တက်လူ
ရန်ကုန်မြို့သို့ ဖြတ်သန်းစီးဆင်းနေသော လှိုင်မြစ်နှင့် ၎င်း၏မြစ်လက်တက်များတွင် ရေထုညစ်ညမ်းမှုများ ဖြစ်ပေါ်နေကြောင်း ရေအရင်းအမြစ်ဌာနမှ အရာရှိတဦးက ပြောသည်။
ရေအရင်းမြစ်ဌာနနှင့် ရန်ကုန်စည်ပင်တို့ ပူးပေါင်းကာ ရေအရည်အသွေး တိုင်းတာမှုပြုလုပ်ရာတွင် ရေထုညစ်ညမ်းနေသည်ကို တွေ့ရကြောင်း အဆိုပါအရာရှိက ပြောသည်။
ပြီးခဲ့သည့် နိုဝင်ဘာလအတွင်း လှိုင်မြစ်၊ ငမိုးရိပ်ချောင်း ချောင်းလက်တက်အချို့တို့တွင် ငါးများအစုအပြုံလိုက် သေကျေ ကြကြောင်း ရေလုပ်သားတဦး၏ အကြောင်းကြားချက်ကို အခြေခံ၍ စစ်ဆေးမှုပြုလုပ်ခြင်းဖြစ်သည်ဟု ယင်းအရာရှိက ဆက်လက်ပြောသည်။
၎င်းက “ကျနော်တို့ဆီကို အကြောင်းကြားလာတယ်။ အဲဒီရေလုပ်သားက ကိုယ်တိုင်ငါးရှာတာတော့ မဟုတ်ဘူး။ ရေထဲမှာ ငါးလိုက်ဝယ်တဲ့ အ၀ယ်ဒိုင်က တယောက်ပဲ။ ဒါကြောင့် ကျနော်တို့က ရေအရည်အသွေးကို စစ်ရတာဖြစ်တယ်” ဟု ပြောသည်။
ရန်ကုန်စက်မှုဇုန်များရှိ စက်မှုလုပ်ငန်းတို့မှ စွန့်ပစ်သော ရေဆိုးများကို စနစ်တကျ စွန့်ပစ်ခြင်းမပြုလုပ်ဘဲ မြစ်ထဲသို့ တိုက်ရိုက် စွန့်ပစ်သည့်အတွက် ရေထုညစ်ညမ်းရခြင်းဖြစ်ကြောင်း၊ ထိုကဲ့သို့မဖြစ်စေရန် ရန်ကုန်စည်ပင်အနေဖြင့် ကြိုတင်စီမံမှုများ လုပ်ဆောင်ပေးရန် လိုအပ်ကြောင်း သဘာဝပတ်ဝန်းကျင် ထိန်းသိမ်းရေးအဖွဲ့မှ ပညာရှင်တဦးက သုံးသပ်သည်။
Subscribe to:
Post Comments (Atom)
No comments:
Post a Comment