတဦးက ပြောသည်။

အောင်မြေသာစံမှ ဒေသခံတဦးက “မီးလောင်တဲ့ နေရာက ကျမတို့နဲ့ နီးတယ်။ ဟိုဘက်ရပ်ကွက်ပေါ့။ အိမ် ၂၂ လုံး ပါသွားတယ်။ ရပ်ကွက်ကတော့ လက်လုပ်လက်စားတွေ အများစုနေကြတဲ့ ရပ်ကွက်ပါ” ဟု ပြောသည်။

မီးဘေးသင့် အိမ်ထောင်စု ၃၄ စုကို ၂၂ လမ်းနှင့် ၈၆-၈၇ လမ်းကြားရှိ ရွှေအံတော်ဘုရား ဓမ္မာရုံတွင် ယာယီနေထိုင်ရန် ဒေသအာဏာပိုင်များက ဒုက္ခသည်စခန်း ဖွင့်လှစ်ပေးထားသည်။

Tuesday, October 26, 2010

၂၀၁၀ ခုနှစ်၊ အောက်တိုဘာလ (၂၂) ရက်နေ့  မုန်တိုင်း ဂီရိ တိုက်ခတ်ခံရပြီးကာစ ရခိုင်ပြည်နယ် ကျောက်ဖြူဒေသ၏ အခြေအနေမြင်ကွင်း ဓါတ်ပုံမှတ်တမ်းများ။







ဓါတ်ပုံမှတ်တမ်းများအတွက် ကိုကျော်ဇောဝင်းနှင့် ဒီမိုဝေယံတို့ အား အထူးကျေးဇူးတင်ရှိပါသည်)။
နစ်နေမန်း ထံမှရယူဖော်ပြသည်။

နိုဝင်ဘာတွင် မုန်တိုင်း လာရန်ရှိသေးဟု ဒေါက်တာထွန်းလွင် ပြော



တက်လူ


ရွေးကောက်ပွဲ ပြုလုပ်မည့် နိုဝင်ဘာလတွင် မုန်တိုင်းတခု ထပ်ဖြစ်ရန်ရှိနေကြောင်း မိုးလေ၀သနှင့်ဇလဗေဒပညာရှင် ဒေါက်တာထွန်းလွင်က ပြောကြားသည်။

၂၀၁၀ ပြည့်နှစ်နှင့် သဏ္ဍာန်တူနှစ်များ (analogueyears) ရွေးချယ်လေ့လာမှုအရ နိုဝင်ဘာလအတွင်း မုန်တိုင်းဖြစ်ရန် အလားအလာတွေ့ရှိချက်မှာ (၆၀) ရာခိုင်နှုန်း ရှိနေကြောင်း ဒေါက်တာထွန်းလွင်က ပြောသည်။

၎င်းက “နှစ်တွေအားလုံးက ဘင်္ဂလားပင်လယ်အော်မှာ မုန်တိုင်း (၆) ကြိမ်ဖြစ်ခဲ့တယ်လို့ ဖော်ပြနေပါတယ်။ ပြီးခဲ့တဲ့ ဂီရိ အပါအ၀င်မှာ ဒီနှစ်ထဲမုန်တိုင်းက (၄) ကြိမ်သာဖြစ်ပါသေးတယ်” ဟု ပြောသည်။

လတ်တလော ဘင်္ဂလားပင်လယ်အော်အခြေအနေမှာ လေထုမငြိမ်သက်မှုများဖြစ်နေကာ ပင်လယ်ရေအပူချိန် ပြန်လည်မြင့်တက်နေကြောင်း၊ ကပ္ပလီကျွန်းစုဧ။်တောင်ဖက်အစွယ်တွင် ပင်လယ်ရေအပူချိန်များ တက်နေသည်ကို အထူးဂရုပြု စောင့်ကြည့်ရန်လိုနေကြောင်းလည်း ၎င်းကပြောသည်။

“မိုးလေ၀သ သတင်းတွေကို အမှန်အတိုင်း ပြည်သူတွေသိနိုင်ဖို့ ကျနော်ထွန်းလွင်ကလည်း အင်တာနက်မှာ သတင်းတွေကို အချိန်နဲ့တပြေးညီ တင်ပြနေပါတယ်” ဟု ဒေါက်တာထွန်းလွင်က ပြောသည်။

နိုဝင်ဘာလသည် မြန်မာ့မုန်တိုင်းသမိုင်းတွင် မုန်တိုင်းများဖြစ်တတ်သောလ ဖြစ်ပြီး ထိုလတွင် မြန်မာနိုင်ငံကိုလည်း မုန်တိုင်းဝင်တတ်သောလ ဖြစ်ကြောင်း၊ ထို့ကြောင့် အရေးကြီးကြောင်း ၎င်းကဆက်လက်ပြောသည်။

မြန်မာနိုင်ငံတွင် ၂၀၀၆ ခုနှစ်ကစကာ နှစ်စဉ်ဆက်တိုက် မုန်တိုင်းဖြတ်နေပြီး အောက်တိုဘာ (၂၂) ရက်နေ့က ရခိုင်ပြည်နယ်ကိုဝင်ခဲ့သော မုန်တိုင်းနှင့်ဆိုပါက မုန်တိုင်း (၅) လုံးရှိကြောင်း သိရသည်။

၂၀၀၈ခု နှစ်ကတိုက်ခဲ့သော ဆိုင်ကလုန်းနာဂစ်ကြောင့် ဧရာဝတီတိုင်းနှင့် ရန်ကုန်တိုင်းအတွင်း လူပေါင်းများစွာ သေဆုံးခဲ့ရသည်။

ပြီးခဲ့သည့် အောက်တိုဘာ (၂၂) ရက်နေ့က ရခိုင်ပြည်နယ် ကျောက်ဖြူမြို့အနီးမှဖြတ်သွားသော ဆိုင်ကလုန်းဂီရိကြောင့် ကျောက်ဖြူ၊ မြေပုံမြို့များ အပျက်စီးများကာ ယင်းမုန်တိုင်းနှင့်ပတ်သက်ပြီး အသေအပျောက်ရှိသည်။

ရေနံပိုက်လိုင်း ပေါက်ကွဲမှု၊ မီးစွယ်ကျသွားပြီ

ကိုဝိုင်း (မဇ္ဈိမ)
မကွေးတိုင်း ပခုက္ကူခရိုင် မြစ်ခြေတိုက်နယ်ပိုင် ညောင်လှရွာအနီးရှိ ရေနံပိုက်လိုင်း ယမန်နေ့ညပိုင်းတွင် ပေါက်ကွဲမီးလောင်ခဲ့ရာ ယခုအခါ မီးစွယ်ကျသွားပြီဟု မြစ်ခြေရဲ အဆိုအရ သိရသည်။

သက်တမ်း ၁ဝ နှစ်ကျော်ရှိ ကျောက်ခွက်-အရာတော် ၁ဝ လက်မ ရေနံပိုက်လိုင်း ဂဟေဆက်မှ ယိုထွက်လာသော ရေနံစိမ်းများကို အနီးနားရှိ ရွာသားများ ခပ်ယူရာမှ ယမန်နေ့ ည ၇ နာရီခန့်တွင် ပိုက်လိုင်းပေါက်ကွဲခြင်း ဖြစ်သည်။

“ဖြစ်တဲ့နေရာကနေ ဘယ်မှလည်း ထပ်မကူးပါဘူး။
ရေနံပိုက်လိုင်း ပေါက်ကွဲမီးလောင်သည့် မြင်ကွင်းအားတွေ့ရစဉ်
မီးက ဆီရဲ့ အနည်အနှစ်လို့ ပြောရမလား မသိဘူး။ မြေကြီးထဲဝင်တဲ့ အဆီအနှစ်တွေက ထပြီးတော့မှ ငြိမ်းလည်း မငြိမ်းနိုင်ဘူးလေ။ နည်းနည်းစီတော့ လောင်နေတာ။ အန္တရာယ်များလှအောင်တော့ မလောင်ဘူးပေါ့။ လုံးလုံးကြီးလည်း မငြိမ်းဘူး။ မြေထိုးစက်နဲ့တော့ မြေနဲ့ ဖို့နေတာပေါ့” ဟု အမည်မဖော်လိုသည့် မြစ်ခြေရဲစခန်းမှ ရဲတဦးက ပြောသည်။

ချောက်၊ ပခုက္ကူ၊ ကျွန်းချောင်း၊ မြစ်ခြေတို့မှ မီးသတ်ကား ၅-၆ စီးခန့် သွားရောက်ငြှိမ်းသတ်ခဲ့ခြင်း ဖြစ်သည်။

ရေနံပိုက်လိုင်း မီးလောင်သဖြင့် ရေနံခပ်သူ ညောင်လှ၊ သိမ်တော်၊ ညောင်နီပင်၊ အိုင်ကြီး၊ ကန်ကြီးစု ရွာစဉ်မှ ရွာခံများ အနည်းဆုံး ၁၃ ဦး သေဆုံးကာ ဒဏ်ရာပြင်းထန်သူ ၁ဝဝ ဦးခန့်ရှိကြောင်း မြစ်ခြေရဲနှင့် နှင့် မြစ်ခြေဆေးရုံထံမှ စုံစမ်းသိရသည်။

“သံဆိုပေမယ့် ကြာတော့ နည်းနည်းဆွေးလာတာပေါ့။ ဒီနှစ် ချောင်းကလည်းကြီး၊ ကျောက်ကမ်းပါးတွေ ပြိုနဲ့။ အဲဒီ အပေါက်ကနေပြီး ယိုတာ။ အဲဒါ အလုအယက် ကျုံးရင်းကနေ မသိနားမလည်တဲ့ လူက ဆေးလိပ်ကြီးဖွာပြီးတော့မှ ရောက်သွားပုံရတယ်။ အဲဒါကနေ ထလောင်သွားတာပေါ့။ ၁၃ ယောက်လောက် သေတယ်။ အမှုတော့ မဖွင့်သေးဘူး” ဟု မြစ်ခြေရဲကပြောသည်။

မီးခိုးတလူလူနှင့် ရေနံပိုက်လိုင်းပေါက်ကွဲမှု
် “အဲဒီမှာတင် ၆ လောင်းလောက် တွေ့ခဲ့သေးတယ်။ လူနာတွေက အရေပြားတွေ လုံးလုံးလောင်ပြီး အဖြူကြီးတွေ ဖြစ်နေတာပေါ့။ တချို့ဆိုရင် ဆံပင်က နည်းနည်းပဲ ကျန်တော့တယ်။ ကလေးလူကြီး။ အမျိုးသားများတယ်။ အမျိုးသမီးလည်းပါတယ်” ဟု သူက ပြောသည်။ ဒဏ်ရာရရှိသူများကို မြစ်ခြေ၊ ကျွန်းချောင်းနှင့် ပခုက္ကူဆေးရုံများတွင် ကုသပေးနေသည်ဟု ဆိုသည်။

ကုတင် ၁၆ လုံးဆန့် မြစ်ခြေတိုက်နယ်ဆေးရုံမှ ဆေးဝန်ထမ်းတဦးကလည်း ဖြစ်ခါစတွင် လူနာ ၆၂ ဦး ရောက်လာပြီး ယင်းမှ အသည်းအသန်လူနာ ၄၇ ဦးကို ပခုက္ကူဆေးရုံသို့ ပို့ထားပြီးဖြစ်ကြောင်းနှင့် မြစ်ခြေဆေးရုံ၌ အမျိုးသားတဦး၊ အမျိုးသမီးတဦး သေဆုံးသွားကြောင်း ပြောသည်။

မီးလောင်မှုနှင့် ဒဏ်ရာရရှိသူများ အခြေအနေကို ထပ်မံသိရှိနိုင်ရန် ပခုက္ကူမီးသတ်နှင့် ပခုက္ကူဆေးရုံသို့ ဆက်သွယ်သော်လည်း မရပါ။

ရေနံစိမ်းဈေး တဂါလန်ကို ၂၅ဝဝ ကျပ်ခန့်ရှိသဖြင့် သွားရောက်ခပ်ယူကြခြင်းဖြစ်ပြီး ယခုကိစ္စ မတိုင်မီ ၁ဝ ရက်ခန့်ကလည်း ဓာတ်မြေသြဇာစက်ရုံဝန်ထမ်း အများစုနေသည့် ကျွန်းချောင်းတွင် ရေနံပိုက်လိုင်း ပေါက်ခဲ့သေးသော်လည်း မီးလောင်မှု မဖြစ်ခဲ့ဟု ဒေသခံတဦးက ပြောသည်။

လိုင်ဇာဈေးမီး ကျပ်သိန်း ၃ သောင်းကျော် ဆုံးရှုံး

မီးကိုအားကြိုးမာန်တက် ကြိုးစားငြိမ်းသတ်နေသော ဒေသခံများ (www.kachinnet.net)


ဖနိဒါ (မဇ္ဈိမ)
တရုတ်-မြန်မာနယ်စပ် ကချင်ပြည်နယ် လိုင်ဇာမြို့ရှိ အမှတ် ၁ ဈေး ယနေ့နံနက် မီးလောင်ခဲ့ရာ ကျပ်သိန်း ၃ သောင်းကျော် ဆုံးရှုံးကြောင်း ကချင်လွတ်မြောက်ရေးအဖွဲ့ (ကေအိုင်အို) အဆိုအရ သိရသည်။

အထည်အလိပ်၊ အလှပြင် ပစ္စည်းများ၊ ဆေးဆိုင်များ၊ အိုးခွက်ရောင်းဆိုင်နှင့် ရွှေဆိုင်များ အပါအဝင် ဆိုင်ခန်းပေါင်း ၁ဝ၆ ခန်း လောင်ကျွမ်းသွားပြီး၊ လူနေအိမ် ၉ လုံးနှင့် ရပ်ကွက် (၂) ရယက ရုံးတရုံး မီးထဲပါသွားသည်ကို ဒေသဆိုင်ရာ အာဏာပိုင် ကေအိုင်အိုက ဆုံးရှုံးမှုတန်ဖိုးကို ခန့်မှန်းပြောဆိုခြင်း ဖြစ်သည်။

’’ဆုံးရှုံးမှု တန်ဖိုးက ဗမာငွေ ကျပ် သိန်းပေါင်း ၃
သောင်းကျော်လောက်လို့ ကျနော်တို့ ခန့်မှန်းထားတယ်’’ ဟု လိုင်ဇာမြို့ချုပ်ရေးမှူးနှင့် မီးဘေးကယ်ဆယ်ရေး ကော်မတီ အတွင်းရေးမှူး ဗိုလ်မှူးကြီး နော်အောန်က ပြောသည်။

ယမန်နေ့ည သန်းခေါင်ယံ ၁၂ နာရီခွဲမှ ယနေ့နံနက် ၃ နာရီအထိ မီးလောင်ခဲ့ရာ ဒေသတွင်း မီးသတ်ကားများ လာရောက်ငြှိမ်းသတ်ခဲ့ကြသည်။

တရုတ်ဇနီးမောင်နှံ၏ အထည်အလိပ်ဆိုင်ခန်း နံပါတ် C-7 မှ စတင်မီးလောင်ကြောင်း မီးဘေးသင့် ဆိုင်ရှင်များက ပြောဆိုကြသည်။

“တရုတ်လင်မယားနှစ်ယောက်က အမွှေးတိုင်ထွန်းထားတာ။ အမွှေးတိုင်ကနေ ကူးစက်ပြီးတော့ မီးလောင်တယ်လို့ ကျနော်တို့ သိထားတယ်” ဟု လိုင်ဇာဒေသခံတဦးက ပြောသည်။ သို့သော် မဇ္ဈိမအနေဖြင့် သီးခြား အတည်ပြုနိုင်ခြင်း မရှိသေးပါ။

တရုတ်နိုင်ငံသားဖြစ်သူ ၎င်းဇနီးမောင်နှံမှာ ထွက်ပြေးတိမ်းရှောင်သွားသဖြင့် ဖမ်းဆီးအရေးယူပေးရန် တရုတ်နိုင်ငံခြား ဆက်ဆံရေးရုံး၊ အုပ်ချုပ်ရေးရုံး၊ နယ်စပ်ကုန်သွယ်ရေး ရုံးများသို့ ကေအိုင်အိုက အကြောင်းကြားခဲ့သည်။

မီးဘေးဒုက္ခသည်များ ခိုလှုံမည့်နေရာနှင့် ကျန်းမာရေးဆိုင်ရာ အကူအညီပေးရန်အတွက် ကေအိုင်အိုက ကယ်ဆယ်ရေး ကော်မတီတရပ်ကို ယနေ့ ဖွဲ့စည်းသည်။

ဆိုင်များ၌ပင် နေထိုင်သဖြင့် လူပါ မီးဘေးဒုက္ခသည်ဖြစ်သူ ၆၇ ဦးကို လိုင်ဇာဟိုတယ်၊ ကချင်နှစ်ချင်း ခရစ်ယာန် ဘုရားကျောင်းဝင်းနှင့် လိုင်ဇာမြို့ အထက်တန်းကျောင်းတွင် ကယ်ဆယ်ရေးစခန်းများ ဖွင့်ထားပြီး ကေအိုင်အိုက ကျပ်သိန်း ၁ဝဝဝ ထောက်ပံ့မည်ဟု ဆိုသည်။

မီးလောင်မှုနှင့် တိုက်ဆိုင်စွာပင် ယနေ့တွင် ကေအိုင်အို၏ နှစ် ၅ဝ ပြည့် အခမ်းအနားကို လိုင်ဇာမြို့ မနောကွင်းရှိ ဆင်ပရောမဂျွယ် Sinpraw Majoi ခန်းမ၌ ကျင်းပရာ အဖွဲ့ ဥက္ကဋ္ဌ မိန့်ခွန်းကို ပညာရေးဌာနမှ ဆရာကြီး ခွန်နောင်က ဖတ်ကြားခဲ့သည်။

Saturday, October 16, 2010

မောင်းသူမဲ့ တိုက်လေယာဉ်များ၏ အနာဂတ် ကောင်းကင်

ဈေးကွက်ဂျာနယ်
အေးထွန်းမင်း
၂ဝ၁ဝ ခုနှစ်၊ ဇွန်လ။

နယူးယောက်မြို့ လူအစည်ကားဆုံးနေရာ တိုင်းမ်းစကွဲယားတွင် အစ္စလာမ စစ်သွေးကြွ တစ်ဦးဖြစ်သူ ရှားဇတ် Shahzad က ကားဗုံးထောင်ခဲ့သည်။ ကံကောင်းထောက်စွာဖြင့် အာဏာပိုင်များက လက်ဦးသွားသည်။

တရားရုံးတွင် တရားသူကြီးက ယင်းသို့ ဗုံးထောင်ခြင်းဖြင့် အပြစ်မဲ့သူ သက်ကြီးရွယ်အို၊ အမျိုးသမီးနှင့် ကလေးများ သေဆုံးကြမည်ကို မသိသလောဟု မေးမြန်းရာ ရှားဇတ်က '' နေ့စဉ်နေ့တိုင်း အီရတ်နဲ့ အာဖဂန်မှာ မောင်းသူမဲ့ လေယာဉ်တွေဟာ ကလေး လူကြီး မိန်းမ မရွေးဘဲ၊ တိုက်ခိုက် ပစ်သတ်နေတယ်။ ဒါဟာ စစ်ဖြစ်နေတာ''ဟု ထွက်ဆိုခဲ့ သည်။

အမေရိကန်သည် မောင်းသူမဲ့လေယာဉ် Unmanned Ariel Vehicle –UAV အများအပြားကိုအသုံးပြုလျက် ကလေး၊ လူကြီး မခွဲဘဲ ယီမင်၊ အာဖဂန်၊ ဆိုမာလီယား၊ အီရတ်နှင့် ပါကစ္စတန်လူမျိုးစုများ နေထိုင်ရာဒေသတို့တွင် တိုက်ခိုက်နေ ခြင်းကြောင့် ခံပြင်းမိကြောင်း။ ထို့ကြောင့် ဗုံးခွဲရန် ကြံစည်ခြင်း ဖြစ်ကြောင်း ရှားဇတ်က ထွက်ဆိုသည်။

ပစ်မှတ်ကို တိုက်ခိုက်ခြင်းကြောင့် အပြစ်မဲ့သူများ သေဆုံး ရခြင်းကို အမေရိကန်က မတော်တဆ သေကျေမှုဟုဆိုသည်။ ဝေဖန်သူများကမူ မတော်တဆ လူသတ်ပွဲဟု စွပ်စွဲသည်။

ပထမနှင့် ဒုတိယ ပင်လယ်ကွေ့စစ်ပွဲတွင် မောင်းသူမဲ့ လေယာဉ် UAV ၏ အသုံးဝင်မှု၊ ရန်သူကို ထိရောက်စွာ ထိုးနှက်တိုက်ခိုက်နိုင်မှုကို အထင်အရှား သက်သေထူနိုင်ခဲ့ပြီ ဖြစ်သည်။

၂ဝ၁ဝ ခုနှစ် သြဂုတ်လ ၂၄ ရက်နေ့တွင် အမေရိကန် UAV များလက်ချက်ဖြင့် အကြမ်းဖက်သမားဟု မသင်္ကာသူ ၁၃ ဦးနှင့် အရပ်သား ခုနှစ်ဦး သေဆုံးခဲ့ရကြောင်း ပါကစ္စတန် ဒေးလီးတိုင်းသတင်းစာကဖော်ပြသည်။ ပါကစ္စတန်မြောက် ပိုင်း ဝါဇီရစ္စတန်ပြည်နယ်တွင် UAV ဖြင့် တိုက်ခိုက်မှုသည် နေ့စဉ်လို ဖြစ်ပွားနေသည်။ ယင်းသို့ မောင်းသူမဲ့ လေယာဉ်များကို ကျယ်ပြန့်စွာ သုံးစွဲလာခြင်းသည် အနာဂတ်စစ်ပွဲများတွင် အဆုံးအဖြတ်ပေးမည့် စစ်လက်နက် ဖြစ်လာနိုင်သည့် အရိပ်အရောင်ပင် ဖြစ်တော့သည်။ သမ္မတ အိုဘားမား လက်ထက်တွင် မောင်းသူမဲ့လေယာဉ် အသုံးပြုမှု အဆမတန်တိုး ပွားလာသည်။ အထူးသဖြင့် လွန်ခဲ့သည့် ဒီဇင်ဘာလတွင် ပါကစ္စတန်၌ စီအိုင်အေ အေးဂျင့်ခုနှစ်ဦး အသေခံတိုက် ခိုက်ခြင်းခံခဲ့ရပြီးနောက် UAV အသုံးပြု တိုက်ခိုက်မှုသည် တစ်ပတ်လျှင် တစ်ကြိမ်မှသည် တစ်နေ့လျှင် တစ်ကြိမ်အထိ ခုနစ်ဆနီးပါး တိုးတက်များပြားလာခဲ့သည်

ကုလသမဂ္ဂ အထူးအစီရင်ခံစာ တင်သွင်းသူ အမေရိကန် ကိုယ်စားလှယ် ဖိလစ် အယ်လ်စတွန် Philip Alston က မောင်းသူမဲ့ နည်းပညာသည် ယခုအခါ နိုင်ငံပေါင်း လေးဆယ်ကျော်၏ လက်ဝယ်တွင် ရှိနေပြီဟု ဆိုသည်။ စိုးရိမ်ဖွယ်ကောင်း သည့်အချက်မှာ အကြမ်းဖက်အဖွဲ့ဖြစ်သည့် ဟဇ္ဇဘိုလာ လက်တွင်လည်း မောင်းသူမဲ့ နည်းပညာရှိနေခြင်းဖြစ်သည်။ ဟဇ္ဇဘိုလာသည် မောင်းသူမဲ့ လေယာဉ်ကို အသုံးပြုလျက် အကြမ်းဖက်တိုက်ခိုက်မှုများ ပြုလုပ်လာမည်မှာ ဧကန်မုချ ဖြစ်သည်။

တောတောင် ထူထပ်သည့်နေရာ၊ နှိမ်နင်းရန် ခက်ခဲသည့်နေရာများတွင် ခိုအောင်းနေသည့် သူပုန်များကို ရင်ဆိုင်နေရသည့် အယ်လ်ဂျီးရီးယား၊ ကိုလံဘီယာ၊ တူရကီနှင့် အိန္ဒိယတို့ သည်လည်း UAV ကို အသုံးပြုလာ ကြမည်ဟု မှန်းဆနိုင်သည်။

ထိုနိုင်ငံများရှိ အကြမ်းဖက် သမားများသည် နယ်စပ်ဒေသနှင့် တစ်ဘက်နိုင်ငံတို့တွင် ပုန်းအောင်းခို လှုံလေ့ရှိကြသည်။ ယင်းသို့သော အခြေအနေတွင် မောင်းသူမဲ့ လေယာဉ်သည် အသုံးအတည့်ဆုံး ဖြစ်လာသည်။ မိမိတပ်များဖြင့် တစ်ဘက် နယ်မြေထဲသို့ ကျူးကျော်ဝင်ရောက် ခြင်းထက် မောင်းသူမဲ့ဖြင့် တိုက်ခိုက်ခြင်းကို ကျူးကျော်မှုဟု တစ်ဘက်က စွပ်စွဲလာလျှင်လည်း ရှောင်ကွင်းနိုင်သည်။ မောင်းသူမဲ့ လေယာဉ်ပျက် ကျစေဦးတော့ စွပ်စွဲခံရသူက မိမိ၏ လေယာဉ်မဟုတ်ပါဟု ဗြောင်ငြင်းနိုင်သည်။ လေယာဉ်မှူးနှင့် လေယာဉ် သားများ အဖမ်းခံရရန်လည်း အကြောင်းမရှိပေ။

မကြာသေးမီက ဒူဘိုင်းတွင် ဟားမာ့စ် ခေါင်းဆောင် မာမွတ် အယ်လ်မက်ဟူးကို အစ္စရေးထောက် လှမ်းရေးတို့က သတ်ဖြတ်ခဲ့မှုသည် ဟိုးလေးတကျော် ဖြစ်ခဲ့ရသည်။ နိုင်ငံများ၏ ဆန့်ကျင်ပြစ်တင်မှုကိုလည်း ခံခဲ့ရသည်။ ဗြိတိန်၊ အိုင်ယာလန်နှင့် သြစတေးလျားတို့မှ အစ္စရေး သံတမန် တစ်ဦးစီ နှင်ထုတ်ခံခဲ့ရသည်။

နောင်တွင် ယင်းကဲ့သို့ လက်မရွံ့ အေးဂျင့်များ စေလွှတ်၍ လုပ်ကြံခိုင်းရန် မလိုတော့ပေ။ မောင်းသူမဲ့ လေယာဉ်ဖြင့် ကိစ္စတုံး ဆောင်ရွက်နိုင်ကြ တော့မည်။

ဝါရှင်တန်တိုင်း သတင်းစာ၏ အဆိုအရ ၂ဝ၁ဝ ခုနှစ် ဖေဖော်ဝါရီလ တွင် အစ္စရေး လေတပ်က စတင် အသုံးပြုနေသည့် မောင်းသူမဲ့ Heron TP လေယာဉ်သည် အီရန်နိုင်ငံ အတွင်းရှိပစ်မှတ်များကိုပင်တိုက်ခိုက် နိုင်စွမ်းရှိသည်ဟု သိရသည်။ အီရန် ကလည်းမောင်းသူမဲ့လေယာဉ်များ ထုတ်လုပ်လျက်ရှိသည်။ ထိုလေယာဉ် များသည် အစ္စရေးနိုင်ငံတွင်းရှိပစ် မှတ်များကို တိုက်ခိုက်နိုင်စွမ်းရှိသည် ဟု ဖောက်စ် သတင်းဌာနက ဖော်ပြ သည်။

အီရန်တို့ ပထမဆုံး ထုတ်လုပ်ခဲ့သည့် Karrar မောင်းသူမဲ့ လေယာဉ်သည် ကီလိုမီတာတစ်ထောင် (မိုင် ၆၂ဝ)အကွာအဝေးသာ ရောက်နိုင်သဖြင့် အစ္စရေးအထိ မပျံသန်းနိုင်သော်လည်း ပင်လယ်ကွေ့အတွင်းရှိ အမေရိကန် တပ်များကိုတော့ အန္တရာယ် ပေးနိုင်စွမ်း ရှိသည်။

အစ္စရေး (သို့) အမေရိကန် သည် အီရန်နှင့် စစ်ရေးအရ ရင်ဆိုင် ကြမည်ဆိုပါက နှစ်ဘက်စလုံးက မောင်းသူမဲ့ လေယာဉ်များကို အသုံးချလာကြမည် ဖြစ်သည်။ UAV သည် တစ်ချိန်တစ်ခါက သိပ္ပံစိတ်ကူးယဉ် ဝတ္ထုထဲတွင်သာ ရှိခဲ့သော်လည်း ယခုအခါတွင်မူ နေ့စဉ်ရင်ဆိုင်နေရသော လက်တွေ့အရှိတရား ဖြစ်လာနေသည်။

အီရတ်နှင့် အာဖဂန်တွင် UAV များ၏ အစွမ်းထက်ပုံကို ပြသနိုင်ခဲ့ပြီ ဖြစ်သဖြင့် လူကြိုက်များလာသည်။ စစ်သုံး UAV ထုတ်လုပ်မှု တန်ဖိုးသည် ၁၉၉၂ ခုနှစ်တွင် ဒေါ်လာသန်း ၂၅ဝ ဖိုးရှိသည်။ ၁၉၉၇ ခုနှစ်တွင် ဒေါ်လာ သန်း ခြောက်ရာဖိုးမျှ ရှိလာသည်။ ၂ဝဝ၈ ခုနှစ်တွင် အမေရိကန် ဒေါ်လာ ၃.၄ ဘီလီယံရှိသည်။ ၂ဝ၂ဝ ပြည့် နှစ်ရောက်လျှင် UAV ဈေးကွက် သည် ဒေါ်လာ ၅၅ ဘီလီယံဖိုးမျှ ရှိလာမည်ဟု ခန့်မှန်းထားကြသည်။

အမေရိကန်မှအပ အခြားနိုင်ငံများသည် မောင်းသူမဲ့ နည်းပညာကို ရရှိကြစေကာမူ အမေရိကန်ကဲ့သို့ ကမ္ဘာအနှံ့ဖြန့်ကျက် အသုံးပြုနိုင်ဦးမည် မဟုတ်ပေ။ မိမိနယ်နမိတ် အနီးပတ်ဝန်းကျင်တွင်သာ အသုံးပြုနိုင်ကြမည် ဖြစ်သည်။ ကမ္ဘာအနှံ့ ဖြန့်ကျက် အသုံးပြုနိုင်ရန် ကမ္ဘာအနှံ့တွင် စစ်စခန်းများ၊ ကွန်းထောက်လေယာဉ်တင် သင်္ဘောများ၊ အစွမ်းထက်သော ကိုယ်ပိုင်ဆက်သွယ်ရေး ဂြိုဟ်တုများ ရှိရမည်။

မောင်းသူမဲ့ လေယာဉ်ကို စစ်ရေးအရ အသုံးပြုရန် နည်းပညာနှင့် ငွေကြေး အမြောက်အမြား လိုအပ်သည်။ မောင်းသူမဲ့ လေယာဉ် လွှတ်တင်ခြင်း လုပ်ငန်းစဉ်သည် များစွာ ရှုပ်ထွေးသည်။

နီဗားဒါးပြည်နယ် နီးလစ် လေတပ်စခန်းရှိ နောက်တွဲယာဉ် နှစ်စင်း အတွင်းမှနေ၍ အီရတ်နှင့် အာဖဂန်ရှိ့ ဗဠ စစ်ဆင်ရေးကို တိုက်ရိုက်ကွပ် ကဲလျက်ရှိသည်။ ကမ္ဘာ၏ တစ်ဘက် ခြမ်းတွင်ပျံသန်းနေသော မောင်းသူမဲ့ လေယာဉ်များကို ကွပ်ကဲနေခြင်းဖြစ် သည်။

အဆိုပါ နောက်တွဲယာဉ် နှစ်စင်းသည် အမေရိကန် ပည်တွင်ရှိနေသော်လည်း အာဖဂန်ရှိ၌ တိုက်ပွဲဆင် နေသော UAV ကိုကွပ်ကဲနေသည့် နောက်တွဲယာဉ်သည် မြောက်ကမ္ဘာခြမ်း အမေရိကန် စစ်ဌာနချုပ် ကွပ်ကဲမှု လက်အောက်တွင်ရှိပြီး၊ အီရတ် ရှိ UAV ကို တာဝန်ယူထားသော နောက်တွဲယာဉ်သည် ကမ္ဘာ့အလယ်ပိုင်း အမေရိကန်စစ်ဌာနချုပ်၏ အောက်တွင်ရှိသည်။

မောင်းသူမဲ့ Predator လေယာဉ်များသည် နီးလစ် လေတပ်စခန်းမှ စတင်ထွက်ခွာကြသည်။ နောက်တွဲယာဉ် နှစ်စင်းလုံးသည် သမုဒ္ဒရာ ကြမ်းပြင်အောက်မှ လည်းကောင်း၊ မြေကြီးအောက်မှလည်းကောင်း ဖိုင်ဘာအော့ ပတစ်ကြိုးများဖြင့် ဥရောပတိုက်နှင့် ဆက်သွယ်ထားသည်။ ဥရောပရှိ အမေရိကန် စစ်စခန်းများသည် ဧရာမ စလောင်းခွက်ကြီးများမှ တစ်ဆင့် အီရတ်နှင့် အာဖဂန်ရှိ မောင်းသူမဲ့ လေယာဉ်များကို ထိန်းချုပ်မောင်းနှင်သည်။ အီရတ်နှင့် အာဖဂန်ရှိ အမေရိကန် စစ်စခန်းများမှ လွှတ်တင်သော မောင်းသူမဲ့လေယာဉ်များ လေထဲ ရောက်သွားသည်နှင့် နီးလစ်လေတပ် စခန်းလက်လွှဲယူကာ စတင်ထိန်းကျောင်း မောင်းနှင်သည်။

ပရီဒေတာများကို ၁၉၉ဝ ပြည့် လွန်နှစ်များတွင် ဘောလ်ကန်စစ်ပွဲ၌ စတင်အသုံးပြုခဲ့သည်။ ထိုစဉ်က သတင်းထောက်လှမ်း စုဆောင်းရာတွင်သာ အသုံးပြုခဲ့သည်။ ၂ဝဝ၂ ခုနှစ်တွင် ပရီဒေတာကို လက်နက်တပ်ဆင် အသုံးပြုသည်။ အယ်လ်ကိုင်ဒါခေါင်း ဆောင်တစ်ဦးဖြစ်သည့် အဗူအလီ အယ်လ်ဟာရီတီ စီးနင်းလာသည့် ကားကို ယီမင်နိုင်ငံတွင် ပရီဒေတာက ဒုံးကျယ်ဖြင့် တိုက်ခိုက်ရာ ကားပေါ် တွင်ပါလာသူအားလုံး သေဆုံးသွား သည်မှစ၍ လူသိများလာသည်။

ပရီဒေတာ ပျံသန်းနေသည်ကို ရုတ်တရက် မြင်လိုက်ရသည့်အခါ ကလေးကစားစရာ လေယာဉ်တစ်စင်းဟု ထင်မှတ်ကြသည်။ အသံမှာလည်း မြက်ရိတ်စက်မှထွက်သည့် အသံမျိုးသာဖြစ်သည်။ ပရီဒေတာ သည် ၂၇ ပေအလျားရှိပြီး၊ အတောင် တစ်ဘက်တစ်ချက် အကွာအဝေးမှာ ပေ ၅ဝ ဖြစ်သည်။ အကြီးစား ဂလိုက်ဒါ တစ်စင်းနှင့် ပိုတူသည်။ ကိုယ်ထည် မှာ သတ္တုမပါသော ကွန်ပိုဇစ်ဖြင့် တည်ဆောက်ထား၏။ လောင်စာနှင့် ဗုံးများ၊ ဒုံးကျည်များမပါလျှင် ကိုယ် ထည်ချည်းသက်သက် ပေါင်တစ် ထောင်ကျော်သာလေးသည်။ ဆလင် ဒါလေးလုံးပါအင်ဂျင်ဖြင့် လေထဲတွင် ၂၄ နာရီဆက်တိုက် ပျံဝဲနေနိုင်သည်။

ပရီဒေတာ တစ်စင်း၏ တန်ဖိုးမှာ ဒေါ်လာ ၄.၂ သန်း ဖြစ်သည်။ လေယာဉ်၏ ဝမ်းဗိုက်တွင် တပ်ဆင်ထားသော လေးဘက်မြင် ရုပ်သံကင်မရာ တစ်လုံးတည်းသည်ပင် ဒေါ်လာ တစ်သန်းကျော် တန်သည်။ ပေတစ်သောင်း ငါးထောင်အမြင့်မှ ပျံသန်းနိုင်သဖြင့် မြေပြင်မှ သာမန်မျက်စိဖြင့် မမြင်နိုင်ပေ။

အက်ဖ် ၂၂ တိုက်လေယာဉ် တစ်စင်းသည် ဒေါ်လာ သန်း ၁၇ဝ ကျော်တန်သဖြင့်၊ အက်ဖ် ၂၂ တိုက် လေယာဉ်တစ်စင်း ဝယ်မည့်အစား ပရီဒေတာများကိုသာ ဝယ်မည်ဆိုပါ က အစင်းလေးဆယ်ကျော်ရနိုင် သည်။

ပရီဒေတာ၏ အသုံးဝင်ဆုံး စွမ်းရည်မှာ အမြန်နှုန်း နည်းစွာဖြင့် ပျံသန်းနိုင်ခြင်း ဖြစ်သည်။ နှေးနှေးပျံနိုင်သဖြင့် မြေပြင်ရှိ မြင်ကွင်းကို သေချာစွာ စိစစ်နိုင်သည်။ မြေပြင်တွင် မည်သူမည်ဝါ ရှိနေသည်၊ မည်သို့ လှုပ်ရှားနေသည်ကို သိနိုင်စွမ်း ရှိသည်။ သူပုန်နှိမ်နင်းရေးတွင် လက်နက်ကိုင် အုပ်စုငယ်လေးများကို ရှာဖွေတိုက်ခိုက် နိုင်သဖြင့် ပရီဒေတာသည် များစွာ အသုံးတည့်လှသည်။

မောင်းသူမဲ့ လေယာဉ်ကို မောင်းနှင်သူများသည် အရည်အချင်းပြည့် စူပါလေသူရဲများပင် ဖြစ်သည်။ ထူးခြားချက်မှာ လေယာဉ်သည် ပြေးလမ်းမှ တက်သွားသော်လည်း မောင်းသူက မြေပြင်၌ ကျန်ရစ်ခဲ့ခြင်း ဖြစ်သည်။ သူတို့သည် A-10, F15, B1 bomber နှင့် B52 စသောလေယာဉ်တို့ကို နာရီပေါင်းများစွာ မောင်းနှင်ခဲ့သည့် လေသူရဲများ ဖြစ်ကြသည်။

သာမန်တိုက်လေယာဉ် လေသူရဲများ၏ တာဝန်ချိန်တစ်ကျော့ One Cycle မှာ လနှစ်ဆယ် ဖြစ်သည်။ ၁၆ လ လေ့ကျင့်ရပြီး၊ လေးလတိုက် ပွဲဝင်ရသည်။ ထိုသို့ လေးလတိုက်ပွဲ ဝင်ပြီးလျှင် တစ်ဖန်ပြန်၍ လေ့ကျင့်ကြ ရသည်။ UAV လေသူရဲများ၏ တိုက်ပွဲဝင်ချိန် ကာလမှာ လ ၂ဝ ဖြစ်သည်။ ပြန်လည်လေ့ကျင့်ရန် မလိုအပ်ပေ။ ထို့ကြောင့် လေ့ကျင့်စရိတ်ရှုထောင့် ကကြည့်လျှင် များစွာသက်သာသွား သည်။

UAV အသုံးပြုမှု များပြားလာသည့်အတွက် ယင်းတို့ကို ထိန်းချုပ်ရန် အပြည်ပြည်ဆိုင်ရာက ဝိုင်းဝန်း ဆွေးနွေးကြဖို့ လိုအပ်လာပြီဟု ကုလသမဂ္ဂ အထူးအစီရင်ခံစာ တင်သွင်းသူ အယ်လ်စတွန်က ဆိုသည်။ ဆွေးနွေးပွဲတွင် လူ့ကျင့်ဝတ်နှင့် ဥပဒေဆိုင်ရာ အမြင်တို့အပြင် တိုက်ခိုက်သူ မောင်းသူမဲ့ လေယာဉ်ကို အဝေးမှ မောင်းနှင်နေသူများအပေါ် စိတ်ပိုင်းဆိုင်ရာ သက်ရောက်မှုများကိုပါ ဆွေးနွေးကြရမည်ဟု အယ်လ်စတွန်က ဆိုသည်။

မောင်းသူမဲ့ လေယာဉ်များသည် အပြည်ပြည်ဆိုင်ရာ ဥပဒေကို ချိုးဖောက်ခြင်း ရှိ-မရှိ သိရန် ခက်ခဲသည်။ ''နယ်မြေကျူးကျော်ဝင် ရောက်မှုကို ပါကစ္စတန် ခွင့်ပြုထားခြင်း ရှိ-မရှိ။ ပစ်မှတ်ကို ဘယ်လို ရွေးချယ်တယ်။ အရပ်သား ထိခိုက်သေကျေမှု အနည်းဆုံး ဖြစ်အောင် ဘယ်လိုစီမံ ဆောင်ရွက်ထားတယ် ဆိုတာတွေကို မသိဘဲ၊ ဥပဒေ ချိုးဖေါက်မှု ဖြစ်-မဖြစ် ဆိုတာ ပြောဖို့ခက်တယ်'' ဟု အယ်လ်စတွန်က ဆိုသည်။

''သူတို့က စတိုက်လို့ တန်ပြန်ရတာပါ'' ဆိုသော ဆင်ခြေကို အယ်လ်စတွန်က လက်မခံပေ။ တစ်ဘက်က စတင်သည့် (စက်တင်ဘာ ၁၁ )အတွက် တန်ပြန်တိုက်ခိုက်ရာတွင် အပြည်ပြည်ဆိုင်ရာ ဥပဒေကို ချိုးဖောက်ခွင့် မရှိဟု အယ်လ်စတွန်က ဆိုသည်။ တစ်ဘက်က အရပ်သားများကို ဒိုင်းသဖွယ် အကာအကွယ် ယူထားစေကာမူ အရပ်သားထိခိုက် မှုမရှိစေရန် ဆောင်ရွက်ရမည့်တာဝန် ရှိသည်ဟု သူက ဆိုသည်။

အကြမ်းဖက်သမားများကို သတ်မှတ်ဖော်ထုတ်ရာတွင် တင်းကြပ်သော စည်းမျဉ်းများကို လိုက်နာဆောင်ရွက်ကြောင်း။ မောင်းသူမဲ့ လေယာဉ်မှ ပေးပို့သော ဓာတ်ပုံ၊ လက်ကိုင်ဖုန်း ကြားဖြတ်နားထောင် ခြင်း၊ ပါကစ္စတန် ထောက်လှမ်းရေးမှ ရရှိသောသတင်းများ၊ အယ်လ်ကိုင်ဒါ အတွင်းမှ သတင်းပေးများ၏ ပေးပို့ချက် စသည်တို့အပေါ် အခြေခံကာ အကြမ်းဖက်သမားများကို စနစ်တကျ ဖော်ထုတ်တိုက်ခိုက်ကြောင်း စီအိုင်အေလက်ဟောင်း တစ်ဦးက ပြောပြသည်။

အကြမ်းဖက် သမားများကို မောင်းသူမဲ့ လေယာဉ်က တောက်လျောက်ခြေရာခံသည်။ နေအိမ်တွင် မိသားစုနှင့် နေထိုင်နေစဉ် မတိုက်ခိုက်ဘဲ နေအိမ်မှ ထွက်ခွာသည့်အခါတွင်မှ တိုက်ခိုက်သည်ဟု ဆိုသည်။ ယင်းသို့ တောက်လျှောက်ခြေရာခံ နေသဖြင့် လေ့ကျင့်ကွင်း၊ လက်နက်သိုလှောင်နေရာ စသည်တို့ကို အလိုအလျောက် သိလာရသည်။

UAV ကို မိုင်ပေါင်းထောင်ချီဝေးသော အရပ်မှ ထိန်းကျောင်းမောင်း နှင်ရသည်ဖြစ်ရာ မောင်းသူသည် (သာမန်တိုက်လေယာဉ် မောင်းသူများကဲ့သို့) အသက်အန္တရာယ် မရှိနိုင်ပေ။ မောင်းရသည်မှာလည်း ဂိမ်းကစား သကဲ့သို့ မောင်းတံလေးကို ရှေ့တိုးနောက်ငင် လုပ်နေရုံသာ ဖြစ်သည်။ ဗီဒီယို ဂိမ်းပွဲတွင်ကဲ့သို့ လွယ်လွယ်ကူကူနှင့် ခလုတ်ဖြုတ်သော အလေ့အထ ဖြစ်လာသည်။ အကျင့်ဖြစ်လာသည်။ ထိုအချက်ကိုလည်း အရေးတကြီး ထည့်သွင်းစဉ်းစားရမည်ဟု အယ်လ်စတွန်က ဆိုသည်။

၂ဝ၁ဝ ခုနှစ်တွင် လူ့အခွင့်အရေး ကောင်စီသို့ အယ်လ်စတွန် တင်သွင်းခဲ့သည့် အစီရင်ခံစာ၌ ''အမေရိကန်က မောင်းသူမဲ့လေယာဉ်များကို တိုးချဲ့ အသုံးပြုလာခြင်းကြောင့် ကမ္ဘာနှင့်အဝန်း လက်နက်ကိုင် ပဋိပက္ခများ လျော့ကျလာစေရန် ကြိုးပမ်းမှုကို အရာမထင် ဖြစ်စေကြောင်း၊ အမေရိကန်၏ အပြုအမူသည် မောင်းသူမဲ့ နည်းပညာကို ပျံ့နှံ့စေရန် အားပေးနေသလို ဖြစ်နေကြောင်း။ ထို့ကြောင့် ပါကစ္စတန်နှင့် ယီမင်တွင် မောင်းသူမဲ့ လေယာဉ်များကို ဆင်ဆင်ခြင်ခြင်နှင့် သုံးစွဲရန် တိုက်တွန်းကြောင်း ဖော်ပြသည်။

စစ်ဖြစ်ပွားရာ ဒေသမှအပ အခြားနေရာများတွင် UAV ဖြင့် တိုက်ခိုက်ခြင်းကို ထိန်းချုပ်ပေးမည့် သဘောတူညီချက် ပေါ်ထွန်းလာစေရေးအတွက် နိုင်ငံကြီးများ ပါဝင်သော အပြည်ပြည်ဆိုင်ရာ ညီလာခံတစ်ရပ် ကျင်းပရန် အယ်လ်စတွန်က အကြံ ပြုသည်။

၂ဝ၁ဝ ခုနှစ်မေလ ၂၆ ရက် နေ့တွင် အမေရိကန် နိုင်ငံခြားရေး ဝန်ကြီးဌာန အကြံပေး အရာရှိ ဟာရိုးလ် ခိုးလ် Harold Koh က မောင်းသူမဲ့ လေယာဉ်ဖြင့် တိုက်ခိုက်မှုသည် တည်ဆဲဥပဒေ အားလုံးနှင့် ညီညွတ်ကြောင်း။ အယ်လ်ကိုင်ဒါသည် အမေရိကန် ပြည်ထောင်စုကို တိုက်ခိုက်ခဲ့ပြီး၊ ဆက်လက်တိုက်ခိုက်ရန်လည်း စီစဉ်နေကြောင်း။ ယင်းသို့သော တိုက်ခိုက်မှုမျိုးကို ခုခံကာကွယ်ပိုင်ခွင့်ရှိကြောင်း ပြောဆိုသည်။

ပါကစ္စတန် နယ်မြေအတွင်း အယ်လ်ကိုင်ဒါများကို စီအိုင်အေ၏ မောင်းသူမဲ့ လေယာဉ်ဖြင့် တိုက်ခိုက်မှု များအား မီဒီယာများက ဖော်ပြသော်လည်း ဆူဆူညံညံ အာရုံစိုက်စရာ မဖြစ်ခဲ့။ ထို့ကြောင့် UAV ကို အနာဂတ် ပဋိပက္ခများတွင် အလုံးအရင်းဖြင့် သုံးစွဲလာကြမည်ဟု မှန်းဆနိုင် သည်။


နည်းပညာ ပိုင်ဆိုင်ထားသည့် နိုင်ငံများက ယင်းသို့ လုပ်ဆောင်လာ ကြမည်ဆိုလျှင် နယ်စပ်မျဉ်း သတ်မှတ်ချက်၊ ကျူးကျော်မှုဆိုသည့် ဖွင့်ဆိုချက်တို့ တဖြည်းဖြည်း လွင့်ပါး ပျောက်ကွယ်လာမည်ဟု ဥပဒေပညာရှင် အချို့က ဆိုသည်။

မောင်းသူမဲ့လေယာဉ်များ စစ်ပွဲတွင် အထင်ကရ ပါဝင်လာသည့်အတွက် အကျိုးဆက်မည်သို့ ရှိလာမည်ကို တွေးဆလာမှုများ ရှိလာသည်။

၂ဝဝဝ ပြည့်လွန်နှစ်များတွင် UAV သည် အနာဂတ် စစ်ပွဲများ၏ အနိုင်အရှုံးကို အဆုံးအဖြတ် ပေးနိုင်စွမ်းသည့် လက်နက်ဖြစ်လာသည်။ ယခုအခါ နိုင်ငံပေါင်း ၄၂ နိုင်ငံတွင် ထုတ်လုပ်သည့် ကုမ္ပဏီပေါင်း ၂၆၂ ခု က UAV များကိုထုတ်လုပ်လျက် ရှိသည်။ ယခုအချိန်တွင် မောင်းသူမဲ့ လေယာဉ်အမျိုးအစားပေါင်း တစ် ထောင်ကျော်မျှ ကမ္ဘာပေါ်တွင် ရှိနေ ပြီဖြစ်သည်။

မောင်းသူမဲ့ လေယာဉ်ဖြင့် ပစ်မှတ်ကို တိုက်ခိုက်ရာတွင် ပစ်မှတ်အနီးရှိ မသက်ဆိုင်သူများကိုပါ သေဆုံးစေသဖြင့် အပြည်ပြည်ဆိုင်ရာ သဘောတူညီချက် တစ်ရပ်ဖြင့် ထိန်းချုပ်သင့်သည်ဟု ယူဆမှုများ ရှိလာသည်။

အကြမ်းဖက်သမား ခေါင်းဆောင်ပိုင်းကိုသာ ပစ်မှတ်ထား တိုက်ခိုက်ခြင်း ဖြစ်သဖြင့် မသက်ဆိုင်သူများ သေဆုံးမှုကို များစွာလျှော့ချနိုင်ကြောင်း။ ထိုသို့ မဟုတ်ဘဲ ပစ်မှတ်ကို ခြေလျင်တပ်ဖြင့် ဝင်ရောက် တိုက်ခိုက်လျှင် အရပ်သား သေဆုံးမှု ထို့ထက်များပြားလိမ့်မည်ဟု ဆိုသူက ဆိုသည်။

အကြမ်းဖက် ခေါင်းဆောင်၊ မူးယစ်ရာဇာတို့ကို တိုက်ခိုက်ခြင်းသည် စစ်ပွဲအဖြစ် သတ်မှတ်ကာ တိုက်ခိုက်ခြင်းဖြစ်သည်။ သို့သော် အမေရိကန် ဖွဲ့စည်းပုံ အခြေခံ ဥပဒေအရ စောဒကတက်ဖွယ် အချက်တစ်ခု ဖြစ်ပေါ်လာသည်။ အယ်လ်ကိုင်ဒါ အကြမ်းဖက် ခေါင်းဆောင်သည်လည်းကောင်း၊ မူးယစ်ရာဇာသည်လည်းကောင်း အမေရိကန် နိုင်ငံသား ဖြစ်နေပါက ပစ်မှတ်ထား တိုက်ခိုက်ခြင်းသည် သေဒဏ်ပေးခြင်းပင် ဖြစ်သည်။ မည်သည့် တရားရုံးကမျှ စီရင်ချမှတ်ထားခြင်း မရှိပါဘဲ အမေရိကန် နိုင်ငံသား တစ်ဦးအား သေဒဏ်ပေးခြင်းသည် ဖွဲ့စည်းပုံနှင့် ညီညွတ်ခြင်းမရှိဟု ဆိုကြသည်။

အမေရိကန် နိုင်ငံသားတစ်ဦး ဖြစ်သည့် အန်နဝါ အယ်လ်အော်လာကီ Anwar Al Awlaki အား စီအိုင်အေက ပစ်မှတ်အဖြစ် သတ်မှတ်ထားသည်ကို မီဒီယာ အဖွဲ့အစည်း တစ်ခုက ဖော်ထုတ်ခဲ့သည်။ သူသည် စစ်ဖြစ်ပွားရာဇုန်မှ အလှမ်းကွာသော အာဖဂန်-ပါကစ္စတန် နယ်စပ်တစ် နေရာတွင် ပုန်းအောင်းနေသည်။ ထောက်လှမ်းရေး အစီအရင် ခံစာပေါ်တွင် အခြေတည်လျက်၊ မည်သည့် တရားရုံးကမျှ သေဒဏ်ချမှတ်ထားခြင်း မရှိသူ အမေရိကန် နိုင်ငံသားအား စစ်ဖြစ်ပွားရာ နယ်မြေအတွင်းတွင် မဟုတ်ဘဲ ဒုံးလက်နက်ဖြင့် တိုက်ခိုက်မည်ဆိုလျင် ဥပဒေနှင့် ညီညွတ်ခြင်း မရှိပေ။

အယ်လ်ကိုင်ဒါများကို တိုက်ခိုက်ခြင်းသည် စက်တင်ဘာ ၁၁ ရက် နေ့နောက်ပိုင်း ကွန်ဂရက်၏ ခွင့်ပြု ချက်ဖြင့် တိုက်ခိုက်ခြင်း ဖြစ်သဖြင့် တရားဝင်ကြောင်း။ ထို့ပြင်တိုက်ခိုက်မှုသည် မိမိကိုယ်ကို ခုခံကာကွယ်ပိုင်ခွင့်အရ ပြုလုပ်ခြင်းဖြစ်ကြောင်း။ အယ်လ်ကိုင်ဒါများကို လွှတ်ထားပါက အမေရိကန်ကို ထပ်မံတိုက်ခိုက် လာဦးမည်ဖြစ်ကြောင်း၊ ကာကွယ် ရေးဝန်ကြီးဌာနက ခုခံချေပသည်။

မြောက်ပိုင်း ဝါဇီရစ္စတန်တွင် မောင်းသူမဲ့ လေယာဉ်ဖြင့် နေ့စဉ်တိုက် ခိုက်မှုကြောင့် အယ်လ်ကိုင်ဒါနှင့် တာလီဘန်တို့မှာ ကျီးလန့်စာစားဖြင့် ဟိုပြေးသည်ပြေး ဖြစ်နေသည်။ ဂြိုဟ်တုတယ်လီဖုန်း၊ မော်တော်ယာဉ်၊ မော်တော်ဆိုင်ကယ်တို့ကို မသုံးရဲ ကြတော့ဘဲ ဆက်သားကိုအသုံးပြုကာ တစ်ဖွဲ့နှင့်တစ်ဖွဲ့ ဆက်သွယ်နေ ကြရသည်။ တစ်စုတစ်ဝေးတည်း မနေရဲတော့ဘဲလူစုခွဲကာ လိုဏ်ဂူများ အတွင်း ပုန်းအောင်းနေကြရတော့ သည်။

ဝါဇီရစ္စတန်၏ ကောင်းကင်ယံတွင် မောင်းသူမဲ့လေယာဉ်များ ၂၄ နာရီပတ်လုံး ဝဲပျံနေကြသည်။ တစ်ခါတရံ တစ်စင်းမက လေးငါးစင်းပျံဝဲ နေသည်။ ပစ်မှတ်ကိုတွေ့သည်နှင့် ဒုံး များကို ဝေါခနဲသွန်ချတော့သည်။

UAV ဖြင့် တိုက်ခိုက်မှုကြောင့် ဒေသခံ၊ တာလီဘန်နှင့် အယ်လ်ကိုင် ဒါစစ်သွေးကြွတို့အကြား စိတ်ဝမ်း ကွဲပြားမှုများ ဖြစ်လာရသည်။ စစ်သွေး ကြွတို့က ၄င်းတို့ တိုက်ခိုက်ခံရခြင်းသည် ဒေသခံ အမေရိကန် စပိုင်များက သတင်းပေးမှုကြောင့် ဖြစ်သည်ဟု စွပ်စွဲသည်။ ဒေသခံများ ဘက်ကလည်း စစ်သွေးကြွများ ရှိနေသဖြင့် တိုက်ခိုက်ခံရပြီး အပြစ်မဲ့ အရပ်သားများ သေကြရသည်ဟု ဆိုသည်။ အိမ်တိုင်းအိမ်တိုင်းတွင် အနည်းဆုံး စစ်သွေးကြွ တစ်ယောက်တော့ ရှိနေသည့်အတွက် အရပ်သား နေအိမ်များ တိုက်ခိုက်ခံနေရခြင်းဖြစ်သည်။

မောင်းသူမဲ့ လေယာဉ်ဖြင့် တိုက်ခိုက်မှု အစပိုင်းတွင် ထိပ်ပိုင်းနှင့် အလယ်အလတ် ခေါင်းဆောင်ပိုင်းကိုသာ ရည်ရွယ်ခဲ့သည်။ လွန်ခဲ့သောနှစ် ဒီဇင်ဘာလတွင် ကဘူးရှိ စီအိုင်အေဌာန အသေခံ တိုက်ခိုက်ခံရပြီး နောက်ပိုင်း စီအိုင်အေသည် ခေါင်းဆောင်ပိုင်း သာမက အယ်လ်ကိုင်ဒါ ဟူသမျှကို သဲသဲမဲမဲ တိုက်ခိုက်လာသည်။

ယခင်က အယ်လ်ကိုင်ဒါများသည် တောထဲတွင်သာ ပုန်းခိုနေသော်လည်း၊ မောင်းသူမဲ့ လေယာဉ်ရှိ ထောက်လှမ်းရေး ကိရိယာများ၏ အစွမ်းထက်မှုကြောင့် ၂၄ နာရီပတ်လုံး တောထဲတွင် နေ၍မဖြစ်တော့။ နေဝင်ချိန်တွင် နှစ်ယောက်တစ်တွဲ သုံးယောက်တစ်တွဲ ရွာထဲဝင်ကာ အိပ်စက်ကြရသည်။ အချို့အိမ်ရှင်များသည် သူတို့၏ မိသားစုလုံခြုံရေး အတွက် အယ်လ်ကိုင်ဒါများကို အိပ်စက်ခွင့် မပေးလိုကြ။

မောင်းသူမဲ့လေယာဉ်များသည် ပစ်မှတ်ကို တိတိကျကျ သိနေခြင်းကပင်လျှင် အယ်လ်ကိုင်ဒါများ အကြားသံသယပွားစေသည်။ အချင်း ချင်း ယုံထင်ကြောင်ထင် ဖြစ်ကာ၊ သူလျှိုအဖြစ်စွပ်စွဲကာ ဂိုဏ်းဂဏများ ကွဲကုန်ကြသည်။

တာလီဘန်များက လက်နက်အားကိုးဖြင့် ဗိုလ်ကျခြင်းကို ခံနေရသည့် ရပ်သူရွာသား အများစုသည် အမေရိကန်က တိုက်ခိုက်နေခြင်းကို သဘောကျသည်ဟု အာရိယန် သု တေသနအဖွဲ့မှ မနုဿဗေဒ ပညာရှင် ဖာဟက်တပ်ခ်ျက ဆိုသည်။

နယ်မြေအတွင်း နေထိုင်ကြသော ပညာတတ် ၅၅ဝ ကို ပါကစ္စတန် သုတေသန အဖွဲ့တစ်ခုက မေးမြန်းသောအခါ ၅ဝ ရာနှုန်းကျော်က မောင်းသူမဲ့ လေယာဉ်များသည် ပစ်မှတ်ကို တိတိကျကျထိ မှန်သည်ဟုလည်းကောင်း၊ ၆ဝ ရာနှုန်းက တိုက်ခိုက်မှုသည် စစ်သွေးကြွများကို ချေမှုန်းနိုင်သည်ဟုလည်းကောင်း၊ ထို ၆ဝ ရာနှုန်းကပင် တိုက်ခိုက်မှုကြောင့် အမေရိကန် ဆန့်ကျင့်မှုများ တိုးပွားလာသည်မှာ မဟုတ်မှန်ဟုလည်းကောင်း ဆိုကြသည်။

ဂျာမန် မဂ္ဂဇင်း တစ်စောင်ဖြစ်သည့် Der Spiegel က ပါကစ္စတန် ဝန်ကြီးချုပ် ဆာယက် ယူစွပ်ရာဇာ ဂီလာနီအား မေးမြန်းရာတွင်၊ ဝန်ကြီးချုပ်က ''မောင်းသူမဲ့ လေယာဉ်နဲ့ တိုက်ခိုက်နေတာဟာ တစ်တိုင်းပြည်လုံးက အမေရိကန်အပေါ် မုန်းတီးမှုတွေ တိုးပွားစေတယ်'' ဟု ပြောဆိုခဲ့သည်။

ပါကစ္စတန်က လူမြင်သူထင် မည်မျှပင် ဝေဖန်ပြစ်တင် နေစေကာမူ နောက်ကွယ်တွင် အရေးကြီးသော ထောက်လှမ်းရေး သတင်းများပေးခြင်း၊ ပစ်မှတ်များကို ဖော်ထုတ်ပေးခြင်း၊ ဘလူချစ်စတန် ပြည်နယ် အတွင်းရှိ လေယာဉ်ကွင်းကို မောင်းသူမဲ့လေယာဉ်များ ဆင်းတက်ခွင့် ပြု ထားခြင်းဖြင့် ထောက်ကူပေးလျက်ရှိ သည်ဟု အမေရိကန် အရာရှိပိုင်း ကဆိုသည်။

မောင်းသူမဲ့ လေယာဉ်ဖြင့် ပါကစ္စတန် နယ်မြေအတွင်း တိုက်ခိုက်ခြင်းသည် ပါကစ္စတန်၏ အချုပ်အခြာ အာဏာကို ထိပါးခြင်းဖြစ်ကြောင်း လူသိရှင်ကြား အကြိမ်ကြိမ် ကန့်ကွက်ပြောဆို ငြားသော်လည်း အမှန်စင်စစ် ပါကစ္စတန်သည် သူခိုးလမ်းပြ လုပ်နေသည်။ မောင်းသူမဲ့ လေယာဉ်များအတွက် ပစ်မှတ်ကို ကူညီရှာဖွေပေးသည်။

အသစ်ရောက်လာသော အာရပ် အယ်လ်ကိုင်ဒါများထဲတွင် အမေရိကန် သတင်းပေးများ ရှိနေသည်ဟု အချို့သော သတင်းရပ်ကွက်များ ကဆိုသည်။

ပါကစ္စတန် နေ့စဉ် သတင်းစာ တစ်စောင်က ကောက်ယူသော သဘောထားအမြင် ဆန်းစစ်ချက်တွင် ၉.ဝ ရာနှုန်းကသာ UAV ဖြင့် တိုက်ခိုက်မှုကို ထောက်ခံပြီး ၆၇ ရာနှုန်းက ကန့်ကွက်သည်။ အများစု က ပါကစ္စတန်၏ မဟာရန်သူဖြစ် သော အိန္ဒိယထက်ပင် အမေရိကန် သည် ပို၍ အန္တရာယ်ကြီးသည်ဟု ဆိုသည်။

နယူးအမေရိကန် ဖောင်ဒေးရှင်းမှ ပီတာဘာဂျင်၏ အဆိုအရ ယမန်နှစ်တွင် မောင်းသူမဲ့လေယာဉ်ဖြင့် တိုက်ခိုက်မှုကြောင့် အရပ်သား ၃ဝဝကျော် သေဆုံးခဲ့ကြောင်း။ ၂ဝ၁ဝ ခုနှစ်တွင် သေဆုံးသူ ၅၅ ဦးသာ ရှိ သေးကြောင်း သိရသည်။

အရပ်သား ထိခိုက်သေကျေမှု လျော့ကျလာခြင်းမှာ နည်းပညာ အရည်အသွေး တိုးတက်လာခြင်း၊ အရပ်သားများ ထိခိုက်မှု မရှိစေရန် ပိုမိုဂရုစိုက် ဆောင်ရွက်လာခြင်း၊ တိကျသော ထောက်လှမ်းရေး သတင်းများ ရရှိလာခြင်းတို့ကြောင့် ဖြစ်သည်ဟု ပင်တာဂွန် သတင်းရပ်ကွက်က ဆိုသည်။

မောင်းသူမဲ့ လေယာဉ်တွင် ယခင်က ပေါက်ကွဲအားပြင်း ဒုံးကျည်ဖြစ်သည့် Hellfire အသုံးပြုသော်လည်း ယခုအခါ ပေါက်ကွဲအားနည်းပြီး ပစ် မှတ်ကို ထိထိရောက် ပစ်ခတ်နိုင်သည့် ဒုံးကျည်ငယ်များကို တွဲဖက် အသုံးပြုနေသည်ဟု ပင်တာဂွန်က ဆိုသည်။

Hellfire သည် ယမ်းပေါင်ချိန် နှစ်ဆယ်ပါဝင်ပြီး တင့်ကားဖျက် လက်နက်အဖြစ် အီရတ်တွင် စတင် အသုံးပြုခဲ့ခြင်းဖြစ်သည်။ ပေါက်ကွဲ အားပြင်းထန်သဖြင့် အဆောက်အအုံ တစ်ခုလုံးကို ပြိုကျပျက်စီးစေပြီး အတွင်းရှိ လူအားလုံးကို ပါသေဆုံးစေ သည်။ Hellfire တွင် ဖိအားမြင့် ပေါက်ကွဲလှိုင်း Thermobaric ထိပ်ဖူးကို တပ်ဆင်နိုင်သည်။ ထိုထိပ်ဖူးသည် လိုဏ်ဂူအတွင်း ရှိနေသူများကို သေစေနိုင်သည်။ လက်နက်၏ အဖျက်စွမ်းအား ကြီးမားနေမှုကို လျော့ချရန် အစဦးပိုင်း ကိုးပမ်းမှုများသည် မအောင်မြင်ခဲ့ပေ။ Hellfire ဒုံးကျည် ကိုထုတ်လုပ်သည့် လော့ခ်ဟိ ကုမ္ပဏီက ဒုံးကျည်ကို လိုအပ်သလိုပေါက် ကွဲစေနိုင်သည့် အနေအထားကို ရရှိ ထားပြီဟုဆိုသည်။ လေယာဉ်ပျံသန်း နေစဉ်တွင် ပစ်မှတ်၏ လိုအပ်ချက်အရ ပေါက်ကွဲမှု ပြင်းအားကို လိုသလို ပြောင်းလဲပေးနိုင်သည်ဟု သိရသည်။

ရေသီယွန် ကုမ္ပဏီက ဂရစ်ဖင် Griffin ဟု အမည်ပေးထားသည့် ဒုံးအငယ်စား တစ်ခုကိုလည်း ထုတ်လုပ် ပေးထားသည်။ အမည်မဖော်လိုသော အယ်လ်ကိုင်ဒါ တစ်ဦး က '' အခု ဒုံးနှစ်မျိုးကိုသုံးတာတွေ့ရတယ်။ တစ် မျိုးကပစ်လိုက်ရင် အဆောက်အအုံ တစ်ခုလုံး ပြားပြားဝပ်ဝပ် ပြိုကျသွားတယ်။ နောက်တစ်မျိုးက ပျက် စီးမှုကြီးကြီးမားမား မဖြစ်စေဘဲ အနီး ကပ်ရှိနေတဲ့ လူတွေကိုပဲ သေစေ တယ်'' ဟု ပြောသည်။

UAV ဖြင့် တိုက်ခိုက်ခြင်းသည် သမိုင်း၏ စာမျက်နှာသစ်တစ်ခု ဖြစ်သည်။ အရပ်သားထောက်လှမ်းရေး အေဂျင်စီတစ်ခု (စီအိုင်အေ)က စက်ရုပ် (မောင်းသူမဲ့လေယာဉ်) ကို အသုံးပြုကာ အမေရိကန်နှင့် တရားဝင် စစ်ကြေညာထားခြင်း မရှိသော နိုင်ငံတစ်နိုင်ငံတွင် တိုက်ခိုက်နေခြင်းဖြစ်သည်။ ထိုဖြစ်စဉ်သည် သမိုင်းတွင် ပထမဆုံးဖြစ်သည်။

အာဖဂန်နှင့် အီရတ်တွင် UAV ဖြင့် တိုက်ခိုက်မှုကြောင့် သူပုန်ခေါင်း ဆောင်ပိုင်းကို တဖြည်းဖြည်းသုတ် သင်နိုင်ပြီး၊ ယင်းတို့၏ စစ်ဆင်ရေး ကိုလည်း ဖယိုဖရဲဖြစ်စေသည်။ UAV ဖြင့် တိုက်ခိုက်ခြင်းသည် အယ်လ်ကိုင်ဒါ ချေမှုန်းရေး ရည်မှန်းချက်ကို အမှန်တကယ် ပေါက်မြောက် အောင်မြင်စေခြင်း ရှိ-မရှိ ဆိုသည်မှာ အငြင်းပွားဖွယ် ဖြစ်နေသေးသည်။ အာဖဂန်ရှိ မဟာမိတ် တပ်များ၏ တပ်မှူးချုပ်အဖြစ် ဆောင်ရွက်ခဲ့ဖူးသူ ဗိုလ်ချုပ်ကြီး မက်ခရစ်စတယ်က ''အယ်လ်ကိုင်ဒါ တစ်ယောက်ကို သတ်လိုက်တာဟာ နောက်ထပ် အယ်လ်ကိုင်ဒါဆယ်ဦးကို မွေးဖွားပေးလိုက်တာပဲ။'' ဟု ပြောဖူးသည်။

မောင်းသူမဲ့ လေယာဉ်များသည် အစွမ်းထက်သည် မှန်သော်လည်း၊ မည်သို့သော အနာဂတ် ခရီးကို ပျံသန်းရမည်ကို မှန်းဆရန် ခက်ခဲနေ သေးသည်။

ayetunmin@gmail.com
Ref : Hunting the Taliban in Las Vegas

ရန်ကုန်တိုင်း တောင် ဥက္ကလာပ မြို့နယ် မဲဆန္ဒနယ်မှ ပြည်သူ့လွှတ်တော် အမတ်နေရာအတွက် ၀င်ရောက်ယှဉ်ပြိုင် အရွေးခံကြမည့် ကိုယ်စားလှယ် နှစ်ဦး


ဝေမိုး

ဦးအောင်သိန်းလင်းနှင့် ကိုကောင်းမြင့်ထွဋ်
ကိုယ်စားလှယ် နှစ်ဦးစလုံးသည် နိုဝင်ဘာလ ၇ ရက်နေ့တွင် ကျင်းပမည့် ရွေးကောက်ပွဲတွင် ရန်ကုန်တိုင်း တောင် ဥက္ကလာပ မြို့နယ် မဲဆန္ဒနယ်မှ ပြည်သူ့လွှတ်တော် အမတ်နေရာအတွက် ၀င်ရောက်ယှဉ်ပြိုင် အရွေးခံကြမည် ဖြစ်သည်။

ကိုကောင်းမြင့်ထွဋ် ကိုယ်ရေးအကျဉ်း

ကိုကောင်းမြင့်ထွဋ်သည်၃၅ နှစ်အရွယ် လူငယ်တဦးဖြစ်ပြီး ၁၉၈၈ ခုနှစ် ဒီမိုကရေစီ လူထုအုံကြွမှုကြီးတွင် ပါဝင်ခဲ့မှုကြောင့် အသက် ၁၃ နှစ် အရွယ်တွင် အဖမ်း ခံခဲ့ရသူဖြစ်သည်။ ၎င်းသည် ၁၉၈၈ ခုနှစ် နှင့် ၁၉၉၀ ခုနှစ်အကြားတွင် သုံးကြိမ်ဆက်တိုက် အဖမ်းခံခဲ့ရပြီး ၁၉၉၁ ခုနှစ်တွင် ထောင်ဒဏ် ၆ နှစ် ချမှတ်ခဲ့ရသည်ဟု သိရသည်။

ဗီဒီယိုထုတ်လုပ်သူတဦးဖြစ်သည့် ကိုကောင်းမြင့်ထွဋ်သည် ပြီးခဲ့သည့် မတ်လတွင် နိုင်ငံရေး ပါတီများ မှတ်ပုံတင်ရန် ခွင့်ပြု ခဲ့စဉ်က မြန်မာ့ ဒီမိုကရေစီ ကွန်ဂရက်အမည်ဖြင့် ပါတီတည်ထောင်ရန် အားထုတ်ခဲ့ဖူးသည်။ သို့ရာတွင် ဘဏ္ဍာငွေနှင့် ပြည်ထောင်စု ရွေးကောက်ပွဲ ကော်မရှင်က ပြဌာန်းထားသော စည်းကမ်းချက်များနှင့်အညီ ပါတီဝင် စုဆောင်းရာ၌ အခက် အခဲများရှိသောကြောင့် ပါတီတည်ထောင်မည့် အစီအစဉ် မဖြစ်ခဲ့ဟု သိရသည်။


ဦးအောင်သိန်းလင်း ကိုယ်ရေးအကျဉ်း

ဦးအောင်သိန်းလင်းသည် အသက် ၅၈ နှစ်ရှိပြီး ၁၉၈၈ ခုနှစ်တွင် ဗိုလ်မှူးဖြစ်ခဲ့ပြီး နောက်ပိုင်းတွင် ခမရ ၁၀၁ ၏ တပ်ရင်းမှူးဖြစ်လာခဲ့သည်။

ထို့နောက် စက်မှု (၂) ဒု ၀န်ကြီးဖြစ်လာကာ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးအသင်း(ကြံ့ဖွံ့) ၏ အလုပ်အမှုဆောင်တဦး လည်း ဖြစ်ခဲ့သည်ဟု သိရသည်။ ကြံ့ဖွံ့အသင်းကို ဧပြီလတွင် ကြံ့ဖွံ့ပါတီ အဖြစ် အသွင်ပြောင်းခဲ့သည်။ ဦးအာင်သိန်းလင်း သည် ၂၀၀၃ ခုနှစ်၌ ရန်ကုန် မြို့တော်ဝန် ဖြစ်လာခဲ့သည်။

အမျိုးသား ဒီမိုကရေစီ အင်အားစု(NDF)ရဲ့ ကိုယ်စားလှယ် ကိုယ်ရေးအကျဉ်း

အမျိုးသမီးမှာ နိုင်ငံရေးနောက်ခံ မရှိတာ သူ့ရဲ့ မဲဆွယ်ကြေညာချက်တွင်တွေ့ ရ။

“မြို့တော်ဝန်ရဲ့ နိုင်ငံရေးနောက်ခံနဲ့ ကိုကောင်းမြင့်ထွဋ်ရဲ့ နိုင်ငံရေးနောက်ခံက လားလားကြီး ဆန့်ကျင်နေတာပါ။ ဦးအောင်သိန်းလင်းက ဗိုလ်ချုပ် ပြီးတော့ ကြံ့ဖွံ့အသင်းဝင်၊ ကိုကောင်းမြင့်ထွဋ်က စစ်တပ်ရဲ့ မတရားမှုတွေကို ဆန့်ကျင်ပြီး လူ့အခွင့်အရေးအတွက် ဦးလည်မသုံရပ်တည်နေတဲ့ ဆယ်ကျော်သက် နိုင်ငံရေးအကျဉ်းသားဟောင်း”ဟု တောင်ဥက္ကလာပ နေ အမည်မဖေါ်လိုသူ စီးပွားရေးလုပ်ငန်းရှင်တဦးက ပြောသည်။

“တောင်ဥက္ကလာပမှာ ကျနော်အနိုင်ရတယ်ဆိုရင် ကျနော့် မဲဆန္ဒနယ်အတွင်းမှာ ဖွံ့ဖြိုးတိုးတက်မှုတွေကို အရှိန်မြှင့် လုပ်ဆောင်မှာ ဖြစ်ပါတယ်။ တခြားရွေးချယ်တင်မြှောက်ခံ ကိုယ်စားလှယ်တွေလည်း အလားတူ လုပ်ဆောင်ကြလိမ့်မယ်လို့ ကျနော်ယုံကြည်ပါတယ်”ဟုလည်း ဦးအောင်သိန်းလင်းက ဆိုပါသည်။

“ကြံ့ဖွံ့ပါတီ ကိုယ်စားလှယ်တွေက အစိုးရ၀န်ကြီးတွေ အရာရှိကြီးတွေ ဖြစ်နေကြတော့ တခြားကိုယ်စားလှယ်တွေထက် မဲဆွယ်တဲ့နေရာမှာ ပိုပြီးအခွင့်အရေး ရကြပါတယ်။ ဒါပေမယ့် မြန်မာပြည်သူတွေ တကယ်ရှာနေကြတာက သူတို့ရှေ့ကနေ မားမားမတ်မတ် ရပ်တည်ပြီး လွတ်လပ်ပြီး တရားမျှတတဲ့ အခြေခံ အခွင့်အရေးတွေ အတွက် စည်းရုံးလှုံ့ဆ်ာပေးမယ့် လူမျိုး ကိုပါ”ဟု ကိုကောင်းမြင့်ထွဋ်က ဆိုသည်။

“ပွင့်ပွင့်လင်းလင်းပြောရရင် အခုရွေးကောက်ပွဲက ကျနော်တို့ မြင်တွေ့လိုတဲ့ အပြောင်းအလဲတွေ ဖြစ်လာလိမ့်မယ်လို့ ကျနော် မယုံကြည်ပါဘူး”ဟု ကိုကောင်းမြင့်ထွဋ် က ဆိုသည်။

“ဒါပေမယ့် ပြည်ခိုင်ဖြိုးကိုယ်စားလှယ် ဒါမှမဟုတ် တစည(တိုင်းရင်းသား စည်းလုံးညီညွတ်ရေး) ပါတီက စစ်အရာရှိဟောင်း ကိုယ်စားလှယ်တွေအစား အစားထိုးရွေးချယ်စရာတခုတော့ လူထုကို ပေးသင့်တယ်လို့ ကျနော်ထင်တယ်”ဟုလည်း ၎င်းက ဆက်ပြောသည်။

အကျဉ်းကျနေဆဲ ၁၉၈၈ မျိုးဆက်ကျောင်းသားများအနေဖြင့် ၎င်း ရွေးကောက်ပွဲတွင် ပါဝင်ရသည့် အကြောင်းအရင်းကို နားလည်ကြလိ့မ်မည်ဟု မျှော်လင့်ကြောင်းလည်း ကိုကောင်းမြင့်ထွဋ်က ပြောသည်။

ဒီမဲဆန္ဒနယ်မှာ မဲမလိမ်ပါက၀င်ရောက်ယှဉ်ပြိုင်မယ့် ကိုယ်စားလှယ်တွေပိုပြီးအလားအလာကောင်းတဲ့ ကိုယ်စားလှယ်တွေ ဖြစ်လာမှာပါ ။
စောင့်ကြည့် ရမည်သာ။ ။

Thursday, October 14, 2010

လျှက်တပျက် ဓာတ်ပုံ




ဒီနေ့  ဂင်ဇာ သွားရင်း တွေ့ မိတာလေး တင်လိုက်တာပါ ... ကွန်တိန်နာ ကား ဂေါင်းက အဝင်ဝ လွှတ် ပြီး ကွန်တိန်နာကြီး တစ်ပြီး မြေအောက် လမ်းထဲ ဝင်မရတာ ကို တင်လိုက်တာပါ ဆင်ပြောင်ကြီး ဂေါင်းဝင် ကိုယ်မဆန့် ...

မုန်တိုင်းကို စောင့်ကြည့်ရန်လို

ဘင်္ဂလားပင်လယ်အော်တွင် ဖြစ်ပေါ်နေသော မုန်တိုင်းငယ်၏ လားရာသည် လက်ရှိတွင် မြန်မာနိုင်ငံဘက်သို့ ဦးတည်နေခြင်း မရှိသော်လည်း နောက်ထပ် ၂၄ နာရီ ထပ်မံစောင့်ကြည့်ရမည်ဟု နေပြည်တော် မိုးလေဝသနှင့် ဇလဗေဒဌာနမှ ဒုတိယညွှန်ကြားရေးမှူး ဦးချစ်ကျော်က ပြောသည်။
(မုန်တိုင်းအခြေအနေ ထူးခြားသည်နှင့်အမျှ မဇ္ဈိမ တွင်ဆက်လက်ဖတ်ရှုနိူင်ပါသည်။)

ချီလီ သတ္တုတွင်း လုပ်သားအားလုံး လွတ်မြောက်ပြီ သတ္တုတွင်း လုပ်သားတွေရဲ့ စိတ်ဓာတ်ခိုင်မာမှု ချီလီသမ္မတ ချီးကျူး


သတ္တုတွင်း လုပ်သားတွေရဲ့ စိတ်ဓာတ်ခိုင်မာမှု ချီလီသမ္မတ ချီးကျူး


ဓာတ်ပုံ AP
နောက်ဆုံးမိုင်းလုပ်သား မြေပေါ်ပြန်ရောက်ပြီးနောက် ချီလီသမ္မတနှင့်အတူ တွေ့ရစဉ်။ အောက်တိုဘာ ၁၃၊ ၂၀၁၀။
ဘရိုင်ယန် ၀က်ဂ်နာ (Brian Wagner)

ကိုဝင်းမင်း
ချီလီနိုင်ငံက အရေးပေါ် ကယ်ဆယ်ရေး အလုပ်သမားတွေဟာ မိုင်းလုပ်သား ၃၃ ယောက်စလုံးကို ကယ်တင်လိုက်နိုင်ပါပြီ။ ချီလီနိုင်ငံနဲ့ ကမ္ဘာကြီးတခုလုံးကို ကိုင်လှုပ်စေခဲ့တဲ့ ဒီဒုက္ခရောက်မှုကြီးဟာ ၂ လ အကြာမှာတော့ အဆုံးသတ်သွားခဲ့ပါပြီ။ ချီလီအရာရှိတွေက လွတ်မြောက်လာတဲ့သူ အားလုံးနီးပါး ကျန်းမာရေး ကောင်းပုံရလို့ ၀မ်းသာကြောင်း ပြောကြပါတယ်။ ဒီအကြောင်းနဲ့ ပတ်သက်လို့ သတင်းပေးပို့ထားတာကို တင်ပြပေးထားပါတယ်။

နောက်ဆုံးကျန်နေတဲ့ မိုင်းလုပ်သားကို မြေကြီးပေါ် ပြန်ရောက်လာနိုင်အောင် ကယ်ထုတ်ပေးနိုင်ခဲ့ပါပြီ။ ချီလီနိုင်ငံ ဆန်ဟိုဆေးမြို့မှာ အခုလို ကယ်ထုတ်ရေး လုပ်ငန်းတွေ စပြီး ၂၄ နာရီ မတိုင်ခင်မှာ အခုလို ကယ်တင်နိုင်ခဲ့တာ ဖြစ်ပါတယ်။ အရာရှိတွေ အစက ထင်ထားတာက အနက် ၆၂၂ မီတာရှိတဲ့ ကယ်ဆယ်ရေး တွင်းလမ်းကြောင်းထဲကနေ အားလုံးကို ကယ်ထုတ်နိုင်ဖို့ ၄၈ နာရီအထိ ကြာနိုင်မယ်လို့ ထင်တာ ဖြစ်ပါတယ်။ ကယ်ဆယ်ရေး သမားတွေက ဗုဒ္ဓဟူးနေ့ တနေ့လုံး အရှိန်အဟုန်မြှင့် လုပ်ခဲ့တဲ့အတွက် အလုပ်သမားတဦးကို ၁၅ မိနစ်အတွင်း မြေပေါ် ဆွဲတင်ပေးနိုင်ခဲ့ပါတယ်။

နောက်ဆုံး ကျန်နေတဲ့ မိုင်းလုပ်သားကို မြေပေါ် ဆွဲတင်နေတဲ့ အချိန်မှာ အလုပ်သမားတွေဟာ ၀မ်းမြောက်ဝမ်းသာ လက်ခုပ်တီးပြီး အော်ဟစ်နေကြပါတယ်။ သူတို့က ‘ကြိုးစားကွ၊ ချီလီနိုင်ငံကွ၊ ငါတို့ မိုင်းလုပ်သား အားလုံးကို ကယ်တင်နိုင်တော့မယ်ဟေ့’ လို့ အော်ဟစ်နေတာ ဖြစ်ပါတယ်။ အခုနောက်ဆုံး လွတ်မြောက်လာသူကတော့ လူးဝစ်စ် အူဇူဝါ (Luis Urzua) ဖြစ်ပါတယ်။ သူဟာ သြဂုတ်လ ၅ ရက်နေ့ကတည်းက ရွှေနဲ့ ကြေးနီ မိုင်းထဲမှာ ပိတ်မိနေတဲ့ အလုပ်သမားတွေရဲ့ ခေါင်းဆောင် ဖြစ်ပါတယ်။

အူဇူဝါက ချီလီသမ္မတ ဆီဘက်ရှန် ပီနဲရာ (Sebastián Piñera) ကို လက်ဆွဲနှုတ်ဆက်ပြီး ကျေးဇူးတင်ကြောင်း ချီလီဘာသာနဲ့ ပြောခဲ့ပါတယ်။ သူက ဒီ အောင်မြင်တဲ့ ကယ်ဆယ်ရေး လုပ်ငန်းကြောင့် သူ ချီလီနိုင်ငံသား ဖြစ်ရတာ ဂုဏ်ယူတယ်လို့ ပြောပါတယ်။

သမ္မတ ပီနဲရာဘက်ကလည်း အလုပ်သမားတွေကို စုစုစည်းစည်းနဲ့ ထိန်းထားနိုင်ခဲ့ပြီး အခုလို အနစ်နာခံ နောက်ဆုံးမှ ထွက်လာခဲ့တဲ့အတွက် သူ့ကိုလည်း ကျေးဇူးတင်ကြောင်း အခုလို ပြောခဲ့ပါတယ်။

“အူဇူဝါဟာ သူ့ရဲ့တာဝန်ကို လုံးဝ ကျေခဲ့တယ်။ ဒါကြောင့် သူ့အတွက်ရော၊ ညီအကိုလို တသွေးတသားတည်း ရှိခဲ့ပြီး သတ္တိပြခဲ့ကြတဲ့ အလုပ်သမားတွေ အားလုံး အတွက်ပါ အစိုးရအနေနဲ့ ဂုဏ်ယူရပါတယ်။”

သမ္မတ ပီနဲရာဟာ အခုကယ်ဆယ်ရေး လုပ်နေရာကို ကိုယ်တိုင်သွားပြီး မိုင်းလုပ်သား တဦးစီနဲ့ သူတို့ရဲ့ မိသားစုတွေကို နှုတ်ဆက် အားပေးခဲ့ပါတယ်။ ဘိုလီးဗီးယား သမ္မတ အီဗို မိုရာလက်စ် (Evo Morales) ကလည်း ဗုဒ္ဓဟူးနေ့က ရောက်လာပြီး သမ္မတ ပီနဲရာနဲ့အတူ ဒီမိုင်းလုပ်သားထဲက ဘိုလီးဗီးယား နိုင်ငံသား တဦးဖြစ်တဲ့ ကားလော့စ် မာမာနီ (Carlos Mamani) ကို တွေ့ခဲ့ပါတယ်။

မိုင်းကျွမ်းကျင်သူတွေနဲ့ ရေတပ် ဆေးမှူးတွေ အပါအ၀င် ကယ်ဆယ်ရေး အလုပ်သမား ၆ ဦးဟာ အခုလို ကယ်ဆယ်ရေး လုပ်နိုင်ဖို့ မိုင်းထဲကို ကိုယ်တိုင် ဆင်းခဲ့ကြရပါတယ်။

ဖီးနစ်လို့ အမည်ပေးထားတဲ့ ဒီကယ်ဆယ်ရေး လုပ်ငန်းကြီးကို သူတို့ စတင်ခဲ့ပေမဲ့လည်း တွင်းထဲကနေတော့ နောက်ဆုံးမှ ကယ်ဆယ်ရေး လုပ်သားတွေက ထွက်ခဲ့ကြတာပါ။ ရေတပ် အင်ဂျင်နီယာတွေက မီတာ တ၀က်ကျယ်တဲ့ ကယ်ဆယ်ရေး တူးမြောင်းကို တူးခဲ့ပါတယ်။ ဒီမြောင်းထဲမှာ အောက်စီဂျင် ပေးထားပြီး ဖုန်းကို လက်နဲ့ကိုင်ထားစရာ မလိုဘဲ ပြောနိုင်တဲ့စနစ် ထည့်ထားပေးပါတယ်။ ဒါကြောင့် ပြင်ပနဲ့ အဆက်အသွယ် ပုံမှန် ရှိနေခဲ့ပါတယ်။

ကျန်းမာရေးဝန်ကြီး ဟာမီ မန်နာလစ်ခ်ျ (Jaime Mañalich) ကတော့ မိုင်းလုပ်သားတွေ အများစုဟာ အရင်က ထင်ထားတာထက် ကျန်းမာရေး ကောင်းနေတယ်လို့ ဆိုပါတယ်။ မိုင်းလုပ်သား တဦးစီအတွက် ကျန်းမာရေး စစ်ဆေးမှုတွေ လုပ်ပေးမယ်၊ အဆုတ် ဓာတ်မှန်ရိုက်တာတို့၊ နှလုံးစစ်ဆေးတာတို့ အပြင် လိုအပ်ရင် စိတ်ပိုင်းဆိုင်ရာ ကုသမှုတွေလည်း တချို့ကို လုပ်ပေးမယ်လို့ သူက ဆက်ပြောပါတယ်။

မိုင်းလုပ်သား အနည်းငယ်ကတော့ သွားခွဲစိတ်ကုသမှုတချို့ မကြာခင် လုပ်ရဖို့ ရှိပါတယ်။ သွားပြည်တည်တာနဲ့ တခြား သွားဘက်ဆိုင်ရာ ရောဂါတွေကို ကုသပေးဖို့ ဖြစ်ပါတယ်။ ၀န်ကြီးက အစိုးရိမ်ရဆုံးကတော့ အဆုတ်အအေးမိရောဂါ ရထားတဲ့ မိုင်းလုပ်သားအတွက်ပါလို့ ပြောပါတယ်။ ၀န်ကြီးက…

“ဒီမိုင်းလုပ်သားဟာ အရေးပေါ် ကုသရေး အခန်းထဲမှာ ရက်ပေါင်းများစွာ ဆက်နေရဖို့ရှိတယ်။ အောက်စီဂျင်နဲ့ အခြားကုသမှုတွေ ပေးနိုင်ဖို့ပါ။” လို့ ဆက်ပြောသွားပါတယ်။

သတင်းထောက်ပေါင်း ၁,၀၀၀ ကျော်ဟာ ဒီ အာတက်ကာမာ (Atacama) သဲကန္တရာထဲက အလှမ်းဝေးတဲ့ ဒီမိုင်းဆီကို အရောက်သွားပြီး ဒီသတင်းကို ယူခဲ့ကြပါတယ်။ Camp Hope လို့ အမည်ပေးထားတဲ့ မျှော်လင့်ခြင်း စခန်းလို့ ခေါ်တဲ့ ယာယီတည်းခိုရေး စခန်းမှာ မိုင်းလုပ်သားတွေရဲ့ မိသားစုတွေ၊ ကယ်ဆယ်ရေး သမားတွေနဲ့ အတူတူ သူတို့ နေခဲ့ကြပါတယ်။ ကမ္ဘာပေါ်က သန်းချီတဲ့ လူတွေကလည်း ဒီကယ်ဆယ်ရေး လုပ်ငန်းတွေကို တီဗီ ရုပ်မြင်သံကြားကနေ ကိုယ်တိုင် ကြည့်နိုင်ခဲ့ကြပါတယ်။

ဝါရှင်တန်မြို့တော်မှာလည်း သမ္မတ ဘရက်ခ် အိုဘားမား (Barack Obama) ဟာ ပထမမိုင်းလုပ်သား ထွက်လာနိုင်တာကို တီဗီပေါ်မှာ ကြည့်ပြီး ခဲရာခဲဆစ် ကြိုးပန်းခဲ့ကြတဲ့ ကယ်ဆယ်ရေး သမားတွေနဲ့ ချီလီပြည်သူတွေကို ချီးကျူးလိုက်ပါတယ်။ ကမ္ဘာတ၀န်းက အခုလို ကူညီပေးခဲ့သူ အားလုံးကိုလည်း ကျေးဇူးတင်ကြောင်း သူက ဆက်ပြောခဲ့ပါတယ်။ ဒီအကူအညီတွေထဲမှာ အမေရိကန် အခြေစိုက် မြေအောက် တွင်းတူးအဖွဲ့နဲ့ NASA ခေါ် အာကာသ အေဂျင်စီလည်း ပါပါတယ်။

Monday, October 11, 2010

တရုတ် နိုဘယ်လ် ငြိမ်းချမ်းရေးဆုရှင် ဇနီး ထိန်းသိမ်းခံရ

အကျယ်ချုပ်ဖြင့် ထိန်းသိမ်းခံလိုက်ရသည့် မစ်စ် လျူရှား။ဓာတ်ပုံ AP
ဗွီအိုအေ
၂၀၁၀ ခုနှစ် နိုဘယ်လ် ငြိမ်းချမ်းရေးဆုရှင် တရုတ် ဒီမိုကရေစီရေး လှုပ်ရှားသူ လျူရှောင်ဘို (Liu Xiaobo) ရဲ့ ဇနီးဖြစ်သူ လျူရှား (Liu Xia) ကို တရုတ်အာဏာပိုင်တွေက နေအိမ်မှာ အကျယ်ချုပ်နဲ့ အကျဉ်းချထားလိုက်တယ်လို့ အမေရိကန် ပြည်ထောင်စု အခြေစိုက် Freedom Now အဖွဲ့ကြီးက ဒီနေ့ ကြေညာလိုက်ပါတယ်။

ဒီနေ့မှာပဲ ထောင်ဒဏ် ၁၁ နှစ် ကျခံနေရတဲ့ လျူရှောင်ဘိုကို ဇနီးဖြစ်သူ လျူရှားက သွားရောက် တွေ့ဆုံခဲ့ပြီး အိမ်ကိုအပြန်မှာ အခုလို တရုတ်အာဏာပိုင်တွေက နေအိမ်မှာ အကျယ်ချုပ်နဲ့ အကျဉ်းချထားကြောင်း အမိန့်ထုတ်ပြန်လိုက်တာ ဖြစ်ပါတယ်။

လျူရှောင်ဘိုဟာ ၂၀၁၀ ခုနှစ် နိုဘယ်လ် ငြိမ်းချမ်းရေးဆုကို ရရှိတယ်လို့ ဒီနေ့မှာ ပြောကြားလိုက်တဲ့အခါ မစ္စတာ လျူရှောင်ဘိုဟာ ထောင်ထဲမှာ ၀မ်းသာပြီး ၁၉၈၉ ခုနှစ်မှာ သေဆုံးခဲ့ရတဲ့ ဆန္ဒပြသူတွေအတွက် ၀မ်းနည်းပြီးလည်း ငိုကြွေးခဲ့တယ်လို့ မစ်စ် လျူရှားက ပြောကြားခဲ့ပါတယ်။

နောက်ပိုင်းမှာတော့ မစ်စ် လျူရှားကို ဘယ်သူနဲ့မှ တွေ့ဆုံခွင့် မရရှိခဲ့သလို ဘယ်ကိုမှလည်း သွားခွင့်မပြုတဲ့အပြင် သူ့ရဲ့ လက်ကိုင်ဖုန်းကိုလည်း သုံးခွင့် မပြုခဲ့ဘူးလို့ ပြောဆိုခဲ့ပါတယ်။

လျူရှောင်ဘိုဟာ ဂျင်ဇောင်းမြို့က အကျဉ်းထောင်မှာ အကျဉ်းကျခံနေရတာ ဖြစ်ပြီး လျူရှားဟာ သူ့ရဲ့ ခင်ပွန်းဖြစ်သူကို မကြာခဏ သွားရောက်တွေ့ဆုံခွင့် ရခဲ့ရာက ဒီနေ့ အခုလို အကျယ်ချုပ်နဲ့ အကျဉ်းကျခံလိုက်ရတာ ဖြစ်ပြီး ဘာကြောင့်လဲ ဆိုတာကိုတော့ အခုချိန်ထိ ရှင်းရှင်းလင်းလင်း မသိရသေးပါဘူး။

တရုတ် လူ့အခွင့်အရေးသမားကို နိုဘယ်ငြိမ်းချမ်းရေးဆု ချီးမြှင့်

ဆလိုင်း ဟံသာစန်း

၂ဝ၁ဝ နိုဘယ်ငြိမ်းချမ်းရေးဆုကို တရုတ်လူ့အခွင့်အရေး လှုပ်ရှားသူ အကျဉ်းစံ Lui Xiaobo ကို ချီးမြှင့်ကြောင်း နော်ဝေနိုင်ငံ နိုဘယ်ဆု ချီးမြှင့်ရေးအဖွဲ့က ယနေ့ ကြေညာသည်။

နောက်ဆုံး ဆန်ကာတင် လူ ၂ ဦးနှင့် အဖွဲ့အစည်း ၃ ဖွဲ့ထဲက မစ္စတာ Lui Xiaobo ကို ရွေးချယ်ကြောင်း ယနေ့ နော်ဝေ စံတော်ချိန် မနက် ၁၁ နာရီ တွင် ကြေညာသည်။

“တရုတ်နိုင်ငံမှာ အခြေခံ လူ့အခွင့်အရေးတွေ
တရုတ်လူ့အခွင့်အရေး နိုဘယ်ငြိမ်းချမ်းရေးဆုရှင် Lui Xiaobo (Photo: Wikidemia Commons)ပြန်လည်ထွန်းကားရေးအတွက် အကြမ်းမဖက်နည်းနဲ့ အကြာကြီး တိုက်ပွဲဝင်နေသူကို ရွေးလိုက်တာပါ” ဟု နော်ဝေအခြေစိုက် ဆုရွေးချယ်ရေးအဖွဲ့က ထုတ်ပြန်သည်။

ယခုနှစ်အတွက် လူ ၁၉၉ ယောက်နှင့် ၃၈ ဖွဲ့တို့ကို ပဏာမ စရွေးခဲ့သည်။

Lui သည် တရုတ်နိုင်ငံ ဂျီလင်ပြည်နယ် ချန်ချူးမြို့တွင် ၁၉၅၅ ဒီဇင်ဘာ ၂၈ ရက်တွင် မွေးဖွားပြီး ဂျီလင် တက္ကသိုလ်မှ ၁၉၈၂ တွင် စာပေ (ဝိဇ္ဇာဘွဲ့) ရခဲ့သည်။ ယင်းတက္ကသိုလ်မှပင် ၁၉၈၄ တွင် မဟာဝိဇ္ဇာဘွဲ့ ရရှိခဲ့ပြီး ၁၉၈၈ တွင် ပီကင်းတက္ကသိုလ်မှ စာပေဒေါက်တာဘွဲ့ ရသည်။

တရုတ်နိုင်ငံတွင် ဒီမိုကရေစီရေး ပြန်လည်မြှင့်တင်ရန် ပညာရှင်နှင့် လူ့အခွင့်အရေး လှုပ်ရှားသူ ၃ဝ၃ ဦး လက်မှတ်ရေးထိုး ထုတ်ပြန်ခဲ့သည့် Charter 08 တွင် ပါ၍ Lui ကို တရုတ်အစိုးရက ၂ဝဝ၈ ဒီဇင်ဘာတွင် ဖမ်းပြီး ၂ဝဝ၉ ဒီဇင်ဘာတွင် ထောင် ၁၃ နှစ် ချခဲ့သည်။ ထောင်ကျနေစဉ် နိုဘယ်ငြိမ်းချမ်းရေးဆု ချီးမြှင့်ခံရသည်။

ယခုဆုကို ဒိုင်းနမိုက်တီထွင်သူ ဆွီဒင်နိုင်ငံသား အဲဖရက် နိုဘယ်က ကမ္ဘာ့ငြိမ်းချမ်းရေးအတွက် ကြိုးစားလုပ်ဆောင်နေသူများကို ချီးမြှင့်ရန် အခြားဆုများနှင့်အတူ ၁၈၉၅ က သေတမ်းစာရေး၍ ထူထောင်ပေးခဲ့သည်။

2010 Nobel Peace Laureate

ရတနာပုံနည်းပညာမြို့သစ် (ပြင်ဦးလွင်) မှ ကျောင်းသားချင်း ရန်ဖြစ်၍ ကျောင်းပိတ်လိုက်ရ



အောင်ထက်
ရတနာပုံနည်းပညာမြို့သစ် (ပြင်ဦးလွင်) တွင် Asian Institute of Technology (A.I.T) မှ ဖွင့်လှစ်ထားသော အဆင်မြင့် နည်းပညာရပ်ဆိုင်ရာ အင်ဂျင်နီယာ ဘွဲ့သင်တန်းများကို သင်ယူနေသော အဓိကဘာသာတွဲမတူသည့် ကျောင်းသားအုပ်စု နှစ်စု ခိုက်ရန်ဖြစ်ပွားသောကြောင့် အောက်တိုဘာ (၇) ရက်မှစ၍ ရက်အကန့်အသတ်မရှိ ကျောင်းပိတ်လိုက်ကြောင်း သိရသည်။

Business Information Technology (B.I.T) ကျောင်းသားတဦးက“အောက်တိုဘာ (၆) ရက် ည (၁၀) နာရီမှာ အဆောင်ရှေ့ဘောလုံးကွင်းမှာ ကစားကြရင်း ရန်ဖြစ်ကြတယ်။ အဲဒီမှာ A.I.T (၅ နှစ် အင်ဂျင်နီယာကျောင်းသား) တွေ အထိနာကြတယ်။ နောက်တနေ့ B.I.T (၃ နှစ် ကွန်ပျူတာကျောင်းသား) တွေ အတန်းဝင်နေတုန်း A.I.T ကျောင်းသားတွေ B.I.T လေးထပ်ဆောင်ကို ရောက်လာတယ်။ မှန်တွေ ရိုက်ခွဲ၊ အခန်းတံခါးတွေကို ရိုက်ချိုးဖွင့်ကြတယ်။ B.I.T ကျောင်းသားတွေက သူတို့ပစ္စည်းတွေ ဖျက်ဆီးနေတာ မြင်တော့ ပြန်ရိုက်ကြရင်း သွေးထွက်သံယိုတွေ ဖြစ်ကုန်ကြတယ်” ဟု ပြောသည်။

ကျောင်းဝင်းတခုတည်း အတူနေကျောင်းသားများသည် အုတ်ခဲ၊ တုတ်များ အသုံးပြု ရိုက်နှက်ကြသောကြောင့် ကျောင်းသား (၂၀) ခန့် ပြင်ဦးလွင်ဆေးရုံသို့ တင်ပို့ခဲ့ရကြောင်း ၎င်းက ဆက်လက်ပြောဆိုသည်။

B.I.T သင်တန်းဖွင့်သည်မှာ (၂) နှစ်ရှိဖြစ်ပြီး A.I.T သင်တန်းမှာ ယခုနှစ်မှ စတင်ဖွင့်လှစ်ခြင်းဖြစ်သည်။

“နှစ်ဖက် ဘောလုံးအသင်းရဲ့ ကျောင်းသားနှစ်ယောက်က စဖြစ်တယ် ပြောတယ်။ သေချာမသိဘူး။ ကျနော်ဆို ကိုယ်လွတ်ရုန်းပြေးပြီး ပုန်းနေရတယ်။ ကျောင်းသားတွေကလည်း သူ့အုပ်စု ကိုယ့်အုပ်စုမို့သာ ရိုက်နေကြတာ။ အဖြစ်မှန်ကို သေချာသိကြတာမဟုတ်ဘူး” ဟု A.I.T ကျောင်းသားတဦးက ပြောသည်။

အဆိုပါ ရန်ပွဲသို့ နိုင်ငံခြားသား ဆရာ (၃) ဦးအပါအ၀င် ဆရာအားလုံး ၀င်ရောက်ဖျန်ဖြေသော်လည်း ထိန်းမနိုင်ဖြစ်ခဲ့ကြောင်း၊ အတွေ့အကြုံမရှိသော နိုင်ငံခြားသားဆရာတို့မှာ လွန်စွာထိတ်လန့်ကြောက်ရွံ့နေကြကြောင်း ကျောင်းသားများထံမှ သိရသည်။

ရန်ဖြစ်သည်ကို ကြားသိလိုက်သော ပြင်ဦးလွင်ရှိ စိုးစံဘော်ဒါဆောင်တွင်နေထိုင်သည့် ဒုတိယနှစ် B.I.T ကျောင်းသားများကလည်း ပြင်ဦးလွင် မြို့ပေါ်ရောက်ရှိသည့် A.I.T ကျောင်းသားများအား ၀င်ရောက်ရိုက်နှက်ခဲ့ကြကြောင်း၊ လုံခြုံရေးတာဝန်ရှိသူများ ရောက်ရှိလာသော်လည်း အဆိုပါ အဆင့်မြင့်ကျောင်းသားများအား အရေးယူရန် အခက်အခဲ ရှိနေပုံရကြောင်း ပြင်ဦးလွင်မြို့ခံအချို့က ပြောသည်။

ထို့ကြောင့် ကျောင်းအုပ်ချုပ်ရေးက အောက်တိုဘာ (၇) ရက် ညနေ (၄) နာရီတွင် B.I.T ကျောင်းသားများအားလည်းကောင်း၊ အောက်တိုဘာ (၈) ရက် ညနေတွင် A.I.T ကျောင်းသားတို့အားလည်းကောင်း ခရီးသည်တင်ကားများဖြင့် အချိန်ခွဲ၍ နေရပ်ပြန်ပို့ခဲ့ရသည်။

အဆိုပါပြင်ဦးလွင်ကျောင်း၏ ရန်ကုန်ရုံးချုပ်တည်ရှိရာ သိမ်ကြီးဈေး (စီ) ရုံ တတိယထပ်သို့ သွားရောက်စုံစမ်းရာ “ကျောင်းသားချင်း ရန်ဖြစ်လို့ ကျောင်းပိတ်တာပါ။ ပြန်ဖွင့်မယ့်ရက်ကို အကြောင်းကြားပါ့မယ်။ ရွေးကောက်ပွဲလဲနီးနေတော့ ဆူဆူပူပူ မဖြစ်စေချင်လို့ပါ” ဟု တာဝန်ရှိသူများက ဖြေကြားသည်။

အဆိုပါ အဆင့်မြင့်သင်တန်းများသို့ တက်ရောက်ရန် တက္ကသိုလ်ဝင်တန်းကို သိပ္ပံဖြင့်အောင်မြင်ပြီး အနည်းဆုံး အမှတ် (၃၀၀) ရရှိရန်လိုအပ်သည်။ G.T.C (သို့) AGTI သင်တန်း (၂) နှစ်တက်ပြီးသူများ၊ သင်္ချာ (သို့) ရူပဗေဒဖြင့် ဘွဲ့ရရှိထားသူများသည် ဒုတိယနှစ်မှ စတင်တက်ရောက်ခွင့်ရှိကာ အင်္ဂလိပ်စာ အဆင့်အတန်းအတွက် IELTS 5.5 နှင့်အထက်၊ TOEFL 71 နှင့်အထက် လိုအပ်သည်။

၎င်းသင်တန်းကျောင်းသည် တနှစ်လျှင် သင်တန်းကြေး သိန်း (၃၀) ကျပ်၊ နေထိုင်စားသောက်စရိတ် ကျပ် (၁၀) သိန်း ပေးသွင်းရသည်ဟု သိရသည်။

Friday, October 8, 2010

၂၀၁၀ ခုနှစ် - နိုဘယ်လ်ငြိမ်းချမ်းရေးဆု တရုတ်အမျိုးသား Liu Xiaoboရရှိ


၂၀၁၀ ခုနှစ် - နိုဘယ်လ်ငြိမ်းချမ်းရေးဆု ရရှိသူ တရုတ်အမျိုးသား Liu Xiaobo

၂၀၁၀ ခုနှစ် - နိုဘယ်လ်ငြိမ်းချမ်းရေးဆု ရရှိသူ တရုတ်အမျိုးသား Liu Xiaobo ဖြစ်ပါတယ်။ Liu Xiaobo ဟာ လူ့ အခွင့်အရေးနဲ့  ငြိမ်းချမ်းရေးအတွက် ကြိုးပမ်းဆောင်ရွက်နေသူ ဖြစ်ပါတယ်။ Liu Xiaobo ဟာ ၂၀၀၉ ခုနှစ် ဇွန်လ (၂၃) ရက်နေ့ ကနေ စပြီး ထောင်ဒဏ် (၁၁) နှစ် ကျခံနေရပါတယ်။
လူ့ အခွင့်အရေးနဲ့  ငြိမ်းချမ်းရေးအတွက် ကြိုးပမ်းဆောင်ရွက်နေသူ Liu Xiaobo ၂၀၁၀ ခုနှစ် နိုဘယ်လ်ငြိမ်းချမ်းရေးဆု ရရှိတဲ့အတွက် ဂုဏ်ယူလေးစားရပါတယ်။

မန္တလေးမြို့ပေါ်တွင် ရေကြီး၍ ရုံးများ၊ ကျောင်းများ ပိတ်ထားရ


ခေတ်ပြိုင်
မြတ်ခိုင်ဦး

ဆည်တော်လေးရေလှောင်တမံမှ ရေမနိုင်၍ဖွင့်ချလိုက်သဖြင့် ယနေ့နံနက် (၄) နာရီမှစ၍ မန္တလေးမြို့ တောင်ဘက်အခြမ်း မြို့နယ်တို့တွင် ရေကြီးနေသည်။

မန္တလေး ပြည်ကြီးတံခွန်မြို့နယ် (ဂ) ရပ်ကွက်၊ အင်းခရု ရပ်ကွက်၊ ဘ (၃) ရပ်ကွက်၊ အောင်သာယာ၊ ထွန်တုံးရပ်ကွက်များ အပါအဝင် ချမ်းမြသာစည်မြို့နယ်လည်း အနည်းငယ်ရေမြုပ်သည့်အပြင် အစိုးရရုံးများ၊ ကျောင်းများကိုလည်း ပိတ်ထားရပြီး အဆိုပါ ရပ်ကွက်တို့မှ လူများမှာ လမ်းမပေါ် ထွက်နေရသည်ဟု ဘ (၃) ရပ်ကွက်သားတဦးက ပြောသည်။

ရေတားဘောင်မရှိသော ရပ်ကွက်များအတွင်း ရေဝင်လာသည့်အတွက် မန္တလေးမြို့၏ တောင်မြောက် လမ်းမကြီးဖြစ်သည့် (၆၂) လမ်းကို ရေကျော်သွားပြီး သွားရေးလာရေး ခက်ခဲနေကြောင်း၊ အချို့နေရာများတွင် ရေအမြင့် (၅) ပေခန့်ထိ ရှိနေကြောင်း သိရသည်။

“မန္တလေးမြို့ရဲ့ မြောက်ဘက် မိုင် (၃၀) ကျော် အကွာက တောင်ကျချောင်းရေတွေကို လှောင်တဲ့ ဆည်တော်လေး ရေလွှတ်လိုက်တာပါ။ ဆည်တော်လေးက လွှတ်လိုက်တော့ ပြည်ကြီးတံခွန် မြို့နယ်အတွင်းမှာ ပန်းရံတော်ချောင်းက ရေလျှံတာပါပဲ” ဟု ဘ (၃) ရပ်ကွက်သားက ဆိုသည်။

ပန်းရံတော်ချောင်းသည် မန္တလေးမြို့၏ အရှေ့တောင်ဘက်မှ စီးဆင်းလာကာ တောင်သမန်အင်းထဲသို့ စီးဝင်သောချောင်းဖြစ်ပြီး လွန်ခဲ့သော (၄) နှစ်က ဤသို့ရေကြီးမှု ဖြစ်ပေါ်ခဲ့ဖူးသော်လည်း ယခုအကြိမ်ကဲ့သို့ မပြင်းထန်ကြောင်း သိရှိရသည်။

အဆိုပါရေကြီးမှုကြောင့် အိမ်ခြေ (၅,၀၀၀) ကျော်ခန့် ရေအလွှမ်းခံနေရပြီး မန္တလေးမြို့ နေရာအတော်များများဖြစ်သည့် (၃၀၊ ၆၃၊ ၇၃) လမ်းအပြင် (၂၆) လမ်းမှ (၃၅) လမ်းအထိ ရေမြုပ်နေကာ အစိုးရက လောလောဆယ် ဘာမှ မပြုလုပ်ပေးသေးကြောင်း ဒေသခံများက ပြောသည်။

Thursday, October 7, 2010

အိုင် ပက်စ် တို့ နဲ့  မြန်မာစာ ဖတ်လို့  မရသေး

မနေ့ က တိုကျို ရှင်ဂျူကုက ဗစ်ကင်မရာမှာ စမ်းတာ အိုင် ပက်စ် တို့ နဲ့  မြန်မာစာ ဖတ်လို့  မရသေးတာ တွေ့ ရ အိုင်ပက်စ် ကို လာမယ့် အပတ် ကျမှ အိမ်မှာ ထပ်စမ်း ကြည့် မယ်...

အိုင် ပက်စ် နဲ့  အက်စ်ပယ်စတိုးမှာ imyanmar ကို ရှာမရသေး တဲ့ အဖြစ် တွေ့  နေ ရလို့ ပါ..

လပွတ္တာစက်လှေမှောက် ၁၉ ဦးသေ၊ ၃ ဦးပျောက်

မဇ္စျိမ

ဖနိဒါ

လပွတ္တာစက်လှေမှောက်မှုကြောင့် စက်လှေရှင်သမီး ကျောင်းဆရာမ အပါအ၀င် လူ ၁၉ ဦး သေဆုံးပြီး ၃ ယောက်ပျောက်နေသည်ဟု မြို့နယ်အာဏာပိုင်တဦးက ပြောသည်။

ဧရာဝတီတိုင်း လပွတ္တာမြို့နယ် ရွေးမြစ်ဝအနီးတွင် ယမန်နေ့ နံနက် ၇ နာရီကျော်က လူ ၇၉ ဦးပါ စက်လှေတိမ်းမှောက်ခဲ့သည်။ မိချောင်းအိုင်ရွာ ကျောင်းပေါင်းစုံ ဘောလုံးပွဲသို့ အသွား ပဒဲကောရွာမှ အထွက်တွင် တိမ်းမှောက်ကာ ကျောင်းသားကျောင်းသူ ဆရာ ဆရာမများနှင့် မိဘများ စက်လှေပေါ် ပါသွားသည်။

“ အလောင်းတွေ့တဲ့ ၁၉ ယောက်ထဲမှာ ပညာရေး ဌာနက ဆရာမ တဦး ရွာက အကူဆရာမ တဦးပါတယ်၊ ၅၇ ယောက်အသက်ရှင်တယ်”ဟု မယကရုံး တာဝန်ရှိသူ တဦးက ပြောသည်။

အသက် ၄၂ နှစ်အရွယ်ရှိ စက်လှေပိုင်ရှင် ဦးတင့်ဇော်ကိုယ်တိုင် စက်လှေကို မောင်းသွားခဲ့ပြီး သူ၏သမီးဖြစ်သူ မစုမြတ်စန္ဒာသည် စလူဆိပ်ကျေးရွာမှ ကျောင်းဆရာမတဦးဖြစ်သည်။

တင်နိုင်အားထက် ပိုတင်၍ မှောက်သည် ဆိုခြင်းကို မယကရုံးက ပယ်ချလိုက်ပြီး စက်လှေအကွေ့တွင် တိမ်းမှောက်သွားသည်ဟုသာ ပြောသည်။

လပွတ္တာမြို့နယ် စလူဆိပ်၊ ပြင်စလူကုန်း၊ ပိတောက်ကုန်း၊ ပဒဲကော စသည့်ရွာများမှ မူလတန်း အလယ်တန်း ကျောင်းသားများ စက်လှေပေါ် ပါလာကြသည်။

ကျန်းမာရေးဌာနနှင့် ကြက်ခြေနီ မီးသတ်တို့ ကယ်ဆယ်ရေး လုပ်နေကြသည်ဟု ဒေသခံများက ပြောသည်။

အလောင်းများကို မနက်ဖြန် မီးသင်္ဂြိုဟ်မှာဖြစ်သည်။

တိုယိုတာ ကုမ္ပဏီ မြန်မာပြည် ရင်းနှီးမြှုပ်နှံမှု ရပ်ဆိုင်း


ရန်ပိုင်
စစ်အစိုးရနှင့် ဖက်စပ်လုပ်ကိုင် နေသည့် မြန်မာ ဆူဇူကီးကား ထုတ်လုပ်ရေး လုပ်ငန်းတွင် တိုယိုတာ ကားကုမ္မဏီကြီး၏ ကုမ္ပဏီခွဲ တခုဖြစ်သော Toyota Tsusho Corp (TTC) က ဆက်လက် ရင်းနှီးမြုပ်နှံတော့မည် မဟုတ်ကြောင်း သိရသည်။


ဖေဖော်ဝါရီ လဆန်းက ဂျပန်နိုင်ငံ နာဂိုရာမြို့ရှိ ပြခန်းတွင် ၀န်ထမ်းတဦးကို တိုယိုတာ ကုမ္ပဏီ အမှတ် တံဆိပ် ရှေ့၌ တွေ့ရစဉ်။ တိုယိုတာ ကုမ္ပဏီက စစ်အစိုးရနှင့် ဖက်စပ်လုပ်ကိုင်နေသည့် အစုရှယ်ယာကို ရောင်းချခဲ့ကြောင်း သိရသည် (ဓာတ်ပုံ - Reuters/Kim Kyung-Hoon)
ထို TTC ကုမ္ပဏီသည် တိုယိုတာ ကားကုမ္ပဏီကြီးမှ ထုတ်လုပ်သည့် ပစ္စည်းများကို ဖြန့်ဖြူး ရောင်းချပေးသည့် ကုမ္ပဏီ တခုဖြစ်ပြီး မြန်မာနိုင်ငံရှိ ဆူဇူကီး ကားထုတ်လုပ်မှု လုပ်ငန်းတွင် အစုရှယ်ယာ ၂၀ ရာခိုင်နှုန်း ရင်းနှီးမြုပ်နှံမှု ပြုလုပ်ထားသည်ဟု ယမန်နေ့က ရိုက်တာ သတင်း တရပ်တွင် ဖော်ပြထားသည်။

အမေရိကန် အခြေစိုက် သိက္ခာရှိသည့် ရင်းနှီးမြုပ်နှံမှု ကုမ္မဏီများဖြစ်သော Trillium ကုမ္မဏီနှင့် Domini Social Investment ကုမ္ပဏီတို့၏ ဖိအားပေးမှုကြောင့် ယခုအခါ လူ့အခွင့်အရေး ချိုးဖောက်မှုများ ရှိနေသည့် မြန်မာနိုင်ငံတွင် ရင်းနှီးမြုပ်နှံထားသည့် ရှယ်ယာများကို ပြန်လည် ရောင်းချလိုက်ပြီ ဖြစ်သည်ဟုလည်း သတင်း၌ ရေးသားထားသည်။

တိုယိုတာ ကားကုမ္ပဏီ၏ ဒု ဥက္ကဋ္ဌ ဂျိမ်းစ် ၀ိုက်စ်မန်းက“ဆက်သွယ်ရေး ရုံးတရုံး ဖွင့်ထားတာကလွဲပြီး အဆက်အဆံမရှိတော့ပါဘူး” ဟု ဆိုသည်။

ထို့အပြင် တိုယိုတာကုမ္ပဏီနှင့် ဆက်စပ်နေသည် အဖွဲ့အစည်းများ အနေဖြင့် မည်သည့်စီးပွားရေး လုပ်ငန်းမှ စစ်အစိုးရနှင့် တိုက် ရိုက် ဆက်ဆံခြင်းမရှိပါကြောင်း အစုရှယ်ယာဝင်များကို ရှင်းပြခဲ့သည်။

အဆိုပါ TTC ကုမ္ပဏီ၏ ပြောရေးဆိုခွင့်ရှိသူ တဦးကလည်း ထိုသို့ ဆက်ဆံမှု မရှိတော့သည်မှာ ဟုတ်မှန်ကြောင်း ပြောသည်။

စစ်အစိုးရကို စီးပွားရေး ပိတ်ဆို့မှု ပြုလုပ်ထားသည့် အမေရိကန်ပြည်ထောင်စုနှင့် ဥရောပသမဂ္ဂ နိုင်ငံများမှ ကုမ္ပဏီများမှာ မြန်မာ နိုင်ငံတွင် ရင်းနှီးမြုပ်နှံခွင့် မရရှိပေ။ ယခုအခါ အာရှတိုက်နိုင်ငံများမှ ကုမ္ပဏီတချို့လည်း မြန်မာပြည်တွင် ရင်းနှီး မြုပ်နှံခြင်းမှ တဖြည်းဖြည်း ပြန်လည်ထွက်ခွာနေပြီဖြစ်ကြောင်း သိရသည်။

ယင်းဆူဇူကီး ကုမ္ပဏီနှင့် အမှတ် (၂) စက်မှုဝန်ကြီးဌာနတို့ ၁၉၉၈ ခုနှစ်မှ စ၍ ဂျပန်နိုင်ငံမှ တင်သွင်းလာသည့် ကားပစ္စည်း အစိတ် အပိုင်း များကို ရန်ကုန်တိုင်း လှိုင်သာယာ စက်မှုဇုန်တွင် ပြန်လည်တပ်ဆင်ပြီး ဆူဇူကီးကားများကို ပူးပေါင်း ထုတ်လုပ်ခြင်းဖြစ် သည်။

ထို့အပြင် ဖြန့်ဖြူးရောင်းချခြင်းနှင့် ပြုပြင်ထိန်းသိမ်းခြင်းများကိုလည်း လုပ်ကိုင်သည့်အပြင် ရင်းနှီးမြုပ်နှံမှု၏ ၇၀ ရာခိုင်နှုန်းကို ဂျပန် ကုမ္ပဏီမှ လည်ကောင်း ကျန် ၃၀ ရာခိုင်နှုန်းကို စစ်အစိုးရမှလည်းကောင်း ရင်းနှီးမြုပ်နှံသည်။

ပထမအဆင့် အမေရိကန်ဒေါ်လာ ၆.၇ သန်း စတင်ရင်းနှီးမြုပ်နှံခဲ့သည်။ ယင်း မြန်မာ- ဆူဇူကီး ဖက်စပ်လုပ်ငန်းသည် ကားများ အပြင် မော်တော်ဆိုင်ကယ်များကိုပါ ထုတ်လုပ်ရောင်းချသည်။

၁၉၉၈ ခုနှစ်မှ ၂၀၀၃ ခုနှစ် သြဂုတ်လအထိ အဆိုပါ ဆူဇူကီးကော်ပိုရေးရှင်းက စစ်အစိုးရကို အခွန်ငွေ အမေရိကန်ဒေါ်လာ ၁.၇ သန်း ပေးဆောင်ခဲ့သည်ဟု ၂၀၀၄ ခုနှစ်ထုတ် မြန်မာတိုင်းမ် သတင်းစာ တစောင်တွင် ရေးသားထားသည်။

မြန်မာနိုင်ငံတွင် ထုတ်လုပ်သည့် ဆူဇူကီးအမျိုးအစားများမှာ SUZUKI Wagon Plus အမျိုးအစား လူစီးယာဉ်များနှင့် အသေးစား ကုန်တင်ယာဉ် အမျိုးအစား Mini Truckကားများအပါအ၀င် Viva အမျိုးအစား ဆိုင်ကယ်များလည်း ထုတ်လုပ်သည်။

မြန်မာနိုင်ငံတွင် SUZUKI Wagon Plus ကားတစီး၏ တန်ဖိုးမှာ မြန်မာငွေ ကျပ်သိန်း၂၂၀ ခန့် ဖြစ်ပြီး Mini Truck ယာဉ်မှ မြန်မာ ငွေ ကျပ်သိန်း ၁၁၀ ခန့် ဖြင့် ရောင်းချသည်။

ဆူဇူကီးကုမ္မဏီသည် မြန်မာပြည်ဈေးကွက်တွင် ၂၀၀၆ ခုနှစ်အထိ ကားအစီးရေ ၁၂၀၀၀ ထုတ်လုပ်ခဲ့ပြီး တရားဝင်လိုင်စင် ရရှိခြင်း၊ အပိုပစ္စည်းပေါများခြင်းတို့ကြောင့် လူကြိုက်များသည်ဟု ၀ယ်ယူ သုံးစွဲသူများက ပြောဆိုကြသည်။

ဆူဇူကီး ကားနှင့် ဆိုင်ကယ်များ ဖြန့်ဖြူးရောင်းချရေးကို မြန်မာပြည် ဖွား တရုတ်လူမျိုး Mr Surge Pun ခေါ် ဦးသိန်းဝေ ၏ SPA Motorcycle Ltd မှ ဖြန်ချိကြောင်း၊ မြန်မာနိုင်ငံတွင် စီးပွားရေးလုပ်ငန်းများစွာ ရင်းနှီးမြုပ်နှံနေသည့် ဦးသိန်းဝေ သည် ၎င်းတည် ထောင်ထားသည့် ရိုးမ ဘဏ် နှင့်ချိတ်ဆက်ကာ ယခင်က ဆူဇူကီး ကားနှင့် ဆိုင်ကယ်များကို အကြွေးစနစ်ဖြင့် ရောင်းချပေးခဲ့ဖူး ကြောင်း သိရသည်။

GSM နှင့် WCDMA ဖုန်းများ အင်တာနက် သုံးနိုင်တော့မည်


သော်ညိမ်း
မြန်မာ့ ဆက်သွယ်ရေး လုပ်ငန်းမှ ကျပ် ၅ သိန်းတန် CDMA ကမ်းရိုးတန်းဖုန်းများ ချထားပေးပြီးနောက် ပြင်ပပေါက်ဈေးများ ဆက်တိုက် ကျဆင်းနေသော GSM နှင့် WCDMA ဖုန်းများကို ယခုလကုန်ပိုင်းတွင် အင်တာနက် အသုံးပြုနိုင်ရန် စီစဉ်ဆောင်ရွက်လျက် ရှိကြောင်း မြန်မာ့ဆက်သွယ်ရေးမှ တာဝန်ရှိသူတဦးကဆိုသည်။


ရန်ကုန်မြို့တွင်း ဖုန်းဟန်းဆက်ဆိုင်တွင် ဖုန်းဝယ်သူကို အသုံးပြုပုံ ရှင်းပြနေစဉ် (ဓာတ်ပုံ - ဧရာဝတီ)
GSM နှင့် WCDMA ဖုန်းများတွင် အင်တာနက် အသုံးပြု နိုင်ရန်အတွက် မြန်မာ့ ဆက်သွယ်ရေး လုပ်ငန်းနှင့် သတင်းနှင့် နည်းပညာ ဗဟိုဌာန (ITCS) တို့ ပူးပေါင်း ဆောင်ရွက်ခြင်း ဖြစ်ကြောင်း သိရသည်။

“GSM service ရှိတဲ့ နေရာတိုင်းမှာ သုံးလို့ရမှာပါ။ ဒီလကုန်လောက် သုံးနိုင်အောင် ကြိုးစားနေပါတယ်” ဟု မြန်မာ့ ဆက်သွယ်ရေးမှ တာဝန်ရှိသူ တဦးက ပြောသည်။

GSM၊ WCDMA ဖုန်းများကို ယခင်က လူသုံးများ သော်လည်း ကျပ် ၅ သိန်းတန် CDMA 800 MHz ဖုန်းများ ချထားပေး ပြီးနောက်ပိုင်း သုံးစွဲသူအများစုက ၅ သိန်းတန်ဖုန်းများကို ပိုမိုစိတ်ဝင်စားလာမှုကြောင့် GSM ဖုန်းများ၏ ပေါက်ဈေးမှာ ကျပ် ၁၀ သိန်းအောက်သို့ ကျဆင်းလာကြောင်း ဖုန်းဝယ်ရောင်း လုပ်ကိုင်သူတဦးက ဆိုသည်။

“အခုဆို GSM တွေ ကိုင်ထားတဲ့သူတွေက ၅ သိန်းတန်ဘက် လှည့်လာတယ်။ ဈေးကလည်း ဆက်တိုက်ကျနေတော့ အင်တာနက်သုံးလို့ ရမယ်ဆိုရင် လူတွေကစိတ်ဝင်စားလာပြီး ဈေးပြန်တက်လာမယ်” ဟု ၎င်းကဆိုသည်။

မြန်မာနိုင်ငံ၌ GSM ဖုန်းတလုံး သုံးစွဲခွင့်ကို အစိုးရထံတွင် လျှောက်ထားမည်ဆိုပါက အစိုးရထုတ်ဈေး ကျပ် ၁၅သိန်း ၅ သောင်း ရှိပြီး လက်ရှိပေါက်ဈေးမှာ အစိုးရထုတ်ဈေးထက် နိမ့်ကျနေသည်။

ဖုန်းများတွင် အင်တာနက်သုံးနိုင်တော့မည့် သတင်းများထွက်ပေါ်လာပြီးနောက်ပိုင်း GSM သုံးစွဲသူများက မျှော်လင့်နေကြပြီး ယင်းစနစ်အသုံးပြုနိုင်ရန် 3G ဟန်းဆက်များ ကိုင်ဆောင်ရမည်ဖြစ်ကာ WIFI မရှိသော နေရာများ တွင်လည်း အသုံးပြုနိုင်မည်ဖြစ်ကြောင်း သိရသည်။

“လောလောဆယ် GSMနဲ့ WCDMA က အင်တာနက် သုံးနိုင်မယ်။ နောက်ပိုင်း ၅ သိန်းတန်ဖုန်းတွေပါ အသုံးပြုနိုင်အောင် စီစဉ်နေတယ်။ MPT နဲ့ သက်ဆိုင်ရာရဲ့ ဈေးနှုန်း သတ်မှတ်ချက် အတည်မပြုရ သေးတာကြောင့် အတိအကျမသိရသေးဘူး” ဟု မြန်မာ့ဆက်သွယ်ရေးမှ တာဝန်ရှိသူတဦးက ပြောကြောင်း ရန်ကုန်အခြေစိုက် ဖုန်းဆိုင်တဆိုင်၏ တာဝန်ခံက ဆိုသည်။

၂၀၁၀ ပြည့်နှစ်အတွင်း CDMA 800 MHZ ဖုန်းလိုင်း ၁ သိန်းအတွက် ဆက်သွယ်ရေးစခန်း ၄၂ ခု ထပ်မံတိုးချဲ့ တည်ဆောက် မည်ဟု မြန်မာ့ဆက်သွယ်ရေးလုပ်ငန်းက ထုတ်ပြန်ထားသည်။

မြန်မာနိုင်ငံတွင် မိုဘိုင်းလ်ဖုန်းစနစ်ကို ၁၉၉၃ ခုနှစ်တွင် ဆယ်လူလာ စနစ်ဖြင့် စတင်ခဲ့ပြီး ၁၉၉၇ ခုနှစ်တွင် CDMA ဖုန်းစနစ် စတင်သုံးစွဲခဲ့ကာ ၂၀၀၂ ခုနှစ်တွင် GSM ဖုန်းစနစ်ကို စတင်ခဲ့သည်။ WCDMA ဖုန်းများကို ၂၀၀၈ ခုနှစ် နာဂစ်ဖြစ်ပွားပြီး နောက်ပိုင်း ပြည်သူများကို သုံးစွဲခွင့်ပြုခဲ့ခြင်းဖြစ်သည်။ CDMA 800 MHz ဖုန်းလိုင်းများကို ၂၀၁၀နှစ်ဆန်းပိုင်းမှ စတင်သုံးစွဲခွင့် ပြုခဲ့ခြင်းဖြစ်သည်။

လက်ရှိ မြန်မာနိုင်ငံတွင် အော်တိုတယ်လီဖုန်း (ကြိုးဖုန်း) အလုံးရေ ၈၆၆ ၀၈၄၊ ARTS ရေဒီယို တယ်လီဖုန်း အလုံးရေ ၃၈၅၆၊ DECT ရေဒီယို တယ်လီဖုန်းအလုံးရေ ၁၉၄၉၊ CDMA (Fixed) တယ်လီဖုန်း အလုံးရေ ၂၀၀၃၈၊ CDMA (Mobile) တယ်လီဖုန်း အလုံးရေ ၅၄၅၆၅၀၊ CDMA 800 MHzတယ်လီဖုန်း အလုံးရေ ၁၅၀၀၀၀၊ D-AMPS တယ်လီဖုန်း အလုံးရေ ၃၈၄၀၀၊ GSM တယ်လီဖုန်း အလုံးရေ ၄၉၄၃၀၀၊ WCDMA တယ်လီဖုန်းအလုံးရေ ၂၈၀၀၀ နှင့် McWLL တယ်လီဖုန်းအလုံးရေ ၅၀၀၀၀ တို့ အသုံးပြုလျက်ရှိကြောင်း သိရသည်။

Tuesday, October 5, 2010

ဖန်ပြွန်သန္ဓေသား တည်ထွင်သူ နိုဘယ်လ်ဆုရ


ဗွီအိုအေ

ဓာတ်ပုံ AP
မစ္စတာ ရောဘတ် အက်ဒ်ဝါ့ဒ်စ်။


IVF လို့ အတိုကောက်ခေါ်တဲ့ ခန္ဓာကိုယ်ပြင်ပမှာ သန္ဓေအောင်အောင် လုပ်တဲ့နည်းကို လေ့လာတွေ့ရှိခဲ့သူ ဗြိတိန်က သိပ္ပံပညာရှင် ရောဘတ် အက်ဒ်ဝါ့ဒ်စ် (Robert Edwards) ကို ၂၀၁၀ နိုဘယ်လ် ဆေးသိပ္ပံဆု ပေးအပ်လိုက်ပါတယ်။

သန္ဓေမအောင်နိုင်တဲ့ စုံတွဲပေါင်း သန်းနဲ့ချီကို ကလေးရအောင် လုပ်ပေးခဲ့တဲ့ သိပ္ပံပညာရှင် အက်ဒ်ဝါ့ဒ်စ်ရဲ့ တွေ့ရှိမှုဟာ ခေတ်သစ် ဆေးပညာမှာ မှတ်ကျောက်တင်နိုင်ခဲ့တယ်လို့ ဆွီဒင်က နိုဘယ်လ်ဆု ရွေးချယ်ရေး ကော်မတီက ပြောပါတယ်။

မ မျိုးဥကိုယူပြီး ခန္ဓာကိုယ် အပြင်မှာ သန္ဓေအောင်အောင် လုပ်ပေးပြီးတော့မှ အဲဒီသန္ဓေကို သားအိမ်ထဲ ပြန်ထည့်ပေးတဲ့ တီထွင်မှုကို အခု အသက် ၈၅ နှစ် ရှိပြီဖြစ်တဲ့ မစ္စတာ အက်ဒ်ဝါ့ဒ်စ်က လေ့လာ စမ်းသပ် အောင်မြင်ခဲ့တာ ဖြစ်ပါတယ်။

ပြင်ပမှာ သန္ဓေအောင်တဲ့နည်းကို ၁၉၈၈ ခုနှစ်မှာ ကွယ်လွန်သွားသူ သူ့ရဲ့ လုပ်ဖော်ကိုင်ဘက် ပက်ထရစ် စတက်ပ်တိုး (Patrick Steptoe) နဲ့အတူ ၁၉၅၀ ပြည့်လွန်နှစ်တွေ ကတည်းက မစ္စတာ အက်ဒ်ဝါ့ဒ်စ် စတင် ဆောင်ရွက်ခဲ့တာ ဖြစ်ပါတယ်။

ဖန်ပြွန်သန္ဓေသားလို့ ခေါ်ကြတဲ့ ပထမဆုံး ကလေးကို ၁၉၇၈ ခုနှစ်မှာ စတင် မွေးဖွားနိုင်ခဲ့ပြီးချိန်ကတည်းက ပြင်ပမှာ မျိုးအောင်တဲ့ ကလေးပေါင်း ၄,၀၀၀,၀၀၀ လောက်အထိ ဖွားမြင်နိုင်ခဲ့ပြီလို့ နိုဘယ်လ်ဆု ရွေးချယ်ရေး ကော်မတီက ပြောပါတယ်။

ဆုရရှိတဲ့အတွက် ဆုကြေး ဒေါ်လာ ၁,၅၀၀,၀၀၀ နဲ့ ရွှေတံဆိပ်ဆု ချီးမြှင့်ခံရမှာ ဖြစ်ပါတယ်။ နှစ်စဉ်ပေးနေတဲ့ ကဏ္ဍစုံ နိုဘယ်လ်ဆုတွေအတွက် ဆေးသိပ္ပံကို အမြဲတမ်း ပထမ ကြေညာလေ့ ရှိပါတယ်။

သရုပ်ဆောင် ဒေါ်တင်တင်လှ ကွယ်လွန်




နရီလင်းလက်
အမေ ဇာတ်ရုပ်အဖြစ် ပီပြင်စွာ သရုပ်ဆောင်ခဲ့သည့် ရုပ်ရှင်သရုပ်ဆောင် ဒေါ်တင်တင်လှ၊ အသက် (၆၈) နှစ်သည် အောက် တိုဘာလ ၂ ရက်နေ့ (စနေနေ့) နံနက် (၆း၄၅) က ရန်ကုန်ပြည်သူ့ ဆေးရုံကြီးတွင် ကွယ်လွန်သွားခဲ့ပြီး အောက်တိုဘာ ၄ ရက်နေ့ နံနက် (၁၁း၀၀) နာရီက ရေဝေးသုသာန်၌ သင်္ဂြိုဟ်ခဲ့ကြောင်း သိရသည်။ ရုပ်ရှင်သရုပ်ဆောင် ဒေါ်တင်တင်လှ


“နေမကောင်း ဖြစ်တာနဲ့ စက်တင်ဘာ ၃၀ ရက်နေ့က ဆေးရုံ စတက်ပြီး ကုခဲ့တယ်။ ဆရာဝန်တွေက ကင်ဆာဖြစ်တယ် လို့လည်း ပြောတယ်။ ဒါနဲ့ လိုအပ်တာတွေ စစ်တော့ ကင်ဆာ မဟုတ်ဘူးလို့ ပြောတယ်။ ဆုံးသွားတဲ့ အချိန်အထိ ဘာရောဂါမှန်း ဆရာဝန် တွေတောင် မသိလိုက်ဘူး” ဟု ဒေါ်တင်တင်လှ၏ သမီး မသီရိအေးက ပြောသည်။

ဆေးရုံ တင်ထားသည့် ၃၊ ၄ ရက်အတွင်း ဆရာဝန်များ ရှာဝယ်ခိုင်းသည့် ဆေးကို ဆေးခန်းများတွင် ၀ယ်မရ၍ အခက်အခဲနှင့် တွေ့ခဲ့ရပြီး နောက်ဆုံး ၀ယ်ယူရခဲ့သည့် ဆေး ၈ လုံးထဲမှ သောကြာနေ့ ညက ၁ လုံးသာ ထိုးလိုက်ရကြောင်း သူက ဆက် ပြောပြသည်။

ရုပ်ရှင်အစည်းအရုံးဝင်ဖြစ်တော့ အမိန့်ပြန်တမ်း ကို လူကြုံနဲ့ ထည့်ပေးလိုက်တယ် ဟု ဆိုသည်။

ဒေါ်တင်တင်လှသည် မင်းသားကြီး ဦးရွှေဘ လက်ထက် ကတည်းက မင်းသမီးအဖြစ် သရုပ်ဆောင်ခဲ့သူ တဦးဖြစ်ပြီး နာမကျန်း မဖြစ်မီကာလအထိ ရုပ်ရှင်၊ ဗီဒီယိုဇာတ်ကားများစွာတွင် မင်းသား၊ မင်းသမီး များစွာ၏ အမေဇာတ်ဝင်ခန်း၊ အဒေါ်ဇာတ်ဝင်ခန်းများတွင် ပါဝင်သရုပ်ဆောင်ခဲ့သူ ဖြစ်သည်။

ကိုကျော်သူ သရုပ်ဆောင်လောကသို့ စတင် ဝင်ရောက်ခဲ့သော စာရေးဆရာမ မအေးလေး၏ ၀တ္ထုကို ရိုက်ကူးထားသည့် “ဥက္ကာ” အမည်ရှိ ဗီဒီယို ဇာတ်လမ်းတွင်လည်း ဒေါ်တင်တင်လှက ကိုကျော်သူ၏ မိခင်အဖြစ် သရုပ်ဆောင်ခဲ့သည်ဟု ကိုကျော်သူက ပြောပြသည်။

ဒေါ်တင်တင်လှသည် ရုပ်ရှင်အစည်းအရုံးဝင် အမေများအဖွဲ့တွင်လည်း ပါဝင်၍ နယ်လှည့် ကပြဖျော်ဖြေခဲ့သူဖြစ်သည်။

ဒေါ်တင်တင်လှ၏ နောက်ဆုံးခရီးကို အမေများအဖွဲ့မှ မိတ်ဆွေရောင်းရင်းများ၊ နာရေးကူညီမှု အသင်းမှ အဖွဲ့ဝင်များ လိုက်ပါပို့ဆောင်ခဲ့ကြကြောင်း သိရသည်။

Monday, October 4, 2010

ပုသိမ်မြို့တွင် ကွန်ပျူတာ ကွန်ယက် ချိတ်ဆက်မှု သင်တန်း ဖွင့်လှစ်


မြို့တော်ပုသိမ် သတင်းစဉ်


ဧရာဝတီတိုင်း မြို့တော်ပုသိမ်တွင် ကွန်ပျူတာ အခြေခံ တတ်မြောက်ပြီး အဆင့်မြင့် ကွန်ပျူတာ ပညာရပ်များကို ဆက်လက် လေ့လာလိုသူများ အတွက် ကွန်ပျူတာ ကွန်ယက် ချိတ်ဆက်မှု နည်းပညာသင်တန်း (Network Engineering Course) ကို ယခုလအတွင်း ဖွင့်လှစ်မည် ဖြစ်ကြောင်း သိရသည်။

ဂျာမဏီ၂ နိုင်ငံ ပြန်လည် ပေါင်းစည်းနိုင်ခဲ့တဲ့ အနှစ် ၂၀ ပြည့် အထိမ်းအမှတ် ဆင်နွှဲ

ဗွီအိုအေ
တခါက အနောက်ဂျာမဏီနဲ့ အရှေ့ဂျာမဏီ နှစ်နိုင်ငံ ပြန်လည်ပေါင်းစည်းပြီး တခုတည်းသော ဂျာမဏီနိုင်ငံ ပြန်လည် တည်ထောင်နိုင်ခဲ့တဲ့ နှစ် ၂၀ မြောက် အထိမ်းအမှတ် ပွဲလမ်းသဘင် အခမ်းအနားတွေကို ဒီကနေ့ ဂျာမဏီနိုင်ငံ တ၀န်းမှာ ဆင်နွှဲနေကြပါတယ်။

ကုန်ဆုံးခဲ့တဲ့ နှစ် ၂၀ အတွင်း ပြန်လည်ပေါင်းစည်းခဲ့တဲ့ ဂျာမဏီနိုင်ငံရဲ့ အရှေ့ဘက်ဒေသ တခုလုံးဟာ အပြောင်းအလဲနဲ့ ကိုက်ညီတဲ့ စွမ်းပကားတွေနဲ့ အံ့သြစရာ ကောင်းလှတဲ့ လုပ်ငန်းတွေကို လုပ်ဆောင်ခဲ့ကြတယ်လို့ ဂျာမန်ဝန်ကြီးချုပ် မစ်စ် အိန်ဂျလာ မာကဲလ် (Ms. Angela Merkel) က ဂျာမန်မဂ္ဂဇင်း Super Illu ကို ပြောဆိုခဲ့ပါတယ်။

အမေရိကန် ပြည်ထောင်စုရဲ့ အရင်းနှီးဆုံး မဟာမိတ် နိုင်ငံကြီးတွေထဲက တနိုင်ငံဖြစ်တဲ့ ဂျာမဏီနိုင်ငံရဲ့ ပြန်လည် ပေါင်းစည်းနိုင်ခဲ့မှုဟာ သမိုင်းဝင် အောင်မြင်မှုတရပ် ဖြစ်တယ်လို့ သမ္မတ ဘရက်ခ် အိုဘားမား (Barack Obama) ထုတ်ပြန်တဲ့ ကြေညာချက်မှာ ဖော်ပြထားပြီးတော့ ဒီအောင်ပွဲဟာ ဥရောပ တတိုက်လုံးနဲ့ တကမ္ဘာလုံးမှာပါ မကြုံစဘူး ထူးကဲတဲ့ လွတ်မြောက်မှုတွေအတွက် လမ်းဖွင့်ပေးခဲ့တဲ့ တံခါးပေါက်လည်း ဖြစ်ခဲ့တယ်လို့ မနေ့က ထုတ်ပြန်ခဲ့တဲ့ သမ္မတ အိုဘားမားရဲ့ ကြေညာချက်မှာ ချီးကျူး ရေးသားထားပါတယ်။

ရုရှားသမ္မတ ဒီမီထရီ မက်ဒ်ဗီဒက်ဗ် (Dmitry Medvedev) ကလည်း ဂျာမဏီနှစ်နိုင်ငံ ပြန်လည် ပေါင်းစည်းနိုင်ခဲ့ခြင်းက ရုရှားနဲ့ ဂျာမဏီ နှစ်နိုင်ငံကြားက မဟာဗျူဟာမြောက် ပူးပေါင်းဆောင်ရွက်မှု တရပ်ရဲ့ အခြေခံ အုတ်မြစ်ကို ဖြစ်ပေါ်စေခဲ့တယ်လို့ ချီးကျူး ပြောဆိုလိုက်ပါတယ်။

ဒုတိယကမ္ဘာစစ်ကြီးမှာ ဂျာမဏီနိုင်ငံ စစ်ရှုံးခဲ့ပြီးတဲ့နောက် ဂျာမဏီဟာ အနောက်အုပ်စုကို လိုလားတဲ့ အနောက်ဂျာမဏီနဲ့ ကွန်မြူနစ် ဆိုဗီယက် ယူနီယံကို လိုလားတဲ့ အရှေ့ဂျာမဏီဆိုပြီး နှစ်နိုင်ငံ ကွဲထွက်ခဲ့ရာက ၁၉၉၀ ခုနှစ်မှာ နှစ်နိုင်ငံ ပြန်လည် ပေါင်းစည်းနိုင်ခဲ့ပါတယ်။

အခုလို ဂျာမဏီနှစ်နိုင်ငံ ပြန်လည် ပေါင်းစည်းနိုင်ခဲ့မှုကြောင့် ဂျာမဏီနိုင်ငံ အရှေ့ဘက်ခြမ်းက ပြည်သူတွေရဲ့ နေ့စဉ်ဘ၀ လုပ်ငန်းဆောင်တာတွေမှာ ဈေးဝယ်တာကနေ ဗျူရိုကရေစီ လုပ်ငန်းတွေအထိ သွင်ပြင်လက္ခဏာတိုင်းမှာ လုံးဝဥဿုံ ပြောင်းပြန်လှန်လိုက်သလို တိုးတက်ကောင်းမွန် ပြောင်းလဲသွားစေခဲ့တယ်လို့လည်း ဂျာမန်ဝန်ကြီးချုပ် မစ်စ် မာကဲလ်က ပြောဆိုခဲ့ပါတယ်။

ထိုင်းနိူင်ငံ ဘန်ကောက်မြို့ဆူကွန်ဗစ် လမ်းကြီးပေါ်တွင် ကလေးငယ်များ ပါဝင်သည့် ညစ်ညမ်းခွေ ရောင်း



ရန်ပိုင်
ဘန်ကောက်မြို့စီးပွားရေး အချက်အချာကျသည့် ဆူကွန်ဗစ် လမ်းကြီးပေါ်တွင် မြန်မာကလေးငယ်များ ပါဝင်သည့် ညစ်ညမ်း ဗီစီဒီနှင့် ဒီဗီဒီ အခွေများကို လွတ်လပ်စွာ ရောင်းချနေကြောင်း သိရသည်။

ကလေးငယ်များ ပါဝင်သည့် ညစ်ညမ်းအခွေများ ရောင်းချသည့် ဆိုင်တဆိုင်။ (ဓာတ်ပုံ - Bangkok Post)
ဆူကွန်ဗစ် လမ်းမကြီးပေါ်ရှိ ဆွိုင် ၃ နှင့် ဆွိုင်၂၁ လမ်းများအတွင်း ယင်းတရားမ၀င် ညစ်ညမ်းခွေများ ရောင်းချနေပြီး မြန်မာ၊ တရုတ်၊ ဖိလစ်ပိုင်၊ ထိုင်းနှင့် ဥရောပမှ ကလေးငယ်များ ပါဝင်ကြောင်း၊ နောက်ဆုံးထုတ် ဟောလီးဝုဒ် ရုပ်ရှင် ခိုးကူးခွေများနှင့်အတူ ရောနှောရောင်းချ နေခြင်းဖြစ်ကြောင်း ယမန်နေ့ထုတ် ဘန်ကောက်ပို့စ်သတင်းစာတွင် ရေးသား ထားသည်။

ကလေးငယ်များ ပါဝင်သည့် ညစ်ညမ်းခွေများ၏ တန်ဘိုးမှာ ဗီစီဒီ တချပ်လျှင် ဘတ် ၈၀ (၂၄၀၀ ကျပ်ခန့်) ဖြစ်ပြီး တချို့သော အခွေများ၏ မျက်နှာဖုံးတွင် ကလေးငယ်များကို လိင်ဆက်ဆံနေသည့် ပုံများဖြင့် ကွက်ကွက်ကွင်းကွင်း ပီပီပြင်ပြင် ကြော်ငြာထားကြောင်း၊ ကလေးငယ်တချို့မှာ အသက်အားဖြင့် ၇ နှစ်ခန့်သာရှိမည် ဖြစ်ကြောင်း သိရသည်။

ထိုသို့သော ညစ်ညမ်းအခွေများကို ပေါ်ပေါ်တင်တင် ရောင်းချနေသည့် နယ်မြေမှာ နိုင်ငံတကာ သံတမန်အသိုင်းအ၀န်း နေထိုင်သည့် နယ်မြေဖြစ်သည်။

သံတမန်တဦးက “ဒါဟာ လက်ခံနိုင်စရာမရှိတဲ့ လုပ်ရပ်ပါ။ အစိုးရကလည်း လက်ပိုက်ကြည့်မနေသင့်ဘူး”ဟု ဆိုသည်။

ယခုကဲ့သို့ ကမ္ဘာလှည့် ခရီးသည်အများ အပြားသွားလာနေသည့် မြို့တော်၏ အချက်အချာကျသည့် လမ်းမပေါ်တွင် ကလေးညစ်ညမ်းအခွေများ ရောင်းချနေခြင်းသည် တခြားသော ကမ္ဘာ့တိုင်းပြည်များတွင် မြင်တွေ့ရန် အလွန်ပင် ခဲယဉ်းကြောင်း ယင်းသံတမန်က ဆက်လက်ပြောသည်။

ယခုကဲ့သို့ ကလေးညစ်ညမ်းခွေများ ရောင်းချနေသည့် ဈေးသည်များကို ရဲများက မနှိမ်နင်းသည်မှာ အံသြဖွယ်ကောင်းကြောင်း ထိုနယ်မြေတွင် နေထိုင်သည့် ဒေသခံတဦးက ဆိုသည်။

“ဒီလိုအခွေတွေကို လမ်းဘေးမှာ ဆိုင်နဲ့ ကန္နားနဲ့ ရောင်းနေတာ မယုံနိုင်စရာဘဲ။ တနင်္ဂနွေဆို ညနေ ၃ နာရီလောက်ကတည်းက ဆိုင်ခင်းရောင်းနေတာ” ဟု ၎င်းက ဆိုသည်။

လွန်ခဲ့သည့် နှစ်အနည်းငယ်အတွင်းတွင်မူ ဟောလီးဝုဒ် ရုပ်ရှင်များကိုသာ ခိုးကူးခွေများအဖြစ် ရောင်းချကြောင်း၊ သို့သော် ၀ယ်သူကို အခွေအဖုံးသာပြ၍ ရောင်းချကြောင်း၊ ယခုကဲ့သို့ ဆိုင်ပေါ်တွင်တင်၍ မရောင်းကြောင်း ၎င်းက ဆက်လက်ပြောသည်။

မူပိုင်ခွင့် ချိုးဖောက်မှုများနှင့် ပတ်သက်၍ အရေးယူနေသော အမည်မဖော်လိုသည့် ရဲအရာရှိတဦးက “နယ်မြေခံ ရဲနဲ့ ဥပဒေ ထိန်းသိမ်းတဲ့ အဖွဲ့တွေကတော့ ဒီညစ်ညမ်း ရုပ်ရှင်တွေကို ဖမ်းနိုင်ပါတယ်” ဟု ဆိုသည်။

ညစ်ညမ်းခွေများ ဖြန့်ဖြူးခြင်း၊ ပြသခြင်းများကို ထိုင်းနိုင်ငံ၏ ပြစ်မှုဆိုင်ရာ ဥပဒေ ပုဒ်မ ၂၈၇ အရ ထောင်ဒဏ် ၃ နှစ် သို့မဟုတ် ဒဏ်ငွေ ဘတ် ၆၀၀၀ သို့မဟုတ် ထောင်ဒဏ်၊ ငွေဒဏ် တပေါင်းတည်း အပြစ်ပေးနိုင်သည်ဟု အဆိုပါ ရဲအရာရှိက ဆက်လက်ပြောသည်။

ယခုကဲ့သို့သော ပြဿနာများသည် ပုန်းလျှိုးကွယ်လျှိုး စုံစမ်းစစ်ဆေးရမည့် အရာများ မဟုတ်သည့်အတွက် အရေးယူရန် လွယ်ကူသော်လည်း မည်သူက ကိုင်တွယ်ဖြေရှင်မည်ဆိုသည့် ကိစ္စမှာ ပြဿနာဖြစ်ကြောင်း၊ ယခု ညစ်ညမ်းခွေများ ဖြန့်ချိရောင်းချနေသည့် လုပ်ငန်းတွင် ဘန်ကောက်မြို့၏ သြဇာရှိသော အသိုင်းအ၀န်းများ ပါဝင်ပတ်သက်နေသည့်အတွက် ဖမ်းဆီးရန် မလွယ်ကူကြောင်း ၎င်းရဲအရာရှိက ဆိုသည်။

မလေးရှားရှိ မြန်မာအကူအညီပေးရေး အဖွဲ့များ မြန်မာ အချင်းချင်းထံ ငွေ ယူ လုပ်ကိုင် စားသောက်

မြန်မာ အချင်းချင်း ကူညီနိူင်ကြပါစေ
ဧရာဝတီ
ကိုထွေး
မလေးရှားနိုင်ငံရှိ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) က ပြုလုပ်ပေးနေသည့် ဒုက္ခသည် မှတ်ပုံတင်ခွင့်ကို ရရှိနေသော အဖွဲ့အစည်းများက ယင်းမှတ်ပုံတင်ခွင့်ကို အကျိုးစီးပွားအတွက် ရောင်းစားနေကြောင်း သတင်းရရှိသည်။

မလေးရှားနိုင်ငံရှိ အမျိုးသား ဒီမိုကရေစီ အဖွဲ့ချုပ် လွတ်မြောက်နယ်မြေ (မလေးရှား) (NLD-LA)၊ ဗမာဒုက္ခသည် ကယ်ဆယ်ရေး အသင်း (BRO)၊ ချင်းဒုက္ခသည်ကော်မတီ (Chin Refugee Committee-CRC)၊ ရခိုင်ဒုက္ခသည် ကယ်ဆယ်ရေးအဖွဲ့ (ARRC) အပါအဝင် အဖွဲ့အစည်းများက ယင်းသို့ ပြုလုပ်နေခြင်းဖြစ်ကြောင်း မလေးရှားနိုင်ငံ ကွာလာလမ်ပူရောက် မျက်မြင်သက်သေ မြန်မာအသိုင်းအ၀န်းက ပြောသည်။

BRO နှင့် NLD-LA အဖွဲ့ဝင် တဦးဖြစ်သော ကိုမောင်က “ကျနော့်မှာ အဖွဲ့ဝင်ကတ်လည်းရှိတယ်။ လစဉ်ကြေး ရင်းဂစ် ၆၀ (၁၈၀၀ ကျပ်) လောက်ပေးလာတာ တနှစ်လောက်ရှိပြီ။ အခု UN က ဒုက္ခသည် မှတ်ပုံတင်ခွင့် ပေးတော့လည်း ကျနော့်ကို ဘာမှ မပြောဘူး။ ပိုက်ဆံပေးနိုင်တဲ့သူတွေကို ပေးလိုက်တယ်။ ပိုက်ဆံယူပြီး လုပ်နေကြတယ်” ဟုပြောသည်။

UNHCR က ဒုက္ခသည် မှတ်ပုံတင်ခြင်းနှင့် ပတ်သက်၍ အထောက်အထားများ ထုတ်ပေးခြင်းကို သြဂုတ်လ ၁၇ ရက် နေ့မှ စက်တင်ဘာလ ၁၉ ရက်နေ့အထိ ပြုလုပ်ပေးခဲ့သည်။

“မလေးရှားမှာ ကျနော်နေထိုင်ခွင့်အတွက် လတ်မှတ် တခုမှမရှိဘူး။ UNHCR ကလည်း အဲဒီလို အဖွဲ့အစည်းတွေကိုပဲ ထုတ်ပေးတယ်” ဟု သူက ဆက်လက် ပြောဆိုသည်။

ရခိုင်နှင့် ဗမာများကို မလေးရှား UNHCR က နှစ်အတန်ကြာ လျစ်လျူရှုထားပြီးနောက် ယခုနှစ်တွင် ပထမဆုံးအကြိမ်အဖြစ် ဒုက္ခသည် မှတ်ပုံတင်ရန် လူဦးရေ ၆၀၀၀ ခန့်ကို မြန်မာ အဖွဲ့အစည်းများထံ ချပေးခဲ့ကြောင်း ယင်းအဖွဲ့အစည်းများနှင့် နီးစပ်သူများက ဆိုသည်။

UNHCR တွင် ဒုက္ခသည် အဖြစ် မှတ်ပုံတင်ခွင့် ရရှိထားသူများသည် ဆေးကုသမှုခံယူပါက ကုန်ကျစရိတ်၏ တ၀က်သာ ကျခံရမည်ဖြစ်သည့်အပြင် မလေးရှား အာဏာပိုင်များ၏ ဖမ်းဆီးထိန်းသိမ်းခြင်းခံရပါက UN တာဝန်ရှိသူများက လိုက်လံ ဆောင်ရွက်ပေးလေ့ရှိသဖြင့် မလေးရှားရှိ မြန်မာ အလုပ်သမားများအကြား ဒုက္ခသည် မှတ်ပုံတင်ခွင့် ရေပန်းစားလျက်ရှိသည်။

မလေးရှားတွင် လာရောက် အလုပ်လုပ်ကိုင်နေသော ဆန်နီက “ကျနော့် သူငယ်ချင်းက NLD-LA နဲ့ မှတ်ပုံတင်တာ ရင်းဂစ် ၇၀၀ (ကျပ် ၂ သိန်း ၁ သောင်းခန့်) ပေးရတယ်။ BRO က ရင်းဂစ် ၅၀၀ (ကျပ် ၁ သိန်းခွဲ) ပေါက်ဈေးရှိတယ်။ ကျနော်လည်း မှတ်ပုံတင်၊ မတင် စဉ်းစားနေတာ” ဟု ပြောသည်။

CRC ၊ NLD-LA ၊ BRO စသော အဖွဲ့အစည်းများနှင့် ဆက်သွယ်၍ မှတ်ပုံတင်ပါက ရင်းဂစ် ၃၁၀ မှ ရင်းဂစ် ၇၀၀ အထိ ပေါက်ဈေးရှိပြီး အခကြေးငွေပေး၍ ဆောင်ရွက်ခြင်းသည် အဖွဲ့ဝင်များထက် ဒုက္ခသည်အဖြစ် မှတ်ပုံတင်ခွင့်ရရန် ပိုမို သေချာကြောင်းလည်း သိရသည်။

ရွှေ့ပြောင်း အလုပ်သမား အရေး ဆောင်ရွက်ပေးနေသည့် ကိုကျော်ထူးအောင်က “မလေးရှား NLD က ၂၀၁၀ ရွေးကောက်ပွဲ ဆန့်ကျင်ရေး ဆောင်ရွက်နေသလိုလို အသံလွှင့်တယ်။ တကယ်တော့ ဒုက္ခသည် မှတ်ပုံတင်ချင်တဲ့သူတွေဆီက ပိုက်ဆံ ကောက်နေတာ။ အဲဒါကို မခံချင်လို့ အလိမ်ခံရတဲ့ လူတယောက်နဲ့ အင်တာဗျူးကို ကျနော် ဘလော့ဂ်ပေါ်မှာ တင်လိုက်တယ်” ဟု ဆိုသည်။

ယင်းစွပ်စွဲချက်ကို မလေးရှား NLD-LA နှင့် ARRC တို့က ငြင်းဆိုခဲ့သော်လည်း BRO အဖွဲ့ကမူ ယင်းကိစ္စအတွက် ဖြေကြားပြောဆိုနိုင်မည့်သူ မရှိဟု ဆက်သွယ်ရာတွင် ပြန်ကြားခဲ့သည်။

မလေးရှား UNHCR သည် မြန်မာနှင့် ရခိုင်များကို ဒုက္ခသည်အဖြစ်အသိအမှတ် မပြုဘဲ ဘာသာရေး၊ လူမျိုးရေး ခွဲခြားမှုများကြောင့် ဇွန်လ ၆ ရက်နေ့က ရခိုင် ဒုက္ခသည် ၅၀၀ ခန့် UNHCR ရုံးရှေ့တွင် ဆန္ဒပြခဲ့ကြသည်။

တလလျှင် ၂ ကြိမ် ထုတ်ဝေ ဖြန့်ချိနေသည့် မလေးရှားနိုင်ငံ အခြေစိုက် သူရိယ ဂျာနယ် အယ်ဒီတာက “UNHCR က ချင်းနဲ့ ရိုဟင်ဂျာတွေကို အခွင့်အရေး ပိုပေးထားတယ်။ တခြားလူမျိုးတွေကိုတော့ ခွဲခြားဖိနှိပ်မှုတွေ လုပ်နေတယ်။ ဒါဟာ ဒုက္ခသည် အစစ်တွေ မှတ်ပုံတင်ခွင့်ရဖို့အတွက် အခက်အခဲဖြစ်တယ်” ဟု ပြောသည်။

“ကျနော်မှတ်မိသလောက် ပြောရရင် အရင်က မလေး UNHCR မှာ ချင်းစကားပြန် တယောက်ပဲ ထားပေးတယ်။ တခြားလူမျိုးတွေအတွက် စကားပြန်မရှိဘူး” ဟုလည်း ၎င်းက ဆက်လက်ပြောဆိုသည်။

ဧရာဝတီက ယင်းစွပ်စွဲချက်များနှင့် ပတ်သက်၍ UNHCR ကို ဆက်သွယ်ခဲ့သော်လည်း တစုံတရာ ဖြေကြားခြင်း မရှိခဲ့ပေ။

ချင်းခေါင်းဆောင်များက မလေးရှားရှိ UNHCR သို့ သွားရောက် တောင်းဆိုမှုကြောင့် ဒုက္ခသည်များအဖြစ် ချင်းလူမျိုးများကို ၂၀၀၁ မှ စတင်၍ အသိအမှတ် ပြုခဲ့ကြောင်း၊ ၂၀၀၉ ခုနှစ် ဇွန်လမှ ၂၀၁၀ မတ်လ အထိ CRC ကို ဒုက္ခသည် ၁၀၀၀၀ မှ ၁၅၀၀၀ အထိ လတ်မှတ်များ ထုတ်ပေးခဲ့ပြီးဖြစ်ကြောင်း CRC မှ ပူးတွဲ အကောင်ထည်ဖော်သူ တဦးဖြစ်သူ Kennedy Lal Ram Lian က ပြောသည်။

“ကျနော်တို့ ကိုယ်တိုင်ကလည်း သောင်းဂဏန်းလောက်ရှိတဲ့ လူတွေကို လိုက်ပြီးတော့ မကြီးကြပ်နိုင်တော့ အဖွဲ့ခွဲလေးတွေကိုပဲ ကိုင်တွယ်ခိုင်းတယ်။ သူတို့ ကိုင်တွယ်ထားတဲ့ စာရင်းတွေဆိုတော့ အဲဒီမှာ တချို့ လွဲချော်မှုတွေ ရှိကောင်း ရှိနိုင်ပါတယ်။ ဒီကိစ္စကို အတိအကျ သွားပြီးတော့ လေ့လာနိုင်တဲ့ အတိုင်းအတာမရှိဘူး” ဟု ၎င်းက ဆိုသည်။

ချင်းအဖွဲ့ အနေဖြင့် မှတ်ပုံတင်ကြေးအဖြစ် လူတဦးလျှင် ရင်းဂစ် ၃၀ (ကျပ် ၉၀၀၀ ခန့်) ကောက်ခံကြောင်း၊ ဒုက္ခသည် မှတ်ပုံတင်ခွင့်အတွက် ကူညီ ဆောင်ရွက်ပေးရသူများကို ဖုန်းခ၊ ခရီးစရိတ် စသော ကုန်ကျ စရိတ်များအတွက် ပြန်လည်ထောက်ပံ့ ပေးရသည်များလည်း ရှိကြောင်း ဆိုသည်။

သို့သော်လည်း CRC နှင့် ဒုက္ခသည် မှတ်ပုံတင်ခွင့် ရရှိရန် ဆောင်ရွက်ခဲ့သည့် အမည်မဖော်လိုသူ တဦးက ဒုက္ခသည် လတ်မှတ်ရရှိရေး အတွက် CRC က ရင်းဂစ် ၃၅၀၀ (ကျပ် ၁၀ သိန်းကျော်) ခန့် တောင်းဆိုကြောင်း၊ မှတ်ပုံတင်ရန်အတွက် တခုတည်းကိုမူ ရင်းဂစ် ၁၂၀၀ (ကျပ် ၃ သိန်းခွဲကျော်) ပေးရကြောင်း ဆိုသည်။

“ဒုက္ခသည်ဖြစ်ပြီးတော့ တတိယနိုင်ငံမှာ အခြေချဖို့ အတွက် ရင်းဂစ် ၃၅၀၀ ပေးရတာ တန်တယ်လို့ သူတို့က ပြောတယ်၊ UN မှာ အင်တာဗျုးအတွက်လည်း သူတို့က ရေးပေးတယ်” ဟု ၎င်း ကဆိုသည်။

သြဂုတ်လကုန်အထိ ဒုက္ခသည် ၉၀၃၀၀ ခန့် ဒုက္ခသည်အဖြစ် အသိအမှတ်ပြုရန် စာရင်းပေးခဲ့ကြောင်း၊ ယင်းတို့ အထဲတွင် ၈၃၀၀၀ သည် မြန်မာနိုင်ငံမှဖြစ်ကြောင်း၊ ချင်း ၃၈၅၀၀၊ ရိုဟင်ဂျာ ၁၉၇၀၀၊ မြန်မာ မွတ်ဆလင် ၇၄၀၀၊ မွန် ၃၉၀၀၊ ကချင် ၃၅၀၀ ခန့် ဖြစ်ပြီး တခြား တိုင်းရင်းသား လူနည်းစုများလည်းပါဝင်ကြောင်း မလေးရှား UNHCR အင်တာနက် စာမျက်နှာတွင် ရေးသား ထားသည်။

ဒုက္ခသည်များ ခိုလှုံခွင့်နှင့် ပတ်သက်၍ ကုလသမဂ္ဂ၏ သဘောတူစာချုပ်တွင် မလေးရှားနိုင်ငံသည် ပါဝင် လက်မှတ် ရေးထိုးထားခြင်း မရှိကြောင်း သိရသည်။

မလေးရှားနိုင်ငံရှိ ဒုက္ခသည်များသည် တတိယနိုင်ငံများသို့ သွားရောက်နေထိုင်ခွင့်ရရန် စောင့်ဆိုင်းနေစဉ်အတွင်း ပြင်ပတွင် အလုပ်လုပ်ပိုင်ခွင့် ရရှိကြသည်။

ဒုက္ခသည်အဖြစ် အသိအမှတ်ပြုခံရသူများသည် UNHCR ၏ အစီအစဉ်ဖြင့် တတိယနိုင်ငံများ ဖြစ်သည့် ကနေဒါ၊ အမေရိကန်၊ သြစတြေးလျ၊ ဒိန်းမတ်၊ နယူးဇီလန်၊ ဆွီဒင်နှင့် ချက်သမ္မတနိုင်ငံတွင် သွားရောက် အခြေချနေထိုင်ခွင့် ရကြသည်။

ဆင်းရဲသည့် အာရှနိုင်ငံများမှ အလုပ်သမား အများအပြား မလေးရှားနိုင်ငံတွင် သွားရောက် အလုပ်လုပ်ကိုင်လျက် ရှိသည်။ ထိုအထဲတွင် မြန်မာပြည်သား ၅ သိန်းခန့် ရှိမည်ဟု ခန့်မှန်းကြသည်။ နယ်စပ်မှ တရားမဝင် ဝင်ရောက်ပြီး အလုပ်ရှာဖွေသူများ ရှိသကဲ့သို့ အလုပ်သမား အေဂျင်စီများနှင့် ဆက်သွယ်ပြီး တရားဝင် သွားရောက်သူများလည်း ရှိနေသည်။

Saturday, October 2, 2010

စီးကရက်အခွန် ဂျပန် တိုးကောက်

ဂျပန်နိုင်ငံမှာ ဆေးလိပ်အခွန်ကို ၄၀ ရာခိုင်နှုန်းအထိ တိုးမြှင့်လိုက်ပါတယ်။ ကမ္ဘာပေါ်မှာ ဆေးလိပ်အသောက်ဆုံး နိုင်ငံတခုအနေ နဲ့ ဆေးလိပ်သောက်တာကို လျှော့ချဖို့ မျှော်လင့်ပြီး အခုလို တိုးလိုက်တာပါ။
သောကြာနေ့ကစပြီး အသက်ဝင်ခဲ့တဲ့ အဲဒီအခွန်တိုးမြှင့်တာဟာ စီးကရက်တံဆိပ်အမျိုးမျိုးရဲ့ တဘူးဈေးနှုန်းကို ငါးဒေါ်လာ ဒါမှ မဟုတ် အဲဒီထက်ပိုများသွားမှာဖြစ်ပြီးတော့ အမေရိကန် တချို့ပြည်နယ်တွေက ဈေးနဲ့ တူတူဖြစ်သွားပါလိမ့်မယ်။
ဆေးလိပ်ခွန်တိုးကောက်တာဟာ အခွန်ငွေ တိုးရဖို့ရည်ရွယ်တာမဟုတ်ဘဲ ဆေးလိပ်သမားတွေ ဆေးလိပ်ဖြတ်အောင် တွန်းအား ပေးဖို့ ရည်ရွယ်တာဖြစ်တယ်လို့ ကျန်းမာရေးဝန်ကြီးဌာနက ပြောပါတယ်။ ဒါပေမဲ့လည်း အခုလို တိုးကောက်လိုက်တဲ့အတွက် ပထမနှစ်မှာတင် အခွန်ငွေ ဒေါ်လာ ၇၅၆ သန်း တိုးရမယ်လို့ ခန့်မှန်းထားပါတယ်။
ဂျပန်အမျိုးသား သုံးပုံတပုံကျော် ဆေးလိပ်သောက်ကြတယ်ဆိုတာကို လေ့လာချက်အမျိုးမျိုးကနေ သိထားရပါတယ်။ အဲဒါဟာ ၁၉၆၀ ပြည့် နှစ်လည်ပိုင်းတွေက ငါးယောက်မှာ လေးယောက် သောက်ခဲ့တာထက်စာရင် လျော့သွားတာပါ။ ဂျပန်အမျိုးသမီး ရှစ်ယောက်မှာ တယောက် ဆေးလိပ်သောက်ကြပါတယ်။

Test with iphone copy and upload

လက်ကမ်းစာစောင်များ ဖြန့်ဝေသည့် ကျောင်းသားများကို မတရား ဖမ်းဆီးချုပ်နှောင်

(ကျောင်းသားများ နိူင်ငံရေးသမားများ အသုံးချခံအဖြစ်မှ ကင်းဝေးပြီး လူအခွင့် အရေး အပြည့် အဝ ရ ရှိ နိူင်ပါစေ)
မဇ္ဈိမ

ယခုလအတွင်း ၂၀၁၀ ရွေးကောက်ပွဲတွင် ပြည်သူများ အား လှုံ့ဆော်စာများကို မြောက်ဥက္ကလာမြို့နယ်မှ ၁၉ နှစ်မှ ၂၄ နှစ်အကြားရှိ တက္ကသိုလ်ကျောင်းသား ၆ ဦးက ဖြန့်ချိခြင်းသည် အခြေခံအခွင့်အရေးများနှင့်အညီ ဖြစ်သောကြောင့် ဖမ်းဆီးမှု ဖြစ်သည်။

အမျိုးသားလွှတ်တော် ရွေးကောက်ပွဲ ဥပဒေ အခန်း (၁) အပိုဒ် (၃)(ဎ) တွင် ’’ရွေးကောက်မှုဆိုင်ရာ အခွင့်အရေး ဆိုသည်မှာ ရွေးကောက်ပွဲတွင် မဲမပေးနိုင်သော အခွင့်အရေး သို့မဟုတ် မဲပေးခြင်း မပြုဘဲ နေနိုင်သော အခွင့်အရေးကို ဆိုလိုသည်’’ ဟု ပြဋ္ဌာန်းဖော်ပြခဲ့ပြီး၊ မြန်မာနိုင်ငံ အစိုးရကိုယ်တိုင် ပါဝင်လက်မှတ် ရေးထိုးထားသည့် ကုလသမဂ္ဂ လူ့အခွင့်အရေး ကြေညာစာတမ်း အပိုဒ် (၁၉) တွင်လည်း ’’လူတိုင်းတွင် လွတ်လပ်စွာ ထင်မြင်ယူဆနိုင်ခွင့်နှင့် လွတ်လပ်စွာ ဖွင့်ဟဖော်ပြနိုင်ခွင့် ရှိကြောင်း’’ ဖော်ပြ ရေးထားသည်။

ထို့ကြောင့် လူ့အခွင့်အရေးနှင့်အညီ နအဖ အမျိုးသားလွှတ်တော် ရွေးကောက်ပွဲဥပဒေ၌ ပါရှိသည့် ဥပဒေပုဒ်မများအတိုင်း ၂၀၁၀ ရွေးကောက်ပွဲအား မဲမပေးဘဲနေနိုင်ပြီး၊ လက်ကမ်းစာစောင်များ ဖြန့်ဝေသည့် ကျောင်းသားများကို မတရား ဖမ်းဆီးချုပ်နှောင်ခြင်းဖြစ်သည်။

ဖမ်းဆီးခံရသည့် ကျောင်းသားစာရင်း

၁။ သာထူးအောင် (ဘ) ဦးခင်မောင်ဦး၊ အသက် ၂၀ နှစ်၊ ဘီအီး နောက်ဆုံးနှစ်၊ ည ရပ်ကွက်၊ မြောက်ဥက္ကလာပမြို့နယ်။

၂။ ဇင်မင်းထက် (ဘ) ဦးအုန်းခိုင်၊ ဒုတိယနှစ် (သမိုင်း) အဝေးသင်၊ ည ရပ်ကွက်၊ မြောက်ဥက္ကလာပမြို့နယ်။

၃။ ကျော်သီဟ (ခ) ကျော်ကျော် (ဘ) ဦးညီညီလွင်၊ အသက် ၂၄ နှစ်၊ ၀ိဇ္ဇာ ပထ၀ီ၊ ဋ ရပ်ကွက်၊ မြောက်ဥက္ကလာပမြို့နယ်။

၎။ ဇာနည်လင်း (ခ) လင်းလင်း (ဘ) ဦးခင်ဇော်၊ အသက် ၂၁ နှစ်၊ နည်းပညာတက္ကသိုလ် မှော်ဘီ၊ ဋ ရပ်ကွက်၊ မြောက်ဥက္ကလာပမြို့နယ်။

၅။ ကျော်သူစိုး (ခ) အာနိုး (ဘ) ဦးအေးရွှေ၊ အသက် ၁၉ နှစ်၊ ပထမနှစ် ပထ၀ီ အဝေးသင် ဒဂုံတက္ကသိုလ်၊ ဋ ရပ်ကွက်၊ မြောက်ဥက္ကလာပမြို့နယ်။

၆။ ရဲလင်းဖြိုး (ခ) ကိုဖြိုး (ဘ) ဦးသောင်းမြင့်၊ အသက် ၂၁ နှစ်၊ ပထမနှစ် စီးပွားရေး အဝေးသင် ဒဂုံတက္ကသိုလ်၊ ည ရပ်ကွက်၊ မြောက်ဥက္ကလာပမြို့နယ်။

Friday, October 1, 2010

မြို့အင်္ဂါနှင့် မညီသည့်ကားများ အမြန်လမ်းပေါ် မတက်ရ


နရီလင်းလက်
အာဏာပိုင်များ၏ ညွှန်ကြားချက် အရ အမြန် လမ်းမကြီးများတွင် မြို့တော် အင်္ဂါရပ်နှင့် မညီသည့် ကားများ ၀င်ရောက် မောင်း နှင်ခြင်းကို ခွင့်မပြုတော့ကြောင်း သိရသည်။

မကြာခင်က ဖောက်ပြီးစီးခဲ့သည့် ရန်ကုန် - နေပြည်တော် - မန္တလေး အမြန်လမ်းမကြီးတွင်လည်း ပြီးခဲ့သည့် လမှ စတင်ကာ မော်ဒယ် နိမ့်ကားများ ၀င်ရောက်လာမှု မရှိစေရန် ပညာပေးအနေနှင့် စတင်ဆောင်ရွက်နေမူများပြုလုပ်နေကြောင်း နေပြည် တော် ယာဉ်စည်းကမ်းထိန်းသိမ်းရေးဌာနမှ ရဲအရာရှိတဦးက ပြောသည်။


ရန်ကုန်တိုင်း လှည်းကူးမြို့နယ် ညောင်နှစ်ပင် အနီးမှ ရန်ကုန်-နေပြည်တော် ၈ လမ်းသွား လမ်းမကို တွေ့မြင်ရစဉ် (ဓာတ်ပုံ - flickr/clkr)
“အမြန် လမ်းတွေရဲ့ လမ်းစည်းကမ်း ထဲမှာကို လမ်းပျက်စီး စေမယ့် ကျောက်စရစ်ကား၊ အုတ်ကား၊ သဲကား၊ ထော်လာဂျီ ကြီးတွေ မဖြတ်သန်း စေရဘူး ဆိုတဲ့ဟာ ရှိထားတယ်။ အိမ်စီးကား တွေကတော့ လမ်းမပျက်စီး ပေမယ့် မြို့တော် အင်္ဂါရပ်ကို ထိခိုက်စေမယ် ဆိုပြီး ထပ်ထည့် လိုက်တာ”ဟု သူက ပြောသည်။

အမြန် လမ်းမကြီးများ ဖြစ်သောကြောင့် သတ်မှတ် မိုင်နှုန်းများကို မိုင် ၃၀ ၊ မိုင် ၆၀ ၊ မိုင် ၈၀ သတ်မှတ် ပေးထားကြောင်း သိရ သည်။

“ ကွေ့နေရာတွေဆို မိုင် ၃၀မောင်းဖို့ ၊ လမ်းအဖြောင့်နေရာတွေ ဆိုရင် အမြန်လမ်းလည်းဖြစ်တော့ ခုလို မိုင်နှုန်းတွေ မြှင့်ပေး ထားတယ်။ ဒီလို မြှင့်ပေးထားတဲ့ မိုင်နှုန်းတွေ အတိုင်း မောင်းနိုင်မယ့် ကားတွေပဲ ဖြစ်စေချင်တယ်။ ဒီနှုန်းနဲ့ ဆို မာစတာဂျစ် တွေဆို မောင်းလို့ရပေမယ့် လေးဘီး ဆိုရင်တော့ မောင်းလို့ရမှာ မဟုတ်ဘူး။ ဒီလမ်းမကြီးမှာ ကားပျက်လို့ ရပ်နေရတာမျိုး ဆို ပြဿာနာရှိတယ်လေ၊ ဒါကြောင့် မော်ဒယ်နိမ့်ကားတွေပါ မ၀င်ဖို့ တားမြစ်လိုက်တဲ့ထဲမှာပါသွားတာ ” ဟု နေပြည် တော် စည်ပင်သာယာဌာန မှ အင်ဂျင်နီယာတဦးကလည်း ပြောသည်။

၎င်းက ဆက်လက်၍ “ အမြန်လမ်းစတဲ့ ထောက် ကြန့်နေရာလောက်က စစစ်မှာ။ သတ်မှတ်ပေးထားတဲ့ မိုင်နှုန်းနဲ့ မောင်းလို့ မရလောက်ဘူး။ ယူဆတဲ့ ကားတွေ၊ ဥပမာ- ဟိုင်းလတ်ထဲမှာ ဆိုရင်လည်း နံပါတ် ၇၉ နဲ့ စတာဆို မရဖူး ၉၀ နဲ့ စတာမျိုး၊ အက်စ် အီးကားတွေ ၊ တိုယိုတာထဲမှာ နံပါတ် ပ တွေဆိုမရဘူး ” ဟု ပြောသည်။

အသစ်ဖောက်လုပ်ထားသည့် ကွန်ကရစ်လမ်းမကြီးပေါ်တွင် မြို့တော်အင်္ဂါရပ်နှင့်မညီသည့် မော်ဒယ်နိမ့်ကားများ မောင်းနှင် ပါက မော်တော်ယာဉ်ဥပဒေအရ အရေးယူသွားမည်ဟုထုတ်ပြန်ထားသည်။

“ လမ်းဖောက်တဲ့ စနစ်ကောင်းမကောင်းတော့ မသိဘူး နေပြည်တော်မှာပဲ ၂၀၀၉ခု နှစ်ထဲမှာ ယာဉ်မတော်တဆ တိုက်မှု ၂၇၉မှု ဖြစ်ခဲ့တယ်။ ဒီ ပြဿနာကို စိစစ်တော့ လမ်းဖောက်တဲ့ နေရာမှာ ကတ္တရာလမ်းမှာ မောင်းရင် ကားဘီးကို ကတ္တရာက ဆွဲထားတဲ့ အားရှိတယ်။ ကွန်ကရစ်လမ်းမှာက ဘီးကိုဆွဲထားတဲ့ အားမရှိဘူး။ ဒီအချက်တွေပါထည့်ပြီး လမ်းအကွေ့တွေမှာ တိမ်းချော်မှုတွေ မရှိအောင် တွက်ချက်ဆွဲရတာ ” ဟု ပြည်သူ့ဆောက်လုပ်ရေးလုပ်ငန်းမှ ဌာနမှူးတဦးက ရှင်းပြသည်။

လမ်းဖောက်လုပ်ရာတွင် မောင်းနှင်းသူများအတွက် အကောင်းဆုံးနှင့် အန္တရာယ်အကင်းဆုံးဖြစ်သည့် ကတ္တရာအသုံးမပြုတော့ ဘဲ စရိတ်သက်သာသည့် ကွန်ကရစ်လမ်းများအသုံးပြုဖောက်လုပ်မှုများလာသည်။

“ ၂၀၁၀ ပြည့်နှစ် နိုဝင်ဘာလတွင် ပြုလုပ်မယ့် ကျောက်မျက်ပြပွဲမှာလည်း နိုင်ငံခြားသားတွေ ပါ လာရောက်မှာဖြစ်တဲ့အတွက် ပုံစံမကောင်းတဲ့ကားတွေကို လမ်းမကြီးတွေပေါ် တက်မလာအောင်လည်း နေပြည်တော်စည်ပင်သာယာရေး ကော်မတီက ပညာပေးမှုတွေ ပြုလုပ်နေပါတယ်" ဟု နေပြည်တော်ယာဉ်ထိန်းတပ်ဖွဲ့မှ တာဝန်ရှိသူတစ်ဦးက ပြည်တွင်းအခြေစိုက် Weekly Eleven ဂျာနယ်၏ အွန်လိုင်းစာမျက်နှာတွင် ဖော်ပြထားသည်။

ရန်ကုန်-မန္တလေး အမြန်လမ်း မကြီးတွင် ရန်ကုန်-နေပြည်တော်လမ်း ပိုင်းနှင့် နေပြည်တော်-မန္တလေးလမ်း ပိုင်းဟူ၍ လမ်းပိုင်း နှစ်ပိုင်း ပါဝင်သည်။

ရန်ကုန်- မန္တလေး အမြန်လမ်းမကြီးသည် စုစုပေါင်း ၃၅၂ မိုင် ၆ ဖာလုံ ရှည်လျားပြီး အောက်တိုဘာလ ၁၅ ရက်နေ့တွင် စတင် ဖွင့်လှစ်မည် ဟု သိရသည်။