ရန်ပိုင်
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် စစ်အစိုးရ ဆက်ဆံရေးဝန်ကြီး ဦးအောင်ကြည်တို့ ယနေ့ တွေ့ဆုံ ကြောင်း သိရသည်။
၎င်းတို့ နှစ်ဦးသည် ရန်ကုန်မြို့ရှိ အစိုးရ ဧည့်ဂေဟာတွင် ၄၅ မိနစ်ကြာ တွေ့ဆုံခဲ့သည်ဟု အစိုးရအာဏာပိုင်များကို ကိုးကား၍ AP သတင်းတွင် ဖော်ပြထားသည်။ တွေ့ဆုံဆွေးနွေးသည့် အကြောင်းအရာ အသေးစိတ်ကိုမူ မသိရှိရပေ။
ယခု တွေ့ဆုံမှုသည် ဒေါ်အောင်ဆန်းစုကြည်ကို သြဂုတ်လအတွင်းက နေအိမ်အကျယ်ချုပ် ဖောက်ဖျက်မှုဖြင့် ပြစ်ဒဏ် ချမှတ် ပြီးနောက် ၃ ကြိမ်မြောက် တွေ့ဆုံခြင်းဖြစ်သည်။
ဒေါ်အောင်ဆန်းစုကြည်က ပြီးခဲ့သည့် စက်တင်ဘာ လကုန်ပိုင်းတွင် စစ်အစိုးရခေါင်းဆောင် ဗိုလ်ချုပ်မှူးကြီး သန်းရွှေထံသို့ အမေရိကန်နှင့် အနောက်နိုင်ငံများကပြုလုပ်ထားသော အရေးယူပိတ်ဆို့မှုများ ရုပ်သိမ်းရေးနှင့်ပတ်သက်ပြီး ပူးပေါင်း ဆောင်ရွက် လိုကြောင်း စာတစောင် ပေးပို့ပြီးနောက်ပိုင်း ယင်းစာနှင့်ပတ်သက်၍ အောက်တိုဘာလအတွင်း ဆက်ဆံရေးဝန်ကြီး ဦးအောင် ကြည် နှင့် ဒေါ်အောင်ဆန်းစုကြည်တို့ ၂ ကြိမ်တွေ့ဆုံခဲ့သည်။
No comments:
Post a Comment