မြန်မာကျပ်ငွေ စံချိန်တင် တန်ဖိုးတက်

ကျော်ခ
ပြင်ပပေါက်ဈေးတွင် အမေရိကန် တဒေါ်လာလျှင် တထောင်ကျပ်အောက် ရောက်ရှိသွားသဖြင့် မြန်မာကျပ်ငွေသည် ၇ နှစ်အတွင်း အမြင့်ဆုံးသို့ ရောက်ရှိလာသည်။

ငွေလဲသူများက အမေရိကန် တဒေါ်လာလျှင် မြန်မာကျပ်ငွေ ၉၉၀ နှုန်းရောင်းချသဖြင့် ၂၀၀၁ ခုနှစ်က ဖြစ်ပွားခဲ့သော ဈေးနှုန်းပြီးလျှင် ဒုတိယအမြင့်ဆုံး ဖြစ်သည်။ ၂၀၀၁ ခုနှစ်က တဒေါ်လာလျှင် ၉၀၀ ကျပ်ဝန်းကျင်အထိ ဈေးပေါက်ခဲ့သည်။

သို့သော် ငွေလဲလှယ်သူများက ဈေးနှုန်းမှာ တည်ငြိမ်မှုမရှိသေးကြောင်း သတိပေး ပြောကြားထားသည်။

“မနက်ဈေးနဲ့ ညနေဈေးက တူတာမဟုတ်ဘူး။ တရက်တည်းကို ဈေးက ၇ မျိုးလောက် ပြောင်းတယ်။” ဟု ရန်ကုန်မှ ငွေလဲလှယ်ရေး လုပ်ငန်းရှင်တဦးကပြောသည်။

လွန်ခဲ့သော ၃ ရက်ခန့်ကအထိ တဒေါ်လာလျှင် ၁၀၃၀ ကျပ်နှင့်အထက်တွင် ရှိခဲ့သည်။

ကျပ်ငွေတန်ဖိုး ထိုးတက်ရခြင်း အကြောင်းကို ရှင်းလင်းစွာ မသိရသေးသော်လည်း စီးပွားရေး ပညာရှင်များနှင့် လေ့လာသူများက ကုန်သွယ်မှု ထိုင်းမှိုင်းခြင်း၊ နာဂစ်သင့်ဒေသသို့ နိုင်ငံခြားအကူညီများ ဝင်ရောက်မှု၊ ဘိန်းထွက်ချိန်နှင့် တိုက်ဆိုင်မှုဟု ထောက်ပြ ကြသည်။

သို့သော် စစ်အစိုးရကလည်း ဒေါ်လာဈေးနှင့် ရွှေဈေးကို ငြိမ်အောင် ကြိုးစားနေခဲ့သည်။ ကမ္ဘာ့ ရွှေဈေးကွက်တွင် ရွှေဈေး တက်သွားသော်လည်း မြန်မာနိုင်ငံတွင် ရွှေတကျပ်သားလျှင် ၆ သိန်း အောက်တွင်သာရှိအောင် စစ်အစိုးရက ထိန်းထားသည်။

ဈေးနှုန်း အတက်အကျကြောင့် နိုင်ငံတွင်း မတည်ငြိမ်မှုများ ဖြစ်ပေါ်လာနိုင်သဖြင့် ဈေးနှုန်းထိန်းပေးရန်ု သတ္တုတွင်းဝန်ကြီး ဗိုလ်မှူးချုပ်အုန်းမြင့်က အောက်တိုဘာလအတွင်းက ပြုလုပ်သော ရွှေလုပ်ငန်းရှင်များအသင်း နှစ်ပတ်လည် အစည်းအဝေးတွင် သတိပေး ပြောကြားခဲ့သည်။

“ကမ္ဘာ့ ရွှေဈေးကလည်း အတက်အကျ ဖြစ်တယ်။ ကျနော်တို့ဈေးကလည်း အတက်အကျ ဖြစ်တယ်။ ဒါပေမယ့် အတက်အကျ မကြမ်းဖို့။ ပြီးတော့ လူထုက ထိတ်လန့်တကြားဖြစ်ပြီး ရွှေဈေးကြောင့် တိုင်းပြည် ပျက်သွားတာမျိုး မဖြစ်ဖို့ လိုပါတယ်”ဟု ဗိုလ်မှူးချုပ် အုန်းမြင့်က ပြောသွားသည်။

လူပေါင်း ၁ သိန်း ၃ သောင်းကျော် သေဆုံးခဲ့သော နာဂစ်မုန်တိုင်းဒဏ်သင့် ဒေသများသို့ ကယ်ဆယ်ရေးနှင့် ပြန်လည်ထူထောင်ရေးအတွက် နိုင်ငံခြားမှ အကူညီများဝင်ရောက်ရာ နိုင်ငံခြားဝင်ငွေရရှိခြင်းကလည်း အထောက်အကူဖြစ်ခဲ့သလို တန်ဆောင်တိုင်ကာလမှစ၍ ဘိန်းရိတ်သိမ်းချိန် ဖြစ်သောကြောင့် မြန်မာကျပ်ငွေဖြင့် ဘိန်းဝယ်ယူမှု ပြုလာသဖြင့် ကျပ်ငွေတန်ဖိုး တက်လာခြင်း ဖြစ်သည်ဟု ဆိုသည်။

မြန်မာနိုင်ငံသည် အာဖဂန်ပြီးလျှင် ကမ္ဘာပေါ်တွင် ဒုတိယ ဘိန်းအများဆုံးထွက်သည့် နိုင်ငံ ဖြစ်သည်။

သို့သော်လည်း စာရင်းအင်းမှန်ကန်စွာ ထုတ်ပြန်မှု မရှိခြင်းအပေါ် လေ့လာသူများက ထောက်ပြကြပြီး ပမာဏ တိတိပပ ပြောနိုင်ခြင်းမရှိဟု ဆိုသည်။

အက်ဖ်အီးစီဈေးကလည်း ပြင်ပပေါက်ဈေးအရ တဒေါ်လာလျှင် ၉၈၀ ကျပ် ဝန်းကျင် ရောင်းချနေသည်။

စစ်ထောက်လှမ်းရေးနှင့် ကျောင်းသားထောင်ထဲမှာ မိတ်ဆွေဖြစ်နေ

ဧရာဝတီ
.စစ်ထောက်လှမ်းရေး အဖွဲ့ဝင်များနှင့် နိုင်ငံရေးလှုပ်ရှားသူ ကျောင်းသားများ ပြဒါးတလမ်း သံတလမ်း ဖြစ်ခဲ့ပြီးနောက် ယခု အချိန်တွင် ဘ၀တူများ ဖြစ်ကုန်ကြ၍ မိတ်ဆွေများ ဖြစ်နေကြ ပြီဟု မြင်းခြံထောင်မှ လွတ်မြောက်လာသည့် နိုင်ငံရေး အကျဉ်းသားဟောင်းတဦးကပြောသည်။

“ထောင်ထဲမှာ နိုင်ငံရေးအကျဉ်းသားတွေ တဖြည်းဖြည်းလျော့သွားတော့ ထောက်လှမ်းရေးတွေကို ကျနော်တို့နဲ့ပေါင်း ထားလိုက်တာ”ဟု ၎င်းကဆိုသည်။

နိုင်ငံရေးအကျဉ်းသားများနှင့် အတူနေကြသည့် စစ်ထောက်လှမ်းရေး အရာရှိကြီးများမှာ ဗိုလ်မှူးချုပ်သိန်းဆွေ နှင့် ဗိုလ်မှူးကြီးခင်အောင်တို့ ဖြစ်ပြီး၂၀၀၄ခုနှစ် အောက်တိုဘာလက အမျိုးသား ထောက်လှမ်းအဖွဲ့ကို ဖျက်သိမ်းခဲ့ပြီးနောက် ပြစ်ဒဏ် ချမှတ်ခံရပြီး ရောက်ရှိလာခဲ့ခြင်းဖြစ်သည်ဟု အဆိုပါနိုင်ငံရေး အကျဉ်းသားဟောင်းကပြောသည်။

မြင်းခြံထောင်အတွင်းရှိ နိုင်ငံရေးအကျဉ်းသားများကြားတွင် ထောက်လှမ်းရေးအဖွဲ့ဝင်ဟောင်းများ နှင့် ပတ်သက်၍ မည်သို့သဘောထားဆက်ဆံမည်နည်း ဟူသည့် မေးခွန်အပေါ်သဘောထားတုံ့ပြန်ချက် ကွဲလွဲမှုအနည်းငယ်ဖြစ်ပေါ်ခဲ့ ကြောင်းလည်းသိရသည်။

ယခင်က ထောက်လှမ်းရေး အဖွဲ့ဝင်များ နိုင်ငံရေးအကျဉ်းသားများ အပေါ်တွင် ထားရှိခဲ့သည့် သဘောထားကြောင့် နိုင်ငံရေး အကျဉ်းသားတချို့က မဆက်ဆံသင့်ကြောင်း၊ တချို့ကလည်း သူတို့ အားလုံးသည် ဘ၀တူအကျဉ်းသားများ ဖြစ်လာကြသည့်အတွက် ဆက်ဆံရေးထူထောင်ပြီး ကူညီသင့်သည်ဟု သဘောထားများ ရှိခဲ့သည်။ နောက်ပိုင်းတွင် ကူညီမှုများပေးရန် အားလုံးသဘောတူ ဆုံးဖြတ်ခဲ့ကြသည်ဟု သိရသည်။

“အားလုံးဟာလူသားတွေပဲလေ၊ဒါကြောင့်လည်း လက်စားချေတာတွေဘာတွေ မလုပ်တော့ပါဘူး၊ သူတို့လည်း ဒုက္ခ ရောက်နေကြတဲ့လူတွေပဲ”ဟုအဆိုပါ နိုင်ငံရေးအကျဉ်းသားဟောင်းက ပြောသည်။

ယခုအခါ မြင်းခြံထောင်ထဲတွင် နိုင်ငံရေးအကျဉ်းသားများက အဆိုပါ ထောက်လှမ်းရေးအရာရှိကြီး နှစ်ဦးကို တရားရှုမှတ် သောနည်း၊ တရားထိုင်သောနည်းများကို သင်ကြားပေး၍ အပြန်အလှန်အားဖြင့် ၎င်း စစ်အရာရှိကြီးများကလည်း နိုင်ငံရေး အကျဉ်းသားများကို အင်္ဂလိပ်စာကိုသင်ကြားပေးနေသည်ဟု လက်ရှိ မြင်းခြံထောင်တွင် အကျဉ်းကျခံနေရသည့် နိုင်ငံရေး အကျဉ်းသားတဦး၏ မိသားစုဝင်တဦးက ပြောသည်။

ယင်းအဖြစ်အပျက်သည် လူဆန်သည့် ဇာတ်ကြောင်း တခုကို ကိုယ်စားပြုနေသကဲ့သို့ဖြစ်နေသည်ဟု အဆိုပါနိုင်ငံရေး အကျဉ်းသား မိသားစုဝင်ကပြောသည်။

၂၀၀၄ ခုနှစ်တွင် ထောက်လှမ်းရေးအဖွဲ့ကို ဖျက်သိမ်း၍ အဖွဲ့အကြီးအကဲ ဗိုလ်ချုပ်ကြီးခင်ညွန့်အားနေ အိမ်အကျယ်ချုပ် ၄၄နှစ် ပြစ်ဒဏ်ချမှတ်ခဲ့ပြီး ထောက်လှမ်းရေးအဖွဲ့မှ ဗိုလ်မှူးချုပ် ရာထူးအဆင့်ရှိသူများဖြစ်သည့် မြင့်အောင်ဇော်၊ လှအောင်၊ ကျော်ဟန်၊ သန်းထွန်း၊ မြင့်ဇော်၊ ကျော်သိန်း၊ သိန်းဆွေ နှင့် ဗိုလ်မှူးကြီးအဆင့်ရှိသူ ခင်အောင်တို့ကို ဖမ်းဆီးအရေးယူခဲ့သည်။

ဗိုလ်မှူးချုပ်သိန်းဆွေ နှင့် ဗိုလ်မှူးကြီးခင်အောင်အပါအ၀င် ၎င်းထောက်လှမ်းရေးအရာရှိကြီး ၃၈ဦးကို အကျင့်ပျက်ခြစားမှု များနှင့် အမှုဖွင့်ပြီး ထောင်ဒဏ် နှစ် ၂၀မှ နှစ်၁၀၀ကျော် ပြစ်ဒဏ်များ အသီးသီးချမှတ်ခဲ့သည်။

ဗိုလ်မှူးချုပ်သိန်းဆွေသည် ထောက်လှမ်းရေးအဖွဲ့၏ နိုင်ငံတကာဆက်ဆံရေးဌာနမှ ဌာနကြီးမှူးဖြစ်ပြီး အစိုးရနှင့် နီးစပ် သည့် အပတ်စဉ်ထုတ် မြန်မာတိုင်းမ်စ်ဂျာနယ်၏ ထုတ်ဝေသူတဦးအဖြစ်လူသိများခဲ့သူဖြစ်သည်။ ၎င်းသည်လည်း နိုင်ငံရေးအကျဉ်းသားများနည်းတူ နယ်ဝေး ထောင်များသို့ ပြောင်းရွှေ့ခြင်းခံခဲ့ရသည်။

မကြာသေးမီကလည်း ဗိုလ်ချုပ်ကြီးခင်ညွန့်၏ လက်ရုံးတဆူဖြစ်ခဲ့သည့် နိုင်ငံခြားရေးဝန်ကြီး ဦးဝင်းအောင်သည် အင်းစိန် ထောင်တွင်း၌ ကွယ်လွန်သွားခဲ့သည်။

သီဟသူရ တင်အောင်မြင့်ဦး တိတ်တဆိတ် နုတ်ထွက်

ဧရာဝတီ
.စစ်အစိုးရအဖွဲ့၏ နံပါတ် ၄ ရာထူး အဆင့်ရှိသည့် အတွင်းရေးမှူး (၁) စစ်ထောက်ချုပ် ဗိုလ်ချုပ်ကြီး သီဟသူရ တင်အောင်မြင့်ဦးသည် လက်ရှိရာထူးမှ မိမိသဘော ဆန္ဒအလျောက် နုတ်ထွက် သွားကြောင်း စစ်အစိုးရနှင့် နီးစပ်သည့် အသိုင်းအ၀န်းမှ သိရသည်။

ဗိုလ်ချုပ်ကြီး သီဟသူရ တင်အောင်မြင့်ဦး (ဓာတ်ပုံ - အေပီ)
ဗိုလ်ချုပ်ကြီး တင်အောင်မြင့်ဦးက ၎င်းအနေဖြင့် လက်ရှိစစ်တပ် တာဝန်များနှင့် နိုင်ငံရေး လောကတွင် ပါဝင်ထမ်းဆောင်ရမည့် တာဝန်များကို ကာလကြာရှည်စွာ လုပ်ဆောင်လိုခြင်း မရှိကြောင်း ပြောဆိုမှုများ ရှိခဲ့သည်ဟုလည်း သတင်းများ ထွက်ပေါ်ခဲ့သည်။

ယခု ဗိုလ်ချုပ်ကြီး တင်အောင်မြင့်ဦး၏ သတင်းနှင့် ပတ်သက်ပြီး စစ်အစိုးရ၏ မီဒီယာများတွင် ဖော်ပြခြင်းကို မတွေ့ရှိရပေ။

ဗိုလ်ချုပ်ကြီး တင်အောင်မြင့်ဦးသည် စစ်ထောက်ချုပ်၊နိုင်ငံတော်အေးချမ်းသာယာရေး နှင့် ဖွံဖြိုးရေးကောင်စီတွင် အတွင်း ရေးမှူး(၁) တာဝန်များကိုယူထားပြီး ယခုအချိန်တွင် ၎င်း၏နေရာအား ဗိုလ်ချုပ်မှူးကြီး သန်းရွှေနှင့် နီးစပ်သူဟုဆိုသော စစ်ဖက်ဆိုင်ရာလုံခြုံရေးအဖွဲ့ အကြီးအကဲ ဒုတိယ ဗိုလ်ချုပ်ကြီး မြင့်ဆွေက တာဝန်ယူထားကြောင်း သိရသည်။

ထိုသို့ ဗိုလ်ချုပ်ကြီး တင်အောင်မြင့်ဦး နုတ်ထွက်ရခြင်းအကြောင်းမှာ ၎င်း၏သားဖြစ်သူ နိုင်ငံခြားသို့ ဆန်တင်ပို့မှုလုပ်ငန်း လုပ်ကိုင်နေသည့် ဧရာဟင်္သာ ကုမ္ပဏီပိုင်ရှင် ဗိုလ်ကြီးဟောင်း နိုင်လင်းဦး (တေဇာစောဦး) နှင့်ပတ်သက်နိုင်သည်ဟု စစ်အစိုးရနှင့် နီးစပ်သည့် စီးပွားရေးလုပ်ငန်းရှင်များက ထင်မြင်ယူဆနေကြသည်။

ပြီးခဲ့သည့်လကဗိုလ်ချုပ်မှူးကြီးသန်းရွှေ၏ မြေးဖြစ်သူ နေရွှေသွေးအောင်ခေါ် ဖိုးလပြည့်က တေဇာစောဦးပိုင် နာမည်ကြီး ကဖေး ဆိုင်ဖြစ်သော “7 Lekker” ကဖေးဆိုင်အား ၀င်ရောက်ဖျက်ဆီးခဲ့သည်ဟုသတင်းများထွက်ပေါ်လာခဲ့ကြောင်း၊ ၎င်းဆိုင်မှာ တေဇာစောဦးပိုင်ဆိုင်သည့် ဆိုင်ဖြစ်ပြီး ၀န်ကြီးဦးစိုးသာ ၏သား အပါအ၀င် တခြားစီးပွားရေးလုပ်ငန်းရှင်တဦး လည်း အစုရှယ်ရာပါဝင်သည်ဟု သိရသည်။

၎င်းကဖေးဆိုင် ဖျက်ဆီးခံရမှုသည် ဆိုင်အနီးတွင်ရှိသည့် ပညာရေးဌာနပိုင် မြေနေရာအား ဗိုလ်ချုပ်မှူးကြီးမြေးက Night Club အဖြစ်ပြောင်းလဲဖွင့်လှစ်ရန် စီစဉ်ခဲ့ရာမှ စတင်ဖြစ်ပွားခဲ့ကြောင်း လူအများကြားတွင် ပြောဆိုနေကြသည်။

ယင်းပြဿနာနှင့်ပတ်သက်၍ ဗိုလ်ချုပ်မှူးကြီးသန်းရွှေက ဗိုလ်ချုပ်ကြီးတင်အောင်မြင့်ဦးအားခေါ်ယူပြီး မေးမြန်းခဲ့ကြောင်း ဗိုလ်ချုပ်ကြီးတင်အောင်မြင့်ဦးက ၎င်း၏သား တေဇာစောဦးထံသို့ စစ်အရာရှိတဦးစေလွှတ်၍ ယခုဖွင့်လှစ်ထားသည့် ကဖေးဆိုင်သည် တရားဝင်ဖွင့်လှစ်ထားသည့်ဆိုင်မဟုတ်ဟု ၀န်ခံလက်မှတ် ထိုးခိုင်းကြောင်း၊ တေဇာစောဦးက လက်မှတ် မထိုးနိုင်ဟု ငြင်းဆန်ခဲ့ကြောင်း သိရသည်။

ဗိုလ်ချုပ်ကြီး တင်အောင်မြင့်ဦးသည် စစ်ဖက်ဆိုင်ရာ သီဟသူရဘွဲ့ကို ၁၉၈၀ခုနှစ်က ဗမာပြည်ကွန်မြူနစ် ပါတီနှင့် တိုက်ခိုက်ခဲ့သည့် တိုက်ပွဲများတွင်ရရှိခဲ့ပြီး ၁၉၈၉ ခုနှစ်တွင် တရုတ်နယ်စပ်ရှိ ဗမာပြည်ကွန်မြူနစ်ပါတီမှ ခွဲထွက်ခဲ့သည့် တိုင်းရင်းသား လက်နက်ကိုင်များနှင့် ငြိမ်းချမ်းရေးရယူနိုင်ခဲ့သည်။

၎င်းသည်၁၉၉၀ ခုနှစ်တွင် တပ်ရင်းမှူးအဖြစ် စစ်ကိုင်းတိုင်းရှိ ခြေလျင်တပ်ရင်း ၁၁၁ တွင် တာဝန်ယူခဲ့ပြီး၊ ၁၉၉၂ မှ ၁၉၉၄ ခုနှစ် အထိ မြောက်ပိုင်းတိုင်းစစ်ဌာချုပ်တွင် ဗျူဟာမှူးတာဝန်ယူခဲ့သည်။ ထို့နောက် အရှေ့မြောက်တိုင်း စစ်ဌာနချုပ် လက်အောက်ခံ ကျောက်မဲမြို့အခြေစိုက် စစ်ဆင်ရေးကွပ်ကဲမှု စစ်ဌာနချုပ်( စကခ-၁ )တွင် ဗိုလ်မှူးချုပ် ဖြစ်လာပြီး ၁၉၉၇ ခုနှစ်တွင် လားရှိုးအခြေစိုက် အရှေ့မြောက်တိုင်း စစ်ဌာနချုပ်တိုင်းမှူး ဖြစ်လာခဲ့သည်။ ထို့နောက် ၂၀၀၇ ခုနှစ်၌ နအဖ အဖွဲ့ တွင် အတွင်းရေးမှူး (၁) ဖြစ်လာသည်။ ၂၀၀၉ခုနှစ် မတ်လ မှစတင်ပြီး ဗိုလ်ချုပ်ကြီး ရာထူးကို လက်ခံရယူခဲ့သည်။

ရထားလမ်း ပျက်စီးမှုကြောင့် ဒေသခံများ အခက်ခဲကြုံနေရ

ရိုးမ ၃
.ရထားလမ်းပိုင်း ပျက်စီးနေမှု ကြာမြင့်နေသည့်အတွက် ခရီးသွားလာရေး၊ ကုန်စည်စီးဆင်းမှုများ နှောင့်နှေးကာ ဒေသခံများ အခက်ကြုံနေရသည်။

ဧရာဝတီတိုင်း၊ ဟင်္သာတ-ကြံခင်း ရထားလမ်းပိုင်းတခုလုံး ပျက်စီးနေသည်မှာ နှစ်ဝက်ကျော်နေပြီး ပြန်လည်ပြုပြင်ခြင်း တစုံတရာမရှိသည့်အတွက် ရထားလမ်းတလျောက် မြို့များမှ ဒေသခံများ သွားလာရေးဒုက္ခရောက်နေကြောင်း ဒေသခံတဦးက ပြောသည်။

“သွားရေးလာရေး တော်တော်ကို ဒုက္ခရောက်တာ။ သက်ဆိုင်ရာက အဲဒါတွေကို ပြင်ပေးစေချင်တယ်။ ဟင်္သာတကနေ အင်္ဂပူ၊ ထူးကြီး မဲဇလီကုန်း၊ အင်ပင်၊ မြန်အောင်၊ ကြံခင်း အဲဒီတောက်လျှောက်မြို့တွေက ဒီရထားလမ်းကိုပဲ အားကိုးနေရတာ။ စီးပွားရေး၊ လူမှုရေး၊ ကျန်းမာရေး အားလုံးကို အားကိုးနေရတာ။ အခုလိုဖြစ်တော့ ကုန်စည်စီးဆင်းမှုတွေလည်း ရပ်ဆိုင်းကုန်တယ်။ မိုင် ၅၀ ခရီးဆိုတာ ပုံမှန် လေးနာရီလောက်ပဲ ကြာတဲ့ခရီးကို အခုက ညအိပ်သွားရတာမျိုးတွေ ဖြစ်နေတယ်” ဟု ဒေသခံက ပြောသည်။

အဆိုပါရထားလမ်းပိုင်းတွင် ပုသိမ်-ကြံခင်း အစုန်အဆန်ရထားတစီး၊ စာပို့တစီး ပြေးဆွဲနေလျက်ရှိပြီး ဟင်္သာတ-ပုသိမ်၊ ဟင်္သာတ-ကြံခင်းကို လော်ကယ်ရထားနှစ်စီး ပြေးဆွဲနေလျက်ရှိကာ ယခုအခါ ယခင်ကဲ့သို့ မရှိတော့ကြောင်း သူက ဆက်လက်ပြောသည်။

“လမ်းသစ်တွေ ထပ်ဖောက်တယ် ဥသျှစ်ပင်ကနေ ပခုက္ကူကို။ သူတို့ဟာသူတို့ ဖောက်ချင်တာတွေ ဖောက်နေတာ။ ကျနော်တို့ ဒီဘက်လမ်းကတော့ သုံးစားလို့ကို မရတော့တဲ့အဆင့် ရောက်နေတာ။ ညပိုင်းထွက်တဲ့ အာစီကြီးဆိုတာက ဥသျှစ်ပင်နဲ့ ဟင်္သာတထွက်တာ သူကလည်း ရှေ့ကလမ်းတွေ ပျက်နေတော့ ထွက်လို့ကိုမရဘူး။ မနက်ထွက်ရမဲ့ ရထားက ည (၁၂) နာရီလောက်မှ ရောက်ချင်ရောက်တာဆိုတော့ တော်တော်ကို အခြေအနေဆိုးနေတာ” ဟု ပြောသည်။

ယင်းကဲ့သို့ ရထားလမ်းပိုင်းများ ပျက်စီးနေမှုကို ဒေသခံများအနေဖြင့် သက်ဆိုင်ရာကို အကြောင်းကြားလိုသော်လည်း လမ်းဆောက်လုပ်ရေးအာဏာပိုင်များအနေဖြင့် မည်သည့်နေရာတွင် နေထိုင်သည်ကိုပင် မသိရကြောင်း အဆိုပါဒေသခံက ဆက်ပြောသည်။

“လမ်းမကောင်းတော့ လမ်းဗိုလ်တွေကို အကြောင်းကြားဖို့ကျတော့ ဘယ်မှာနေတာမှန်းကို မသိဘူး။ အခုက လမ်းပျက်တာ။ ငါးတွဲသွားရင် တတွဲက ချော်၊ အဲလိုဖြစ်တော့ နောက်က ရထားက ထွက်လို့မရပြန်ဘူး။ ခါတိုင်းဆို အချိန်မမှန်ပေမဲ့ အစီးရေအပြည့် သွားသေးတယ်။ အခုကျတော့ တနေ့တစီးလောက်ပဲ သွားတော့ အဆင်မပြေဘူး။ သက်ဆိုင်ရာ ဝန်ကြီးဌာနတွေက အမြန်ဆုံး ပြင်ပေးသင့်တယ်” ဟု ဆက်လက်ပြောဆိုသည်။

ရန်ကုန်တက္ကသိုလ်အတွင်း ဇာတ်ကားရိုက်ခွင့် ပိတ်ပင်

ဝီရ
ရန်ကုန်မြို့ ကမာရွတ်မြို့နယ်တွင် ရှိသည့် ရန်ကုန်တက္ကသိုလ် (ပင်မ) အတွင်း ဗီဒီယိုဇာတ်ကား ဝင်ရောက်ရိုက်ကူးခွင့်ကို သက်ဆိုင်ရာ အာဏာပိုင်တို့က ပိတ်ပင်ထားကြောင်း စုံစမ်းသိရှိရသည်။

“ဘွဲ့နှင်းသဘင်၊ ဂျပ်ဆင်နှင့် ဦးချစ်လက်ဖက်ရည်ဆိုင်ရှိတဲ့ဘက်ကို ဗီဒီယို ရှူတင်အတွက် ဒီလဆန်းပိုင်းက ကျနော်သွားမေးတော့ ဒီအထဲမှာ ရိုက်ခွင့်မရှိတော့ဘူးတဲ့။ ဂိတ်မှာ စောင့်နေတဲ့ ဆရာနဲ့ ဂိတ်ဝန်ထမ်းတွေကို ဘာကြောင့်လဲလို့မေးတော့ ဒီနှစ်ကုန်တဲ့အထိ ရိုက်ခွင့်မရှိဘူးလို့ပဲ ပြောတယ်” ဟု ဗီဒီယိုဇာတ်ကား ရိုက်ကူးရန် သွားရောက်မေးမြန်းသည့် ရိုက်ကွင်းတာဝန်ခံတဦးက ပြောသည်။

ယခု ပိတ်ပင်လိုက်သည့် ပင်မဘက်ခြမ်းတွင် တက္ကသိုလ်စာကြည့်တိုက်၊ ဘွဲ့နှင်းသဘင်၊ သစ်ပုတ်ပင်၊ ဂျပ်ဆင်အပြင် RC ခေါ် ကျောင်းသားနားနေဆောင် စသည့် အထင်ကရ နေရာများရှိသည်။

ထိုကဲ့သို့ ငြင်းပယ်ခြင်းခံရ၍ ဇာတ်ညွှန်းအတိုင်း ရိုက်ကူးရန် ပြင်ဆင်ထားသည့် ဂျပ်ဆင်နှင့် တက္ကသိုလ်စာကြည့်တိုက် ရိုက်ကွင်းအတွက် နေရာအစားထိုးရန် အခက်တွေ့နေကြောင်း ထိုရိုက်ကွင်းတာဝန်ခံက ပြောသည်။

ရန်ကုန်တက္ကသိုလ်ကို ၂၀၀၃ ခုနှစ်မှစ၍ တက္ကသိုလ်ရိပ်သာလမ်းပေါ်ရှိ အဓိပတိလမ်းမကြီး ဂိတ်ပေါက်မှလွဲ၍ အခြားဝင်/ထွက်ဂိတ်အားလုံးကို ဖြတ်သန်းခွင့် ပိတ်ထားပြီး ဝင်ရောက်သူများအား လက်မှတ်ထိုးခိုင်းခြင်း၊ မှတ်ပုံတင်စစ်ဆေးခြင်းတို့ ယနေ့တိုင် ပြုလုပ်လျက်ရှိသည်။

ရန်ကုန်တက္ကသိုလ်အတွင်း ဗီဒီယို၊ ဓာတ်ပုံရိုက်ခွင့်လိုင်စင်ရထားသည့် သိင်္ဂီရွှေရည် ဓာတ်ပုံတိုက်မှ တာဝန်ရှိသူတဦးက ဇာတ်ကားရိုက်ကူးခွင့် ပိတ်ပင်လိုက်ကြောင်း မကြားမိသေးသော်လည်း ဖြစ်နိုင်ကြောင်း၊ အကြောင်းမှာ ၂၀၀၈ နာဂစ်မုန်တိုင်း တိုက်ခတ်စဉ်က ရန်ကုန်တက္ကသိုလ်လည်း အထိနာခဲ့သည့်အတွက် ပြင်ဆင်စရာများ ရှိနေကြောင်း ပြောသည်။

၎င်းက “ဒီအတိုင်းပြိုပျက်နေတာကို အသိမခံချင်လို့ အထဲမှာ ရိုက်ခွင့်မပေးတာ ဖြစ်နိုင်တယ်လေ။ ဥပမာ အုတ်ခုံတို့၊ ဆိုင်းဘုတ်တို့၊ အဆောင်ခေါင်မိုးတို့၊ အဆောင်ကူးလမ်းကြားတို့ဆိုရင် ကြည့်မကောင်းအောင် ပျက်စီးနေပြီ။ တချို့နေရာတွေဆို မြက်ပင်တွေ၊ အုတ်ခဲကျိုးတွေက ဒီအတိုင်း ပြန့်ကျဲနေတာကိုး။ ကျနော်တို့ဓာတ်ပုံတိုက်က ဘွဲ့နှင်းသဘင်အနီးအနားနဲ့ ဘွဲ့ယူတဲ့သူတွေ ငှားတာလောက်ပဲဆိုတော့ လှတဲ့နေရာတွေလောက်ပဲ ရွေးရိုက်တာလေ” ဟု ပြောသည်။

ရန်ကုန်တက္ကသိုလ် (ပင်မ) အတွင်းပိုင်းမှလွဲ၍ ကျန်ရှိသည့် သထုံလမ်းရှိ ဆေးတက္ကသိုလ် (၁)၊ ဘွဲ့နှင်းသဘင် အနောက်ဘက်ခြမ်းရှိ စီးပွားရေးတက္ကသိုလ် ဆိုင်းဘုတ်နှင့် အုတ်ခုံနေရာ၊ စားသောက်ဆိုင်တို့တွင် ရိုက်ကူးခွင့် ပိတ်ပင်ခြင်း မရှိသေးကြောင်း ဗီဒီယိုဇာတ်ကား ရိုက်ကူးသူများက ပြောသည်။

မြန်မာစစ်အစိုးရက ကျောင်းသားများ၏ စုစည်းနေသည့်အင်အားကို ဖြိုခွင်းရန်နှင့် ထိန်းသိမ်းရလွယ်ကူရန် ရည်ရွယ်၍ တက္ကသိုလ်ကျောင်းတက်ရောက်ခွင့် ပြန်လည်ဖွင့်လှစ်ချိန် ၂၀၀၀ ပြည့်နှစ်ဝန်းကျင်၌ တက္ကသိုလ်ကျောင်းများကို ရန်ကုန်မြို့ပြင် အရပ်လေးမျက်နှာသို့ ပြောင်းရွှေ့စေပြီး ရန်ကုန်တက္ကသိုလ် (ပင်မ) နေရာတွင် ဒီပလိုမာသင်တန်းများသာ တက်ရောက်ခွင့်ပြုခဲ့သည်။

ဘွဲ့နှင်းသဘင် ပတ်ဝန်းကျင်တွင် ဓာတ်ပုံရိုက်ကူးရန် ဝင်ရောက်ခွင့်မရခဲ့သည့် ကိုယ်တွေ့ကြုံခဲ့သူ နိုင်ငံခြားသားတဦးက “လွန်ခဲ့တဲ့ အောက်တိုဘာလက အဓိပတိလမ်းမကြီးကနေ ဘွဲ့နှင်းသဘင်ကို မြင်တော့ အပြင်ကနေ ဓာတ်ပုံရိုက်တယ်။ ဂိတ်ဝန်ထမ်းတွေက စောင့်ကြည့်နေတယ်။ အထဲဝင်ဖို့ ခွင့်တောင်းတော့ ကပျာကယာနဲ့ ငြင်းတယ်။ နိုင်ငံခြားသားတွေကို ဝင်ခွင့်မပြုဘူးဆိုရင် ရေးထားပါလား။ အခုဟာက ရေးထားတာလည်း မရှိဘူးလေ။ အမျိုးသားစာကြည့်တိုက်ဆီသွားရင် ဘယ်နှယ့်လုပ်မလဲ ဒီအတိုင်းဆို။ ဒါနဲ့ ဂိတ်အပြင်ကနေပဲ ဘွဲ့နှင်းသဘင်ရဲ့အဝေးမြင်ကွင်းကို ရိုက်ခွင့်ရခဲ့တယ်” ဟု ပြောသည်။

အဝေးသင်ဘွဲ့ရသူများ အရာရှိရာထူး လျှောက်ထားခွင့်မရှိ

အောင်သက်ဝိုင်း
.စစ်အစိုးရ ၀န်ကြီးဌာန အသီးသီးတွင် ဦးစီးအရာရှိ အပါအ၀င် အငယ်တန်း အရာရှိ ရာထူးလျှောက်ထားသူ အဝေးသင် တက္ကသိုလ်ဘွဲ့ရ အားလုံး ၀န်ထမ်း အဖြစ် အရွေးခံရခြင်းမရှိဘဲ Day ဟုခေါ်သော နေ့ကျောင်းတက် တက္ကသိုလ်ဘွဲ့ရ များသာလျှင် ဦးစားပေးအရွေးခံရသည်ဟု နေပြည်တော် အစိုးရ ၀န်ထမ်းအသိုင်းအ၀န်းမှ သိရှိရသည်။

အဝေးသင် တက္ကသိုလ်ဘွဲ့ရများကို အရည်အချင်း မရှိသူများအဖြစ် အစိုးရအရာရှိကြီးများ ကိုယ်တိုင် မှတ်ယူထားခြင်းကြောင့် အစိုးရ အရာရှိငယ် ရာထူးများအတွက် မရွေးချယ်ခြင်း ဖြစ်ကြောင်း အကောက်ခွန်ဦးစီးဌာနမှ အရာရှိကြီးတစ်ဦးက ရှင်းပြသည်။

“အရာရှိငယ်ရာထူးအတွက် အဝေးသင်ဘွဲ့ရတွေကို မခေါ်ဘူးဆိုတာ မှန်ပါတယ်။ ဒါပေမယ့် ဒါက တရားဝင် ညွှန်ကြားချက်ထွက်တာမျိုး မဟုတ်ဘူး။ ၀န်ကြီးဌာနတိုင်းမှာ ဒီလိုပါပဲ။ နေ့တက် တက္ကသိုလ် ဘွဲ့ရတွေကိုပဲ ခေါ်ကြတယ်”ဟု ထို အကောက်ခွန်အရာရှိက ပြောကြားသည်။

အဝေးသင်တက္ကသိုလ်ဘွဲ့ရများသည် အရာရှိငယ်ရာထူး များမရရှိနိုင်သော်လည်း ၀န်ကြီးဌာနများတွင် စာရေး၊ စာချီကဲ့သို့သော အောက်ခြေ ၀န်ထမ်းများအဖြစ် ၀င်ရောက်အလုပ်လုပ်နိုင်သည်ဟု သိရသည်။

“ပညာရေး ဝေးသည်မရှိ” ဆိုသော ဆောင်ပုဒ်နှင့်အတူ စစ်အစိုးရ တီထွင်ခဲ့သော အဝေးသင် တက္ကသိုလ် ပညာရေးစနစ်မှ မွေးထုတ်လိုက်သည့် ဘွဲ့ရလူငယ်များကို စစ်အစိုးရ ကိုယ်တိုင် အသိအမှတ်မပြုခြင်းမှာ လက်မခံနိုင်ဖွယ်ရာဖြစ်သည်ဟု အဝေးသင်ဘွဲ့ရ လူငယ်များက ပြောသည်။

“အစိုးရရဲ့ အဝေးသင်ပညာရေးစနစ်နဲ့ဘွဲ့ရတာကို အစိုးရကိုယ်တိုင်က အသိအမှတ်မပြုချင်ဘူး ဆိုတော့ ဒီအဝေးသင်တက္ကသိုလ်ဘွဲ့ရတွေက ဘာဆက်လုပ်ရမလဲ” ဟု ရန်ကုန်အဝေးသင် တက္ကသိုလ်ဘွဲ့ရ ကျောင်းသူတဦးက မေးခွန်းထုတ်သည်။

ရန်ကုန်မှ မြန်မာစာကထိက တဦးကမူ နေ့တက်တက္ကသိုလ်ဘွဲ့ရ များက အရည်အချင်းရှိပြီး အဝေးသင်ဘွဲ့ရ များက အရည်အချင်းမရှိဟု ခွဲခြားသတ်မှတ်ခြင်းမှာ မသင့်လျော်ဘဲ ပညာရေးစနစ်သည်သာလျှင် တရားခံ အစစ်ဖြစ်သည်ဟု သုံးသပ်သည်။

“ပညာရေးဝန်ကြီး ဒေါက်တာချမ်းငြိမ်း ကိုယ်တိုင်က တက္ကသိုလ် နောက်ဆုံးနှစ်စာမေးပွဲမှာ ဂုဏ်ထူးထွက်တဲ့ ကျောင်းသား၊ ကျောင်းသူတွေရဲ့ အဖြေလွှာကလွဲရင် ကျန်တဲ့ Day ရော၊ အဝေးသင်ရောမှာ ဆရာ၊ ဆရာမတို့ ကြိုက်သလို လုပ်ပါ။ ကျနော်တို့ ဘာမှ မပြောပါဘူး ဆိုပြီး မှာတယ်။ ပြောချင်တာက ကျောင်းသားတွေကို အအောင်ပေးပါ၊ အကျမများပါစေနဲ့လို့ ပြောတာ” ဟု အဆိုပါမြန်မာစာကထိက က ထောက်ပြသည်။

စစ်အစိုးရသည် ကျောင်းသားများ နိုင်ငံရေးမလုပ်ရန်သာ စိတ်ဝင်စားပြီး ပညာတတ်သည်၊ မတတ်သည်ကို ထည့်သွင်းစဉ်းစားခြင်း မပြုကြောင်း၊ ထို့ကြောင့် တနှစ်တနှစ် မြန်မြန်အောင်၊ မြန်မြန်ဘွဲ့ရ ဆိုသော ပြီးစလွယ် ပညာရေးစနစ်ဖြင့် တိုင်းပြည်လူငယ်များကို အကွက်ကျကျ ဖျက်ဆီးနေခြင်းဖြစ်ကြောင်း တက္ကသိုလ် ပညာရေးဆိုင်ရာ ၀န်ထမ်း အသိုင်းအ၀န်းတွင် ဝေဖန်နေကြသည်။

“အဝေးသင် တက္ကသိုလ်မှာ ၁၀ ရက်ကျောင်းတက်ပြီး စာမေးပွဲဖြေလို့ ပညာမတတ်ဘူးလို့ ပြောနေကြတာ။ နေ့တက် တက္ကသိုလ်တွေမှာလည်း ကျောင်းခေါ်ချိန် ၇၅ ရာခိုင်နှုန်းပြည့်ရင် မည်သည့်ကျောင်းသားမျှ ကျရှုံးခြင်းမရှိစေရဆိုတဲ့မူနဲ့ ဘွဲ့တွေပေါပေါလောလော ပေးနေတာပဲ။ ပြောရရင်လည်း ကိုယ်ပေါင်
ကိုယ်လှန် ထောင်းရသလိုပဲ” ဟု တက္ကသိုလ်ဆရာမတဦးက ပြောသည်။

စစ်အစိုးရ၏ ပညာရေးစနစ်သည် ချွတ်ယွင်းချက်များစွာရှိနေပြီး ပညာတတ်များစွာ မွေးထုတ်မည်ဆိုပါက ယခုလက်ရှိ ပညာရေးစနစ် တခုလုံးကို မြေလှန် ပြောင်းလဲပစ်ရန် လိုအပ်သည်ဟု ဒဂုံတက္ကသိုလ် မြန်မာစာ ကထိကဟောင်း စာရေးဆရာမ ဒေါ်မေငြိမ်းက ပြောသည်။

မြန်မာ့ ပညာရေးစနစ်တွင် ဆရာ၊ ဆရာမ၏ သင်ကြားမှုကို လိုက်လံမှတ်သား ကျက်မှတ်သည့် စနစ်မှ ကျောင်းသားကိုယ်တိုင် လေ့လာဆည်းပူးခြင်း စနစ်သို့ကူးပြောင်းရေးသည် အလွန်အရေးကြီးကြောင်း ဒေါ်မေငြိမ်းက ဆက်လက်ပြောကြားသည်။

“တက္ကသိုလ်ပညာရေးမှာ တကယ့် သော့ချက်က ဆည်းပူးတာ။ သင်ယူတာမဟုတ်ဘူး၊ လေ့လာဆည်းပူး ပညာရှာရတာ။ တက္ကသိုလ်ဆိုတာ ကြံဆရတာ” ဟု သူက သုံးသပ်ပြောဆိုသည်

ရန်ကုန်တက္ကသိုလ် ဘွဲ့နှင်းသဘင်ခန်းမတွင် ယခုနှစ် အောက်တိုဘာလ အတွင်းက ပြုလုပ်သော အဝေးသင် တက္ကသိုလ်ဘွဲ့နှင်းသဘင် ပေးအပ်ပွဲတခု၌ ရန်ကုန်အဝေးသင် တက္ကသိုလ်ပါမောက္ခချုပ်က မြန်မာနိုင်ငံ၏ တက္ကသိုလ် သင်ရိုးညွှန်းတမ်းများသည် ကမ္ဘာ့အဆင့်မီ ဖြစ်သည်ဟု ပြောဆိုခဲ့သည်။

မြန်မာနိုင်ငံတွင် စစ်အစိုးရ အာဏာရရှိချိန်မှစပြီး ယနေ့အချိန်အထိ မှတ်ပုံတင်ထားသည့် အဝေးသင် တက္ကသိုလ် ကျောင်းသား၊ ကျောင်းသူ အရေအတွက် ၂ သိန်းကျော်၊ ၃ သိန်းနီးပါးရှိနေပြီ ဟု ပညာရေး အသိုင်းအ၀န်းမှ သိရသည်။

မြန်မာသီချင်း တရာကျော် ထိုင်းကုမ္ပဏီဝယ်မည်

ရန်ပိုင်
.မြန်မာ သီချင်းများကို Ring Tone (တယ်လီဖုန်းမြည်သံ) အဖြစ် အသုံးပြုရန် အတွက် ထိုင်းနိုင်ငံရှိ ကုမ္ပဏီတခုမှ ၀ယ်ယူ မည်ဖြစ်ကြောင်း သိရသည်။

ထိုင်းနိုင်ငံရောက် မြန်မာ လူမျိုးများ အတွက် လက်ကိုင်ဖုန်းမှ တဆင့် ဖျော်ဖြေမှု ပေးနိုင်ရန် ထိုင်း MP3 Thailand Co. Ltd မှ မြန်မာသီချင်း ပုဒ်ရေ ၁၂၀ ကို ၀ယ်ယူမည် ဖြစ်ကြောင်း မြန်မာနိုင်ငံ ဂီတအစည်းအရုံး တွဲဖက်အတွင်းရေးမှူး တေးရေး မောင်သစ်မင်းက ပြောသည်။

“အခုလို တရားဝင်လာဝယ်တာကောင်းတာပေါ့၊ ခိုးကူးရင်လည်း ဘာမှတတ်နိုင်တာ မဟုတ်ဘူးလေ၊ကြိုဆိုရမှာပေါ၊့ကျေးဇူး တောင်တင်ပါသေးတယ်”ဟု၎င်း ကဆိုသည်။

ယခုဝယ်ယူမှုကို ထိုင်းကုမ္ပဏီကိုယ်စား မြန်မာနိုင်ငံရှိ Million Entertainment & Video Production မှ ဦးသန်းတင်က ဆောင်ရွက်မည်ဖြစ်ပြီး ပါဝင်မည့် အဆိုတော်များမှာ လေးဖြူ၊ ဇော်ဝင်းထွဋ္ဋ် ၊ မျိုးကြီး၊ R ဇာနည် ၊ ဖိုးကာ၊ ရဲလေး၊ စိုင်းထီး ဆိုင်၊ ထူးအိမ်သင်၊ ခင်မောင်တိုး၊ စိုင်းစိုင်းခမ်းလှိုင်၊ ဖြူဖြူကျော်သိန်း၊ L ဆိုင်းဇီ စသည့် နာမည်ကြီး အဆိုတော်များပါဝင် မည်ဖြစ်သည်ဟု သိရသည်။

နှစ်ဦးနှစ်ဘက်သဘောတူညီချက်အရ သီချင်းတပုဒ်လျှင် အမေရိကန်ဒေါ်လာ ၁၀၀ သတ်မှတ်ထားပြီး အချိန်ကာလအား ဖြင့် အသုံးပြုခွင့်တနှစ် သတ်မှတ်ထားကြောင်း၊ ရောင်းချ၍ ရရှိသည့် ၀င်ငွေကို တေးရေး၊ တေးဆို၊ အသံဖမ်း၊ တီးဝိုင်းနှင့် ထုတ်လုပ်သူဟူ၍ အလွှာငါးလွှာ သတ်မှတ်ပြီး မူပိုင်ခွင့် အနုပညာကြေးခံစားစေမည်ဖြစ်ကြောင်း၊ စာချုပ်သက်တမ်း တနှစ်ကုန် ဆုံးသွား၍ သီချင်း အသစ်များအသုံးပြုမည်ဆိုလျှင်လည်း စာချုပ်ထပ်မံချုပ်မည်ဖြစ်သည်ဟု မောင်သစ်မင်းက ရှင်းပြသည်။

ယခုကဲ့သို့ စာချုပ်ချုပ်ဆိုခြင်းကို နိုင်ငံတကာမူပိုင်ခွင့် ဥပဒေနှင့် အညီချုပ်ဆိုထားခြင်းဖြစ်ပြီး ကိုယ်ပိုင်သံစဉ်သီချင်းများကို သာ ရောင်းချမည်ဟု သဘောတူညီချက် ရယူထားကြောင်း၊ Ring Tone နှင့် Waiting Call အဖြစ်သာ အသုံးပြုခွင့်ပေး မည်ဖြစ်ပြီး ပြန်လည် ရောင်းချခြင်း၊ကြော်ငြာအဖြစ်အသုံးပြုခြင်းများကို ခွင့်ပြုမည်မဟုတ်ကြောင်း၊ ယခု ၀ယ်ယူထားသည့် သီချင်းများကို မိမိတို့ ဂီတအစည်း အရုံး အနေဖြင့် မည်သည့် ကုမ္ပဏီကိုမျှ ထပ်မံရောင်းချမည် မဟုတ်ကြောင်း ၎င်းက ဆိုသည်။

ယခုဝယ်ယူမှုသည် ဒုတိယအကြိမ်ဖြစ်ပြီး အများဆုံးဝယ်ယူမှုဖြစ်ကြောင်း၊ ပထမအကြိမ်အနေဖြင့် ထိုင်းနိုင်ငံနှင့် မလေးရှား နိုင်ငံတွင်အသုံးပြုရန်အတွက် စံမြင့်မြင့် ကုမ္ပဏီနှင့်စာချုပ်ချုပ်ဆိုပြီး သီချင်း ၁၈ပုဒ် ရောင်းချခဲ့ပြီးပြီ ဖြစ်ကြောင်းသိရသည်။

အဆိုပါ MP3 Thailand Co. Ltd ကုမ္ပဏီသည် ထိုင်းနိုင်ငံတွင် MP3 player များ၊ iPodများ၊အသံပိုင်းဆိုင်ရာ ပစ္စည်း အမျိုးမျိုး၊ ကွန်ပျူတာ နှင့်ကွန်ပျူတာ ဆက်စပ်ပစ္စည်းများထုတ်လုပ်ပြီး ဖျော်ဖြေရေးလုပ်ငန်းများကိုလည်း လုပ်ကိုင်နေ သည့် ဘန်ကောက်မြို့ အခြေစိုက် စီးပွားရေး ကုမ္ပဏီကြီးတခုဖြစ်သည်။

“တစိမ့်စိမ့်ကြည့်”သီချင်းဖြင့် လူငယ်ပရိသတ်ကို စွဲဆောင်နိုင်ခဲ့သည့် အဆိုတော် ဖိုးကာကလည်း“ အခုဝယ်တာ ကျနော် အတွက် ပထမဆုံး အကြိမ်ပဲလေ၊ ခိုးကူးတာထက်စာရင် တော်သေးတာပေါ့၊ အခုဝယ်တဲ့ ကုမ္ပဏီတွေက စီးပွားရေး အကြီးအကျယ်လုပ်တဲ့ကုမ္ပဏီဆိုတော့ စနစ်တကျ ဂီတအစည်းအရုံးနဲ့ ညှိပြီးမှ လာဝယ်တာလေ”ဟုပြောသည်။

ပြီးခဲ့သည့်နှစ်မှ စတင်ပြီး ထိုင်းနိုင်ငံရှိ တယ်လီဖုန်းကုမ္ပဏီတခုဖြစ်သည့် DTAC ကုမ္ပဏီကလည်း ထိုင်းနိုင်ငံတွင် လာ ရောက်အလုပ်လုပ်ကိုင်နေသည့် မြန်မာနိုင်ငံသားများအတွက် မြန်မာသီချင်းများကို လက်ကိုင်ဖုန်းအတွင်း ထည့်သွင်း နားထောင်နိုင်ရန် ဖျော်ဖြေမှုဈေးကွက်တခုကို ပြုလုပ်ခဲ့ကြောင်း DTAC ကုမ္ပဏီတွင် ဈေးကွက်မြှင့်တင်ရေးလုပ်ငန်း လုပ်ကိုင်နေသည့် ကိုဝင်းချိုက ပြောသည်။

“မြန်မာပြည်သားတွေ ကိုယ့်မြန်မာသီချင်းကြားရတော့ နားထောင်ရတဲ့သူတွေဝမ်းသာတာပေါ့၊ တော်တော်လည်း စိတ်ဝင် စားတယ်၊ ကုမ္ပဏီတွေ အပြိုင်အဆိုင်လုပ်နေတဲ့အချိန်မှာ ဈေးကွက်မှာအမျိုးမျိုးဆွဲဆောင်ပြီးတော့ ပိုဖောက်ရတာပေါ့” ဟု ၎င်းကပြောသည်။

ထိုင်းနိုင်ငံရှိ 1,2 Call ကုမ္ပဏီမှလည်း မြန်မာပြည်သားများ အတွက် ရည်ရွယ်၍ ထိုဖျော်ဖြေမှုလုပ်ငန်းကိုလုပ်ကိုင်ကြောင်း၊ သို့သော် ဈေးကွက်တွင် မြန်မာနိုင်ငံသားအများစုသည် DTAC ကိုသာ ပိုမိုသုံးစွဲသည်ကို တွေ့ရကြောင်း၊ အဆိုတော်များ တွင် R ဇာနည်နှင့် မွန်အဆိုတော် ဗညားဟံ ၏ သီချင်းများကို ပိုမိုတောင်းဆိုကြောင်း၊ သီချင်းတပုဒ် ထည့်သွင်းလျှင် ၂၁.၄၀ ဘတ် နှုန်း ၀န်ဆောင်မှု ကောက်ခံ၍ တလလျှင် ၃၇.၄၅ ဘတ် ကောက်ခံကြောင်း ကိုဝင်းချိုကရှင်းပြသည်။

အဆိုပါ DTAC ကုမ္ပဏီသည် မြန်မာနိုင်ငံသားများအတွက် ၇ ရက်သားသမီး ဗေဒင်ဟောစာတမ်းကိုလည်း ၀န်ဆောင်မှု ပေးကြောင်းသိရသည်။

မဲဆောက်မြို့မှ မြန်မာနိုင်ငံသားတဦးကလည်း ဤကဲ့သို့ မြန်မာသီချင်းများကို ၀န်ဆောင်မှုပေးနေခြင်းသည် မြန်မာနိုင်ငံ သားများ အားလပ်ချိန် နှင့် လုပ်ငန်းခွင်ဝင်သည့်အချိန်တွင် မြန်မာသီချင်းများဖြင့် အလွမ်းဖြေ နားထောင်နိုင်သည့်အတွက် ယခုကဲ့သို့ သီချင်းအသစ်များ ၀ယ်ယူမှုမှာ ကောင်းမွန်ကြောင်း ပြောဆိုသည်။

သံဝေဂတရားရယူနိုင်သည့် နိုင်ငံခြားရေးဝန်ကြီးဟောင်း ဦးဝင်းအောင်ဖြစ်ရပ်။

၎-၁၁-၂၀၀၉ ရက်နေ့က နာမည်ဆိုးနဲ့ ကမ္ဘာကျော်လှတဲ့ အင်းစိန် အကျဉ်းထောင်မှာ သေဆုံးသွားတဲ့ နိုင်ငံ ခြားရေးဝန်ကြီးဟောင်း ဦးဝင်းအောင်ရဲ့ ဖြစ်ရပ်မှန်ဇာတ်လမ်းကို နိုင်ငံခြားရေးဝန်ထမ်းဟောင်း တဦး၏ မေတ္တာရပ်ခံချက် အရ ရေးသားတင်ပြအပ်ပါတယ်။

မူလကတည်း အရည်အချင်း မရှိမှန်းသိကြပေမဲ့ အမိန့်တွေကို မလွန်ဆန်ရဲကြတာကြောင့် အရည်အချင်းပြည့်မှီပြီး တဆင့်ပြီးတဆင့် တာဝန်ထမ်းဆောင်ရင်း စာမေးပွဲဖြေဆို အောင်မြင်လာကြတဲ့ ဝန်ထမ်းကောင်းတွေထက် အမိန့်ပေးသူ၏ သားသမီးတွေကို ဦးစားပေး စေလွှတ်ခဲ့ရပါတယ်။

“ဦးဝင်းအောင်” နိုင်ငံခြားရေးဝန်ကြီးအဖြစ် တာဝန်ယူစဉ်ကာလ စင်္ကာပူနိုင်ငံရှိ မြန်မာသံရုံးသို့ ရာထူးတိုးမြင့် ပြောင်းရွှေ့တာဝန်ပေးရန် ဝန်ကြီးဦးဝင်းအောင်က ညွှန်ကြားခဲ့ပါတယ်။

တပြိုင်တည်း ပြောင်းရွှေအမိန့်ပေးခိုင်းသည်ကို ဝန်ကြီး ဦးဝင်းအောင်က တပြိုင်တည်း တာဝန်ပေးပါက အများ ဝေဖန်ခံရမှာ စီုးရိမ် တာကြောင့် တဦးကိုသာ ပြောင်းရွှေ့ အမိန့်ထုတ်ပြန်ခဲ့ပါတယ်။ နောက်တဦး ကို ကာလ အတန်ကြာစောင့်ပြီးမှ ပြောင်းရွှေ့ပေးမယ်လို့ ဆုံးဖြတ်စီစဉ်ခဲ့ပါတယ်။

အမိန့်စာထုတ်ပြန်ပြီး မကြာခင် ဗိုလ်ချုပ်ကြီးခင်ညွှန့်နဲ့အတူ ဝန်ကြီး ဦးဝင်းအောင်ဟာ အာစီယံအစည်းအဝေး တက်ရောက်ဘို့ ထွက်ခွာသွားခဲ့ပါတယ်။

ခရီးစဉ်က ပြန်ရောက်ရောက်ခြင်း ဝန်ကြီးဦးဝင်းအောင်ကို တာဝန်မှာ ရပ်ဆဲ အလုပ်ထုတ်ခဲ့ပါတော့တယ်။ ဝန်ကြီး ဦးဝင်းအောင်က သူ့ရည်ရွယ်ချက် အစစ်အမှန်ကို သက်ဆိုင်ရာပုဂ္ဂိုလ် တွေကို နည်းမျိုးစုံနဲ့ရှင်းပြပြီး တောင်းပန်ခဲ့ပေမဲ့ အရာမရောက်ခဲ့ တော့ပါဘူး။ တချက်လွှတ် အမိန့်ကြောင့် သူ့ရဲ့တောင်းပန်ချက်ကို ဗိုလ်ချုပ်ခင်ညွှန့်လည်း ဘာမှ မတတ်နိုင်ခဲ့ပါဘူး။

အမုန်းတရားက အဆုံးမသတ်သေးပါဘူး။ ဦးဝင်းအောင်ကို ထောင်ထဲအထိ ပိုိ့ဘို့ကြံရွယ်ပါတယ်။ ဦးဝင်းအောင်က ပွဲစားကတဆင့် မိမိတရားဝင် ပိုင်ဆိုင်ထားတဲ့ ကားတစင်းကို ရောင်းချထားခဲ့ပါတယ်။ ဒါပေမဲ့ ပိုင်ရှင်အမည် မပြောင်းလဲရသေးပါဘူး။ ဒါကို စုံစမ်းသိရှိထားတော့ အခွင့်ကောင်းယူပြီး ကြံစည်ပါ တော့တယ်။

ရှမ်းပြည်ဘက်မှာ ဘိန်းဖြူ သယ်လာတဲ့ ကားတစင်းကို ဖမ်းမိလို့စစ်ဆေးရာ ကားပိုင်ရှင်မှာဝန်ကြီး ဦးဝင်းအောင် ရောင်းချထားသော ကားဖြစ်နေပြီး ဆက်လက်စစ်ဆေးရာ အဆိုပါကားမှာ တရားမဝင်တဲ့ ကားအဖြစ် စစ်ဆေးတွေ့ရှိကြောင်း လုပ်ကြံဇာတ် ဖန်တီးခါ ဦးဝင်းအောင်ကို ထောင်ဒဏ် (၇) နှစ်ကျခံစေပြီး အင်းစိန် အကျဉ်းထောင်သို့ ပို့ဆောင်လိုက်ပါတော့တယ်။

ဦးဝင်းအောင်ဟာ တပ်မတော် ထောက်လှမ်းရေးမှာ ဗိုလ်မှူးအဆင့် တာဝန်ထမ်းဆောင်ခဲ့ခါ ဂျာမဏီနဲ့ အင်္ဂလန်ရှိ မြန်မာသံရုံးမှာ သံအမတ်ကြီး အဆင့် တာဝန်ထမ်းဆောင်ခဲ့ပါတယ်။

(ခိုင်းသမျှ မှန်မှန်မှားမှား တာဝန်ယူဆောင်ရွက်ပေးနေကြသူတွေအားလုံး ဒီဖြစ်အပျက်ကနေ အမှန်ကိုသိမြင်ကြပြီး သံဝေဂတရားရယူနိုင်ကြပါစေ။)

လေးစားစွာဖြင့်၊
သူရဲကောင်း။

စပါးဈေး ထိုးကျသဖြင့် လယ်သမားများဆောင်းသီးနှံစိုက်ရန် အခက်တွေ့

မေကျော်
စပါးတင်း (၁၀၀) လျှင် ယခင် ကျပ် (၃) သိန်းခွဲမှ ယခု ကျပ် (၂) သိန်းခွဲခန့်အထိ ကျပ် (၁) သိန်းနီးပါး ဈေးကျသွားသဖြင့် တောင်သူများ ဆောင်းသီးနှံစိုက်ရန် အရင်းအနှီးမရှိဘဲ အခက်တွေ့နေကြကြောင်း သိရသည်။

စပါးဈေးထိုးကျသွားသဖြင့် ယခု ထွက်ရှိသည့်မိုးစပါးကို ရောင်းချပြီး ဆောင်းသီးနှံ ပဲပြန်စိုက်ရန် အရင်းအနှီးအဖြစ် ပြန်သုံးသော တောင်သူများ အခက်ကြုံနေကြရခြင်း ဖြစ်သည်ဟု ဆန်ကုန်သည်များက ပြောသည်။

“အရင်ဈေးလေးဆိုတော့ စိုက်စရိတ်ရောဘာရော တော်သေးတာပေါ့။ ပဲစိုက်ချိန်ကလည်း ရာသီချိန်နဲ့ဆိုတော့ စိုက်စရိတ်နဲ့ ကတော့ မကျန်ဘူး။ ရှုံးတယ်။ ရှေ့ကယူထားတဲ့ကြွေးလည်း မကျေ၊ နောက်ထပ် ပဲစိုက်ဖို့ ငွေမရှိဆိုတော့ စိတ်ညစ်တာပေါ့” ဟု ပဲခူးတိုင်းမှ ဒေသခံလယ်သမားတဦးက ပြောသည်။

စစ်အစိုးရက ကျပ် (၅,၀၀၀) တန် ထုတ်လိုက်ပြီးနောက်ပိုင်း ပြည်တွင်းဆန်ဈေးကွက် အတက်ဘက် ဦးတည်လာခဲ့သော်လည်း ပြည်ပဆန်တင်ပို့ခွင့် ပိတ်ပင်လိုက်သည့်အတွက် ယခုကဲ့သို့ စပါးဈေးထိုးကျသွားခြင်းဖြစ်သည်။ ထို့အပြင် တပ်ရိက္ခာအတွက် နှစ်စဉ်ဝယ်နေသည့် ရိက္ခာစပါးကိုလည်း စစ်တပ်က မ၀ယ်ယူသေးကြောင်း ဆန်ကုန်သည်များထံမှ သိရသည်။

“အိတ်စပို့တွေက ဈေးချ ၀ယ်တဲ့အတွက်ကြောင့် ဈေးပြုတ်ကျသွားတယ်။ တပ်စပါးတွေကလည်း စပါးခြောက်မှ ၀ယ်မယ်လို့ အသံတွေ ထွက်လာလို့ ဈေးတွေက နိမ့်ကုန်တယ်” ဟု ရန်ကုန်အခြေစိုက် ဆန်ကုန်သည်က ပြောသည်။

တောင်သူများ၏ စပါးတဧက စိုက်ပျိုးစရိတ်မှာ ကျပ် (၁) သိန်း (၈) သောင်းမှ (၂) သိန်းခန့်အထိ ပျမ်းမျှရှိပြီး နှစ်စဉ်ပျမ်းမျှ အထွက်နှုန်းမှာ တဧက တင်း (၆၀) ခန့်သာရှိသဖြင့် တောင်သူများ အရင်းမကျေ ဖြစ်ကြရကြောင်း ဘိုကလေး၊ မြင်းကကုန်းကျေးရွာမှ တောင်သူတဦးက ပြောသည်။

၎င်းက “မိုးတွင်းစပါးက မြေဆီ မသုံးတာများတယ်ဆိုတော့ (၂) သိန်းလောက်ပဲ တဧကကို။ အထွက်က (၆၀) နဲ့ (၈၀) ကြားပဲ။ ဒီထက် ပိုမထွက်ဘူး” ဟု ပြောသည်။

နွေစပါးကသာ တဧက တင်း (၁၀၀) ကျော်ခန့် ထွက်ပြီး မိုးစပါးအထွက်မှာ တဧက တင်း (၆၀) ကျော်သာ ပျမ်းမျှထွက်ကြောင်း၊ အညာဒေသတွင်လည်း ယင်းပမာဏခန့်သာ ပျမ်းမျှထွက်ကြောင်း ၎င်းက ပြောသည်။

တောင်သူများက မိုးစပါးစိုက်ရန် အရင်းအနှီးကို စပါးကြိုပေးစနစ်ဖြင့် စိုက်စရိတ် ငွေကြေးကို ချေးယူထားရပြီး စပါးထွက်လာသည့်အခါ ပေါက်ဈေးဖြင့် အတိုးပေးကာ ပြန်လည်ပေးချေရရာ ယခု စပါးဈေးနိမ့်သွားခြင်းက နောက်သီးနှံအတွက် အရင်းအနှီးမရဘဲ ဖြစ်သွားခြင်းဖြစ်သည်။

မြန်မာ့လူဦးရေ (၇၀) ရာခိုင်နှုန်း မှီခိုနေသည့် လယ်ယာလုပ်ငန်းတွင် နှစ်စဉ် စပါးပေါ်ချိန်၌ အစိုးရက စပါးဈေးကို ထိန်းလိုက်ပြီး အရင်းအနှီးကြီးသူများက စပါးဈေးနှိမ့်ဝယ်ယူခြင်းကြောင့် နှစ်စဉ် တောင်သူများ စိုက်ပျိုးစရိတ် အခက်အခဲ ကြုံတွေ့နေကြရခြင်း ဖြစ်သည်။

“တောင်သူ စပါးပေါ်ချိန် ဈေးချလိုက်တယ်။ ကုန်သည်တွေ လက်ထဲ စပါးရောက်သွားရင် ဈေးတက်သွားပြီ။ အဲတော့ တောင်သူက စားဖို့ဆန်ကို ဈေးကြီးပေးပြီး ပြန်ဝယ်စားရတယ်။ ဘယ်တောင်သူမှ စပါးကို လှောင်မထားနိုင်ဘူး” ဟု ဘိုကလေး ဒေသခံတောင်သူက ပြောကြားသည်။

တောင်သူများက လယ်ယာသွင်းအားစုများဖြစ်သော ဒီဇယ်၊ မြေဆီနှင့် လုပ်အားခများကို ကာလပေါက်ဈေးဖြင့် နှစ်စဉ် ၀ယ်ယူ သုံးစွဲနေရသော်လည်း စစ်အစိုးရက လယ်ယာထွက်ကုန် စပါးကို ကုန်ဈေးနှုန်း တည်ငြိမ်ကျဆင်းရေး အဖွဲ့ဖွဲ့ကာ နည်းမျိုးစုံဖြင့် ဈေးနှုန်း ထိန်းချုပ်ထားခြင်းဖြစ်သည်။

ထုတ်ပြန်ထားသော ရေမြောင်းအမိန့်ကို မြို့တော်ဝန် ပြန်လည်ရုပ်သိမ်း

မျိုးချစ်သူ
ရန်ကုန်မြို့တော်ဝန်က အဆောက်အအုံသစ် ဆောက်လုပ်သူများသည် (၅) ပေအကျယ် (၅) ပေအနက် ရေမြောင်းတူးရမည်ဟု ထုတ်ပြန်ထားသောအမိန့်ကို ကိုယ်တိုင်ပြန်လည်ရုပ်သိမ်းလိုက်ကြောင်း ရန်ကုန်ရှိ ဆောက်လုပ်ရေးလုပ်ငန်းရှင်များနှင့် ကန်ထရိုက်တာများက ပြောသည်။

ရန်ကုန်စည်ပင်ကော်မတီက ချမှတ်ထားသော စည်းကမ်းချက်များအား ရှင်းလင်းရန် ရှိပါသဖြင့်ဟူသော ခေါင်းစဉ်ဖြင့် အဆိုပါလုပ်ငန်းရှင်များ၊ ကန်ထရိုက်တာများအား နိုဝင်ဘာ (၅) ရက်နေ့က အကြောင်းကြားလာပြီး နိုဝင်ဘာ (၆) ရက်နေ့ မြို့တော်ခန်းမ၏ စည်းဝေးခန်းမတွင် ညနေ (၃) နာရီ ကြွရောက်ရန် ဖိတ်ကြားခဲ့သည်ဟု ကန်ထရိုက်တာတဦးက ပြောသည်။

“ကျနော်တယောက်တည်းမဟုတ်ဘူး။ လုပ်ငန်းလုပ်နေသူတွေအားလုံး။ နာရေးကူညီမှုအသင်းက ကိုကျော်သူကို ကျေးဇူးတင်တယ်။ သူပြောတာမျိုး ပြောရဲသူမရှိဘူး။ ဘယ်သူမှ အဖမ်းမခံရဲဘူး။ သူ့ကြောင့် အခု စည်ပင်က တူးခိုင်းတဲ့ (၅) ပေအကျယ်၊ (၅) ပေအနက် ရေမြောင်းကိစ္စရှင်းသွားတယ်” ဟု ယင်းကန်ထရိုက်တာက ပြောသည်။

အဆိုပါနေ့တွင် မြို့တော်ဝန်က တက်ရောက်လာသော ဆောက်လုပ်ရေးလုပ်ငန်းရှင်များနှင့် ကန်ထရိုက်တာများကို အချိန်နောက်ကျသည့်အတွက် တောင်းပန်ကြောင်း ပဏာမစကားပြောကြားခဲ့သည်ဟု အမည်မဖော်လိုသော နာမည်ကြီး ဆောက်လုပ်ရေးကန်ထရိုက်တာက ပြောသည်။

“အစတော့ လေသံက နည်းနည်းပျော့တယ်။ နောက်ပြောရင်းပြောရင်းနဲ့ ရေမြောင်းကိစ္စကို နိုင်ငံရေးပယောဂ ရောယှက်တယ်လို့ မထင်ရအောင် ပြန်ပြီး ပြင်ဆင်ထားတာကို ရှင်းပြချင်လို့ ခေါ်တာလို့ပြောတယ်။ သူက ကျော်သူတို့နဲ့ဖြစ်တဲ့ ပြဿနာကို မကျေလည်တဲ့ပုံပဲ။ စကားသံနည်းနည်း မာလာတယ်။ ဒါပေမယ့် ပြန်ပြင်တယ်ဆိုတဲ့အတွက်တော့ ၀မ်းသာတယ်။ အရင်အမိန့်ကို ပယ်ဖျက်လိုက်တဲ့ သဘောပဲခင်ဗျ” ဟု ၎င်းက ပြောသည်။

စည်ပင်ခန်းမကို ဆောက်လုပ်ရေးလုပ်ငန်းရှင်များနှင့် ကန်ထရိုက်တာဦးရေ (၂၀၀) ခန့် တက်ရောက်ခဲ့ကြကြောင်း၊ ၎င်းတို့ကို ရန်ကုန်စည်ပင်က အသင့်ရေးထားသော ရေမြောင်းနှင့်ပတ်သက်၍ လိုက်နာဆောင်ရွက်ရန် အချက်များဟု ရေးထားသော စာရွက်ပေးဝေကြောင်း ကန်ထရိုက်လုပ်ငန်းရှင်တဦးက ပြောသည်။

“အဲဒီအချက် လေးချက်ကတော့ဗျာ၊ အဆောက်အအုံဆောက်ရင် ကိုယ့်အနီးမှာရှိတဲ့ ရေမြောင်းအရွယ်အတိုင်းပဲလုပ်ပါ။ ပြီးတော့ မြေသားမြောင်းပဲလုပ်ပါ။ လူနဲ့ယာဉ်တွေ ကူးနိုင်ဖို့ ရေမြောင်းကို ယာယီပြုလုပ်ပေးပါ။ ဌာနက စစ်ဆေးပြီးမှ သတ်မှတ်ပေအရွယ်အတိုင်း အခိုင်အမာအမြဲတမ်း ပြောင်းလုပ်ပါလို့ ပါတယ်ဗျ” ဟု ၎င်းလုပ်ငန်းရှင်က ပြောသည်။

“(၅) ပေအကျယ် (၅) ပေအနက် လုပ်ရမယ်လို့ အမိန့်ထုတ်တော့ ပြီးခဲ့တဲ့ (၄) လလောက်ကလို့ ထင်တယ်ဗျ၊ ဘယ်သူမှ မလုပ်နိုင်ဘူး။ ဒါက လူတိုင်း စဉ်းစားလို့ရတယ်။ မဖြစ်နိုင်ဘူးဆိုတာ၊ အခုပြန်ပြီးသတ်မှတ်တာက အရင်ပုံစံအတိုင်းပါပဲ။ ဒါက ကိုကျော်သူကြောင့်ဗျ၊ ကျနော် ကျေးဇူးတင်တယ်၊ နာရေးကူညီမှုကို သွားလှူအုံးမယ်” ဟု ၎င်းက ပြောသည်။

ပြီးခဲ့သည့် ဇူလိုင်လအတွင်း မြောက်ဒဂုံသို့ပြောင်းရွှေ့ခဲ့ရသည့် နာရေးကူညီမှုအသင်းသည် ခြံဝင်းရှေ့တွင် (၅) ပေ အကျယ်၊ (၅) ပေအနက် ရေမြောင်းမတူးဘဲ အဆောက်အဦကို ဆောက်လုပ်အသုံးပြုခဲ့သည်ဟုဆိုကာ ခွင့်ပြုချက်မရဘဲ အဆောက်အဦ အသုံးပြုမှုဖြင့် မြောက်ဒဂုံစည်ပင်က နာရေးကူညီမှုအသင်းကို ပြီးခဲ့သည့်အောက်တိုဘာ (၂၉) တွင် တရားစွဲဆိုခဲ့သည်။

နာရေးကူညီမှုအသင်းဥက္ကဌ ဦးကျော်သူက အခြားဘေးပတ်ဝန်းကျင်တွင် မည်သူမျှမတူးဘဲ ၎င်းတို့အသင်းရှေ့တွင်သာ ကွက်တူးပါက ရေစီးရေလာမရှိသဖြင့် မြောင်းတူးဖော်ရန်မဖြစ်နိုင်ဟု ငြင်းဆိုခဲ့ပြီး တရားစွဲလိုက စွဲနိုင်ကြောင်း ပြန်လည်ပြောကြားခဲ့သည်။

ယင်းသို့ ဦးကျော်သူက ဖမ်းလိုကဖမ်း၊ တရားစွဲလိုကစွဲ မိမိတို့အသင်းသည် အခမဲ့ ဆေးကုပေး၊ အခမဲ့ နာရေးဝန်ဆောင်မှု ပေးနေသည့် အသင်းဖြစ်ကြောင်း ပြန်လည်ပြောကြားခဲ့ပြီးသည့်နောက် ယခုကဲ့သို့ စည်ပင်က ရေမြောင်းတူးရန် ထုတ်ပြန်ထားချက်ကို ပြန်လည်ရုပ်သိမ်းခဲ့ခြင်းဖြစ်သည်။

“မြို့တော်ဝန်က (၅) ပေအကျယ် (၅) ပေအနက် ရေမြောင်းတူးပါလို့ ပြောတာဟာ ရေစီးရေလာအတွက်ပဲဖြစ်တယ်လို့ ပြောတယ်။ ဒါပေမယ့် ဖြစ်နိုင်မယ်၊ မဖြစ်နိုင်ဘူးဆိုတာ တွေးရမယ်လေ။ သူက ရန်ကုန်တိုင်း ကြံ့ဖွံ့ဗဟိုအလုပ်အမှုဆောင် ဖြစ်တဲ့အတွက် အခု ရွေးကောက်ပွဲအတွက် စည်းရုံးရေးဆင်းနေတဲ့ ကာလမှာ ဒီဆောက်လုပ်ရေးလုပ်ငန်းရှင်တွေ၊ ကန်ထရိုက်တာတွေကို ဒီနည်းနဲ့ ပြန်လည်စည်းရုံးလိုက်တဲ့ သဘောလည်း သက်ရောက်သွားတယ်ဗျ။ လုပ်ငန်းရှင်တွေ အားလုံးကို သဘောမတူတာရှိလားလို့ သူကမေးတယ်။ အားလုံးက အခုပြန်လုပ်တဲ့ ရေမြောင်းစနစ်ကို ကြိုက်တယ်လို့ အော်ပြောကြတယ်” ဟု အစည်းအဝေးတက်ခဲ့သူ ကန်ထရိုက်တာတဦးက ပြောသည်။