ဗွီအိုအေ
ဘင်္ဂလားဒေ့ရှ်၊ မြန်မာနိုင်ငံနဲ့ အိန္ဒိယနိုင်ငံတို့အကြား မပြီးပြတ်နိုင်သေးတဲ့ ပင်လယ်နယ်နိမိတ်ဆိုင်ရာ အငြင်းပွားမှု ပြဿနာတွေနဲ့ ပတ်သက်ပြီး ကြားဝင်ဖျန်ဖြေ ဖြေရှင်းပေးဖို့ ဘင်္ဂလားဒေ့ရှ် အစိုးရက ကုလသမဂ္ဂကို တောင်းဆိုလိုက်ပါတယ်။
မြန်မာနိုင်ငံရဲ့ ရေကြောင်းနယ်နိမတ် သတ်မှတ်ချက်တွေနဲ့ ပတ်သက်လို့ ဘင်္ဂလားဒေ့ရ်ှဘက်က ကုလသမဂ္ဂက တဆင့် သံတမန်ရေးအရ ကန့်ကွက်ထားသလို နှစ်နိုင်ငံ အရာရှိတွေလည်း မကြာခဏဆိုသလို တွေ့ဆုံဆွေးနွေးနေကြဆဲ ဖြစ်ပါတယ်။ မြန်မာနိုင်ငံဘက်ကလည်း သူတို့ရဲ့ ရပိုင်ခွင့် ရေပိုင်နက် အငြင်းပွားမှုကို ဥပဒေကြောင်းအရ ဆက်လက် ဖြေရှင်းသွားမယ်ဆိုပြီး ပြောဆိုထားပါတယ်။
ကုလားတန် သတင်းစာ အယ်ဒီတာ ကိုတင်ထွဋ်က အခုလို ပြောပါတယ်။
“ဗမာပြည်ထဲက ခြံစည်းရိုးကို သောကြာနေ့က သူတို့ ပြန်စနေတာပဲ။ သူတို့ ကြားထဲမှာ ၂ လတိတိ ရပ်ဆိုင်းသွားတယ်။ အဲလို ရပ်ဆိုင်းသွားပြီး သောကြာနေ့က ပြန်စတဲ့အချိန်မှာ အဲဒီခြံစည်းရိုးနဲ့အတူ စစ်တပ်လည်း နယ်စပ်တလျှောက်မှာ ချထားတယ်ဆိုတော့ ဘင်္ဂလားဒေ့ရ်ှမှာရှိတဲ့ နယ်ခံတွေက ဒေသအာဏာပိုင်တွေကို စစ်တပ်တွေ တိုးလာတဲ့အကြောင်း ပြောပြတော့ အဲဒီမှာရှိတဲ့ နယ်စပ်တပ်တွေကို တိုးပြီး ပြန်ချထားတဲ့ပုံစံမျိုး ရှိတယ်။ ဘာမှ ပစ်တာခတ်တာတော့ မရှိသေးဘူး။ ဒါပေမဲ့ နှစ်ဘက်စလုံးကတော့ တင်းမာနေတဲ့ ပုံစံမျိုးတော့ ရှိတယ်။”
မြန်မာနဲ့ ဘင်္ဂလားဒေ့ရှ် နှစ်နိုင်ငံအကြားမှာ အရင်ကလည်း နယ်ခြားဒေသ အငြင်းပွားမှုတွေနဲ့ တင်းမာမှုတွေ ပေါ်ပေါက်ခဲ့ဘူးပါတယ်။ ပြီးခဲ့တဲ့နှစ် နိုဝင်ဘာလ အတွင်းမှာ မြန်မာသင်္ဘောတွေ ဘင်္ဂလားဒေ့ရှ် ရေပိုင်နက်ထဲကို ၀င်ပြီး ရေနံနဲ့ သဘာဝဓာတ်ငွေ့ ရှာဖွေရေး လုပ်ကိုင်တယ်ဆိုတဲ့ အကြောင်းပြချက်နဲ့ စိန့်မာတင်ကျွန်း အနောက်တောင်ဘက် ရေကြောင်းမိုင် ၅၀ အကွာကို ဘင်္ဂလားဒေ့ရှ် ရေတပ်က စစ်သင်္ဘောတွေ စေလွှတ်ခဲ့ပါတယ်။
ဘင်္ဂလားဒေ့ရှ် အစိုးရအနေနဲ့ အခုလို ကုလသမဂ္ဂကို အကူအညီ တောင်းလိုက်ရတဲ့ အကြောင်းရင်းက ဒီပြဿနာကို ဘယ်သူကမှ မဖြေရှင်းနိုင်တာ နှစ်ပါင်း ၃၅ နှစ်ကျော် ကြာလာတာကြောင့် ဖြစ်တယ်လို့ ဘင်္ဂလားဒေ့ရှ် နိုင်ငံခြားရေးဝန်ကြီး ဒီပူ မိုနီ (Dipu Moni) က မနေ့က သတင်းထောက်တွေကို ပြောခဲ့ပါတယ်။
အမေရိကန်မြန်မာအရေးစိတ်ဝင်စားရခြင်းအကြောင်း
အငြင်းပွားနေတဲ့ ဘင်္ဂလားဒေ့ရှ်၊ မြန်မာ ရေပိုင်နက်ထဲမှာ ကမ်းလွန် သဘာဝဓာတ်ငွေ့ တူးဖော်ရေးလုပ်ငန်းတွေ လုပ်ကိုင်ဖို့ ပြင်ဆင်တဲ့ အမေရိကန် ConocoPhillips (COP) ကုမ္ပဏီကို မြန်မာနိုင်ငံဘက်က ဆက်မလုပ်ဖို့ သတိပေးခဲ့တယ်ဆိုပြီး ဒက်ကာမှာ ထုတ်ဝေတဲ့ The Age သတင်းစာက ရေးသားခဲ့ပါတယ်။ ဒီသတိပေးချက်နဲ့အတူ နယ်ခြားမှာ မြန်မာဘက်က စပြီး တပ်တွေဖြန့်ချရင်း သံဆူးကြိုးတွေနဲ့ ခြံစည်းရိုးကာတဲ့ လုပ်ငန်းတွေကို စလုပ်ခဲ့တာလို့ ဘင်္ဂလားဒေ့ရှ် အာဏာပိုင်တွေက ပြောပါတယ်။
ဘင်္ဂလားဒေ့ရှ် အစိုးရက အမေရိကန်ပိုင် Conoco Phillips နဲ့ အိုင်ယာလန်ပိုင် Tallow Oil ရေနံကုမ္ပဏီတွေ အနေနဲ့ ဘင်္ဂလားပင်လယ်အော်က ရေနံနဲ့ သဘာဝဓာတ်ငွေ့တွေကို လာရောက်လုပ်ကိုင်စေလိုတာ ဖြစ်ပေမဲ့ မြန်မာနဲ့ အိန္ဒိယ အစိုးရတို့ကတော့ အဲဒီဒေသတွေဟာ သူတို့ပိုင်တယ်ဆိုပြီး စောဒကတက်နေကြတာ ဖြစ်ပါတယ်။
Subscribe to:
Post Comments (Atom)
No comments:
Post a Comment