မြန်မာနိုင်ငံ စစ်တပ်အကြီးအကဲ ဗိုလ်ချုပ်မှူးကြီး သန်းရွှေနဲ့ ဒုတိယ ဗိုလ်ချုပ်မှူးကြီး မောင်အေးတို့ဟာ လက်ရှိ စစ်ရာထူးတွေကနေ နုတ်ထွက်လိုက်ပြီဆိုတဲ့ သတင်းတွေ ကျယ်ကျယ်ပြန့်ပြန့် ပေါ်ထွက်နေပါတယ်။ ဗိုလ်ချုပ်မှူးကြီး သန်းရွှေရဲ့ ကာကွယ်ရေး ဦးစီးချုပ်ရာထူးကို စစ်ရေးချုပ် သူရမြင့်အောင်က ဆက်ခံမယ်ဆိုပြီးတော့လည်း သတင်းတွေ ထွက်ပေါ်နေပါတယ်။
ဗိုလ်ချုပ်ကြီး သူရရွှေမန်းနဲ့ ဗိုလ်ချုပ်ကြီး တင်အောင်မြင့်ဦးတို့ အပါအ၀င် တခြား စစ်ခေါင်းဆောင် အများအပြားလည်း စစ်ရာထူးတွေကနေ နုတ်ထွက်ကြပြီး နိုဝင်ဘာ ၇ ရက်နေ့မှာကျင်းပမယ့် ရွေးကောက်ပွဲမှာ ၀င်ရောက်ယှဉ်ပြိုင်ဖို့ ပြင်ဆင်နေကြတယ်လို့ သတင်းတွေက ပြောပါတယ်။
ဗိုလ်ချုပ်မှူးကြီး သန်းရွှေနဲ့ ဒုတိယ ဗိုလ်ချုပ်ကြီး မောင်အေးတို့ကတော့ နိုင်ငံတော် အကြီးအကဲတွေအဖြစ် ဆက်လက် ရှိနေကြဦးမယ်လို့ ဧရာဝတီ သတင်းဌာနက ဖော်ပြပါတယ်။ ဒီအပြောင်းအလဲနဲ့ပတ်သက်ပြီး အစိုးရဘက်က အတည်ပြုပြောကြားဖို့ ငြင်းဆန်ပေမဲ့ ဒီသတင်းမျိုးဟာ မြန်မာနိုင်ငံမှာ ထုတ်ပြန်ကြေညာလေ့မရှိတဲ့ သတင်းမျိုးဖြစ်ပါတယ်။
No comments:
Post a Comment