ပင်မစာမျက်နှာ မြန်ပြည်သတင်း နိုင်ငံတကာသတင်း ဓာတ်ပုံ ဗီဒီယို ဆောင်းပါး ၀တ္တု ကဗျာ ဟာသ မြင်ကွင်း ပျိုး

Monday, November 30, 2009

မခိုင်ရွှန်းလဲ့ရည် သေဆုံးရခြင်း၏ နောက်ကွယ်တွင် ...

မခိုင်ရွှန်းလဲ့ရည်နှင့် မိခင်ဒေါ်ချိုချိုမြင့် (ဓာတ်ပုံ - လျှပ်တစ်ပြက်ဂျာနယ်)
အေးချမ်းမြေ့
ကွယ်လွန်သည်မှာ ၁ လကျော်ခဲ့ပြီ ဖြစ်သော်လည်း မခိုင်ရွှန်းလဲ့ရည်နှင့် ပတ်သက်သည့် သတင်း နောက်ဆက်တွဲများကား ဝေဖန်ဆွေးနွေး စရာများ အဖြစ် ကျန်ရစ်ခဲ့ပေသည်။

လွန်ခဲ့သည့် တလကျော် အောက်တိုဘာ ၂၇ ရက်နေ့ နံနက်က ဗဟန်းမြို့နယ်အတွင်းရှိ အထူးကုဆေးခန်းတွင် ခွဲစိတ်ကုသမှု ခံယူအပြီး ကွယ်လွန်သွားခဲ့သည့် နဝမတန်းကျောင်းသူ မခိုင်ရွှန်းလဲ့ရည်၏ ဖြစ်ရပ်နှင့် ပတ်သက်၍ Weekly Eleven သတင်း ဂျာနယ်နှင့် လျှပ်တစ်ပြက် ဂျာနယ်တို့တွင် ရေးသားဖော်ပြခဲ့ကြသည်။


Weekly Eleven သတင်း ဂျာနယ်တွင် အဆိုပါသတင်းကို 'ဆရာဝန်ကြီးများ လူနာအပေါ် အချိန်ပေးမှု နည်းပါးခြင်း၊ ဆေးရုံ၊ ဆေးခန်းကြီးများ၏ ဆရာဝန် ကြီးများမျက်နှာ တစ်ခုတည်း ကိုသာ ကြည့်ခြင်းကြောင့် ကြေကွဲဖွယ်ဖြစ်ရပ် များဖြစ်ပေါ်နေ' ခေါင်းစဉ်ဖြင့် ရေးသားဖော်ပြထားသည်။ သေဆုံးသူ၏ ဆွေမျိုး၊ မိဘနှစ်ဦး၊ လေ့လာသုံးသပ်သူများ၊ အသည်းအထူးကု ဆရာဝန်ကြီး၊ စာနယ်ဇင်းသမားတဦး၏ ပြောဆိုချက်များနှင့် ပါမောက္ခ သမားတော်ကြီး ဦးလှမြင့်၏ “ဆေးပညာ လောကသားများသို့ ပန်ကြားချက်” စာအုပ်ကို ကိုးကား ဖော်ပြထားသည်။

အဆိုပါဆောင်းပါးတွင် Eleven Media Group မှ တာဝန်ရှိသူ တဦးက “ချမ်းသာပြီး ငွေကြေးတတ်နိုင်တဲ့ အထူးကု ဆေးခန်းသွားနိုင်၊ ပြောနိုင်တဲ့သူမို့ ဒီလိုသိကြရတာပါ။ ဆင်းရဲပြီး ပြောပြနိုင်စွမ်း မရှိတဲ့လူတွေ ဘယ်လောက် ခံစားထားကြရပြီလဲ။ လူထုကျန်းမာရေး စောင့်ရှောက်မှုကို ဒေသတွင်း နိုင်ငံတွေနည်းတူ သုံးစွဲ နိုင်ဖို့တော့ လိုပါတယ်။ ကျန်းမာရေးနဲ့ ပညာရေးမှာ သုံးစွဲမှုတွေဟာ ဖွံ့ဖြိုးဆဲနိုင်ငံတွေမှာ ငွေယိုပေါက်ကို ပိတ်စေတဲ့ ရင်းနှီးမြှုပ်နှံမှုတွေပါ။ ဒီဖြစ်ရပ်မှာ ပြဿနာရဲ့ အရင်းအမြစ်ကို သိထားရင် ကောင်းပါတယ်။ လူထု ကျန်းမာ ရေးစောင့်ရှောက်မှုကို အရှိန်မြှင့်ဖို့ လိုလာပါပြီ” ဟု သုံးသပ်ထားသည်။

လျှပ်တစ်ပြက် ဂျာနယ်တွင်လည်း “ရန်ကုန်မြို့ရှိ ပုဂ္ဂလိက အထူးကု ဆေးခန်းမှ မိန်းကလေးငယ်တစ်ဦး၏ ကြေကွဲရင်နင့်ဖွယ် ဖြစ်ရပ်” ဆိုသည့် ခေါင်းစဉ်နှင့် မိသားစု ဆွေမျိုးအသိုင်းအဝန်း၏ မှတ်ချက်များကို ကိုးကား ရေးသားထားကြောင်း တွေ့ရသည်။

“ခွဲစိတ်ပြီး သီးသန့်ကိုယ်ပိုင်အခန်း မရသေးခင်၊ ပိုးသတ်ခန်းမှာ ညနေ ၃ နာရီထိနေရတယ်။ အဲဒီ အချိန် ဆေးရုံရဲ့ အခန်းနံရံကို လျှပ်စစ်မော်တာနဲ့အပေါက်ဖောက်တယ်။ တူတွေနဲ့ထုတယ်။ အသံတွေက ဆူညံနေတာပဲ။ ဒါကတော့ ဆေးခန်းရဲ့ ဝန်ဆောင်မှု ညံ့ဖျင်းတဲ့အကြောင်းပါ။ ကျမတို့ပြောတာ ပြောလို့မရဘူး။ ကျမအပြင်းအထန်ကန့်ကွက်မှ ဝရိန်မဆော်တော့ဘဲ ရပ်သွားတယ်” ဟု မခိုင်ရွှန်းလဲ့ရည်၏ မိခင်က ပြောသည်ကို လျှပ်တစ်ပြက်တွင် ရေးသားဖော်ပြထားသည်။

အဆိုပါဂျာနယ်တွင်ပင် “အထက်ပါ ကြေကွဲရင်နင့်ဖွယ် ဖြစ်ရပ်မျိုးနှင့် ပတ်သက်၍ အခြားလူနာများဤကဲ့သို့ အဖြစ်ဆိုးနှင့် ထပ်မံမကြုံတွေ့စေရန် အထူးကုဆေးခန်းရှိ ဆရာဝန်များ အတွေ့အကြုံ ရှိသော်လည်း ဆေးပညာကို အဆက်မပြက်လေ့လာပြီး သတိရှိရှိနှင့်စေတနာထားကာ လူနာများအား ကြည့်ရှုစောင့်ရှောက်ကုသပေးသင့်ကြောင်း အပြုသဘောဆောင်၍ ကာယကံရှင် ဆွေမျိုးအသိုင်းအဝန်းက လျှပ်တစ်ပြက်သို့ထပ်မံပြောကြားခဲ့သည်” ဟု ရေးသားထားသည်။

ထိုသတင်းပေးပို့ချက်များနှင့် ပတ်သက်၍ တက္ကသိုလ်လှမော်ဆိုသူက “မြန်မာသတင်းမီဒီယာ တချို့ စည်းဘောင်လွတ် နေခြင်း” ဆိုသည့် ခေါင်းစဉ်ဖြင့် တရားဥပဒေရှုထောင့်၊ ဆေးပညာရှုထောင့်တို့မှ ကြည့်ကာ “မြန်မာ့ လူထု ကျန်းမာရေး” ဆိုသည့် http://health.ngoinmyanmar.orgဘလော့ စာမျက်နှာတွင် တန်ပြန်ရေးသား ဖော်ပြခဲ့သည်။

ထိုဘလော့စာမျက်နှာတွင် ရေးသားနေသူများမှာ မြန်မာလူထု ကျန်းမာရေးအတွက် လုပ်ဆောင်လျက်ရှိသော ပညာရှင်များ ဖြစ်ကြောင်း သိရသည်။

တက္ကသိုလ်လှမော်၏ ဆောင်းပါး၌ “သတင်းနှစ်ပုဒ်လုံး၏ သုံးသပ်ချက်မှာ ဆရာဝန်၏ အမှားကြောင့် အမျိုးသမီးငယ် အသက်ဆုံးရှုံးရသည်ဟု ဆိုထားပြီး နောင်တွင် အလားတူ အမှားမျိုးမဖြစ်ရန် အကြံဉာဏ် ပေးထားလေသည်” ဟု ဖော်ပြထားသည်။

“သတင်းနှစ်ပုဒ်လုံး၏ အရင်းအမြစ်သည် ကွယ်လွန်သွားသော အမျိုးသမီးငယ်၏ မိခင်ထံမှ ဖြစ်သည်။ သက်ဆိုင်ရာ ပုဂ္ဂလိကဆေးရုံနှင့် ပါဝင်ပတ်သက်နေသော ဆရာဝန် (သို့မဟုတ်) ၎င်းတို့က လွှဲအပ်သော ရှေ့နေတို့၏ တိုက်ရိုက် ပြောဆိုချက်များ မပါဝင်။ (မိခင်က တဆင့်ပြောသော ဆေးရုံ၏ အစုရှယ်ယာ ပါဝင်သူတဦး၏ ပြောဆိုချက်သည် hearsay evidence ဖြစ်သဖြင့် သက်သေအဖြစ် တင်ရန် ခဲယဉ်းသည်) ထို့ကြောင့် မျှတမှု ရှိသော သတင်းများ မဟုတ်ပေ” ဟုလည်း ၎င်းက ဆိုထားသည်။

ရန်ကုန်အခြေစိုက် သတင်းဂျာနယ်တစောင်၏ အယ်ဒီတာတဦးကမူ သတင်းဂျာနယ်တစောင်၏ တာဝန်ရှိသူ တဦးက ဝင်ရောက် သုံးသပ်ထားသည်မှအပ Weekly Elevenပါ သတင်းသည် စည်းဘောင်လွတ်သည်ဟု မဆိုနိုင်ကြောင်း၊ မြန်မာပြည်၏ အခြေအနေအရ ယခုကဲ့သို့သော သတင်းသည် လိုက်ရခက်ခဲသော သတင်းတပုဒ်ဖြစ်ကြောင်း၊ ယခုကဲ့သို့သော ဖြစ်ရပ်ကို ပြည်သူသိရှိရန်အတွက် ဖော်ပြသင့်ကြောင်း ပြောသည်။

“မိသားစုက ခံစားချက်နဲ့ ပြောသွားတယ်ဆိုတာ မှန်တယ်။ ဒါပေမယ့် တဘက်က အသံကို ရဖို့ကျတော့ အထူးကု ဆေးခန်းဘက်ကို မေးလို့မရဘူး။ အဲဒီဆေးရုံဆေးခန်း အမည်ကိုလည်း ထည့်ရေးလို့မရဘူး။ ရေးရင်စိစစ်ရေးက ဖြုတ်မှာ။ စိစစ်ရေးက မဖြုတ်တောင် အသရေဖျက်မှုနဲ့ တရားစွဲခံရလို့ ဆုံးမှာမဟုတ်ဘူး။ နောက်ပြီး သတင်းသမားတွေ အနေနဲ့ မကြိုးစားဘဲတော့ နေမှာမဟုတ်ဘူး။ ရသလောက်တော့ ကြိုးစားမှာပဲ” ဟု သူက ဆက်ပြောသည်။

ဧရာဝတီမဂ္ဂဇင်းက မခိုင်ရွှန်းလဲ့ရည် ဆေးကုသမှု ခံယူခဲ့သော ဗဟန်းမြို့နယ်ရှိ ရွှေဂုံတိုင်အထူးကု ဆေးခန်းသို့ ဖုန်းဖြင့် ဆက်သွယ်မေးမြန်းခဲ့ရာ တာဝန်ရှိသူများ မအားလပ်ကြောင်းသာ ပြန်ကြားခဲ့သည်။ မခိုင်ရွှန်းလဲ့ရည်ကို ခွဲစိတ်ခဲ့သော ဆရာဝန်ကြီးမှာမူ တရုတ်ပြည်သို့ ခရီးသွားနေကြောင်း သိရသည်။

မြန်မာပြည်တွင် အစိုးရဆေးရုံကြီးများ၌ “စရိတ်မျှပေး ကျန်းမာရေး” ဆိုသည် စနစ်ကို ကျင့်သုံးလျက်ရှိရာ လိုအပ်သည့် ဆေးဝါးမှန်သမျှ လူနာက ငွေကုန်ကြေးကျခံရပြီး ကျန်းမာရေး စောင့်ရှောက်မှု အပိုင်းတွင် စိုးရိမ်ရသည့် အနေအထား ဖြစ်နေကြောင်း လေ့လာသူတို့က သုံးသပ်ကြသည်။

အစိုးရဆေးရုံကြီးများ၌ ကျန်းမာရေးစောင့်ရှောက်မှု အားနည်းသောကြောင့် ပုဂ္ဂလိက ဆေးခန်းကြီးများတွင် ငွေကုန် ကြေးကျခံကာ တက်ရောက်ကုသသော်လည်း ထိရောက်သော စောင့်ရှောက်မှု မရရှိဘဲ အများစုမှာ ဝန်ဆောင်မှု ညံ့ဖျင်းလှကြောင်း ဝေဖန်နေကြ သည်။

ယခုလက်ရှိတွင် “စားသုံးသူ အခွင့်အရေး” နှင့်ပတ်သက်၍ ပညာပေး ပိုစတာများ၊ ကာတွန်းများ ရေးဆွဲနေသော ကာတွန်း အော်ပီကျယ်က မြန်မာပြည်တွင် စားသုံးသူနှင့် ပတ်သက်၍ ကာကွယ်ပေးသည့် ဥပဒေ မရှိသော်လည်း မခိုင်ရွှန်းလဲ့ရည်၏ ဖြစ်ရပ်မျိုး နောင်မဖြစ်ရန် ဖြစ်ရပ်မှန်ကို ဖော်ထုတ်သင့်သည်ဟု ဆိုသည်။

၎င်းက မကြာသေးမီက ဆရာဝန်များနှင့် ပတ်သက်၍ ရေးဆွဲပေးထားသော “စားသုံးသူ အခွင့်အရေး” ပညာပေး ပိုစတာအကြောင်းကို ပြောပြီး ဆရာဝန်နှင့်လူနာ အင်အားမမျှခြင်း၊ အချိန်မပေးနိုင်ဘဲ ရုပ်ပြသဘော ဆိုင်းဘုတ်တပ်ခြင်း၊ ဆေးကုသပုံ မှားယွင်းခြင်း၊ ဆေးဝါးမှားယွင်းခြင်း၊ မလိုအပ်ဘဲ ခွဲစိတ်ကုသမှု ပြုခြင်းတို့ကြောင့် လူနာများ အသက်ဆုံးရှုံးရသည့် အဖြစ်အပျက်များမှာ မြန်မာနိုင်ငံတွင်သာ မကဘဲ ကမ္ဘာမှာပါ ကြုံတွေ့နေရသည်ဟု ဆိုသည်။

“ဒီဆရာဝန်ကြီး တယောက်တည်းကို ပြောတာ မဟုတ်ပါဘူး၊ ဒီလို အဖြစ်အပျက်မျိုးတွေကြောင့် နောက်မှ နောင်တရတာမျိုး မဖြစ်ရအောင် ကြိုတင်ကာကွယ်သင့်ပါတယ်” ဟု ကာတွန်းအော်ပီကျယ်က ပြောသည်။

မန္တလေးမြို့နေ ခန္ဓာဗေဒ ဆရာဝန်ကြီးတဦးဖြစ်သူ ဒေါက်တာတင်မောင်ကြည်က ခွဲစိတ်ကုသမှုတခုတွင် အုပ်ထိန်းသူ၊ သက်ဆိုင်သူ တဦးဦး၏ ခွင့်ပြုချက်မပါရှိဘဲ ပြုလုပ်၍ မရသဖြင့် ယခုဖြစ်ရပ်နှင့်ပတ်သက်၍ မည်သူ့ကိုမှ အပြစ်တင်စရာ မရှိကြောင်း ရှင်းပြသည်။

“တကယ်တော့ ဒီလို အဖြစ်ဆိုးမျိုးတွေ မကြုံရအောင် လိုအပ်တဲ့ ကျင့်ဝတ် စည်းကမ်း၊ လုပ်ထုံးလုပ်နည်းတွေကို လိုက်နာ ကျင့်သုံးမယ် ဆိုရင် အကောင်းဆုံးပါပဲ” ဟု သူက ဆိုသည်။

ရန်ကုန်အခြေစိုက် သတင်းဂျာနယ် အယ်ဒီတာက သတင်းသမားများ အနေနှင့် ခံစားချက်နောက်ကို လိုက်၍ ရေးသားခြင်းမှအပ မှန်ကန်သော အချက်အလက်များနှင့် ပြည်သူသိသင့်သော သတင်းများကို အတတ်နိုင်ဆုံး ရေးသားဖော်ပြလျှင် အာဏာပိုင်တို့ ကလည်း ခွင့်ပြုပေးသင့်ကြောင်း သုံးသပ်သည်။

မခိုင်ရွှန်းလဲ့ရည် သေဆုံးခြင်းနှင့် ပတ်သက်၍ ၎င်း၏ မိခင်က ခွဲစိတ်ဆရာဝန်ကြီးအား တရားမစွဲလိုကြောင်း၊ ဆရာဝန် အနေနှင့် အသိစိတ်ဓာတ်ရှိစွာ ကိုယ်တိုင်ဝန်ခံစေချင်ကြောင်း ပြောကြားခဲ့သည်ဟု ယခင်အပတ်ထုတ် မော်ဒန်သတင်းဂျာနယ်တွင် ဖော်ပြထားသည်။

ရခိုင်ဒေသ ရေအောက် ဓာတ်ငွေ့ ပိုက်လိုင်းကို စင်္ကာပူနှင့်မြန်မာ ဆောက်မည်

ကိုထွေး
မြန်မာ့ကမ်းလွန် ပင်လယ်တွင် ရေနံနှင့် ဓာတ်ငွေ့ ပိုက်လိုင်း တည်ဆောက်ရန် မြန်မာကုမ္ပဏီ တခုနှင့် သဘောတူ စာချုပ် ချုပ်ဆိုလိုက်ကြောင်း စင်ကာပူနိုင်ငံ ပင်လယ် ရေကြောင်းဆိုင်ရာ ဆောက်လုပ်ရေး ကုမ္ပဏီတခုက သောကြာနေ့တွင် ကြေညာလိုက်သည်။

အမေရိကန် ဒေါ်လာ ၇၇ သန်းတန် စာချုပ်ကို ချုပ်ဆိုသည့် စင်ကာပူ ကုမ္ပဏီသည် Swiber Hoilding Limited ဟု သိရသော်လည်း မြန်မာကုမ္ပဏီ၏ အမည်ကိုမူ ထုတ်ပြန်ချက်တွင် ဖော်ပြထားခြင်း မရှိချေ။

၁၅၀ ကီလိုမီတာ ရှည်သော ရေအောက် ပိုက်လိုင်းနှင့် ပတ်သက်၍ ပြင်ဆင်မှုများကို ဒီဇင်ဘာလတွင် စတင်မည် ဖြစ်ပြီး ၂၀၁၀ နှစ်ဦးပိုင်းတွင် လုပ်ငန်းစတင် အကောင် အထည် ဖော်မည် ဖြစ်ကြောင်း ကုမ္ပဏီ၏ အင်တာနက် စာမျက်နှာတွင် ရေးသားထားသည်။

Swiber ကုမ္ပဏီ၏ အမှုဆောင် အရာရှိ မစ္စတာ ရေမွန်ဂိုက “မြန်မာနိုင်ငံမှာ ကမ်းလွန် တည်ဆောက်ရေး လုပ်ငန်းတွေကို စတင် ဆောင်ရွက်ရတာ ကျနော်တို့အတွက် ဂုဏ်ယူစရာ ကောင်းသလို စိတ်လည်း လှုပ်ရှားမိပါတယ်” ဟု ဆိုသည်။

စီမံကိန်းသည် ၆ လ ကြာမြင့်မည် ဖြစ်ပြီး ၂၀၁၀ နှစ်လယ်ပိုင်းတွင် ပြီးဆုံးရန် မျှော်မှန်းထားကြောင်းလည်း ကုမ္ပဏီ၏ ထုတ်ပြန်ချက်တွင် ဖော်ပြထားသည်။

ရခိုင်ပြည်နယ်မှ တရုတ်နိုင်ငံအထိ သွယ်တန်းမည့် ပိုက်လိုင်း စီမံကိန်းကြောင့် ဒေသခံတို့ အကျိုးမရှိဘဲ စစ်အာဏာပိုင်တို့သာ အကျိုးရှိစေမည်ဟု ထိုစီမံကိန်းကို စောင့်ကြည့်နေသည့် ပြည်ပ အခြေစိုက် Shwe Gas Movement အဖွဲ့က ပြောသည်။

“အာဆီယံနိုင်ငံတွင်းမှာ ရှိတဲ့ အစိုးရအနေနဲ့ရော စစ်အစိုးရနဲ့ ပူးပေါင်း ဆောင်ရွက်နေတဲ့ စီးပွားရေးဆိုင်ရာ ကုမ္ပဏီ အနေနဲ့ရော ဒီကိစ္စကို အလေးအနက် စဉ်းစားရမှာဖြစ်တယ်၊ ကိုယ်ကျင့်တရားနဲ့ တခြားငွေရေး ကြေးရေး ဆိုင်ရာ အပိုင်းတွေမှာလည်း ဒီမိုကရေစီနဲ့ ပတ်သက်တဲ့ တန်ဖိုးတွေကို ထိန်းသိမ်းစောင့်ရှောက်ရမယ့် အစား စစ်အုပ်စုကို ရင်းနှီးမြှပ်နှံမှု တခုအတွက် ထောက်ပံ့ နေတာက မြန်မာနိုင်ငံ အပြောင်းအလဲ အတွက် တွန်းအား မပေးသလို ဖြစ်တာပေါ့” ဟု Shwe Gas အဖွဲ့ မှ ကိုဝင်းအောင်က ဆိုသည်။

ဓာတ်ငွေ့ပိုက်လိုင်း စီမံကိန်းတွင် ပါဝင်ခွင့် ရရှိရန် အိန္ဒိယ အပါအ၀င် တခြား တိုင်းပြည်များက ကြိုးပမ်းခဲ့ကြသော်လည်း စင်္ကာပူကုမ္ပဏီက အနိုင်ရသွားကြောင်း၊ နိုင်ငံရေး၊ စီးပွားရေးအရ ပိုပြီး၍ အာမခံချက်ရှိသည့် ကုမ္ပဏီများနှင့် စာချုပ်ချုပ်ခြင်း ဖြစ်ကြောင်း ၎င်းက ဆက်ပြောသည်။

ကီလိုမီတာ ၄၀၀၀ ခန့် ရှည်လျားသည့် ရေနံနှင့် သဘာဝ ဓာတ်ငွေ့ပိုက်လိုင်း ဆောက်လုပ်ရေး စီမံကိန်းကို တရုတ်အမျိုးသား ရေနံကော်ပိုရေးရှင်း(CNCP)က၂၀၀၉ စက်တင်ဘာလမှ စတင်ခဲ့ကြောင်း၊ ဓာတ်ငွေ့ ရောင်းရငွေကြောင့် မြန်မာနိုင်ငံသည် လာမည့် အနှစ် ၃၀ အတွင်း နှစ်စဉ် ဒေါ်လာ ၁ ဘီလီယံ ခန့် ရရှိမည် ဖြစ်ကြောင်း Shwe Gas Movement အဖွဲ့၏ ထုတ်ပြန်ချက်များ အရ သိရသည်။

မြန်မာနိုင်ငံ၏ သဘာဝဓာတ်ငွေ့ရောင်းချခြင်းမှ ရရှိသော နှစ်စဉ် ၀င်ငွေမှာ ဒေါ်လာ ၂.၄ ဘီလီယံခန့်ရှိပြီး နိုင်ငံဝင်ငွေ၏ ၅၀ ရာခိုင်နှုန်းခန့် ရှိကြောင်းလည်း Shwe Gas အဖွဲ့က ဆိုသည်။

မြန်မာနိုင်ငံအတွင်း ပြည်ပ ရင်းနှီးမြှပ်နှံမှုသည် ၂၀၀၇-၀၈ တွင် ဒေါ်လာ ၁၇၂.၇၂ သန်း ရှိခဲ့ရာမှ ၂၀၀၈-၀၉ တွင် ဒေါ်လာ ၉၈၅ သန်း တိုးလာကြောင်း အမျိုးသား စီးပွားရေးနှင့် စီမံကိန်း ၀န်ကြီးဌာနက ယခုနှစ် အစောပိုင်းတွင် ထုတ်ပြန်သော စာရင်းများအရ သိရသည်။

စင်ကာပူနိုင်ငံမှ စီးပွားရေး လုပ်ငန်းရှင်များသည် ၂၀၁၀ ရွေးကောက်ပွဲပြီးမှ မြန်မာနိုင်ငံတွင် ရင်းနှီးမှုများ ထပ်မံပြုလုပ်မည် ဖြစ်ကြောင်း စင်္ကာပူ ၀န်ကြီးချုပ်ဟောင်း မစ္စတာ ဂိုဂျုတ်တောင်က မြန်မာပြည်သို့ အလည်အပတ် သွားရောက်ခဲ့သည့် ဇွန်လက ပြောကြားခဲ့ဖူးသည်။

စင်ကာပူနိုင်ငံခြားရေးဝန်ကြီးဌာန၏ အဆိုအရ စင်ကာပူနိုင်ငံသည် နာဂစ်ဆိုင်ကလုန်းဒဏ် ခံခဲ့ရသော မြန်မာပြည်ကို ဒေါ်လာ ၂၀၀,၀၀၀ ကူညီပေးခဲ့သည့် ပထမဦးဆုံးသောနိုင်ငံ ဖြစ်သကဲ့သို့ နောင်တွင်လည်းလူသား ချင်းစာနာသည့်အနေဖြင့် အမေရိကန် ဒေါ်လာ ၅ သန်း ကူညီပေးသွားရန် ကတိပေးထားကြောင်း သိရသည်။

စင်ကာပူနိုင်ငံသည် မြန်မာပြည်တွင် ရင်းနှီးမြှုပ်နှံမှု အများဆုံး နိုင်ငံတနိုင်ငံ ဖြစ်ပြီး နှစ်စဉ် ၂ နိုင်ငံ ကုန်သွယ်မှုမှာ ဒေါ်လာ ၁ ဘီလီယံ ကျော် ရှိသည်။

ဆားတောင်သူများအတွက် ချေးငွေအစီအစဉ် ဖျက်သိမ်း

မေကျော်
နာဂစ်ဒဏ်သင့် ဧရာဝတီတိုင်း လပွတ္တာခရိုင်အတွင်းရှိ ဆားတောင်သူများအတွက် ပြန်လည်ထူထောင်ရေး ချေးငွေ (၂) နှစ် အစီအစဉ်ကို စစ်အစိုးရက ဖျက်သိမ်းလိုက်သည်။

ဆားတောင်သူများအတွက် ပြန်လည်ထူထောင်ရေး ချေးငွေအဖြစ် ဆားကွင်း တဧက ကျပ် (၃) သိန်း ချေးပေးသည့် အစီအစဉ်ကို (၂ ) နှစ် သက်တမ်း သတ်မှတ်ခဲ့သော်လည်း စစ်အစိုးရက ချေးငွေကို တနှစ်အတွင်း အကျေပြန်တောင်းပြီး ဖျက်သိမ်းလိုက်ခြင်းဖြစ်သည်။

“အရင်နှစ်က နာဂစ်ဖြစ်လို့ ပေးတာ။ အခု မပေးတော့ဘူး။ ချေးငွေက ဆပ်ဖို့ (၃၀) ရာခိုင်နှုန်းလောက် ကျန်သေးတယ်။ ဒီလူတွေကို အရေးယူတာတော့ မလုပ်သေးဘူး။ ဒါပေမယ့် ပြန်ဆပ်ဖို့ တာဝန်ရှိသူတွေက တောင်းနေပါတယ်” လပွတ္တာခရိုင်မှ ဆားလုပ်ငန်းရှင်တဦးက ပြောသည်။

ချေးငွေအစီအစဉ် မရှိသည့်အတွက် ဆားတောင်သူများ ငွေကြေးအခက်အခဲနှင့် ကြုံတွေ့နေရပြီး ယခု အောက်တိုဘာ၊ နိုဝင်ဘာတွင် စတင်ရမည့် ဆားလုပ်ငန်း မစတင်နိုင်သေးဘဲ လုပ်ငန်းရှင်အများစုမှာ အရင်းအနှီး ရှာဖွေနေရဆဲဖြစ်သည်။

“ငွေရှာရတာတော့ ရှိတဲ့ ပစ္စည်းထုတ်ရောင်းရတာပါ။ ကျွဲ (၄) ကောင်ရှိရင် (၂) ကောင် ထုတ်ရောင်း။ အင်ဂျင် (၂) လုံးရှိရင်
(၁) လုံး ထုတ်ရောင်း။ ပိုင်ဆိုင်မှုလေးတွေ ထုတ်ရောင်းပြီး နိုင်သလောက်လေးတွေ လုပ်နေကြတယ်” ဟု လပွတ္တာ သက္ကယ်သောင်မှ ဒေသခံ ဆားတောင်သူက ပြောသည်။

ဆားကွင်း တဧက အရင်းအနှီး ကျပ် (၃) သိန်းခန့် ကုန်ကျပြီး ဆားတောင်သူတဦးလျှင် အနည်းဆုံး ဆားကွင်း (၁၀) ဧကခန့် လုပ်ကိုင်ရာ အရင်းအနှီးများစွာ လိုအပ်လျက်ရှိသည်။

နာဂစ်ဒဏ်သင့် ဆားတောင်သူများမှာ ပြန်လည်ထူထောင်ရေးအတွက် စစ်အစိုးရက ယမန်နှစ်က ချေးငွေအစီအစဉ် လုပ်ပေးပြီး နိုင်ငံတကာနှင့် ပြည်တွင်းအန်ဂျီအိုများကမူ အရင်းအနှီးကြီးသည့်အတွက် ပရိုပိုဆယ်တင်ကာ လုပ်ပေးမည့်သူမရှိကြောင်း လပွတ္တာအခြေစိုက် နိုင်ငံတကာ အန်ဂျီအိုဝန်ထမ်းတဦးထံမှ သိရသည်။

လပွတ္တာခရိုင်အတွင်း ဆားလုပ်ငန်းရှင်ပေါင်း (၅၀၀) ခန့်ရှိပြီး ယခုနှစ် ရင်းနှီးငွေ အခက်အခဲကြောင့် မူလ ဆားလုပ်ကွင်း
ဧရိယာ၏ ထက်ဝက်ခန့်သာ လုပ်ကိုင်နိုင်မည်ဟု ခန့်မှန်းရကြောင်း ဆားလုပ်ငန်းရှင်များက ပြောသည်။

နာဂစ်ပြန်လည်ထူထောင်ရေး ရန်ပုံငွေအဖြစ် ဥရောပသမဂ္ဂက အမေရိကန်ဒေါ်လာ (၄၃.၇၅) သန်း၊ နိုင်ငံတကာမှ ရန်ပုံငွေ အမေရိကန်ဒေါ်လာ (၈၈) သန်း ထပ်မံလှူဒါန်းရန် ကတိပြုထားသည်။

ရဲနှင့် စစ်တပ်ကိုလည်း ဆိုင်ကယ်စီးခွင့် ပိတ်ပင်

အောင်ကျော်မိုး
ပြီးခဲ့သည့် စက်တင်ဘာလမှစ၍ ရဲ၊ စစ်တပ်နှင့် ဌာနဆိုင်ရာအချို့ကို ရန်ကုန်စည်ပင်သာယာ နယ်နိမိတ်အတွင်း သုံးဘီးရောင် ဆိုင်ကယ်များ စီးနင်းခွင့်ပြုခဲ့သော်လည်း ယခုအခါ လုံးဝစီးနင်းခွင့် ပြုတော့မည်မဟုတ်ကြောင်း စုံစမ်းသိရသည်။

ပန်းဆိုးတန်းလမ်း နိုင်ငံကူးလက်မှတ် ထုတ်ပေးရေးရုံးတွင် တာဝန်ကျသည့် သတင်းတပ်ဖွဲ့ အရာရှိတဦးက “ကျနော်တို့ ဆိုင်ကယ်တွေက ဒီဇင်ဘာ (၁၅) ရက်နေ့အထိပဲ စီးခွင့်ရှိတော့တယ်။ အဲဒီနေ့နောက်ပိုင်း စီးခွင့်လုံးဝ မရှိတော့ဘူးလို့ စစ်ဒေသက ညွှန်ကြားတယ်။ အကြောင်းပြချက်တော့ လုံးဝမပေးဘူး” ဟု ပြောသည်။

နအဖစစ်အစိုးရသည် ၎င်းတို့၏ စစ်ဌာနချုပ်နှင့် ဝန်ကြီးရုံးများ ရန်ကုန်တွင် ရှိစဉ်ကတည်းက စည်ပင်သာယာနယ်နိမိတ်အတွင်း အများပြည်သူ ဆိုင်ကယ်စီးခွင့် လုံးဝပိတ်ပင်ထားခဲ့သော်လည်း ရဲ၊ ထောက်လှမ်းရေးနှင့် ဌာနဆိုင်ရာအချို့ကို ဆက်လက် စီးနင်းခွင့်ပြုထားခဲ့ပြီးနောက်ပိုင်း ရယက အဆင့်သာမက အခြားနီးစပ်ရာများကပါ ရောစီးလာသည့်အတွက် စည်းကမ်းချက်အမျိုးမျိုး ထုတ်ပြန်ခဲ့သည်။

သို့သော် ဆိုင်ကယ်စီးခွင့်ရသူများသည် ရဲ၊ စစ်တပ်အပါအဝင် အာဏာပိုင်အဖွဲ့အစည်းက လူများသာဖြစ်ခြင်းကြောင့် ယာဉ်ထိန်းရဲများအနေဖြင့် စည်းကမ်းထိန်းသိမ်းရေးကို လုံးဝလုပ်ကိုင်၍ မရခဲ့ပေ။

ထိုသို့ ဆိုင်ကယ်များကို စည်းကမ်းထိန်းသိမ်းရန် ခက်ခဲလာခြင်းကြောင့် ပြီးခဲ့သည့် စက်တင်ဘာလကစပြီး စည်းကမ်းချက်အသစ် ထပ်မံချမှတ်ခဲ့သည်။

အဆိုပါစည်းကမ်းချက်အရ ရဲ၊ စရဖနှင့် ဌာနဆိုင်ရာအလိုက် ဆိုင်ကယ်စီးခွင့်ရသည့်သူ အရေအတွက် သတ်မှတ်ပေးလိုက်ပြီး အဆိုပါ စီးခွင့်ရသူများသည် ကိုယ်စီးမည့်ဆိုင်ကယ်ကို လိမ္မော်ရောင် ဆေးမှုတ်ပြီးမှ စီးခွင့်ပေးခြင်းဖြစ်ပြီး အဆိုပါအချိန်က ဆိုင်ကယ် စုစုပေါင်း (၁,ဝ၁၂) စီးကို စီးခွင့်ပြုထားခဲ့သည်။

ထိုသို့ စီးခွင့်ပြုထားသည့် ဆိုင်ကယ်များအနက် ယခုအခါ လျှပ်စစ်ဝန်ထမ်းများစီးသည့် ဆိုင်ကယ် (၆၅) စီးမှလွဲပြီး ကျန် ဆိုင်ကယ် အားလုံးကို နိုဝင်ဘာ၊ ဒီဇင်ဘာလအတွင်း အဆင့် (၃) ဆင့်ခွဲကာ လုံးဝတားမြစ်ပိတ်ပင်သွားမည်ဖြစ်ကြောင်း စုံစမ်းသိရသည်။

သုံးဘီးရောင် သတ်မှတ်ပြီး ဆိုင်ကယ်စီးနင်းခွင့်ပြုထားခြင်းအားဖြင့် ရန်ကုန်စည်ပင်သာယာ နယ်နိမိတ်တွင် ဆိုင်ကယ်စီးသူ မှန်ပါက အာဏာပိုင်အဖွဲ့အစည်းက လူများသာဖြစ်မည်ဟု ပြည်သူတို့က ထင်ထင်ရှားရှား မှတ်သားနိုင်သည့်အတွက် စိုးရိမ်ပြီး ယခုကဲ့သို့ ဆိုင်ကယ်စီးခွင့် ရုပ်သိမ်းခြင်းလည်း ဖြစ်နိုင်ကြောင်း သတင်းတပ်ဖွဲ့ အရာရှိတဦးက ထင်မြင်ချက်ပေးသည်။

ရန်ကုန်မြို့ခံများကမူ အာဏာပိုင်အဖွဲ့အစည်းမှလူများ သုံးဘီးရောင်ဆိုင်ကယ် စီးခွင့်ရခြင်းကို မကျေနပ်နေသည့်အတွက် ယခုကဲ့သို့ ပိတ်ပင်မည်ဆိုခြင်းကို ကျေနပ်နေကြကြောင်း သိရသည်။

ခွဲစိတ်ခံပြီး သေဆုံးခဲ့သည့် ကျောင်းသူလေးကိစ္စ စုံစမ်းရေးအဖွဲ့က စုံစမ်းဖော်ထုတ်မည်


မျိုးချစ်သူ
ရန်ကုန်တွင် ပြီးခဲ့သည့် အောက်တိုဘာလ (၂၇) ရက်နေ့က ရွှေ့ဂုံတိုင်ရှိ S S C အထူးကုဆေးခန်းတွင် အူအတက်ရောင်သည်ကို ခွဲစိတ်ပြီးနောက် ကွယ်လွန်သွားခဲ့သော အသက် (၁၅) နှစ်အရွယ် (၉) တန်းကျောင်းသူကလေး မခိုင်ရွှန်းလဲ့ရည်နှင့် ပတ်သက်၍ စုံစမ်းရေးအဖွဲ့ဖွဲ့ကာ တပတ်အတွင်း စုံစမ်းဖော်ထုတ်မည်ဟု ယနေ့ထုတ် ကျန်းမာရေးဂျာနယ်ဖြစ်သော Health Digest ဂျာနယ်တွင် ပါရှိသည်။

ယင်းစုံစမ်းရေးအဖွဲ့ကို မြန်မာနိုင်ငံဆေးကောင်စီက အရေးပေါ်ဖွဲ့လိုက်ခြင်းဖြစ်ပြီး သေဆုံးသွားသော ကျောင်းသူလေး၏ မိသားစုဝင်များကို နိုဝင်ဘာ (၂၆) ရက်နေ့တွင် ခေါ်ယူကာ အစည်းအဝေးတခုပြုလုပ်ခဲ့သေးကြောင်း ဆေးကောင်စီအဖွဲ့ဝင် ဆရာဝန်တဦးက ပြောသည်။

ယင်းစုံစမ်းရေးအဖွဲ့တွင် စီမံခန့်ခွဲမှုဆိုင်ရာ ဆရာဝန်ကြီးများ၊ ခွဲစိတ်အထူးကု ဆရာဝန်ကြီးများ၊ ကလေးအထူးကု ဆရာဝန်ကြီးများနှင့် မှုခင်းဆိုင်ရာဆရာဝန်ကြီးများ ပါဝင်ကြောင်း အဆိုပါဂျာနယ်တွင် ပါရှိသည်။

ပြီးခဲ့သည့် တပတ်ကစ၍ အဆိုပါကျောင်းသူကလေးနှင့်ပတ်သက်သော သတင်းများအား ဂျာနယ်များတွင် ဖော်ပြခြင်းကို စာပေစိစစ်ရေးက တားမြစ်ထားကြောင်း ရန်ကုန်စာနယ်ဇင်းအသိုင်းအ၀ိုင်းမှ သိရသည်။

အဆိုပါ ကျောင်းသူကလေး၏သတင်းမှာ ကျန်းမာရေးဂျာနယ်တစောင်ဖြစ်သော Health Digest ဂျာနယ်တွင် ပါရှိပြီးနောက် လျှပ်တပြက်သတင်းဂျာနယ်က အသေးစိတ်ရေးသားဖော်ပြခဲ့ကြောင်း၊ ထို့နောက် ၀ိကလီးအလဲဗင်းဂျာနယ်နှင့် မြန်မာတိုင်းမ်သတင်းဂျာနယ်တို့က ရေးသားသည့်သတင်းများကြောင့် ရန်ကုန်ပြည်သူများက ကျောင်းသူလေးနှင့်ပတ်သက်၍ သနားကရုဏာပိုကာ ခွဲစိတ်ဆရာဝန်ကြီးကို ဒေါသဖြစ်လျက်ရှိကြောင်း သိရသည်။

ကျောင်းသူလေး မခိုင်ရွှန်းလဲ့ရည်သည် ပြီးခဲ့သည့် အောက်တိုဘာ(၂၁) ရက်တွင် စတင်ဖျားပြီး (၂၅) ရက်တွင် S S C ဆေးခန်း သို့ သွားရောက်ပြသရာ ခွဲစိတ်ကုသမှုခံခဲ့ရကြောင်း၊ (၂၇) ရက်နေ့တွင် သေဆုံးခဲ့ခြင်းဖြစ်ကြောင်း သတင်းဂျာနယ် များတွင် ဖော်ပြသည်။

မခိုင်ရွှန်းလဲ့ရည်အား အောက်တိုဘာ (၂၅) ရက်တွင် ခွဲစိတ်ပြီးနောက် အောက်တိုဘာ (၂၆) ရက်၊ နေ့လယ်အချိန် ဆေးခန်းတာဝန်ကျဆရာဝန်က လူနာတွင် သွေးလွန်တုပ်ကွေးရောဂါ ပါလာကြောင်း လာရောက်ပြောဆိုသည်ဟုလည်း ဂျာနယ်များတွင် ပါရှိသည်။

သေဆုံးသွားသော ကျောင်းသူလေးနှင့် နီးစပ်သည့်အသိုင်းအ၀န်းများ၏ ပြောပြချက်အရ သွေးလွန်တုပ်ကွေးရောဂါ ဖြစ်နေသည်ကို အူအတက်ရောင်သည်ဟု ယူဆကာ ခွဲစိတ်လိုက်ကြောင်း သိရသည်။

ခွဲစိတ်ပေးသည့်ဆရာဝန်မှာ အစာအိမ်နှင့် အူလမ်းကြောင်း ခွဲစိတ်ဆရာဝန် ဦးကြည်စိုးဖြစ်ပြီး S S C အထူးကုဆေးခန်း၏ ရှယ်ယာဝင်တဦးဖြစ်ကြောင်း သိရသည်။

အိုင်ဖုန်းနဲ့  ဗီဒီယို တင်ကြည့်တာ

ဗီဒီယို ဖျက်လိုက်ပြီ...
အင်တာနက်ဖုန်းပြောလို့ ရတာကိုပါတင်ပေးပါမယ်..အိုင်ဖုန်းနဲ့ ရသမျှ အိုင်တက်စ် မှာပါရသည်။

စင်္ကာပူနိုင်ငံ ပထမဦးဆုံးအကြိမ် စာပေဟောပြောပွဲ (၂၀-၁၂-၂၀၀၉)


(ပုံများကို အကျယ်ချဲ့ကြည့်ရန် ပုံများပေါ်တွင် ကလစ် ခေါက်ပေးပါ)
အချိန်.......................၂၀၀၉ ဒီဇင်ဘာ ၂၀ နေ့ လည်၁၂ မှ ညနေ ၆ နာရီ
နေရာ........................NTUC Center
..................................No,1 Marina Boulevard
..................................Auditorium Level 8
ဟောပြောမည့်သူများ ......ချစ်ဦးညို
..................................နေဝင်းမြင့်
..................................ဂျူး
လက်မှတ်တစ်စောင် ........စင်ကာပူဒေါ်လာ ၁၅
လက်မှတ်ဝယ်ရန် ..........ဒေါ်သန်းသန်းနု ၆၃၃၆ ၇၇၀၃ နှင့် ၆၃၃၆ ၇၆၀၁
.................................ကိုဇော်ဇော်နိူင် ၉၈၅၀ ၆၀၄၆
.................................မယဉ်ထူးထူးနိူင် ၉၄၅၀ ၂၆၄၆

http://linletkyalsin.blogspot.com

ဒါမျိုးတွေဖြစ်တာကြာလှပေါ့ ...

ဟွန်ဒူးရပ်စ် သမ္မတရွေးကောက်ပွဲ စတင်


ဟွန်ဒူးရပ်စ်နိုင်ငံမှာ သမ္မတ မန်နျူရယ် ဇလေယာ (Manuel Zelaya) ကို ရာထူးကနေ ဖြုတ်ချခဲ့ပြီး ၅ လအကြာ ဒီကနေ့မှာ သမ္မတ ရွေးကောက်ပွဲတွေ ပြုလုပ်နေပါတယ်။

ဖြုတ်ချခံရတဲ့ သမ္မတ ဇလေယာရော၊ စစ်တပ်က ကျောထောက်နောက်ခံ ပေးထားတဲ့ ယာယီခေါင်းဆောင် ရောဘတ်တို မီချဲလက်တီ (Roberto Micheletti) ပါ ဒီရွေးကောက်ပွဲမှာ ဝင်မပြိုင်ပါဘူး။

အခု သမ္မတ ဝင်အရွေးခံသူတွေက လက်ရှိ အစိုးရ ထိပ်ပိုင်းခေါင်းဆောင်တွေ ဖြစ်ကြပါတယ်။ အတိုက်အခံဘက်က ရှေးရိုးစွဲဝါဒီ ပေါ်ဖီရီရို ပက်ပီ လိုဘို (Por fi rio Pepe Lobo) က ရှေ့ပြေးနေတယ်လို့ လက်ခံကြပါတယ်။ သူနဲ့အတူ ယှဉ်ပြိုင်နေသူက လက်ရှိ အာဏာရ လစ်ဘရယ်ပါတီက အယ်လ်ဗင် ဆန်းတို့စ် (Elvin Santos) ဖြစ်ပါတယ်။

ဟွန်းဒူးရပ်စ်နိုင်ငံ မြို့တော်က ဘရာဇီးသံရုံးထဲမှာ နေထိုင်နေတဲ့ မစ္စတာ ဇလေယာကတော့ ရွေးကောက်ပွဲကို သပိတ်မှောက်ကြဖို့ တိုက်တွန်းထားပါတယ်။

ဟွန်ဒူးရပ်စ်မှာ ရွေးကောက်ပွဲ ပြုလုပ်တာကို ကုလသမဂ္ဂအဖွဲ့၊ ကော့စတာ ရီကာနဲ့ ပီရူးနိုင်ငံတွေက ကြိုဆိုခဲ့ကြပေမဲ့ ဘရာဇီးနဲ့ အာဂျင်တီးနားတို့ကတော့ အာဏာသိမ်းခဲ့တာကိုက တရားမဝင်ဘူးလို့ ပြောကြပါတယ်။

အီရန်မှာ ယူရေနီယံ သန့်စင်ရေးစက်ရုံ ၁၀ ခု ထပ်ဆောက်ဖို့ စီစဉ်


အီရန်နိုင်ငံ နက်တန့်ဇ် (Natanz) မြို့က နျူကလီးယား သန့်စင်မှု လုပ်ငန်းတွေ အဓိက လုပ်ကိုင်တဲ့ စက်ရုံတွေလိုမျိုး နောက်ထပ် စက်ရုံသစ် ၁၀ ခု ဆောက်ဖို့ အစီအစဉ်ရှိတယ်လို့ အီရန်အစိုးရက ပြောဆိုလိုက်ပါတယ်။

စက်ရုံသစ်အတွက် နေရာ ၅ နေရာကို အတည်ပြု ရွေးချယ်ထားပြီး ဖြစ်သလို အီရန်နိုင်ငံက အဏုမြူစွမ်းအင် အေဂျင်စီကိုလည်း နောက်ထပ်နေရာ ၅ နေရာ ထပ်မံရွေးချယ်ဖို့ ညွှန်ကြားထားတယ်လို့ အစိုးရပိုင် သတင်းတွေက ဖော်ပြကြပါတယ်။


အီရန် နျူကလီးယားဆိုင်ရာ အကြီးအကဲ အလီ အက်ခ်ဘာ ဆာလဟီ။
အောက်တိုဘာ ၄၊ ၂၀၀၉။
နေရာသစ်တွေကိုတော့ တိုက်ခိုက်မှုတွေကနေ ကာကွယ်နိုင်အောင် တောင်တွေရှိရာ အရပ်မှာ တည်ဆောက်မှာဖြစ်ပြီး ထိရောက်တဲ့ လုံခြုံရေး အစီအမံတွေနဲ့ ဆောက်လုပ်သွားမှာ ဖြစ်တယ်လို့ အီရန် နျူကလီးယားဆိုင်ရာ အကြီးအကဲ အလီ အက်ခ်ဘာ ဆာလဟီ (Ali Akbar Salehi) က ပြောပါတယ်။

အီရန်နိုင်ငံက ယူရေနီယံဓာတ် သန့်စင်တဲ့ လုပ်ငန်းနဲ့ ပတ်သက်လို့ ထိန်းချုပ်ဖို့ ကုလသမဂ္ဂနဲ့ နိုင်ငံတကာက ကြိုးပမ်းနေချိန်မှာပဲ အချေအတင်ဖြစ်စရာ နျူကလီးယား အစီအစဉ်တွေ တိုးချဲ့လုပ်ဆောင်မယ့် အစီအစဉ်တွေကို အီရန်နိုင်ငံက ကြေညာလိုက်တာလည်း ဖြစ်ပါတယ်။

ဒူဘိုင်း ကြွေးမြီပြဿနာ ယူအေအီးနိုင်ငံ ကူမည်


ဒူဘိုင်းနိုင်ငံက ကြွေးမြီဒေါ်လာ သန်းထောင်နဲ့ချီပြီး မပေးနိုင်ဘဲ ဖြစ်နေရာက အဆုံးအရှုံးတွေနဲ့ ရင်ဆိုင်နေရတဲ့ ပြည်တွင်းပြည်ပက ဘဏ်တွေကို ကျောထောက်နောက်ခံ ပေးသွားမယ်လို့ အာရပ်စော်ဘွားများ ပြည်ထောင်စု (UAE) ရဲ့ ဗဟိုဘဏ်က ကြေညာလိုက်ပါတယ်။

UAE နိုင်ငံမှာ လုပ်ငန်းတွေ လုပ်နေကြတဲ့ ဘဏ်တွေကို နောက်ထပ် ငွေကြေးပံ့ပိုး ကူညီသွားဖို့ ကမ်းလှမ်းလိုက်တဲ့အကြောင်း ဗဟိုဘဏ်က မနေ့တုန်းကပဲ ကြေညာချက်တစောင် ထုတ်ပြန် ပြောဆိုလိုက်တာပါ။

ပြီးခဲ့တဲ့ ဗုဒ္ဓဟူးနေ့မှာတုန်းကတော့ ဒူဘိုင်းနိုင်ငံက အစိုးရပိုင် Dubai World ကုမ္ပဏီက သူ့ရဲ့ ကြွေးရှင်တွေကို ပေးစရာရှိနေတဲ့ ဒေါ်လာ သန်း ၆၀,၀၀၀ ကို နောက်ထပ် ၆ လအထိ ဆိုင်းငံ့ပေးထားဖို့ ပြောဆိုခဲ့တာပါ။

ဒူဘိုင်းနိုင်ငံမှာ ကမ္ဘာ့အမြင့်ဆုံး မျှော်စင်ကြီး တည်ဆောက်ခဲ့တာ အပါအ၀င် အိမ်မြေဆောက်လုပ်ရေး လုပ်ငန်းတွေ ကြီးထွားမှုနဲ့အတူ နိုင်ငံမှာ ကြွေးမြီတွေ တိုးပွားလာခဲ့တာပါ။

ဒီလို ဒူဘိုင်းနိုင်ငံက ကြွေးမြီပြဿနာက တက်သစ်စ နိုင်ငံတွေရဲ့ စီးပွားရေးနဲ့ ဒူဘိုင်းကို အကြွေးပေးနေတဲ့ ဥရောပဘဏ်တွေကို ဂယက်ရိုက်ခတ် လာလေမလား ရင်းနှီးမြှုပ်နှံသူတွေက အထိတ်တလန့် ဖြစ်ကြပြီး ကမ္ဘာ့ စတော့ခ်ရှယ်ယာ ဈေးတွေလည်း ကျဆင်းခဲ့တာပါ။

ပါရှန်းပင်လယ်ကွေ့က စတော့ခ် ဈေးကွက်တွေကတော့ မူဆလင် အားလပ်ရက်ဖြစ်တဲ့ အိဒ်နေ့ ကုန်ဆုံးပြီး ဒီကနေ့ ပြန်လည်ဖွင့်လှစ်မှာ ဖြစ်ပါတယ်။

Sunday, November 29, 2009

ဝမ်းနည်းဖွယ်မြန်ပြည်အနာဂတ်မျိုးဆက်...

video
အ သုံးလုံးသင်တန်းပြန်လည်ထွန်းကားလာရတော့မည့် မြန်ပြည်...
ကျောင်းစရိတ်ကတစ်နှစ်ကို သုံးသောင်း လေးသောင်း ကိုအဝေးရောက် မြန်ပြည်သားတွေ ကုသိုလ်ပြုနိူင်ကြပါစေ...
ပြဿနာအရင်းအမြစ်က သူတို့ လေးတွေရှာတဲ့ ငွေ ကိုမှီခိုနေရတဲ့သူ ရှိနေတာပဲ.....
နိူင်ငံတကာက ဓာတ်ပုံဆရာတစ်ယောက် တော့ ငတ်မွတ်နေတဲ့ ကလေးပုံကိုရိုက်ပြီး ဓာတ်ပုံ ဆုရခဲ့ ပြီး ငတ်မွတ်နေတဲ့ ကလေးကတော့ ငတ်မွတ်ပြီးသေဆုံးသွားလေရဲ့ ....
အခု သတင်းရယူတဲ့သူရော ....သတင်းတော့ ရယူပြီး အကူအညီပေးမိရဲ့ လား...ပေးမိနိူင်ပါစေလို့  ...မျှော်ရည်လျှက်..
....မျှော်လင့်စရာ....အလွှတ်ပညာသင်ကျောင်းတွေ ပေါ်လာတော့ မယ် ဆိုတော့ ...အခမဲ့ ပညာသင်ကျောင်းတွေ ပေါ်လာတော့မှာပါ...
သူတိုလေးတွေ ပညာ မလိုချင်လို့ မှမဟုတ်တာ...

ရုရှားရထား ဗုံးကွဲ ၂၅ ဦးသေ


ရုရှားနိုင်ငံမှာ ခရီးသည် ၂၆ ယောက် သေဆုံးပြီးတော့ ၅၀ ကျော် ဒဏ်ရာရခဲ့တဲ့ အမြန် မီးရထား လမ်းချော် တိန်းမှောက်မှုဟာ ဗုံးပေါက်ကွဲမှုကြောင့်လို့ ရုရှားတာဝန်ရှိသူတွေက ပြောပါတယ်။

မော်စကို မြို့တော်ရဲ့ အနောက်မြောက်ဘက် မိုင် ၂၅၀ လောက်အကွာမှာ ဖြစ်ခဲ့တဲ့ မီးရထားမှောက်ခဲ့တဲ့ နေရာမှာ ဖောက်ခွဲရေး ပစ္စည်း အကြွင်းအကျန်တွေကို တွေ့ရှိတယ်လို့ ရုရှား စုံစမ်းစစ်ဆေးရေးမှူးတွေက ဒီကနေ့ စနေနေ့မှာ ပြောပါတယ်။ အကြမ်းဖက်မှု စွဲချက်တွေနဲ့ စွဲနိုင်လောက်တဲ့အထိ ပစ်မှုဆိုင်ရာ စုံစမ်းစစ်ဆေးမှုတွေကို စတင်လုပ်နေပြီလို့ အစိုးရ ရှေ့နေတွေက ပြောပေမယ့် သံသယရှိသူတွေဟာ ဘယ်သူလဲဆိုတာကိုတော့ ထုတ်ဖော်မပြောသေးပါဘူး။

ရထား အပျက်အစီးပုံတွေကြားမှာ အရှိန်ကြောင့် ချိုင့်ဝင်သွားပုံရတဲ့ တွင်းငယ်လေး တခုကို တွေ့ရှိခဲ့ရပါတယ်။ ဒီ မီးရထား ပေါက်ကွဲမှုကြောင့် မီးရထား သံလမ်းအပိုင်းတချို့လည်း ပျက်စီးခဲ့ပါတယ်။

မော်စကိုမြို့တော်ကနေ မြောက်ပိုင်း စိန့်ပီတာစ်ဘတ် မြို့ကိုအသွား ခရီးသည် ၆၀၀ ကျော်ပါတဲ့ နာ့စ်ကီး အမြန်ရထား တိန်းမှောက်ခဲ့တာ ဖြစ်ပါတယ်။ ပျောက်ဆုံးနေသူ ၁၈ ယောက်ကို ကယ်ဆယ်ရေးဝန်ထမ်းတွေက နေ့မအားညမအား ရှာဖွေနေပြီးတော့ သေဆုံးသူ အရေအတွက်ဟာ တိုးလာနိုင်တယ်ဆိုပြီး ပြောပါတယ်။

ထိုင်းနိုင်ငံမြန်မာပြည့်တန်ဆာအချို့ AIDS ရောဂါကြောင့် သေဆုံး

ထိုင်းနိုင်ငံ ရနောင်းမြို့နယ် ဖန်းငါးမြို့ အခြေစိုက် စေတနာရှင် လူမှုကာကွယ်စောင့်ရှောက်ရေး အဖွဲ့ကနေ ကယ်တင်ခဲ့တဲ့ အမျိုးသမီး ပြည့်တန်ဆာ ၁၂ ဦး ဟာ အိတ်ခ်ျအိုင်ဗွီ ရောဂါပိုး တွေ့ရှိခဲ့တယ်လို့ ဆိုပါတယ်။ အဲဒီထဲက အမျိုးသမီး ၂ ဦးဟာ အေအိုင်ဒီအက်စ် ရောဂါနဲ့ နိုင်ဝင်ဘာလ ၂၇ ရက်နေ့ မနက်ပိုင်းက ဟပ်ယိုင် ဆေးရုံမှာ ကွယ်လွန်သွားပြီလို့ ဆိုပါတယ်။ ကျန်ရှိနေတဲ့ ဝေဒနာရှင် ၁၀ ဦးကတော့ ဆေးရုံမှာပဲ ဆေးဝါးကုသမှု ခံယူနေရပေမယ့်လို့ မျှော်လင့်ချက်ကတော့ မဲ့နေပြီလို့ ဆိုပါတယ်။ ဒီအခြေအနေကို စုံစမ်းထားတဲ့ စံခလဘူရီ အခြေစိုက် သတင်းထောက် နိုင်ကွန်းအိန် က တင်ပြထားပါတယ်။

မွန်ပြည်နယ် ရေးမြို့နယ်ကနေ ထိုင်းနိုင်ငံဘက်ကို အလုပ်ရှာရင်း ပြည့်တန်ဆာရုံမှာ ရောင်းစားခြင်း ခံရတဲ့ အမျိုးသမီး ၂ ဦးဟာ နိုဝင်ဘာ ၂၇ ရက်နေ့ နံနက် ၈ နာရီ အချိန်ကျော်ကျော်မှာ ကွယ်လွန်သွားပြီလို့ ကာယကံရှင်နဲ့ နီးစပ်သူတဦးက ပြောပါတယ်။

လွန်ခဲ့တဲ့ နိုဝင်ဘာလ ၂၄ ရက်နေ့တုန်းက ထိုင်းနိုင်ငံ ရနောင်းမြို့နယ် ဖန်းငါး မြို့ အခြေစိုက် စေတနာရှင် လူမှုကာကွယ် စောင့်ရှောက်ရေး အဖွဲ့ကနေ ကယ်တင်ခဲ့တဲ့ အမျိုးသမီး ပြည့်တန်ဆာ ၅၈ ဦးထဲက အမျိုးသမီး ၁၂ ယောက်ဟာ အိတ်ခ်ျအိုင်ဗွီ ရောဂါပိုး စစ်ဆေး တွေ့ရှိခဲ့လို့ ဟပ်ယိုင် ဆေးရုံမှာ ဆေးဝါးကုသမှု ခံယူနေစဉ်အတွင်း အခုလို ကွယ်လွန်သွားတာပါ။ ဒီဖြစ်စဉ်ကို ဖန်းငါး ဒေသက စေတနာရှင် လူမှုကာကွယ်စောင့်ရှောက်ရေး အဖွဲ့ဝင် ကိုဝင်းပိုင် ကို ဆက်သွယ်မေးမြန်းတော့ အခုလို ပြောပါတယ်။

"မနက်စောစောတုန်းက ၈ နာရီ ၉ နာရီလောက်မှာ ဦးပဇ္ဇင်းတပါးနဲ့ စကားပြောရင်းနဲ့ပဲ အသက်ကုန်သွားတာ။ အချို့လူတွေကလည်း စကားတောင် မပြောနိုင်ကြဘူး။ ရောဂါဖြစ်တဲ့ မိန်းကလေး ၁၂ ယောက်ထဲမှာ မိန်းကလေး ၂ ယောက် သေသွားပြီ။"

အမျိုးသမီး ကူးသန်းရောင်းဝယ်ရေး ဂိုဏ်းဖွဲ့ထားတဲ့ လူကုန်ကူး ပွဲစားတွေကနေတဆင့် အခြား ပွဲစားတွေကို လက်ဆင့်ကမ်းပြီး ပြည့်တန်ဆာရုံမှာ ရောင်းစားတာ ခံခဲ့ရတယ်လို့ ကိုဝင်းပိုင် က ပြောပါတယ်။

"ဒီအဖွဲ့ထဲမှာ ပွဲစားက တယောက်ကနေတယောက် လက်ထဲ လွှဲလိုက်တာပေါ့လေ။ ရှမ်းပွဲစားကို အပ်ပေးလိုက်တယ်။ ဒီရှမ်းပွဲစားကနေ ဒီထဲက တခါတည်း လှတဲ့မိန်းမလေးတွေကို သူတို့ ယူထားလိုက်တယ်ပေါ့။ သူတို့က ဟိုနေ့ပို့မယ်၊ ဒီနေ့ပို့မယ်၊ မနက်ဖြန်ပို့မယ်ဆိုလို့။ သူတို့က လှေတွေကားတွေ လွှဲပြောင်းလိုက်ပြီးတော့ တနေရာမှာ ထားလိုက်တယ်ပေါ့။ ကျနော်တို့ အမျိုးသမီးတွေက နားမလည် မသိတဲ့အခါကျတော့ - အေး သွားမယ်၊ ပို့မယ်ပို့မယ် ဆိုပြီးတော့ လူတွေက သူတို့ကို တနေရာမှာ သွားရောင်းစားတယ်။"

ရောဂါဖြစ်ပွားနေတဲ့ အမျိုးသမီး ၁၂ ယောက်ဟာ ဆေးရုံမှာပဲ ဆေးဝါးကုသနေရပေမယ့် မျှော်လင့်ချက်မဲ့နေတဲ့ သူတို့ဘ၀ကို ကြောက်ရွံ့အားငယ်နေကြတယ်လို့ ဆိုပါတယ်။ ရောဂါဖြစ်ပွားနေတဲ့ မွန်အမျိုးသမီးတဦးကို ဆက်သွယ်မေးမြန်းခဲ့ရမှာတော့ မွန်ဘာသာနဲ့ အခုလို ပြောပြပါတယ်။

သူမ ပြောပြတာကတော့ - "ကျမတို့ စုစုပေါင်း ၁၂ ယောက်လောက် ဒီရောဂါ ဖြစ်နေပါတယ်။ မနက်တုန်းကဆိုရင် ကျမတို့ သူငယ်ချင်း ၂ ယောက် ဆုံးသွားရှာတယ်။ အခု ကျမတို့ ၅ ယောက်ပဲ ဒီမှာကျန်နေခဲ့တယ်။ ကျန်တဲ့ ၅ ယောက်ကတော့ ရနောင်းကို ပို့လိုက်တယ်။ တကယ်လို့ သူတို့သာ နေထိုင်ကောင်းရင် ဒီရောဂါ ကုသလို့ရမယ်ဆိုပြီးတော့ ခုနကပဲ ထွက်သွားကြတယ်။ ကျမတို့က ရောဂါ သည်းနေပြီလေ။ ကျမတို့ကလည်း သိပ်ကြာကြာ မနေရတော့ဘူးလေ။ လူကလည်း နေမထိစားမ၀င်၊ ကိုယ်လက်ကိုက်ခဲပြီး နာကျင်နေတယ်။ သေတာထက်တောင် ဆိုးသေးတယ်၊" - လို့ ပြောခဲ့ပါတယ်။

အဲဒီရောဂါ ဝေဒနာခံစားနေရတဲ့ မိန်းကလေးတွေဟာ နေရပ်ကို ပြန်ချင်ပေမယ့်လည်း မိသားစုရဲ့ ဂုဏ်သိက္ခာ၊ မိမိတို့ရဲ့ အရှက်ကိုငဲ့ပြီး သင့်လျော်တဲ့ ဆေးရုံတခုခုမှာ ဆေးဝါးကုသချင်တယ်လို့ ဆိုပါတယ်။ သက်ဆိုင်ရာ အဖွဲ့အစည်းတွေကလည်း ထိုင်း-မြန်မာ နယ်စပ်ဖြစ်တဲ့ စံခလဘူရီ အနီးက ကုသိုလ်ဖြစ် ဆေးရုံမှာ ပို့ဆောင်ဖို့ အဆက်အသွယ် ရှာနေတယ်လို့ လူနာနဲ့ နီးစပ်တဲ့သူတဦးက ပြောပါတယ်။

အခု ထိုင်းနိုင်ငံမှာဆိုရင် အမျိုးသမီးတွေကို ကူးသန်းရောင်းဝယ်မှု၊ လိင်ပိုင်းဆိုင်ရာ အနိုင်ကျင့် စော်ကားမှုတွေဟာ ရှေးကထက် ပိုများလာတယ်လို့ လူ့အခွင့်အရေး လေ့လာစောင့်ကြည်သူတွေက ဆိုပါတယ်။ ထိုင်းနိုင်ငံ အစိုးရနဲ့ မြန်မာစစ်အစိုးရတို့ဟာ မြန်မာ ရွှေ့ပြောင်းအလုပ်သမားများ အတွက် အလုပ်လုပ်ခွင့် ယာယီ နိုင်ငံကူးလက်မှတ် လုပ်ဆောင်ပေးဖို့ နှစ်နိုင်ငံ သဘောတူညီချက် ရရှိထားပေမယ့် ဒါကို အကောင်အထည် ဖော်ဖို့ကတော့ အားနည်း နေသေးတဲ့အတွက် လတ်တလော အခြေအနေမှာ လူကုန်ကူး ပွဲစားတွေကိုပဲ အားကိုးနေရတော့ ဒီ လူကုန်ကူးမှု ပြဿနာကို ဖြေရှင်းဖို့ အခက်အခဲတွေနဲ့ ရင်ဆိုင်ရဦးမယ်လို့ အလုပ်သမား အခွင့်အရေး လှုပ်ရှားသူများက ဆိုပါတယ်။

Saturday, November 28, 2009

ရွှေဈေး ၆ သိန်းအောက် မဆင်းနိုင်တော့

ကမ္ဘာ့ရွှေဈေး မြင့်တက်မှုနှင့်အတူ လိုက်တက်လာခဲ့သော မြန်မာ့ရွှေဈေးသည် ပြီးခဲ့သည့် သောကြာနေ့က မြန်မာနိုင်ငံ သမိုင်းတလျှောက် စံချိန်တင် ဈေးနှုန်းဖြစ်သည့် ၆ သိန်း ၁ သောင်း ၃ ထောင်ကျော် သို့ ရောက်ရှိခဲ့ပြီး ယခုအခါ ၆ သိန်း ၉ ထောင်သို့ ရောက်ရှိသွားခဲ့သည်။

''၂၃ ရက်နေ့မှာ ရွှေဈေးက ၆ သိန်းကို စရောက်တယ်။ နောက်နေ့ကျတော့ ၆ သိန်း ၁ သောင်းလောက်အထိ ခုန်တက်သွားတယ်။ ၂၆ ရက်နေ့မှာတော့ ၆ သိန်း ၁ သောင်း ၃ ထောင့် ၅ ရာနဲ့ အမြင့်ဆုံး ဖြစ်သွားတယ်။ နောက် နည်းနည်း ပြန်ကျသွားပြီး ဒီနေ့မနက်တော့ ၆ သိန်း ၉ ထောင်နဲ့ ဈေးဖွင့်တယ်'' ဟု ရန်ကုန်မြို့ရှိ နာမည်ကြီး ရွှေဆိုင်ကြီးတခုက ဆိုသည်။

ကမ္ဘာ့ရွှေဈေး စံချိန်တင် မြင့်တက်နေသော်လည်း အမေရိကန် ဒေါ်လာနှင့် မြန်မာငွေ လဲလှယ်နှုန်းမှာ ၇ နှစ်တာ ကာလအတွင်း အနိမ့်ဆုံးသို့ ရောက်ရှိနေသဖြင့် ရွှေဈေးတက်ရခြင်းမှာ ပြည်တွင်းဝယ်လိုအား များသောကြောင့် ဖြစ်သည်ဟု ၎င်းက ဆိုသည်။

''နှစ်တိုင်း နိုဝင်ဘာ၊ ဒီဇင်ဘာ ရွှေက အဝယ်လိုက်ပြီး ရွှေဈေးတက်လေ့ ရှိတယ်။ ရွှေလောကမှာတော့ ဘိန်းရာသီလို့ ခေါ်တယ်။ နှစ်တိုင်း ဒီလိုဘိန်းထွက်ချိန်ဆို ရွှေက အရမ်းရောင်းရတယ်။ ဒီနှစ်က ကမ္ဘာ့ပေါက်ဈေးကလည်း စံချိန်တင်ဖြစ်နေတော့ အရင်မဖြစ်ဘူးတဲ့ ဈေးကို ရောက်သွားတာပေါ့'' ဟု အဆိုပါ အမှုဆောင်က ဆိုသည်။

ယခုကဲ့သို့ ၆ သိန်းအထက် မြင့်တက်နေသော ရွှေဈေးနှုန်းသည် ဒီဇင်ဘာလကုန်ပိုင်းအထိ မန္တလေးနှင့် ရှမ်းပြည်နယ်ဘက်မှ ရွှေအဆွဲများမည် ဖြစ်သောကြောင့် ယခုနှစ်ကုန်သည်အထိ ၆ သိန်းအောက်သို့ ပြန်လည်ရောက်ရှိနိုင်ရန် မလွယ်တော့ကြောင့် ရွှေလုပ်ငန်းလုပ်ကိုင်နေသူ အများစုက သုံးသပ်သည်။

ယခင်က မြန်မာ့ရွှေဈေးသမိုင်းတလျှောက် ၆ သိန်းထက်သို့ နှစ်ကြိမ် ရောက်ခဲ့ဖူးပြီး ၂ဝဝ၈ ခု စက်တင်ဘာတွင် ကမ္ဘာ့ရွှေဈေး တအောင်စကို အမေရိကန်ဒေါ်လာ ၁ဝဝ၅ အထိ ဖြစ်သွားကာ၊ အမေရိကန်ဒေါ်လာနှင့် မြန်မာငွေလဲလှယ်နှုန်း ၁၂ဝဝ ကျော် ဖြစ်သွားခဲ့သောကြောင့် ရွှေဈေးမှာ ၆ သိန်း ၃ ထောင်အထိ ရောက်ခဲ့ကြောင်းနှင့် ထိုကာလသည် ရွှေဝါရောင်တော်လှန်ရေး နှစ်ပတ်လည် ကာလလည်း ဖြစ်သောကြောင့် နိုင်ငံရေးလှုပ်ရှားမှု သတင်းဂယက်များလည်း ရှိသဖြင့် ထိုမျှမြင့်တက်သွားခဲ့ကြောင်း မြန်မာနိုင်ငံ ရွှေလုပ်ငန်းရှင်များ အသင်း မှတ်တမ်းမှတ်ရာများကို ကိုးကားပြီး အသင်းအမှုဆောင်တဦးက ပြောသည်။

ဒုတိယအကြိမ်မှာ ပြီးခဲ့သည့် စက်တင်ဘာလ ၅ ထောင်တန်များ ထုတ်ဝေမည်ဟု သတင်းကြေညာပြီး နောက်တနေ့တွင် ၆ သိန်း ၃ ထောင်အထိ ဈေးတက်သွားခဲ့ပြီး နောက်တနေ့တွင် ၆ သိန်းအောက်သို့ ပြန်လည်ရောက်ရှိသွားခဲ့သည်။

မြန်မာ့ကမ်းလွန်ရေနံ ဓါတ်ငွေ့ပိုက်လိုင်း စင်ကာပူကုမ္ပဏီ လုပ်ခွင့်ရ


စင်ကာပူ အခြေစိုက် ရေကြောင်း အင်ဂျင်နီယာ ကုမ္ပဏီတခုဟာ နောက်နှစ်ဆန်းကစပြီး မြန်မာ့ကမ်းလွန်ပင်လယ်ပြင်မှာ ဓါတ်ငွေ့ပိုက်လိုင်းတွေ သွယ်တန်း ချထားဖို့အတွက် ဒေါ်လာသန်းချီတဲ့ လုပ်ငန်း ကန်ထရိုက်တခု လက်မှတ်ရေးထိုး လိုက်ပါတယ်။


မိုင် ၉၀ ရှည်လျားတဲ့ ဓါတ်ငွေ့ပိုက်လိုင်း သယ်ဖို့ ဒေါ်လာ ၇၇ သန်းတန် စာချုပ်တခုကို အမည်မဖော်ထားတဲ့ မြန်မာကုမ္ပဏီတခုနဲ့ ဆွိုင်ဘာ (Swiber Holdings Company Ltd.) တို့ သဘောတူ လက်မှတ်ရေးထိုးခဲ့ကြတဲ့ အကြောင်း ကုမ္ပဏီက သောကြာနေ့ ထုတ်ပြန်တဲ့ ကြေညာချက်ထဲမှာ ဖော်ပြထားပါတယ်။

လုပ်ငန်းအတွက် ကြိုတင်ပြင်ဆင်တာတွေကို နောက်လမှာ စမယ်လို့ ဆွိုင်ဘာ ကုမ္ပဏီက ပြောပါတယ်။ ၂၀၁၀ ခုနှစ် ပထမ သုံးလပတ်မှာ လုပ်ငန်းခွင် စတင်မှာဖြစ်ပြီး ၆ လအတွင်း ပြီးစီးမယ်လို့ ဆိုပါတယ်။

မြန်မာနိုင်င်နဲ့  စင်ကာပူ အပါအ၀င် အရှေ့တောင်အာရှ နိုင်ငံတွေ၊ တရုတ်၊ အိန္ဒိယ စတဲ့ အိမ်နီးချင်း နိုင်ငံတွေကတော့ မြန်မာစစ်အစိုးရနဲ့ စီးပွားကုန်သွယ် ဆက်ဆံရေးတွေ ထူထောင်ထားပါတယ်။

Friday, November 27, 2009

japan deflation problems

ဆန်ကြမ်းဈေး တက်နေဆဲ

မျိုးသိဏ်း
ပုံမှန်အားဖြင့် ဆန်သစ်ပေါ်ချိန်ကာလတွင် ဆန်ဈေးနှုန်းများ ကျဆင်းလေ့ရှိသော်လည်း ယခုနှစ် ဆန်သစ်ဝင်ချိန်တွင် ဆန်ကောင်း၊ ဆန်ချောများသာ ဈေးနှုန်းကျဆင်း၍ ဆန်ကြမ်းများမှာမူ ဈေးနှုန်းမြင့်တက်ဆဲ ဖြစ်ကြောင်း သိရှိရသည်။

လူလတ်တန်းစားနှင့် အခြေခံလူတန်းစားများ အများဆုံး စားသုံးသော ဆန်ကြမ်းများ ဈေးနှုန်းမြင့်မားနေရခြင်းမှာ ယခုနှစ် ပြည်ပဆန်တင်ပို့မှု ပမာဏလျာထားချက် မြင့်မားခြင်းနှင့် ပို့ကုန်ဝယ်လက်ကို မျှော်လင့်၍ ကြိုတင်သိုလှောင်မှု စတင်ပြုလုပ်နေကြခြင်းတို့ကြောင့် ဖြစ်သည်ဟု သိရှိရခြင်း ဖြစ်သည်။

''ဆန်ကြမ်းက အဝင်နည်းတယ်။ ဒီနှစ် တန်ချိန်တသန်းခွဲ လျာထားတော့ တလပိုင်း၊ နှစ်လပိုင်းလောက် အိတ်စပို့ ပြန်ဆွဲမယ့် အချိန်ကို မျှော်နေကြတယ်။ နယ်ကုန်သည်တွေ လှောင်တာကော ကုမ္ပဏီတွေက တိုက်ရိုက် ဆင်းဝယ်ထားတာတွေနဲ့ရော ဆန်ကြမ်းအသစ်က ကုန်တက်ကို နည်းနေတာ'' ဟု ရန်ကုန်မြို့ ကိုင်းတန်းလမ်းရှိ ဆန်စပါးကုန်စည်ဒိုင်မှ ကုန်သည်တဦးက ရှင်းပြသည်။

မြန်မာနိုင်ငံမှ ဆန်တင်ပို့ရာတွင် ပြည်ပဈေးကွက်အကြိုက် အရိုးရှည်ဆန်များကိုသာ တင်ပို့ခြင်းဖြစ်ပြီး ယင်းဆန်များမှာ အခြေခံလူတန်းစားများ အဓိကစားသုံးသော ဧည့်မထ၊ မနောသုခ၊ ဆင်းသွယ်လတ် စသည့် ဆန်ကြမ်းအုပ်စုဝင် ဆန်များဖြစ်သည်။ (ဆန်ကျိုးကြေမှု ၂၅ ရာခိုင်နှုန်းသာ ပါဝင်ခြင်းကြောင့် ၂၅ မှတ်တန် ဆန်ဖြူဟု ခေါ်ဆိုသည်။)

ဆန်သစ် (အချော) များ အများအပြား ဝင်ရောက်လာမှုကြောင့် လက်ကျန်ဆန်ဟောင်း (အချော) များ ဈေးနှုန်းကျဆင်းနေသော်လည်း ကုန်တက်နည်းသည့် ဆန်သစ် (အကြမ်း) နှင့် ဆန်ဟောင်း (အကြမ်း) တို့အကြား ဈေးကွာခြားချက်နည်းပါးကြောင်း သိရသည်။

ဆန်ဟောင်း (အကြမ်း) များမှာ တတင်းခွဲဝင် တအိတ်လျှင် ကျပ် ၁၇၅ဝဝ ခန့် ဈေးရှိနေပြီး ယင်းဈေးနှုန်းမှာ အောက်တိုဘာလဆန်းပိုင်းက ရှိနေခဲ့သော ဈေးနှုန်းအတိုင်း မပြောင်းမလဲ ဆက်လက်တည်ရှိနေခြင်းဖြစ်သည်။

ဆန်သစ် (အကြမ်း) ဈေးနှုန်းများမှာ ဒေးဒရဲ၊ မော်ကျွန်း၊ ဝါးခယ်မ၊ ကော့မှူး စသော ထွက်ရှိရာဒေသမှ အရည်အသွေးကိုလိုက်၍ ဈေးအနည်းငယ် ကွာခြားမှုရှိနေပြီး တအိတ်လျှင် ကျပ် ၁၄ဝဝဝ မှ ၁၅ဝဝဝ အကြား ရှိနေသည်။

ဆန်သစ်ပေါ်စ အောက်တိုဘာလကုန်ခန့်က တအိတ်လျှင် ၂၆၅ဝဝ ကျပ်ဝန်းကျင် ပုံမှန်ရှိနေခဲ့သော ဖျာပုံ၊ မြောင်းမြ ပေါ်ဆန်းမွှေး (ထိပ်စရှယ်) ဆန်ဟောင်းများမှာ ယမန်နေ့တွင် ကျပ် ၂၃ဝဝဝ မှ ၂၄ဝဝဝ အကြားတွင်သာ ရှိတော့ပြီး ဆန်သစ် (အချော) ပေါ်ဆန်းမွှေးမှာ ကျပ် ၁၉ဝဝဝ မှ ၂ဝဝဝဝ ဝန်းကျင်တွင်သာ ရှိနေသည်ကို တွေ့ရသည်။

“ဆန်သစ်ပေါ်စမှာ ဆန်က အစိုဓာတ် ရှိနေတယ်။ အထားမခံဘူးဆိုတော့ ဆန်ဟောင်းထက် ဈေးနိမ့်တာ ပုံမှန်ပါပဲ။ ဒါပေမဲ့ ဒီနှစ် အကြမ်းဈေးက တင်းခံနေတော့ အချောနဲ့ အကြမ်းက ဈေးကပ်သွားတယ်။ အိတ်စပို့ကလည်း လျာထားချက်ပြည့်အောင် ဆက်ဆွဲဦးမယ့် အနေအထားရှိနေတော့ ဆန်ကြမ်းဈေးက ကျလာစရာ မမြင်ဘူး။ ဆန်ချောကတော့ ဒီနှစ် ဈေးလျော့မယ့် အနေအထားရှိတယ်။ ဆန်ကြမ်းဈေးတော့ ဇန်နဝါရီ၊ ဖေဖော်ဝါရီ အိတ်စပို့ဆွဲတဲ့အချိန် ဈေးမြင့်ဦးမယ့် အနေအထားရှိတယ်” ဟု ဘုရင့်နောင် ဆန်ပွဲရုံတခုက ဆိုသည်။

ယမန်နှစ်က နာဂစ်မုန်တိုင်းဒဏ်ခံခဲ့ရပြီး၊ စပါးပေါ်ချိန် စပါးဈေးကျဆင်းသည့် ဒဏ်ကိုခံခဲ့ရသည့် ဧရာဝတီတိုင်းမှ လယ်သမားများအဖို့ အနည်းငယ် သက်သာရာရမည့် နှစ်တနှစ်ဖြစ်ကြောင်း နယ်ကုန်သည်များက ဆိုသည်။

''လောလောဆယ် စပါးသစ် အချွန်ဈေး (အကြမ်း) က ၄ သိန်းနီးပါးမှာ ရှိတယ်။ အချွန် (အဟောင်း) က ၄ သိန်းခွဲကျော်ကျော် ရှိနေသေးတယ်။ အချောတွေကတော့ စပါးသစ်က ၄ သိန်းခွဲနဲ့ ၅ သိန်းကြား၊ စပါးဟောင်းက ၆ သိန်းကျော်လောက်အထိ ပေါက်ဈေးရှိတယ်။ လယ်သမားတွေတော့ ဒီနှစ် အသက်ရှူချောင်မယ့် အနေအထား ရှိပါတယ်။ တချို့လယ်သမားတွေကလည်း စပါးရိတ်ပြီး စက်ထဲ တန်းမပို့တာရှိတယ်။ ဈေးများ ပိုကောင်းလာမလားလို့ ချိန်နေကြတာပေါ့'' ဟု ဒေးဒရဲမြို့နယ်မှ ဆန်ကုန်သည်တဦးက ဆိုသည်။

ဧရာဝတီတိုင်း ဒေသအများစုတွင်လည်း ယခုနှစ် စပါးအထွက်နှုန်း ကောင်းမွန်ကြောင်း အများအားဖြင့် တဧက တင်း ၄ဝ မှ ၇ဝ အကြား ထွက်နှုန်းရှိကြောင်း ဒေးဒရဲဆန်ကုန်သည်က ဆိုသည်။

လက်ရှိ ကမ္ဘာ့ဆန်ဈေးနှုန်းမှာလည်း မြင့်တက်လျက် ရှိနေသည်။ နိုဝင်ဘာလလယ်တွင် ဗီယက်နမ်နိုင်ငံသည် ယခုနှစ်အတွင်း အမြင့်ဆုံးစံချိန်အဖြစ် ၂၅ မှတ် ဆန်ဖြူတတန်လျှင် အမေရိကန်ဒေါ်လာ ၄၇ဝ ဖြင့် ရောင်းချခဲ့သည်။

မြန်မာနိုင်ငံသည် ၂ဝဝ၈-၂ဝဝ၉ ဘဏ္ဍာရေးနှစ်အတွင်း နာဂစ်မုန်တိုင်းကြောင့် စပါးအထွက်နှုန်းလျော့ခဲ့ခြင်း၊ ကမ္ဘာ့စီးပွားရေး ကျဆင်းမှုဂယက် ရိုက်ခတ်ခြင်းများ ခံခဲ့ရသော်လည်း ပြည်ပသို့ ဆန်စပါး ပိုမိုတင်ပို့မှုတွင် ၂ဝဝ၇-၂ဝဝ၈ ဘဏ္ဍာရေးနှစ်ထက် နှစ်ဆနီးပါးမျှ တိုးမြှင့်ခဲ့သည်။

၂ဝဝ၈-၂ဝဝ၉ ဘဏ္ဍာရေးနှစ်တွင် ပြည်ပသို့ ဆန်တန်ချိန် ၆ သိန်း ၇ သောင်းခန့် တင်ပို့နိုင်ခဲ့ပြီး စုစုပေါင်းတန်ဖိုး အမေရိကန်ဒေါ်လာ ၁၈၅.၃၁ သန်း ရှိခဲ့ကာ၊ ဆန်တတန်လျှင် အမေရိကန်ဒေါ်လာ ၂၈ဝ နီးပါး ပျမ်းမျှ ရရှိခဲ့သည်။

ယခုဘဏ္ဍာရေးနှစ် ၂ဝဝ၉-၂ဝ၁ဝ တွင် ပြည်ပသို့ ဆန်တန်ချိန်တသန်း တင်ပို့ရန် မူလက လျာထားသတ်မှတ်ခဲ့ရာ ဧပြီလမှ သြဂုတ်လကုန်အထိ ၅ လတာ ကာလအတွင်း ဆန်တန်ချိန် ၄ သိန်းကျော် (တန်ဖိုး အမေရိကန်ဒေါ်လာ ၁၁၆ သန်းကျော်) တင်ပို့ခဲ့ပြီးနောက်ပိုင်းတွင် ဆန်တန်ချိန် တသန်းခွဲအထိ ပြောင်းလဲလျာထားခဲ့သည်။

လျာထားချက် ပြည့်မီရေးအတွက် အစိုးရက ဆန်တင်ပို့မှု မူဝါဒကို ပြောင်းလဲသတ်မှတ်ပေးခဲ့သည်။ ယခင်က သတ်မှတ်ထားသော ဆန်ပမာဏ လက်ဝယ်ရှိမှသာ တင်ပို့ခွင့်လိုင်စင် ထုတ်ပေးရာမှ နောက်ပိုင်းတွင် ယင်းကန့်သတ်ချက်ကို ပယ်ဖျက်ပေးခဲ့သည်။

ကမ္ဘာ့ဆန်ဈေးနှုန်း မြင့်မားနေခြင်း၊ တင်ပို့မှုလွယ်ကူခြင်းတို့ကြောင့် လာမည့် ပွင့်လင်းရာသီဖြစ်သော ဘဏ္ဍာရေးနှစ် တတိယ ၄ လပတ်တွင် လျာထားချက်ပြည့်မီအောင် တင်ပို့နိုင်မည်ဟု ယူဆကြောင်း ဆန်တင်ပို့နေသည့် ကုမ္ပဏီတခုက ပြောသည်။

''မြန်မာ့ဆန်ဈေးကတော့ ထိုင်းတို့၊ ဗီယက်နမ်တို့နဲ့ ကွာပါတယ်။ အခုလက်ရှိ တတန်ကို ဒေါ်လာ ၃၄ဝ ဝန်းကျင်လောက် ရနေတယ်။ လာမယ့် နှစ်ဆန်းပိုင်း ပွင့်လင်းရာသီ ရောက်ရင်တော့ ဒီထက် ပိုပို့နိုင်မှာပါ။ လောလောဆယ် မနှစ်က ပမာဏနီးပါး ရှိသွားပြီလို့ ကြားတယ်။ လျာထားချက်တော့ ပြည့်နိုင်မယ် ထင်ပါတယ်'' ဟု ပြည်ပသို့ ဆန်တင်ပို့နေသည့် ယင်းကုမ္ပဏီက ဆိုသည်။

ကိုကိုးကျွန်း လေ့လာရေး ခရီးစဉ်စတင်

မဇ္မျိမ
အများပြည်သူ သွားလာခွင့် ပိတ်ပင်ထားသော ကိုကိုးကျွန်းကို လေ့လာရေးခရီးစဉ်အဖြစ် စစ်အစိုးရက ခွင့်ပြုလာခဲ့သည်။

ရန်ကုန်တိုင်း စစ်တိုင်းမှူး ဗိုလ်ချုပ်ဝင်းမြင့်၏ စီမံမှုဖြင့် မြန်မာ့ကြယ်ငါးပွင့် လုပ်ငန်းပိုင် သံလွင်သဘောင်္ဖြင့် နိုဝင်ဘာ ၂၀ ရက်နေ့တွင် စတင်သာ လေးရက်ကြာ ရန်ကုန်-ကိုကိုးကျွန်း ခရီးစဉ်တွင် ခရီးသည် ၄၀၀ ကျော် လိုက်ပါသွားခဲ့သည်။

ခရီးသည်အများစုမှ အစိုးရဝန်ထမ်းများဖြစ်ကြပြီး အနုပညာသည်များ၊ နိုင်ငံပိုင် မီဒီယာများလည်း ပါသည်။

လက်မှတ်တစောင် ၂ သောင်း ၅ ထောင်ကျပ်ပေးရသည့် ခရီးစဉ်သည် ကိုကိုးကျွန်းစုများကို မြန်မာနိုင်ငံက ပိုင်ဆိုင်မှုကို ပြသလိုခြင်းကြောင့် ဖြစ်သည်ဟု လိုက်ပါပို့ဆောင်သည့် အရာရှိတဦးက ပြောသည်။

အိမ်နီးချင်းနိုင်ငံတချို့နှင့် ပိုင်နက်အငြင်းပွားမှုရှိနေကြောင်း ပြောသော်လည်း မည်သည့်နိုင်ငံဟု ရည်ညွှန်းသွားခြင်း မရှိပါ။

ရန်ကုန်တိုင်းအတွင်းရှိ ကိုကိုးကျွန်းစုသည် ရန်ကုန်မြို့အနောက်တောင်ဘက်မိုင် ၂၆ဝ အကွာ ဘင်္ဂလားပင်လယ်အော် အတွင်းတည်ရှိပြီး ကိုကိုးကြီးကျွန်း၊ မင်္ဂလာကျွန်း၊ ကိုကိုးလေးကျွန်း၊ ဂျယ်ရီကျွန်း၊ စားပွဲကျွန်း၊ ရတ်ကျွန်းတို့အပါအဝင် ကျွန်းပေါင်း ၁၂ ကျွန်းရှိသည်။

လက်ရှိတွင် လူဦးရေ တထောင်ကျော်ရှိပြီး အိမ်ခြေ နှစ်ရာကျော်ရှိကာ အများစုက အစိုးရ ဝန်ထမ်များဖြစ်ကြသည်။

ရှေးယခင်က အိန္ဒိယပိုင်ဖြစ်ခဲ့ဖူးသော ကိုကိုးကျွန်းစုများသည် ဗြိတိသျှကိုလိုနီလက်အောက်က မြန်မာနိုင်ငံ လွတ်လပ်ရေးရချိန်တွင် တပါတည်း အသိအမှတ်ပြု လွှဲပြောင်းပေးခဲ့သည်။

၁၉၅၉ အာဏာရှင်ဟောင်း ဗိုလ်ချုပ်ကြီးနေဝင်း၏ အိမ်စောင့်အစိုးရလက်ထက်က ကိုကိုးကျွန်းကြီးတွင် တကျွန်းအဖြစ် ထူထောင်က နိုင်ငံရေး အကျဉ်းသားများကို ပို့ဆောင်ခဲ့သည်။ ၁၉၇၁ ခုနှစ် နိုင်ငံရေး အကျဉ်းသားများ အစာငတ်ခံ ဆန္ဒပြပွဲများ ပေါ်ပေါက်ပြီးနောက် ရန်ကုန်အင်းစိန် ထောင်သို့ ရွှေ့ပြောင်းပေးလိုက်ပြီး ကျွန်းထောင်ကို ပိတ်လိုက်တော့သည်။

ထို့နောက် ရေတပ်၏ ကွပ်ကဲမှုအောက်တွင် ရှိနေခဲ့သော ကိုကိုးကျွန်းပေါ်သို့ အများပြည်သူ သွားလာခွင့်ကို ကန့်သတ်ခဲ့သည်။

(ရန်ကုန် သတင်းထောက် ပေးပို့သော သတင်းကို ဖနိဒါ ဖြည့်စွက်ရေးသားသည်။)

မြန်မာမြင်း ၆ ကောင် နိုင်ငံတကာ ပွဲစဉ်များတွင် ယှဉ်ပြိုင်ခွင့်ရ

မဇ္ဈိမ
ကမ္ဘာ့မြင်းစီး အားကစား အဖွဲ့ချုပ်က မြန်မာနိုင်ငံမှ ပြိုင်မြင်း ၆ ကောင်ကို ထိုင်းနိုင်ငံ၌ လာမည့်နှစ်တွင် ကျင်းပမည့် တာဝေးပြိုင်ပွဲသို့ ပထမဆုံး သွားရောက်ယှဉ်ပြိုင်ခွင့် ပြုလိုက်ပြီဟု မြန်မာနိုင်ငံ မြင်းစီး အားကစားအဖွဲ့ချုပ် (MEF) က ပြောသည်။

ဆွစ်ဇာလန်ရှိ ကမ္ဘာ့မြင်းစီး အားကစားအဖွဲ့ချုပ်သို့ လျှောက်ထားရာ ပြီးခဲ့သည့်လ ၂၅ ရက်နေ့တွင် ခွင့်ပြုကြောင်း ရန်ကုန်တိုင်း မြောက်ဒဂုံမြို့နယ် ပြည်ထောင်စုလမ်းနှင့် ပင်လုံလမ်းထောင့်ရှိ MEF မှ ဒု-ဥက္ကဋ္ဌ ဦးငြိမ်းကျော်က ပြောသည်။

“ကျနော်တို့ ဆွစ်ဇာလန်မှာရှိတဲ့ ကမ္ဘာ့မြင်းစီး အားကစားအဖွဲ့ချုပ်ဆီကို လျှောက်ထားတာ ပြီးခဲ့တဲ့ အောက်တိုဘာ ၂၅ ရက်နေ့က ခွင့်ပြုခဲ့ပါတယ်” ဟု သူက ပြောသည်။

ဦးငြိမ်းကျော်သည် MEF တွင် ဒု-ဥက္ကဋ္ဌနှင့် နည်းစနစ်မှူးအဖြစ် တွဲဖက်တာဝန်ယူထားပြီး အာဆီယံ (အရှေ့တောင်အာရှ နိုင်ငံများ အသင်း) မြင်းစီးအဖွဲ့ချုပ်တွင်လည်း ဒု-ဥက္ကဋ္ဌ ဖြစ်သည်။

နိုင်ငံတကာ မြင်းစီးပြိုင်ပွဲများသို့ ယှဉ်ပြိုင်ခွင့် ရရှိလိုက်သည့် မြင်းများမှာ စိန်ဘယက်၊ ပုဂံမင်းသမီး၊ လှသိင်္ဂီ၊ Peach၊ ရွှေဆယ်နှင့် ရွှေဥက္ကာ အမည်ရ မြင်းများ ဖြစ်သည်။

ပြီးခဲ့သည့်လအတွင်း ပုဂံမြို့တွင် ကျင်းပခဲ့သော မြင်းစီးပြိုင်ပွဲသို့ အာဆီယံ မြင်းစီးအဖွဲ့ချုပ်မှ ဆရာဝန်များ လာရောက်စဉ် ယခုမြင်းများကို စစ်ဆေးပြီးနောက် နိုင်ငံတကာပွဲများသို့ ဝင်ရောက်ယှဉ်ပြိုင်ရန် အရည်အချင်း ပြည့်မီကြောင်း ကမ္ဘာ့မြင်းစီး အားကစားအဖွဲ့ချုပ်သို့ ထောက်ခံချက်ပေးခဲ့သည်။ သို့သော် ယခုမြင်းများသည် မြင်းစီး တာဝေးပြိုင်ပွဲ အတွက်သာဖြစ်ပြီး မြင်းစီး တန်းကျော်ပြိုင်ပွဲအတွက် မဟုတ်ပါ။

ယခင်က နိုင်ငံတကာ မြင်းစီးပြိုင်ပွဲများသို့ MEF က သွားရောက်ယှဉ်ပြိုင်ရာတွင် အခြားနိုင်ငံများမှ မြင်းများကို ငှားရမ်း၍ ပါဝင်ယှဉ်ပြိုင်ခဲ့သည်။

မြန်မာမြင်းများကို လေကြောင်းခရီးဖြင့် သယ်ယူရန် အခက်အခဲရှိသဖြင့် အရည်အချင်း မစစ်ဆေးဘဲ၊ လာမည့်နှစ် ဖေဖော်ဝါရီတွင် ထိုင်း၌ ကျင်းပမည့် အာဆီယံ မြင်းစီး အားကစားပြိုင်ပွဲတွင် ယှဉ်ပြိုင်ရေးအတွက် အာဆီယံ မြင်းစီးအဖွဲ့ချုပ် တာဝန်ရှိသူများကို ဖိတ်ခေါ်၍ စတင်စစ်ဆေးစေခဲ့ခြင်း ဖြစ်သည်။

“ခါတိုင်းလိုတော့ သူများမသုံးချင်တဲ့ မြင်းမျိုး မသုံးရတော့ဘူးပေါ့။ တခြား တိုင်းပြည် သွားပြိုင်တဲ့အခါတိုင်း မြင်းငှားရတယ်ဗျာ။ အဲဒီမှာ အမြဲတမ်း မကောင်းတဲ့မြင်းပဲ ကိုယ်ကရတယ်။ အခုတော့ ကိုယ့်မြင်းနဲ့ ကိုယ့်ကစားသမားဆိုတော့ အများကြီး အဆင်ပြေတာပေါ့” ဟု ဦးငြိမ်းကျော်က ပြောသည်။

သူက ဆက်ပြီး ''အခုဟာက ထိုင်းမှာဆိုတော့ နီးတဲ့အတွက် သယ်ယူသွားပြီး ပြိုင်နိုင်တာဖြစ်ပါတယ်။ ဒူဘိုင်းလို နေရာမျိုးဆို လေယာဉ်နဲ့ သယ်သွားရမှာဖြစ်တဲ့အတွက် ဒီမြင်းတွေနဲ့ ပြိုင်နိုင်မှာ မဟုတ်ဘူး။ အဲလို အခက်အခဲလေးတွေ ရှိတယ်'' ဟု ပြောသည်။

မြင်းများကို ထိုင်း-မြန်မာ နယ်စပ်သို့ ကားများဖြင့် သယ်ယူသွားကာ၊ ထိုမှတဆင့် ပြိုင်ပွဲ ကျင်းပရာသို့ ဆက်လက် ခေါ်ယူသွားမည် ဖြစ်သည်။

လာမည့်လအတွင်း အိမ်နီးချင်း လာအိုနိုင်ငံတွင် ကျင်းပမည့် ၂၅ ကြိမ် ဆီးဂိမ်းပြိုင်ပွဲတွင် မြင်းစီးအားကစားပွဲ မပါဝင်သဖြင့် လာမည့်နှစ် အာဆီယံ မြင်းစီးအဖွဲ့ချုပ်က အရှေ့တောင်အာရှ မြင်းစီးပြိုင်ပွဲအမည်ဖြင့် ဖေဖော်ရီလတွင် သီးသန့်ကျင်းပမည့် မြင်းစီးအားကစားပြိုင်ပွဲကို စီစဉ်ထားခြင်း ဖြစ်သည်။

၁၉၉၁ ခုနှစ် စတင်တည်ထောင်ခဲ့သည့် MEF (Myanmar Equestrian Federation) သည် ၂၀၀၄ ခုနှစ်တွင် မလေးရှားနိုင်ငံ ပီနန်ကျွန်း၌ ပြုလုပ်သော မြင်းစီး အားကစားပွဲတော်တွင် ရွှေတံဆိပ် ၃ ဆု၊ ငွေ ၂ ဆုနှင့် ကြေး ၁ ခု ဆွတ်ခူးရရှိခဲ့သေးသည်။

မြန်မာ့ခရီးသွားလုပ်ငန်း ပြန်လည်ဦးမော့လာ

ရန်ပိုင်
ယခုနှစ် ခရီးသွား ရာသီတွင် မြန်မာနိုင်ငံသို့ လာရောက်သည့် နိုင်ငံခြားသား ခရီသွား အရေအတွက်မှာ ပြီးခဲ့သည့် နှစ်ထက် ၃၀ ရာခိုင်နှုန်း ပိုမိုမြင့်မား လာကြောင်း မြန်မာဟိုတယ်နှင့် ခရီးသွားလာရေး ၀န်ကြီးဌာန (ဟိုတယ်/ခရီး) မှ စုံစမ်းသိရှိရသည်။

အဆိုပါဝန်ကြီးဌာန၏ သတင်းထုတ်ပြန်ရေးဌာနမှ တာဝန်ခံတဦးက“ အခုရာခိုင်နှုန်းက မနှစ်က ဒီအချိန်နဲ့နှိုင်းယှဉ်ကြည့်တာ တော်တော်များတယ်၊ ဒါတောင်အခုခရီးသွားရာသီ မပြီးသေးဘူး”ဟုပြောသည်။

မြန်မာနိုင်ငံသို့လာရောက်သည့် ခရီးသွားများသည် ဥရောပတိုက်မှ ဂျာမနီ နှင့် ပြင်သစ်နိုင်ငံတို့မှဖြစ်ပြီး အာရှတိုက်တွင် ထိုင်းနှင့် တရုတ်နိုင်ငံတို့မှ ပိုမိုလာရောက်ကြကြောင်း၊ ခရီးသွားဝင်ရောက်မှု ရာခိုင်နှုန်းမှာ လေကြောင်းခရီးသွားများထက်စာလျှင် နယ်စပ်မြို့ များမှ ၀င်ရောက်မှုမှာပိုမိုများပြားကြောင်း သိရသည်။

နယ်စပ်အိမ်နီးချင်းနိုင်ငံများမှ လာရောက်သည့် ခရီးသွားများသည် နယ်စပ်ဒေသများအတွင်းသာလည်ပတ်နိုင်ပြီး ခရီးသွား အများစုသည် ရာသီဥတုကောင်းမွန်သည့် အောက်တိုဘာလမှ စတင်၍ ဇန်န၀ါရီလ အထိသာ အများအပြားသွားလာကြောင်း ဟိုတယ်/ခရီး ဌာနမှ တာဝန်ခံကပြောသည်။

မြန်မာနိုင်ငံသို့ နိုင်ငံခြားသားခရီးသည်များ ၀င်ရောက်မှုသည် ပြီးခဲ့သည့် နှစ်က နှစ်သိန်းခြောက်သောင်းကျော် ၀င်ရောက်ခဲ့ပြီး ယခုနှစ်တွင် ခရီးသည်ပေါင်း ၁သန်းခန့် ၀င်ရောက်ရန် ခန့်မှန်းထားသည်ဟု မြန်မာဟိုတယ်နှင့် ခရီးသွားလာရေး ၀န်ကြီးဌာနမှ ထုတ်ပြန်ထားသည့် အစီအရင်ခံစာများအရသိရသည်။

မြန်မာနိုင်ငံသို့ နိုင်ငံခြားသား ခရီးသွားများ ပိုမိုလာရောက်စေရန်အတွက် ခရီးသွားလုပ်ငန်းနှင့် ပတ်သက်သည့်မြှင့်တင်ရေး ပြပွဲများ ကို ပြုလုပ်နေရာ မကြာသေးမီက အင်္ဂလန်နိုင်ငံ လန်ဒန်မြို့နှင့် စကာင်္ပူနိုင်ငံတို့တွင် ခရီးသွားလုပ်ငန်းများ မြှင့်တင်ရေး အတွက် ပြပွဲများ ပြုလုပ်ခဲ့ကြောင်း၊ လာမည့်လအနည်းငယ်အတွင်းတွင်လည်း ဗီယက်နမ်နိုင်ငံတွင် ပြပွဲများလုပ်ကိုင်ရန်ရှိကြောင်း အထက်ပါ ဟိုတယ်/ခရီး ဌာန တာဝန်ခံကပြောသည်။

မြန်မာခရီးသွားလုပ်ငန်းသည် ၂၀၀၇ ခုနှစ် စက်တင်ဘာလတွင် ဖြစ်ပွားခဲ့သည့် သံဃာတော်များဦးဆောင်သော ရွှေဝါရောင်တော် လှန်ရေးနှင့် ၂၀၀၈ ခုနှစ် မေလတွင်တိုက်ခတ်ခဲ့သည့် နာဂစ်ဆိုင်ကလုန်းမုန်တိုင်းကြောင့် ခရီးသွားဦးရေ ကျဆင်းသွားကြောင်း ၊ ယခုနှစ်အတွင်းပြန်လည်ဦးမော့လာခြင်း ဖြစ်ကြောင်းသိရသည်။

နိုင်ငံခြားသား ခရီးသွားများ မြန်မာနိုင်ငံသို့လာရောက်လျှင် အများဆုံးသွားရောက်လည်ပတ်သည့် နေရာများမှာ ရန်ကုန်၊မန္တလေး၊ပုဂံ နှင့် ရှမ်းပြည်နယ် အင်လေးကန်ဒေသများသို့ အများဆုံးသွားရောက်လည်ပတ်သည်ဟု တောင်ကြီးမြို့ခံတဦးကလည်း ပြော သည်။

“ကလောမြို့နားက ပလောင်တောင်လို့ခေါ်တဲ့ ပလောင်ရွာတွေကို အများဆုံးလာတယ်၊ ပလောင်လူနေမှုကို လေ့လာတယ်”ဟု အဆိုပါ မြို့ခံကဆိုသည်။

နိုင်ငံခြားသား ခရီးသွားများသည် အောင်ပန်းမြို့အနီးရှိ တောလမ်းခရီးမှ အင်းလေးကန်သို့ ခြေလျင်ခရီးထွက်ခြင်း၊ တောင်ကြီးမြို့ အနီးရှိ ထာ့စမ်းဂူနှင့် ကိုရင်လေးဂူများသို့သွားရောက်လေ့လာခြင်း၊ ကလောမြို့အနီးရှိ တောင်ပေါ်ရွာများမှနေပြီး မိထ္တီလာကန် နှင့် အခြားသောမြေပြန့်ဒေသ ရှုခင်းများကို ကြည့်ရှုကြသည်ဟု ၎င်းကပြောသည်။

မြန်မာနိုင်ငံရှိ သဘာဝအရင်းအမြစ်များ နှင့် သဘာဝအလှအပများ သည် တခြားအိမ်နီးချင်းနိုင်ငံများ နှင့် နှိုင်းစာလျှင် ပိုိုမိုများ ပြား သည်ဆိုသော်လည်း မြန်မာ့ခရီးသွားလုပ်ငန်းသည် လစ်ဟာမှုအများအပြားရှိနေသေးကြောင်း၊အိမ်နီးချင်း ထိုင်းနိုင်ငံနှင့် နှိုင်းစာ လျှင် ခရီးသည်များ ၀င်ထွက်မှုမှာ နည်းပါးသေးကြောင်း ရန်ကုန်မြို့ရှိ ခရီးသွားလုပ်ငန်း လုပ်ကိုင်နေသည့် ဦးမောင်မောင်စိုးက ထောက်ပြသည်။

“ခရီးသည်အတွက် ခရက်ဒစ်ကတ်သုံးမရသေးဘူး၊ ကျန်းမာရေးဝန်ဆောင်မှုမရှိသေးဘူးလေ၊ ပြီးခဲ့တဲ့လက ခရီးသည်သုံးယောက် ပုဂံမှာ ဆုံးသွားတယ်”ဟု ၎င်းက ဆိုသည်။

မြန်မာနိုင်ငံတွင် ခရီးသွားလုပ်ငန်း၏ အခြေခံအဆောက်အအုံများဖြစ်သည့် နိုင်ငံခြားသားခရီးသွားများ အတွက် နိုင်ငံတကာစံနှုန်း နှင့်ညီညွတ်သည့် ကျန်းမာရေးစောင့်ရှောက်မှုမရှိကြောင်း၊ ငွေကြေးသုံးစွဲမှုတွင်လည်း ခရက်ဒစ်ကတ် (အကြွေးဝယ်ကတ်) အသုံး ပြုမှုမှာနည်းပါးနေသေးပြီး ဟိုတယ်ကြီးများတွင် ငွေလဲလှယ်ပါက အမေရိကန်ဒေါ်လာ ၁၀၀၀ ထုတ်လျှင် ၁၀ရာခိုင်နှုန်းအခွန်ဖြတ် ကြောင်း၊ ခရီးသွား လုပ်ငန်းနှင့်ပတ်သက်၍ စစ်အစိုးရက ထိရောက်စေရန် ခရီးသွားကုမ္ပဏီများနှင့် ပူးပေါင်းဆောင်ရွက်မှု နည်းပါး ကြောင်း၎င်း ကထောက်ပြသည်။

“အင်းလေးတို့လို တခြားစိတ်ဝင်စားစရာနေရာတွေမှာ တကယ်တမ်းလူကျလာရင် ကားကအစပေါ့ ပေးနိုင်တဲ့ ၀န်ဆောင်မှုက ဘာမှမရှိ ဘူး၊၊မင်းကွန်းကိုကူးချင်လို့ ဖယ်ရီငှားမရဘူး၊ တစီးလုံး ဈေးကြီးပေးငှားနေရတယ်”ဟု၎င်းကဆိုသည်။

ပြီးခဲ့သည့်နှစ်က ခရီးသွားလုပ်ငန်းများ အရှုံးပေါ်ခဲ့သည့်အတွက် ခရီးသွားလုပ်ငန်းပေါ်တွင် တည်မှီ၍ လုပ်ကိုင်နေသည့် ခရီးသည် များစီးသည့် အင်ဂျင်၊ အဲယားကွန်းနှင့် မောင်းနှင်သူစသည့် ၀န်ဆောင်မှုကောင်းမွန်သည့် ကားလုပ်ငန်းများကို ရောင်းချခဲ့ကြရသည် ဟုသိရသည်။

မြန်မာခရီးသွားလုပ်ငန်းသည် တိုင်းပြည်၏ ၀င်ငွေကို တခြားသောရေနံသဘာဝဓာတ်ငွေ့၊ ဆန်စပါး၊ သစ်လုပ်ငန်းများကဲ့သို့ တိုင်းပြည် ဘဏ္ဍာငွေကို ရှာဖွေပေးသည့်လုပ်ငန်းဖြစ်ကြောင်း၊ ခရီးသွားလုပ်ငန်းအား စစ်အစိုးရအနေဖြင့်မြှင့်တင်ချင်လျှင် တိုင်းပြည်၏ နိုင်ငံရေး၊စီးပွားရေးနှင့် ပညာရေးမှအစ အခြေခံအဆောက်အအုံများကို သေချာစွာ ပြုပြင်မှသာလျှင် ခရီးသွား လုပ်ငန်းပိုမို တိုးတက်လာမည်ဟု ဦးမောင်မောင်စိုးကသုံးသပ်ဝေဖန်သည်။

မြန်မာ မူးယစ်ဆေး ထွက်နှုန်းတိုးဟု ဆို


သန်းထိုက်ဦး
မြန်မာနိုင်ငံတွင် ရာဘ (ခေါ်) မက်သာ အဖက်တမင်း စိတ်ကြွဆေးပြားများ ဖမ်းဆီးရရှိမှုမှာ ယခင် နှစ်များထက် (၄) ဆခန့် ပိုမိုများပြား လာကြောင်း မှုးယစ်ဆေးဝါး တိုက်ဖျက်ရေးအဖွဲ့မှ တာဝန်ရှိသူများက ထုတ်ဖော်ပြောကြားလိုက်သည်။

ပြီးခဲ့သည့် အောက်တိုဘာ လကုန်ပိုင်းက ရှမ်းပြည် အရှေ့မြောက်ပိုင်း လောက်ကိုင်မြို့၌ ကျင်းပသည့် မူးယစ်ဆေးဝါးများ မီးရှို့ဖျက်ဆီးပွဲတွင် စစ်အစိုးရ ဖျက်ဆီးပြခဲ့သော မက်သာအဖက်တမင်း စိတ်ကြွဆေးပြား အထုတ်များကို တွေ့ရစဉ် (ဓာတ်ပုံ - AP)
အဆိုပါ ကုလသမဂ္ဂ မူးယစ်ဆေးဝါးနှင့် ရာဇဝတ်မှုဆိုင်ရာရုံး (UNODC) အဖွဲ့မှ ထုတ်ပြန်သော“2009 Patterns and Trends of Amphetamine - Type Stimulants and Other Drugs in East and South-East Asia”ဟု အမည်ရသည့် အစီရင်ခံစာတွင် ယခုကဲ့သို့ ဖော်ပြထားခြင်းဖြစ်သည်။

UNODC ၏ ထုတ်ပြန်ချက်၌ မြန်မာနိုင်ငံတွင် ၂၀၀၈ ခုနှစ်အတွင်း စိတ်ကြွဆေးပြား အလုံးရေ တစ်သန်းကျော် ဖမ်းဆီးမိခဲ့ သော် လည်း ၂၀၀၉ ခုနှစ် ၆ လခန့် အတွင်း၌ပင် ၎င်း ဆေးပြား လေးသန်းခွဲ ဖမ်းဆီးရမိသည့်အတွက် ယခင်နှစ်များထက် ၄ ဆခန့် ပိုမိုများပြာလာသည်ဟု ရေးသားဖော်ပြထားသည်။

"မူးယစ်ဆေးဝါး ထွက်ကုန်တွေဟာ နယ်စပ်ဒေသမှာ ပိုပြီးတော့ များလာတယ်ဆိုတာကို ကျနော်တို့ လေ့လာတွေ့ရှိရပါတယ်" ဟု UNODCကိုယ်စားလှယ် အရာရှိတဦးဖြစ်သူ မစ္စတာ ဂါရီလူးဝစ္စက ယမန်နေ့က ဘန်ကောက်မြို့ သတင်းစာရှင်းလင်းပွဲတွင် သတင်းထောက်များကို ပြောကြားခဲ့သည်။

မူးယစ်ဆေးဝါးများသည် ထိုင်းနိုင်ငံမှ သာမက ဒေသတွင်း နိုင်ငံများဖြစ်သည့် လာအို၊ ဗီယက်နမ်၊ အိန္ဒိယနိုင်ငံတို့မှတဆင့် ပျံ့နှံ့ လျက်ရှိသည်ဟုလည်း မစ္စတာ ဂါရီလူးဝစ္စက ဆိုသည်။

ထုိ့ကြောင့် မူးယစ်ဆေးဝါး ရောင်းဝယ်သူများသည် မူးယစ်ဆေးဝါးကို လက်ဝယ်တွင် မထားရှိတော့ဘဲ ထိုင်းနိုင်ငံအတွင်းသို့ အကြွေးစနစ်ဖြင့် လည်းကောင်း ဈေးနှုန်းလျှော့ချ၍လည်းကောင်း တင်သွင်းနေကြောင်းလည်း သတင်းများဖော်ပြချက် အရသိရ သည်။

မြန်မာနိုင်ငံတွင် မူးယစ်ဆေးဝါးနှိမ်နှင်းမှုများကို ကိုးကန့်တိုက်ပွဲပြီးသည့် နောက်ပိုင်းတွင် ယခင်ကထက် ပိုမိုလုပ်လာပြီး၊ သြဂုတ်လ အတွင်း မူးယစ်ဆေးဝါး အမှုပေါင်း ၂၃၀ နှင့် တရားခံပေါင်း ၃၅၅ဦးကို ဖမ်းဆီးအရေးယူခဲ့ကြောင်း စစ်အစိုးရ သတင်းစာ များတွင် ဖော်ပြထားသည်။

အလားတူပင် ရှမ်းပြည်နယ် မြောက်ပိုင်း နန်းခမ်းမြို့ရှိ ပန်းဈေး ကျေးရွာများနှင့် ကချင်ပြည်နယ်များတွင် ဘိန်းစိုက်ပျိုးမှုများကို ယခင်နှစ်ထက် ပိုမို စိုက်ပျိုးလာကြောင်းလည်း မျက်မြင်များကဆိုသည်။

ထိုင်းနိုင်ငံသို့ မကြာခင်က ရောက်ရှိလာသည့် မျက်မြင် ပလောင် အမျိုးသမီး တဦးဖြစ်သူ လွေးမိုးလှိုင်က“ ဒီနှစ်မှာ ကြည့်ရတာ လမ်းဘေးတွေမှာကို ဘိန်းတွေ တော်တော်စိုက်တယ်၊ ဘယ်လောက်အစိုက်များလည်း ဆိုလို့ရှိရင် ပန်းဈေးရွာက လူတွေက ဘိန်း စိုက်တဲ့ ခြံတွေမှာ မြေသွားပေါက်ကြတယ်၊ သွားပေါက်တော့ သူတို့ကို စရိတ်ငြိမ်း သုံးရက်ကို မြန်မာကျပ်ငွေ တစ်သောင်း ပေးတယ်၊ အထူးသဖြင့် အမျိုးသားတွေက သွားလုပ်ကြတာများတယ်”ဟု ပြောသည်။

ကချင်ဖွံ့ဖြိုးရေး ကွန်ယက်(KDNG)မှ ကိုအောင်ဝါကလည်း“ကချင်ပြည်နယ်မှာ သစ်လုပ်ငန်းတွေ နားနေတယ်၊ ကျောက်စိမ်း လုပ်ငန်း တွေလည်း အရင်ကလို လုပ်တဲ့လူတွေနည်းလာတယ်၊ ရွှေလုပ်ငန်း နည်းနည်းပဲ ရှိတယ် ဆိုတော့ ဘိန်းတွေကို နေရာတကာ စိုက် ပျိုးလာတယ်၊ ဘိန်းစိုက်ပျိုးမှုကို စီးပွားရေး ၀င်ငွေအဖြစ်၊ လုပ်လာတဲ့အပိုင်းမျိုး မြင်လာတယ်”ဟု ပြောသည်။

မူးယစ်ဆေးဝါးများကို ရှမ်းပြည်နယ်အတွင်းရှိ တချို့သော တိုင်းရင်းသားလက်နက်ကိုင် ငြိမ်းချမ်းရေး အဖွဲ့များက ထုတ် လုပ်နေကြပြီး တာချီလိတ်မြို့ဘက်မှ ထိုင်းနိုင်ငံအတွင်းသို့ သယ်ဆောင်ရောင်းချမှုများ ရှိကြောင်းလည်း သိရသည်။

ယင်း ဒေသတွင်းရှိ တိုင်းရင်းသားလက်နက်ကိုင် ငြိမ်းချမ်းရေးအဖွဲ့ တဖွဲ့ ဖြစ်သော ၀ ပြည်သွေးစည်းညီညွတ်ရေး တပ်ဖွဲ့ (UWSA) သည် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများကို အာရှတွင် အမြောက်အမြား ကျယ်ပြန့်စွာ ထုတ်လုပ်နေသည့် အဖွဲ့ တဖွဲ့ဖြစ်ကြောင်း အမေရိကန် မူးယစ်ဆေးဝါး တိုက်ဖျက်ရေးအဖွဲ့က ဆိုသည်။

မြန်မာအာဏာပိုင်များကလည်း မူးယစ်ရာဇာ နော်ခမ်းကို ဖမ်းဆီးမိန့် ထုတ်ပြန်ထားသည်။ နော်ခမ်းသည် ရွှေတြိဂံ ဒေသတွင် မူး ယစ်ဆေးဝါး မှောင်ခိုကုန်ကူးနေသူဖြစ်ပြီး ၎င်းကို တရုတ်၊ ထိုင်းနှင့် လာအို နိုင်ငံများကလည်း အလိုရှိနေသည်။

အမေရိကန်နှင့် ကုလသမဂ္ဂတို့ ၏ ထုတ်ပြန်ချက်များအရ ကမ္ဘာတဝန်းတွင် အာဖဂန်နစ္စတန်သည် ဘိန်းအများဆုံး ထုတ်လုပ်သည့် နိုင်ငံဖြစ်ပြီး မြန်မာနိုင်ငံသည် ဒုတိယ အများဆုံး နိုင်ငံဖြစ်ကြောင်း သိရသည်။

လိင်ပြောင်းလိုသူများ ၁ နှစ်စောင့်ဟု ထိုင်းပြဌာန်း

ကိုထွေး
လိင်ပြောင်းလဲမှုများ မလုပ်ဆောင်မီ ၁ နှစ်ခန့် ကြိုတင်၍ ပြင်ဆင်မှုများ ပြုလုပ်၍ အသက် ၁၈ နှစ်ပြည့်မှ သာလျှင် ခွဲစိတ်ခြင်းကို ခွင့်ပြုရန် ထိုင်းနိုင်ငံက ဥပဒေတခု ထုတ်ပြန်လိုက်ကြောင်း အေပီ သတင်းတွင် ရေးသားထားသည်။

ခွဲစိတ်ကုသမခံမီ ၁နှစ် အလိုတွင် စိတ်ဓာတ်ပိုင်းဆိုင်ရာ ပြင်ဆင်မှု အနေဖြင့် အမျိုးသမီး ၀တ်စုံများကို ၀တ်ဆင်ရမည်ဖြစ်ကြောင်း ဥပဒေတွင် ပါရှိသည်ဟု သိရသည်။

ယင်းဥပဒေသည် ပြီးခဲ့သည် ဗုဒ္ဓဟူးနေ့မှ စတင်၍ အသက် ၀င်မည် ဖြစ်သည်ဟုလည်း ယင်းသတင်းတွင် ရေးသားထားသည်။

ထိုင်းနိုင်ငံ ကျန်းမာရေးဝန်ကြီးဌာနက ဆေးရုံများနှင့် ဆေးခန်းများကို ယခင်နှစ် အတွင်းက လိင်ပြောင်း ၀န်ဆောင်မှုများယာယီ ရပ်ဆိုင်းရန်နှင့် ခွဲစိတ်ကုသမှုကို သေချာစွာ စောင့်ကြည့်ရန် ညွန်ကြား ထားကြောင်း သိရသည်။

ထိုင်းနိုင်ငံ ဆေးပညာ ကောင်စီမှ ဒေါက်တာ Dr. Sampandh Komritက “ဒါဟာ ဘ၀အတွက် အရမ်း အရေးကြီးတဲ့ ဆုံးဖြတ်ချက်တရပ်ပါ၊ ခွဲစိတ်ပြီးရင် ဘယ်လိုမှ ပြန်ပြောင်းလို့ မရတော့ဘူး၊ ဒါဟာ အသေး အမွှားကိစ္စ မဟုတ်ပါဘူး၊ ဆယ်ကျော်သက် အနေနဲ့ သူငယ်ချင်းလုပ်လို့ လိုက်လုပ်လို့ မရပါဘူး၊ ခွဲစိတ် မယ့်သူတွေ အနေနဲ့ တနှစ် အနည်းဆုံးစောင့်ရမယ်” ဟု ယင်းသတင်းက ဆိုသည်။

လိင်တူချစ်သူတဦး ဖြစ်သူ ကရင် အဆိုတော် ယူရီက“ ထိုင်းနိုင်ငံမှာ အခုလို ဥပဒေ ထုတ်လိုက်တာ အရမ်း ကောင်းပါတယ်၊ ၁နှစ် အတောအတွင်းမှာလည်း ဆရာဝန်က မျက်ခြည်မပြတ် စောင့်ကြည်မယ် ဆိုတော့ ပိုကောင်းတာပေါ့နော်၊ ထိုင်းနိုင်ငံက လိင်တူချစ်သူတွေနဲ့ ပတ်သက်ပြီးတော့ အရင်က ဥပဒေမရှိဘူး၊ တားမြစ်တာ မရှိသလို ထောက်ခံတာလည်း မရှိခဲ့ဘူး၊ အခုတော့ လိင်ပြောင်းတာနဲ့ပတ်သက်တဲ့ ဥပဒေ ထွက်လာတဲ့ အခါကျတော့ နိုင်ငံရေးအရ တော်တော်လေး အခြေအနေကောင်းပါတယ်၊ နောက်ထပ် ဒီထက်ပိုတဲ့ အလေးပေးမှုတွေရမှာ ဖြစ်ပါတယ်၊ မြန်မာနိုင်ငံမှာ ဆိုရင်တော့ အရမ်းကောင်းမှာပဲလေ” ဟု ဆိုသည်။

အဆိုပါ ဥပဒေသည် ယခင်ကတည်းက ရှိခဲ့သော်လည်း ခွဲစိတ်မှုပြုလုပ်ရန် ၃နှစ်ခန့် စောင့်ဆိုင်းရကြောင်း၊ လိင်ပြောင်းလဲလိုသူများသည် အသက် ၁၈နှစ် ပြည့်ရန်နှင့် အုပ်ထိန်းသူက ခွင့်ပြုရန် လိုအပ်ကြောင်း ယင်းကာလအတွင်း တပတ်လျှင် တကြိမ်ကျ ဆရာဝန်နှင့် တွေ့ဆုံရန်လိုအပ်ကြောင်း ၎င်းက ဆက်ပြောသည်။

“လူကို လူလိုသာ မြင်တတ်မယ်ဆိုလို့ရှိရင် လိင်တူချစ်သူတွေကို ဖိနှိပ်မှာလဲ မဟုတ်ဘူး၊ လိင်တူ ချစ်သူတွေ လည်း သူတို့ခံစားချက်နဲ့သူတို့ပဲလေ၊ မြန်မာပြည်မှာက သူတို့ အစွဲထဲမှာက လိင်တူချစ်သူတွေဆိုရင် အခြောက်တွေ၊ ရှောက်သီးဆေးပြားရောင်းတဲ့သူတွေ ဆိုပြီးတော့ နှိမ်ချင်ကြတယ်၊” ဟု ယူရီက ဆိုသည်။

ရန်ကုန်မြို့တွင်လည်း သြဂုတ်လအတွင်းမှ စတင်ကာ လိင်ပြောင်းလဲခြင်းဆိုင်ရာ ၀န်ဆောင်မှု စနစ်သစ်တခုကို ထိုင်းနိုင်ငံ၊ ဘန်ကောက်မြို့ အခြေစိုက် ပေါင်လို (၀်) ဆေးရုံကြီး (Paolo Memorial Hospital) ၏ မြန်မာနိုင်ငံရုံးခွဲက ပထမဆုံးအကြိမ်အဖြစ် စတင်ဝန်ဆောင်မှု ပေးနေပြီဖြစ်သည်။

အမျိုးသားဘ၀မှ အမျိုးသမီးအဖြစ်သို့ လိင်ပြောင်းလဲမည်ဆိုပါက အချိန်နှစ်ပတ်ကြာ ဆေးရုံ တက်ကုသမှု ခံယူရမည်ဖြစ်ပြီး အမျိုးသမီးဘ၀မှ အမျိုးသားအဖြစ်သို့ လိင်ပြောင်းလဲပါက ၁ နှစ်မှ ၂ နှစ်အထိ အချိန်ယူ ဆေးကုသမှုခံယူပြီးမှ ခွဲစိတ်ပြုပြင်လိင်ပြောင်းလဲနိုင်ကြောင်း သိရသည်။

ရန်ကုန်မြို့မှ လိင်တူချစ်သူ အမျိုးသားတဦးကမူ အမျိုးသားဘ၀မှ အမျိုးသမီးဘ၀သို့ လိင်ပြောင်းလဲ ချင်ကြ သော လိင်တူချစ်သူအမျိုးသားအများအပြား ပြည်တွင်းတွင်ရှိနေပြီး ငွေလည်းတတ်နိုင်ကြကြောင်း၊ လိင်ပြောင်းလဲရန် မည်သို့မည်ပုံ ပြည်ပဆေးရုံများနှင့် ဆက်သွယ်ဆောင်ရွက်ခွဲစိတ်မှုခံယူရမည်ကိုမသိရှိကြ သူက အများစုဖြစ်နေကြောင်း ပြောဆိုသည်။

ဖိလစ်ပိုင် ငါးဖမ်းသမား ၁၄ ဦး အိမ်ပြန်နိုင်ရေး သံတမန်တွေ ကြိုးပမ်း


မြန်မာ့ရေပိုင်နက်ထဲ တရားမ၀င် ငါးဖမ်းမှုနဲ့ ပြီးခဲ့တဲ့ သီတင်းပတ်ထဲမှာ အဖမ်းအဆီး ခံခဲ့ရတဲ့ ဖိလစ်ပိုင် ငါးဖမ်းသမား ၁၄ ဦး ပြန်လွတ်မြောက်ရေးအတွက် မြန်မာနိုင်ငံက ဖိလစ်ပိုင် သံအရာရှိတွေ ကြိုးစားနေကြပါတယ်။

ဖိလစ်ပိုင် သံအရာရှိတွေဟာ အဖမ်းခံနေရတဲ့ ငါးဖမ်းသမားတွေနဲ့ တွေ့ခွင့်ရခဲ့ပြီး သူတို့ကို အိမ်ပြန်ပို့နိုင်ဖို့ စီစဉ်ခဲ့ကြတယ်လို့ ရန်ကုန် ဖိလစ်ပိုင်သံရုံးက ကြာသပတေးနေ့မှာ ပြောကြားလိုက်ပါတယ်။

မြန်မာစစ်တပ် အာဏာပိုင်တွေဟာ နိုဝင်ဘာလ ၁၈ ရက်နေ့က ထိုင်ဝမ် ငါးဖမ်းလှေ အများအပြားကို ဖမ်းဆီးခဲ့ပြီး ဖိလစ်ပိုင်နိုင်ငံသား ၁၄ ဦး အပါအ၀င် ငါးဖမ်းသမား ၁၂၈ ဦးကို ထိန်းသိမ်းခဲ့ပါတယ်။ အဲဒီထဲက အများစုဟာ အင်ဒိုနီးရှား နိုင်ငံသားတွေ ဖြစ်တယ်လို့ ဒေသတွင်း သတင်းတွေမှာ ဖော်ပြကြပါတယ်။

သူတို့ကို ရန်ကုန်က နာမည်ကြီး အင်းစိန်ထောင်မှာ ဖမ်းဆီးထိန်းသိမ်းထားတယ်လို့ အမည်မဖော်လိုတဲ့ သံတမန်တဦးရဲ့ ပြောကြားချက်ကို ကိုးကား ဖော်ပြပါတယ်။ အင်းစိန်ထောင်ဟာ ညှဉ်းပန်းနှိပ်စက်မှုနဲ့ နာမည်ကြီးတဲ့ထောင် ဖြစ်ပြီး မကြာခင်ကဘဲ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ထိန်းသိမ်းခဲ့ပါသေးတယ်။

အဖမ်းဆီးခံနေရတဲ့ အထဲမှာ တရုတ်ပြည်မနဲ့ ထိုင်ဝမ်က ငါးဖမ်းသမားတွေလည်း ပါတာမို့ ဒီလူတွေရဲ့ လုံခြုံရေးနဲ့ ရပိုင်ခွင့်တွေကို အကာအကွယ်ပေးဖို့ တရုတ်အစိုးရက မြန်မာအာဏာပိုင်တွေကို တောင်းဆိုခဲ့တယ်လို့ ဆင်ဟွာသတင်းမှာ ဖော်ပြထားပါတယ်။

မြန်မာနိုင်ငံမှ လက်နက်ကိုင်အဖွဲ့ အချို့ မူးယစ်ဆေးတွေ ဖြန့်ဖြူးနေ


အာရှတိုက်ဟာ တရားမ၀င် စိတ်ကြွ မူးယစ်ဆေး ဖောက်ကားမှု မြင့်မားလာနေလို့ အန္တရာယ် ကြီးလာနေပြီလို့ ကုလသမဂ္ဂ မူးယစ်ဆေးနဲ့ ရာဇ၀တ်မှုခင်း ထိန်းချုပ်ရေး အေဂျင်စီက ကြာသပတေးနေ့မှာ အစီရင်ခံစာတစောင် ထုတ်ပြန်ကြေညာလိုက်ပါတယ်။

မြန်မာနိုင်ငံမှာ လက်နက်ကိုင် တိုင်းရင်းသား အုပ်စုတွေက မူးယစ်ဆေး မှောင်ခို ရောင်းဝယ်ဖောက်ကားကာ ငွေရှာရပ်တည်နေကြတယ်၊ မြန်မာနိုင်ငံကလာတဲ့ မူးယစ်ဆေးတွေထဲ ဘိန်းပေါ်မှာ အခြေခံထားတဲ့ ဘိန်းဖြူလို မူးယစ်ဆေးမျိုး၊ ATS စိတ်ကြွဆေးလို မူးယစ်ဆေးမျိုး ပါဝင်တယ်၊ စသဖြင့် ကုလသမဂ္ဂ အေဂျင်စီ အရှေ့အာရှနဲ့ ပစိဖိတ်ဒေသ ကိုယ်စားလှယ်က ဘန်ကောက်မြို့မှာ သတင်းထောက်များအား အကျယ်တ၀င့် ရှင်းလင်းပြောဆိုသွားပါတယ်။

နယ်စပ်ကျော်ဖြတ် မူးယစ်ဆေး မှောင်ခို ရောင်းဝယ်ဖောက်ကားမှု ကြီးထွားလာနေပြီလို့ ကုလသမဂ္ဂ မူးယစ်ဆေးနဲ့ ရာဇ၀တ်မှုခင်း ထိန်းချုပ်ရေး အေဂျင်စီ အရှေ့အာရှနဲ့ ပစိဖိတ်ဒေသ ကိုယ်စားလှယ် ဂယ်ရီ လူးဝစ်စ်က ဘန်ကောက်မြို့မှာ သတင်းထောက်များအား ပြောကြားပါတယ်။

လက်ခုပ်ကုန်း Cyclone Shelter

အောင်ထက်
ရန်ကုန်တိုင်း၊ ကွမ်းခြံကုန်းမြို့နယ် လက်ခုပ်ကုန်းကျေးရွာတွင် တည်ဆောက်လျက်ရှိသည့် Cyclone Shelter မှာ ၂၀၁၀ မတ်လ တွင် ပြီးစီးမည်ဟု နိုင်ငံပိုင်ရုပ်သံတွင် ဖော်ပြနေသော်လည်း မျက်မြင်အခြေအနေအရ ရှေ့နှစ် ဒီဇင်ဘာပြီးစီးရန်ပင် မဖြစ်နိုင်ကြောင်း Asia World ဆောက်လုပ်ရေးမှ တာဝန်ရှိသူတဦးက ပြောသည်။

မူလက ဆယ်အိမ်တန်းကျေးရွာတွင် Cyclone Shelter တည်ဆောက်ရန် လျာထားသော်လည်း အဆောက်အအုံ ခံနိုင်ဝန်အားအရ လက်ခုပ်ကုန်းကျေးရွာတွင် ၂၀၀၉ ခု ဖေဖော်ဝါရီလ၌ စတင်တည်ဆောက်ခဲ့သည်။

ယင်း Shelter သည် လေပြင်းဒဏ်ခံနိုင်ရန် အခုံးပုံသဏ္ဌာန် ခြေတံရှည် (၂) ထပ်ဖြစ်ပြီး (၆) ဧကအကျယ်မြေနေရာ၌ အဆောက်အအုံအကျယ်အ၀န်း (၁၃၅) ပေ ပတ်လည် တည်ဆောက်နေခြင်းဖြစ်သည်။

ဘေးအကာနံရံ (၃) ပေထုနှင့် အဆောက်အအုံအပေါ်ထပ်၌ သောက်ရေကန် (၂) ကန်ထားရှိမည်ဖြစ်ကြောင်း၊ ရေကန် (၂) ခုကြား ရဟတ်ယာဉ်ဆင်းသက်ရန် ကွင်းတခုပါရှိမည်ဖြစ်ပြီး (၂၄) နာရီ မီးပေးစနစ် ကျင့်သုံးမည်ဖြစ်ကြောင်း၊ အသက်ကယ်ကုန်း တည်ဆောက်မှုမှာ (၅၀) ရာခိုင်နှုန်း ပြီးစီးနေပြီဖြစ်ကြောင်း Asia World ဆောက်လုပ်ရေးမှ တာဝန်ရှိသူတဦးက ပြောသည်။

တည်ဆောက်ရန် ထိုသို့ အစီအစဉ်ရှိသော်လည်း ယနေ့အထိ (၁၀) ပေခန့် အောက်ခံဖောင်ဒေးရှင်းနှင့် ကွန်ကရစ်တိုင် ထူသည့်အဆင့်သာ ပြီးစီးသေးသည်။

သိန်းပေါင်း သောင်းချီကုန်ကျနိုင်မည့် ယခုကဲ့သို့ Shelter ဆောက်လုပ်ခြင်းထက် စီးပွားရေး လုံးဝဆုတ်ယုတ် ကျဆင်းသွားသည်မှာ (၇) နှစ်ခန့်ရှိပြီဖြစ်သော လက်ခုပ်ကုန်း ကမ်းခြေဟိုတယ်လုပ်ငန်းများ၊ တွံတေးလိုင်းခွဲမှ ယူထားသော လျှပ်စစ်မီးစနစ်နှင့် ဆက်သွယ်ရေး ဖုန်းလိုင်းများ ပြည့်စုံကောင်းမွန်ရန်သာ ဒေသခံတို့က ပိုမိုလိုလားနေကြသည်။

ဒလ-လက်ခုပ်ကုန်း ကားလမ်းသည် (၂၈) မိုင်ရှည်လျားပြီး ဓနုတ်ကျေးရွာအထိသာ ကတ္တရာလမ်းသား အတန်အသင့်ရှိသည်။ ဓနုတ်ကျေးရွာအလွန် ၀ါးဘလောက်သောက်၊ နှစ်ခွရွာ၊ ရေတိမ်ရွာတို့မှသည် လက်ခုပ်ကုန်းကျေးရွာအထိမှာ မြေသားရော ကတ္တရာလမ်းဖြစ်သည်။ ခရီးသည်တင် ဂျစ်ကား (၂) စီးသာထွက်ရှိပြီး နေ့တ၀က်မောင်းရသည်ဟု သိရသည်။

ယခင်က လက်ခုပ်ကုန်းကမ်းခြေသည် လှိုင်းလေထန်၍ လှေလှော်ရွက်တိုက်အသင်းများ လာရောက်လေ့ကျင့်ခဲ့ကြသည်။

ပင်လယ်လေလှိုင်းအားနှင့် ပန်ကာဒလက်များ လည်ပတ်စေကာ လျှပ်စစ်ထုတ်ယူရန် နှစ်ရှည်သုတေသနပြုခဲ့ဖူးပြီး ခရီးသွားလုပ်ငန်း အထူးဇုန်အဖြစ် နအဖမှ သတ်မှတ်ကာ ဒေသဖွံ့ဖြိုးရေးကို ဆောင်ရွက်ခဲ့သည်။

သို့သော် ပင်လယ်သဘာဝ ပြောင်းလဲမှုအရ လက်ခုပ်ကုန်းကမ်းခြေနှင့် (၁) မိုင်ခန့်အကွာ၌ သောင်ရှည်ကြီး ပေါ်ထွန်းလာပြီး ကမ်းခြေသို့ လှိုင်းမရိုက်တော့ဘဲ ခရီးသွားကျဲပါးလာကာ လက်ခုပ်ကုန်း ဟိုတယ်လုပ်ငန်းများ၊ ဒေသခံတို့၏ ရောင်းဝယ်ဖောက်ကားမှုများ ပျက်စီးခဲ့ရသည်။

နာဂစ်လေဘေးသင့်စဉ်က လက်ခုပ်ကုန်းကျေးရွာအုပ်စုတွင် (၄) ပေခန့် ပင်လယ်ရေ မြင့်တက်ခဲ့ပြီး လက်ခုပ်ကုန်းရွာသား (၃) ဦး သေဆုံးခဲ့သည်။

မော်လမြိုင် နှစ်ထပ်ဈေးမှ အမြတ်ငွေ သိန်းပေါင်း သိန်းချီရ

လင်းနိုင်ဦး
ဗိုလ်ချုပ်ကြီးသူရရွှေမန်း၏သား အဓိကရှယ်ယာပါဝင်သည့် ဧရာဟင်္သာကုမ္ပဏီသည် မော်လမြိုင် အမှတ် (၁) ဈေး ဆောက်လုပ်ရာ တွင် အမြတ်ငွေ ကျပ် သိန်းပေါင်း (၁) သိန်းကျော် ရရှိခဲ့ကြောင်း အဆိုပါ ဆောက်လုပ်ရေးလုပ်ငန်း၌ ပါဝင်ခဲ့သူ အင်ဂျင်နီယာတဦးက ပြောသည်။

၎င်းက “ကျနော်တို့ ဈေးဆောက်တာ ဆိုင်ခန်းပေါင်း (၁,၃၃၆) ခန်း ထွက်တယ်။ မူလပိုင်ရှင်တွေရဲ့ အခန်း (၁,၁၂၄) ခန်းကို တခန်း ကျပ် သိန်း (၅ဝ) သွင်းခိုင်းတာက ကျပ်သိန်းပေါင်း (၅၆,၂ဝဝ) ရတယ်။ ကုမ္ပဏီခွဲတမ်းက ပိုတဲ့ အခန်းပေါင်း (၂၁၂) ခန်း ကို အနည်းဆုံး ကျပ်သိန်း (၄ဝဝ) လောက်နဲ့ ဈေးဖွင့်ရောင်းတာ၊ အကြမ်းဖျဉ်း ကျပ်ငွေ သိန်းပေါင်း (၈၄,၈ဝဝ) ရတယ်။ စုစုပေါင်းဝင်ငွေ သိန်းပေါင်း (၁) သိန်း (၄) သောင်း ကျော်တယ်။ ဈေးဆောက်တာက ကျပ်သိန်း (၄) သောင်း မကုန်ဘူး။ ဒီတော့ စုစုပေါင်းအမြတ်ငွေ ကျပ် သိန်းပေါင်း (၁) သိန်းကျော်ရတယ်” ဟု ပြောသည်။

အဆိုပါ ဧရာဟင်္သာကုမ္ပဏီသည် ဗိုလ်ချုပ်ကြီးရွှေမန်း၏သား အောင်သက်မန်း၊ မော်လမြိုင်မြို့ခံ တိုင်းမှူးနှင့် ရင်းနှီးသည့် စီးပွားရေးသမားများပါဝင်ပြီး အမှတ် (၁) ဈေး ဆောက်ရန်အတွက် ဖွဲ့စည်းခဲ့ခြင်းဖြစ်သည်။

ဈေး မီးလောင်ပြီးနောက်ပိုင်း မော်လမြိုင်အခြေစိုက် ဆောက်လုပ်ရေးကုမ္ပဏီများ ဈေးသစ်ဆောက်လုပ်ခွင့်ရရန် အရှေ့တောင်တိုင်း စစ်တိုင်းမှူးထံ တင်ပြခဲ့သော်လည်း ခွင့်ပြုချက်မရဘဲ ဗိုလ်ချုပ်ကြီးရွှေမန်း၏သားနှင့် ပူးပေါင်းလုပ်ကိုင်ရန် ညွှန်ကြားရာမှ ယခုကုမ္ပဏီ ပေါ်ပေါက်လာခြင်းဖြစ်သည်။

ယခုကဲ့သို့ ဧရာဟင်္သာ ကုမ္ပဏီက ခွဲတမ်းရမည့်ဆိုင်ခန်းများ ဈေးကောင်းရအောင် ဆိုင်ခန်းနေရာများကို မသမာသည့်နည်းဖြင့် ရယူခဲ့ကြောင်း ဈေးသာယာရေး ကော်မတီဝင်တဦးက ပြောသည်။

၎င်းက “ကုမ္ပဏီဟာ ဈေးကောင်းရမယ့် နေရာကောင်းမှန်သမျှ ကြိုတင်ရယူထားပြီး ကျန်နေရာတွေကိုသာ မဲနှိုက်နေရာချထားပေးခဲ့တာ။ မူလ ဆိုင်ခန်းပိုင်ရှင်တွေ မကျေနပ်ကြပေမယ့် ဘာမှ မတတ်နိုင်ဘူး” ဟု ပြောသည်။

ယခုကဲ့သို့ ဖြစ်ရပ်မျိုး ယခင် မြိုင်ရတနာ နှစ်ထပ်ဈေး ဆောက်ပြီး၍ ဆိုင်ခန်းနေရာ ချထားစဉ်ကလည်း ကြုံခဲ့ရကြောင်း၊ ယင်းအချိန်က ဆိုင်ခန်းနေရာချထားမှုကို ပြည်နယ်ခန်းမတွင်ပြုလုပ်စဉ် ဈေးမိဈေးဖများက ကောင်းမွန်စွာ တင်ပြတောင်းဆိုခဲ့သော်လည်း ခရိုင်ငြိမ်ဝပ်ပိပြားမှု တည်ဆောက်ရေး ဥက္ကဋ္ဌက ရိုင်းစိုင်းစွာ ပြောဆိုခဲ့ကြောင်း အဆိုပါ ဈေးသာယာရေးကော်မတီဝင်က ပြောသည်။

၎င်းက “ဈေးသူဈေးသားတွေအပေါ် လက်ရှိ စည်ပင်နဲ့ ဒေသဆိုင်ရာအာဏာပိုင်တွေရဲ့ ဆက်ဆံပုံဟာ အရင်ကနဲ့မခြား ဘာမှမထူးခြားဘူး” ဟု ပြောသည်။

၁၉၈၉ ခုမတိုင်မီ မဆလခေတ်၌ မော်လမြိုင်မြို့သည် မှောင်ခိုမြို့တော်ဖြစ်ခဲ့ပြီး နောက်ပိုင်း ဈေးမြို့တမြို့ ဖြစ်လာကာ ဈေးဆိုင်တည်ခင်းရောင်းချမှု အဓိကဖြစ်လာသည့်အတွက် ဈေးများမှ ဆိုင်ခန်းများမှာ အလွန်တန်ဖိုးကြီးမြင့်ကြောင်း စုံစမ်းသိရသည်။

ဒေါ်လာဈေး ကျဆင်းမှုကြောင့် အန်ဂျီအိုများ အခက်ကြုံ


အောင်ကျော်မိုး
ဒေါ်လာအပါအဝင် နိုင်ငံခြားငွေဈေးများ ကျဆင်းနေ၍ အန်ဂျီအိုလုပ်ငန်း လုပ်ကိုင်နေသူများ အထူးထိခိုက်နစ်နာနေရကြောင်း နာဂစ်ဒေသ ကယ်ဆယ်ရေးလုပ်ငန်း လုပ်ကိုင်နေသည့် အန်ဂျီအိုတခုမှ ဆရာဝန်တဦးက ပြောသည်။

၎င်းက “ကျနော်တို့ကို နိုင်ငံရပ်ခြား အန်ဂျီအိုတွေကနေ နာဂစ်ကယ်ဆယ်ရေးမှာ သုံးဖို့ ပုံမှန် ငွေပို့ပေးတယ်။ တချို့ငွေတွေကို နိုင်ငံခြားရင်းနှီးမြှုပ်နှံမှု ဘဏ်ကနေ တရားဝင်လွှဲပေးပြီး ဒီမှာ အက်ဖ်အီးစီနဲ့ ပြန်ထုတ်သုံးတယ်။ နောက် တချို့ဒေါ်လာအဖြစ်နဲ့ပဲ လူနဲ့သယ်လာပြီး သုံးတယ်။ အဲဒီ (၂) မျိုးစလုံးကို ကျပ်ငွေနဲ့လဲပြီး သုံးရတာမို့ အခု ဒေါ်လာဈေးကြောင့် ကျနော်တို့ဆီ ဝင်လာတဲ့ ငွေတွေဟာ ပြီးခဲ့တဲ့ လကနဲ့စာရင် (၁ဝ) ရာခိုင်နှုန်းကျော် လျော့သွားတယ်။ ဒါပေမယ့် ကျနော်တို့ ဒီမှာ မြန်မာကျပ်ငွေနဲ့ ပြန်ပြီး ဝယ်ခြမ်းသုံးနေရတာတွေက တခုမှ ဈေးမကျဘူး။ ဒီအတွက် နဂိုက ကျနော်တို့ တင်ထားတဲ့ proposal တွေကို အဆင်ပြေအောင် လုပ်နိုင်ပါ့မလား မသိဘူး” ဟု ပြောသည်။

အလားတူ ပြည်တွင်းရှိ အန်ဂျီအိုအဖွဲ့တွင် အလုပ်လုပ်နေသူများ၊ သံရုံးတို့၌ အလုပ်လုပ်နေသူများမှာလည်း ဒေါ်လာဈေးကြောင့် ၎င်းတို့ဝင်ငွေများ (၁ဝ) ရာခိုင်နှုန်းကျော် လျော့ကျသွားကြောင်း အဆိုပါဆရာဝန်က ပြောသည်။

နိုင်ငံခြားတွင် အလုပ်လုပ်ပြီး မြန်မာပြည်တွင်းသို့ ငွေပြန်ပို့သည့် သန်းနှင့်ချီရှိသည့် မြန်မာနိုင်ငံသားတို့၏ ဝင်ငွေများလည်း အလားတူ လျော့ကျသွားပြီး အထွေထွေ ကုန်ဈေးနှုန်းများက မကျခြင်းကြောင့် မိသားစုဝင်များ အခက်အခဲ ကြုံရကြောင်း သိရသည်။

နိုင်ငံခြားငွေဖြင့် လစာရနေသူများ၊ နိုင်ငံခြားမှ ငွေပေးပို့မှုကို လက်ခံနေထိုင်စားသောက်သူများသာမက နိုင်ငံခြားသို့ ပို့ကုန်တင်ပို့နေသည့် ပို့ကုန်လုပ်ငန်းများလည်း ထိခိုက်လာနေကြောင်း သိရသည်။

ရေထွက်ပစ္စည်း နိုင်ငံခြား တင်ပို့သူတဦးကလည်း “အခု ကျနော်တို့ ရေထွက်ကုန်ပို့ပြီး ပြန်ရတဲ့ Export Earning ဈေးနှုန်းတွေက ကျပ် (၁,ဝဝဝ) စွန်းစွန်းပဲ ရှိနေတယ်။ ဆိုတော့ ကျနော်တို့ ပို့လိုက်ချိန်တုန်းက ဝယ်ဈေး၊ စရိတ် အဲဒါတွေအားလုံး တွက်လိုက်ရင် ရှုံးတောင် ရှုံးနေတယ်။ ခု ဆက်ပြီး ပို့မလား မပို့ဘူးလား စဉ်းစားနေတယ်” ဟု ပြောသည်။

အလားတူ နိုင်ငံခြားသား ခရီးသွားလုပ်ငန်း လုပ်ကိုင်နေသူများကလည်း ၎င်းတို့၏ ဝန်ဆောင်ခကို ဒေါ်လာငွေနှင့် တွက်ချက် ကောက်ခံထားပြီး ပြည်တွင်း၌ မြန်မာကျပ်ငွေ အသုံးပြုကာ ဝန်ဆောင်မှုပေးနေရသည့်အပေါ် အမြတ်အစွန်း မကျန်သလောက် ဖြစ်လာနေကြောင်း ပြောပြကြသည်။

ရန်ကုန်ဈေးကွက်တွင် ဒေါ်လာပေါက်ဈေးမှာ ပြီးခဲ့သည့်လက (၁) ဒေါ်လာ ကျပ် (၁,၁ဝဝ) နီးပါး ရှိရာမှ ယနေ့ ၂၇-၁၁-ဝ၉ နေ့တွင်မူ (၁) ဒေါ်လာ ကျပ် (၉၉ဝ) ဝန်းကျင်သာရှိပြီး (၁ဝ) ရာခိုင်နှုန်းခန့် ကျဆင်းလျက်ရှိကာ Export Earning ဈေးနှုန်းများမှာလည်း ပြီးခဲ့သည့်လအထိ (၁) ဒေါ်လာ (၁,၁၃ဝ) ဝန်းကျင်ရှိခဲ့ရာမှ ယနေ့ Export Earning ပေါက်ဈေး
(၁) ဒေါ်လာ (၁,ဝ၂ဝ) ဝန်းကျင်သာ ရှိသည်။

ရန်ကုန်မြို့မှ စီးပွားရေးပညာရှင်တဦးက မြန်မာနိုင်ငံတွင် ဒေါ်လာငွေဈေးတက်ပါက ကျန်သည့် အထွေထွေကုန်ဈေးနှုန်းများ လည်း အမြဲတမ်း လိုက်ပါမြင့်တက်လျက်ရှိသော်လည်း ဒေါ်လာငွေ တန်ဖိုးနိမ့်ကျပါက အထွေထွေ ကုန်ပစ္စည်းတန်ဖိုး လိုက်ပါနိမ့်ကျခြင်းမျိုးက နည်းသည့်အတွက် ပြည်သူအများစု အခက်အခဲတွေ့ ဒုက္ခရောက်ရသည်ဟု ပြောသည်။

၎င်းက “ဒီပြဿနာ ပြေလည်ဖို့ဆို စီးပွားရေးလုပ်ငန်းတွေမှာ အမှန်တကယ် လွတ်လပ်စွာ လုပ်ကိုင်နိုင်မှုနဲ့ လွတ်လပ်စွာ ပြိုင်ဆိုင်မှုရှိဖို့ လိုအပ်တဲ့အပြင် မြန်မာကျပ်ငွေတန်ဖိုး တည်ငြိမ်မှုရှိဖို့ လိုအပ်တယ်။ အဲဒီလို မဟုတ်ရင်တော့ မြန်မာ့စီးပွားရေး မတည်မငြိမ်ဖြစ်ပြီး ပြည်သူအများစု ဒုက္ခရောက်ကြမှာဖြစ်တယ်” ဟု ပြောသည်။

ရန်ကုန် တိရစ္ဆာန်ဥယျာဉ် မြေနေရာ ရောင်းချကြောင်းသတင်း မမှန်ကန်

အောင်ထက်
တိရစ္ဆာန်ဥယျာဉ် (ရန်ကုန်) မြေနေရာအား ရောင်းချပြီးဖြစ်၍ တိရစ္ဆာန်များအား မြန်မာပြည်အလယ်ပိုင်း ဘေးမဲ့တောများသို့ ရွှေ့မည်ဟူသော သတင်းများ ရန်ကုန်မြို့အတွင်း ထွက်ပေါ်လျက်ရှိရာ ၎င်းတို့မှာ အခြေအမြစ်မရှိသော သတင်းများသာ ဖြစ်ကြောင်း ရန်ကုန်တိရစ္ဆာန်ဥယျာဉ်၏ အုပ်ချုပ်ရေးမှူး ဦးညိုအေးက ငြင်းဆိုလိုက်သည်။

အသက်အရွယ် အိုမင်းနေသည့် ဟိမ၀န္တာ ၀က်ဝံ (၁၅) ကောင်အား အလောင်းတော်ကဿပ ဘေးမဲ့တောသို့လွှတ်ရန် စီစဉ်နေခြင်းကို ထင်ယောင်ထင်မှား ပြောဆိုနေခြင်းဖြစ်နိုင်သည်ဟု ၎င်းက ပြောသည်။

ရန်ကုန်မြို့ခံများက ရန်ကုန်တိရစ္ဆာန်ဥယျာဉ်ဝင်းအတွင်းမှ တိရစ္ဆာန်များ နည်းသွားသည့်အတွက် ယခင်ကဲ့သို့ ကြည့်ရှုချင်စဖွယ် မရှိဟု ပြောကြသည်။

“နှစ်ချီပြီးနေလာတဲ့ တိရစ္ဆာန်အတော်များများကို မနှစ်က ဇူလိုင်လောက်က နေပြည်တော် တိရစ္ဆာန်ဥယျာဉ်ကို ပို့လိုက်တယ်။ ခုဆို ကြံ့တကောင်၊ သစ်ကုလားအုတ်တကောင်၊ ခြင်္သေ့ဆို လုံးဝမရှိတော့ဘူး၊ အကောင်ငယ်တချို့လောက်ပဲ ကျန်ခဲ့တော့ အနားယူ အပန်းဖြေတဲ့သူ အရမ်းနည်းသွားတယ်” ဟု ကျောင်းဆရာမတဦးက ပြောသည်။

တိရစ္ဆာန်ဥယျာဉ်မှ အုပ်ချုပ်ရေးမှူးကမူ “ရန်ကုန် တိရစ္ဆာန်ဥယျာဉ်က ခွဲပို့တာ နည်းပါတယ်။ မင်္ဂလာဒုံ၊ လှော်ကားဥယျာဉ်က ဘေးမဲ့ တိရစ္ဆာန်တွေရယ်၊ ကျားဖြူ (၂) ကောင်လို ပြည်ပက လာရောက်လှူဒါန်းတဲ့ တိရစ္ဆာန်တွေကိုသာ နေပြည်တော် တိရစ္ဆာန်ဥယျာဉ် ပို့တာဖြစ်တယ်” ဟု ပြောသည်။

တိရစ္ဆာန်ဥယျာဉ် (ရန်ကုန်) ကို ၁၉၀၁ ခုနှစ်တွင် ပြည်သူတို့၏ အလှူငွေ (၂) သိန်း (၄) သောင်းကျပ်ဖြင့် မြေရိုင်း (၆၁) ဧကကို ရှင်းလင်းပြီး စတင်တည်ဆောက်ခဲ့သည်။ ၁၉၀၆ ခု ဇန်န၀ါရီတွင် အသစ်ဆောက်လုပ်ကာ “၀ိတိုရိယဘုရင်မပန်းခြံနှင့် တိရစ္ဆာန်ဥယျာဉ်” ဟု အမည်ပေးခဲ့သည်။

ဥယျာဉ်ဝင်းအတွင်း ၁၉၉၇ ခု အောက်တိုဘာ (၇) ရက်တွင် နိုင်ငံတကာအဆင့်မီ ဘက်စုံကစားကွင်းကို ဖွင့်လှစ်နိုင်ခဲ့သည်။

နေ့စားဝန်ထမ်းများအပါအ၀င် ၀န်ထမ်း (၃၀၀) ခန့် ပုံမှန် လုပ်ငန်းခွင်ဝင်လျက်ရှိပြီး ဥယျာဉ်အတွင်း တိရစ္ဆာန်အစားအစာဆိုင် (၁၂) ဆိုင်၊ ဆိုင်ငယ် (၂၀) ခန့်နှင့် ပြင်ပမှ လစဉ် အခွန်ပေးသွင်းရောင်းချသည့် ဆိုင်များ ဖွင့်လှစ်ထားရှိသည်။

“တနှစ်ထက်တနှစ် လေလံကြေးတွေ မြင့်လာတယ်။ လက်ဖက်ရည်၊ အအေးဆိုင်တွေက တလ (၂၂၅,၀၀၀) ကျပ် ပေးသွင်းရတယ်။ ဆင်အစားအစာအရောင်းဆိုင်ဆို တလ (၁၅) သိန်းလောက်သွင်းရတယ်။ လူအ၀င်နည်းတဲ့ ခုလိုရာသီဆို လစဉ်ကြေးအလျဉ်မီအောင် မနည်းလုပ်နေရတယ်” ဟု ဆိုင်ရှင်တဦးက ပြောသည်။

တိရစ္ဆာန်ဥယျာဉ် (ရန်ကုန်) သည် မြေဧရိယာအကျယ် (၆၉.၂၅) ဧကရှိပြီး နှစ်စဉ် အပန်းဖြေရန် လာရောက်သူ (၁) သန်းခွဲခန့် ရှိကြောင်း သိရသည်။

“တိရစ္ဆာန်ဥယျာဉ်သည် ရန်ကုန်မြို့၏ အထင်ကရ နေရာများဖြစ်သည့် ကန်တော်ကြီး၊ ရွှေတိဂုံဘုရား၊ အလံပြဘုရားလမ်း (စစ်ရုံး) များနှင့် နီးနေသည့်အတွက် လုပ်ငန်းရှင်များက မျက်စိကျနေကြကြောင်း ဗဟန်းမြို့နယ်တွင်းမှ စီးပွားရေးလုပ်ငန်းရှင်တဦးက ပြောသည်။

ရန်ကုန်အဆင့်မြင့် အရောင်းစင်တာများဈေးပိတ်ရက် စတင်သတ်မှတ်


ဝီရ
ရန်ကုန်မြို့တွင်းရှိ ပိတ်ရက် သတ်မှတ်ထားခြင်း မရှိသေးသည့် အဆင့်မြင့် အရောင်းစင်တာကြီးများကို တပတ်လျှင် တရက် ဈေးပိတ်ရက် သတ်မှတ်ရန် သက်ဆိုင်ရာက ညွှန်ကြားထားကြောင်း သိရသည်။

ရန်ကုန်စည်ပင် မြို့နယ်တာဝန်ခံတဦးက “Shopping Center အားလုံးကို ရုံးပိတ်ရက် သတ်မှတ်ဖို့ ညွှန်ကြားထားပြီးပြီ။ ကျန်တဲ့အပိုင်းက သူတို့စင်တာတွေ အချင်းချင်း၊ ဝန်ထမ်းအချင်းချင်းတွေက ပိတ်ရက်ရွေးကြလိမ့်မယ်” ဟု ပြောကြားသည်။

ပထမဆုံးအနေဖြင့် ရန်ကုန်မြို့၏ အကြီးဆုံး ယုဇနပလာဇာကို ဈေးအရောင်းဝန်ထမ်းများ၏ သဘောဆန္ဒအရ တနင်္လာနေ့ကို ဈေးပိတ်ရက်အဖြစ် ပြီးခဲ့သည့်အပတ်က စတင်သတ်မှတ်လိုက်ကြောင်း သိရသည်။

“ဈေးပိတ်ရက်ကို ဒီလို တရားဝင် သတ်မှတ်လိုက်တော့ ကျနော်တို့အတွက် ကိုယ်ပိုင်နားရက် ရပြီပေါ့။ နိုဝင်ဘာ (၃၀) ရက်နေ့ ဒီလကုန်ကျရင် စပိတ်ပေးပြီ။ တလဆိုရင် (၄) ရက် အပြည့်နားလို့ ရပြီပေါ့” ဟု ယုဇနာပလာဇာ အောက်ထပ်မှ အရောင်းဝန်ထမ်းတဦးက ပြောသည်။

ယုဇနာပလာဇာဈေးပိတ်ရက်ကို သတ်မှတ်ပြီးဖြစ်သော်လည်း ကျန်ရှိသည့် အရောင်းစင်တာများနှင့် ကုန်တိုက်ကြီးများမှာမူ သတ်မှတ်ရန် မလွယ်ကူသေးကြောင်း သိရသည်။

ဗဟန်းမြို့နယ် ယုဇနစင်တာမှ အရောင်းဝန်ထမ်းတဦးက “ဒီယုဇနစင်တာလိုပဲ ကျန်တဲ့ ဒဂုံစင်တာတို့၊ ရန်ကင်း စင်တာတို့ကတော့ ပိတ်ရက်ရွေးဖို့ မသေချာသေးဘူး။ ဆိုင်ရှင်တွေက ဆိုင်မပိတ်ချင်ကြဘူးပေါ့။ ဘာလို့လဲဆိုတော့ အရောင်းဝန်ထမ်းတွေအတွက် နားရက်ကို အလှည့်ကျ ပေးထားပြီးသားဆိုတော့ သိပ်မလွယ်သေးဘူး။ ဒါပေမယ့် ပိတ်ရက်သတ်မှတ်ရမယ်လို့တော့ ကြားထားတယ်” ဟု ပြောသည်။

ရန်ကုန်မြို့ ဗိုလ်ချုပ်ဈေးသည် တနင်္လာနေ့ကို ဈေးပိတ်ရက်အဖြစ် သတ်မှတ်ထားရှိပြီး အခြားအထင်ကရ ဈေးကြီးများ၊ စင်တာများ၊ ကုန်တိုက်များက အခါကြီးရက်မြတ်များတွင်သာ ပိတ်၍ ပုံမှန်ဈေးပိတ်ရက်မျိုး သတ်မှတ်ထားခြင်း မရှိသေးသဖြင့် အရောင်းဝန်ထမ်းတို့က တင်ပြပြီးနောက် သက်ဆိုင်ရာက ယင်းကဲ့သို့ စတင်သတ်မှတ်ရန် ညွှန်ကြားခဲ့ခြင်းဖြစ်သည်။

အရောင်းဆိုင်ဝန်ထမ်းတို့အား ဆိုင်ရှင်များအနေဖြင့် ရက်သတ္တ (၁) ပတ်လျှင် (၄၈) နာရီထက် ပိုမိုခိုင်းစေလျှင် ဥပဒေနှင့် ငြိစွန်းနေသဖြင့် အလုပ်သမားဝန်ကြီးဌာနသို့ တိုင်ကြားနိုင်ကြောင်း လွန်ခဲ့သည့်ရက်ပိုင်းက ရန်ကုန်မြို့တော်ဝန်က ညွှန်ကြားထားသည်။

ဒါကြောင့်ဒင်း က မတရား ရိုကျိုးနေသကိုးဗျ

အခုရက်ပိုင်း ဒေါ်လာဈေးတွေ ကျနေပဗျာ ။ လူတွေလဲ အမျိုးမျိုးသုံးသပ်နေကြပါတယ်။
ဈေးကွက်ကတော့ ကြိုက်ရောင်းကြိုက်ဝယ် ဖြစ်ကြပေါ့ဗျာ။ တချို့ က အမေရိကန် က စီးပွားရေး ကျနေလို့ ဒေါ်လာငွေ ဖောင်းပွ တန်ဘိုးကျ နေလို့လဲ ပြောကြပါတယ်။
တချို့ ကျတော့ လဲ နယ်စပ်မှာ ဘိန်းပေါ်ချိန်ဖြစ်လို့ ဘိန်းက ရတဲ့ ဒေါ်လာတွေ
ပြည်တွင်း ကို လှိမ့်ဝင်လာတယ် ထင်ရတာတွေ ၊ အမျိုးမျိုး ယူဆကြပါတယ် ။
တကယ် က တော့ အစိုးရ ရဲ့ ငွေကြေးပေါ်လစီ က အဓိကအကျ ဆုံးပါ။
ပြည်တွင်း ငွေကြေးဈေးကွက်ထဲ လှည့်ပါတ်ငွေ အများဆုံး ဝင်လာအောင်
သုံးငွေ အများဆုံးထည့်နိုင်တာ လဲ သူပါဘဲ ၊ ဈေးကွက်ထဲ က ကျပ်ငွေ တွေ ကို ပြန်နှုတ်နိုင်
တာ က လဲ အစိုးရ ပါဘဲ ။

အစိုးရ က ရငွေ မရှိဘဲ ပိုက်ဆံ တွေ ရိုက်ပြီး ၊ အသုံးကြမ်းသွားရင် ဗမာငွေ ဖောင်းပွလာမှာပါ။
ရငွေ သုံးငွေ ကို ချင့်ချိန် ပြီး ၊ သူ ရ သလောက်ဘဲ ထိန်းသုံးရင် ၊ငွေဖောင်းပွ နှုန်းရပ်ပါတယ်။
တကယ်လို့ သူ မှာရှိတဲ့ ငွေမာ ကိုပါ ဈေးကွက်ထဲ ချသုံးရင် ၊ ငွေ မဖောင်းတော့ တဲ့ အပြင်
ဈေးကွက်ထဲ ကို ငွေမာ ထည့်သလောက် ဗမာငွေ ဈေးတက်လာပါတယ်။
လက်ရှိ အစိုးရရဲ့ တနှစ် ငွေမာ ဝင်နှုန်း က ဒေါ်လာ လေးဘီလျံကျော် ရှိပါတယ်။

အစိုးရ က တနေ့ကို ပျန်းမျှ ဒေါ်လာ ၁ဝသန်းကျော်လောက် ဈေးကွက်ထဲမှာ သူ သုံးနိုင်ပါတယ်။
အများပြည်သူရဲ့ ငွေမာသုံးအား က နိုင်ငံခြား က သားချင်းတွေ က ပြည်တွင်းက သူ့အိမ်ထောင်
တွေသုံးဘို့ ငွေပြန်ပို့တဲ့ ပမာဏ နဲ့ ၊ ပြည်တွင်း က နေ ၊ အပြင်မှာ ကျောင်းသွားတက်တာ တို့
အလုပ်မရခင် သုံးဘို့ ၊ ငွေထောက်ရတဲ့ ပမာဏ နှိုင်းယှဉ်ရင် ၊ အပြင် က နေ ပြည်တွင်း ကို
ငွေ ပြန်ဝင်တာ က အများကြီး ပိုနေပါတယ်။
ပြည်တွင်း က နေ အပြင် ကို ပြန်ထောက်ပေး ရတာ ၊ ဘယ်သူ မဆို အကြာကြီး မထောက်ရ
ပါဘူး ၊ ကျောင်းနေတဲ့ သူဆိုရင် ၊ ပတ်တိုင်မ်း အလုပ်လေး ရ အောင်ရှာ ၊ ပညာသင်
ထောက်ပံ့ငွေငွေ လျောက်ကြ ၊ ဘဏ်ချေးငွေရှာ ကြ နဲ့ ၊ သူ့ စရိတ် သူ စားနိုင်အောင်
ကြိုးစားပြီး နေကြတာများပါတယ်။

ငွေမာ ကို အများကြီးသုံးဘို့ လိုတာ ကလည်း အစိုးရပါ။ မသုံး တော့ဘဲ ချိုးခြံ နေနိုင်တာ က
လည်း အစိုးရပါ။ အစိုးရ က ဝင်ငွေ မရှိဘဲ ငွေမာ သုံးဘို့ အစီအစဉ် ရှိရင် ငွေဖောင်းပွပြီး
ငွေမာဈေး ထိုးတက်လာပါတယ် ၊ အစိုးရ က ငွေမာ အသုံးမလိုရင် ၊ သူ့ မှာ ရှိတဲ့ ငွေမာ
ကိုပါ ဈေးကွက်ထဲ လှည့်သုံးလာရင် ၊ ငွေမာဈေး ကျလာမှာပါ။

ပြည်တွင်း မှာ သုံးတဲ့ ဗမာငွေ က လှည့်ပါတ် ငွေ ပမာဏ ဘယ်လောက်ရှိတယ် ဆိုတာ
အစိုးရ ကဘဲ သိပါတယ် ။ ရိုက်ထားတဲ့ ငွေစက်ကူ တန်ဘိုးပေါင်း က ဘယ်လောက်
ညနေ တနေကုန်သွားရင် ‘ရိုက်ထားတဲ့ ပိုက်ဆံ တန်ဘိုး ဘယ်လေက် က ဘဏ်ထဲ မှာရှိတယ်
ကျန်တဲ့ တန်ဘိုး ဘယ်လောက် က လူတွေ လက်ထဲ မှာ ရှိတယ် ဆိုတဲ့ စာရင်းဇယား က
အစိုးရ ဘဲ သိတာပါ။ အဲ လူတွေ လက်ထဲ ပိုက်ဆံတွေ များနေရင် ၊ ဘယ်လို ရိုက်ပြီး
ပြန်ယူရမယ် ၊ ဘာတွေ ကို တက်ဈေး နဲ့ ထုတ်ရောင်း ပစ်လိုက်မယ် ၊
မြေ တိုက်ခန်း စက်ရုံ ၊ ဆိုင်ကယ်လိုင်စင် ၊ မော်တော်ကားတွေ အသုတ်လိုက် ရောင်းထုတ်ပြီး
ဘယ်လို ပြန်ဆွဲစား ရမယ် ဆိုတာ သူနားလည်ပါတယ်။

ငွေ က အစိုးရ လက်ထဲ များများပြန်ရောက် လာရင် ၊ ဘယ်လိုထိမ်းရ မယ်ဆိုတာ က လဲ
သူ သိပါတယ် ။ ဂျင် ဝိုင်း မှာ ဂျင်ထိုးကြ သလိုပါ။ ငွေကြေးဖောင်းပွ မှု က
ဘယ် ဝိသမ လောဘသား ၊ ဘယ် ကုန်သည် က မှ လုပ်လို့ မရ ပါဘူး။
ငွေကြေး စနစ်ကို လှည့်ပါတ် မောင်းနှင်နိုင်စွမ်း ရှိသူက သာ အကွက်ရွှေ့လို့ ရတာပါ။
အခု ဆို လူတွေ လဲ ၊ ဟို အကွက် အဆင်ပြေနိုး ၊ ကားဈေးကွက် အိုကေ နိုး
ငွေမာ ကိုင်ထားရင် အဆင်ပြေနိုး ၊ စပါး နဲ့ ပဲ ကိုင် လိုက် ရင် အကွက်ကောင်း ရ နိုး နိုး နဲ့
လူ ပင်ပမ်း ငွေ ပင်ပမ်း ဖြစ်နေကြတာ များပါတယ်။

ကိုင်း သဌေးကြီး ၊ ချမ်းသာသမျှ ပိုက်ဆံ စားပွဲ ပေါ် ပုံပြစမ်းပါ ဆိုရင်
ပြ နိုင် ၊ ကိုင်နိုင် တဲ့ သူ နဲ သွားပါဘီ။ ချမ်းသာ သမျှ က စာရင်း အဖြစ်ဘဲ ရှိနေတာ
များ ကုန်ကြပါဘီ ။ အခု ငွေမာဈေးကွက် က တော့ အစိုးရ က ငွေကို ဘုံးဘောလအော
မသုံးရင် ၊ ပြောင်းဘို့ မရှိပါဘူး ။

ငါးထောင်တန် က လဲ ရိုက်ထားတာ ကြာလှပေါ့ ဗျာ ၊ ဟို အရင် ဦးခင်ညွန့် တို့ ရှိ ကတဲက
ရိုက်ပြီးသားတွေပါ ။ ဟို တုံး ကတဲက ထုတ်သုံးလိုက်ရင် ဒေါ်လာဈေး က အခု အချိန် ဆို
ငွေမာဈေး က ငါးထောင်အောက် ဘယ်ရောက်မှာလဲ ခင်ဗျ။ ပြီးခဲ့ တဲ့ ၂ နှစ်ခွဲ လောက် ကတဲက
အစိုးရ က ငွေကြေးပေါ်လစီ ချိန်းလိုက်ပြီး ဘဏ်စာရင်းတွေ ၊ ပို့ ကုန် သွင်းကုန် စာရင်းတွေ
နေ့တိုင်း ၊ ညနေတိုင်း အပ်ဒိတ်ဖြစ်အောင် လုပ်ပြီး သူ က ဘဲ အထက်စီးရအောင် လုပ်လာတာပါ
အခုထိ ငါးထောင်တန် က နိတ်ပတ်လည်အောင် မထုတ်ပေးသေးပါဘူး။

ငါးထောင်တန် ကို ထုတ်လိုက်လို့ အပြင် မှာ ငွေဈေးပြောင်းရင်
ထိုးရောင်းမဲ့ သူတွေ အများကြီးပါ။ အမေရိကန် က လည်း ၊
သူ့ အကြောင်း နဲ့ သူ ငွေ လည်အောင် လုပ်နေရ မဲ့ အခြေအနေ
မှာ ကဘာ မှာ အမေရိကန် ငွေ က လည်း တန်ဘိုးချ အောင် ပြန်လုပ်နေရတဲ့ အခြေအနေပါ။
အမေရိကန်ငွေ တန်ဘိုး ကျ မှ အမေရိကန် အနေနဲ့ က ပို့ကုန် တိုးလာမှာဖြစ်ပါတယ် ။

တရုပ်ကြီး ဆီ က နည်းတွေ နဲ့ တရုပ်ကြီး ကို ပြန် ပြိုင်နေရတာပါ။
တရုပ်ကြီး က လည်း သူ့ ငွေလဲနှုန်း ကို ပြန် ပြင်ပေးမဲ့ သဘော မရှိတော့ ၊ သူ့ လိုဘဲ
အမေရိကန် က လိုက်ပြိုင် နေရတော့ ၊ နောက်ထပ် တနှစ် လောက်တော့ ဒေါ်လာဈေး
အားနည်းနေဘို့ များပါတယ် ခင်ဗျာ ။ ကဘာ့ စီးပွားရေး က လဲ နေ့ ည မနား
တချိန်လုံး အခြေအနေပြောင်း နေလွန်းပ ဗျာ။

ငါးထောင်တန် က လဲ လူတွေ လက် ထဲ သိပ် မတွေ့ ရပါဘူး ၊ ကျွန့်တော် မှာ တောင်
အခု တရွက် မှ မရှိတော့ ပါဘူး ၊ ကိုင် လဲ မကိုင်ချင်တော့ ပါဘူး ။
ဟို တနေ့ ညနေ က ကားမောင်းသွားရင် ဆပ်ပရိုက် ချက် နဲ့ တွေ့ ပါတယ်။
မော်တော် ပီကယ်က ကားလိုင်စင်စာအုပ် ဝှီးတက် နဲ့ ယဉ်မောင်းလိုင်စင် စစ် ပါတယ်။
ကျွန်တော်လဲ အဆင်သင့်အမြဲထားတော့ အကုန်လုံး ထုတ်ပြနိုင်ပါတယ်။

ပုလိပ် က စာရွက်စာတမ်းတွေ လဲစစ်ပြီးရော အမူအယာ ချက်ချင်းပြောင်းသွားပါတယ်။
ကျွန်တော့ ကို တော် တော် ရိုရို ကျိုးကျိုး ဆက်ဆံပြီး ၊ ဆရာချင်း မိုးမွှန်အောင်
ခေါ်တော့တာပါဘဲ ၊ စာအုပ် ကလေးတွေ ကို တရိုတသေ ပြန်ပေးပြီး ၊
ကား ပြန်ထွက်ခါနီး လမ်းရှင်း ခရာတွေ ဘာတွေ တောင် တွတ်ပေးလိုက်လို့
လုတောင် ဘဝင် အတော်မြင့်သွားပါတယ်။

အင်း ဘာကြောင့် များ ပုလိပ်မင်း က အပိုး ဒီလောက် ကျိုးသွားရပါသလဲ ဆိုတာပါ
စဉ်းစားကြည့်တော့ ငါ့ ကား ကို တော့ ရိုသေစရာ မရှိပါဘူး ၊ ငါ က ဘဲ
ဥပဒိ ရုပ်ကောင်းလွန်းလို့ ‘ဒင်း က လေးစားသွားတာ နေမှာပါ လို့
စိတ်ထဲ အောင်းမေ့ မိပြီး ၊ အတော် ဟုတ်တဲ့ ငါပါလားလို့ ထင်လိုက်မိပါတယ်။

အိမ်ရောက် မှ ၊ ပြန်ကြည့်တော့ ထင်နေခဲ့ မိတာ တွေ က ၊ မှား လှ ပါ လားဗျာ။
ကျွန်တော့် မှာ ငါးထောင်တန် လေး ၊ ၂ ရွက် ရှိတာ ၊ မှား ပြီး သုံးမိ မစိုးလို့
ကားစာအုပ်လေးထဲ ဝှီးတက် နဲ့ အတူ ညှပ်ထား မိတာ ၊ အခု ၊ မရှိတော့ပါလားဗျာ
ဟို ပုလိပ်မင်း ၊ ‘ဒီ ငါးထောင်တန် ၂ ရွက် ကို သူ့ ဘို့ လာဘ် ပေးတယ်
ထင်ပြီး နှိုက်ယူသွား ပါ ပလားဗျာ ၊ ‘ဒါကြောင့်ဒင်း က မတရား ရိုကျိုးနေသကိုးဗျ
နောင်များတော့ တော်ပါဘီ ၊ ငါးထောင် တန် ဆိုရင် မကိုင် ဝန့်တော့ ပါ ဗျား ။

(အေဇော်ကြီး)

Russian Skyscraper 'Will Ruin Historic City'

St Petersburg is in danger of losing its world heritage status as construction of Europe's tallest sky scraper begins. Russian gas giant Gazprom's behind the project, but opponents hope Vladimir Putin will scrap it. Sky's Amanda Walker reports.

Bullet Proof Boat Takes On Whalers


Environmentalists have unveiled their latest weapon in their fight against Japanese whaling fleets. Ian Woods reports

A whistleblower Web site has posted what it says is a half-million text messages from 9/11. CNN's Jeanne Meserve reports.

နာဂစ်ဒေသတွင် စပါးဈေးနှုန်းများ အပြောင်းအလဲဖြစ်

ရိုးမ ၃
စပါးပေါ်ချိန်ကာတွင် ဧရာဝတီတိုင်းအတွင်း စပါးဈေးနှုန်းများ မမှန်ကန်ဖြစ်သည်ဟု လယ်သမားအချို့က ပြောဆိုကြသည်။

ပေါ်ဆန်းမွေးက လေးသိန်း၊ အချွန်အုပ်စုက နှံကားပေါ့ သူက လေးသိန်းတသောင်း၊ ဈေးတွေက ဗြောင်းပြန်ဖြစ်နေတယ်။ အရင်တုန်းက အချောက မြင့်တယ်၊ အကြမ်းက နိမ့်တယ်လေ၊ အခုတော့ ဗြောင်းပြန်ပေါ့။

နာဂစ်ဖြစ်ပြီးကတည်း သုံးပုံတပုံပဲထွက်ပြီး လယ်မလုပ်နိုင်သူမြေကွက်များစွာ လွတ်ကြောင်း လယ်ဧက တသိန်းကျော်ရှိနေသည်အထဲမှ စပါးမှာ နှစ်သိန်းဝန်းကျင်စွာသာ ထွက်ရှိကြောင်း ဒေသခံ လယ်သမားက ပြောသည်။

“ဘိုကလေးမြို့နယ် တနယ်လုံး စိုက်ဧကခန့်မှန်းချက်က တသိန်း ရှစ်သောင်းလောက်ရှိမယ်။ ဒါပေမဲ့အပျက်အစီးတွေနဲ့ မစိုက်နိုင်တဲ့ ကွက်လပ်တွေကျန်တယ်။ စိုက်နိုင်တာဆိုလို့ သုံးသိန်းလောက်ပဲရှိတာ၊ ထွက်နှုန်ုးကျတာပေါ့။”

တိုင်းပြည်၏အောက်ပိုင်းဒေသတွင် ၄၀/ ၆၀ ထိစပါးအထွက်နှုန်းတိုးသော်လည်း နာဂစ်ဒဏ်ခံခဲ့ရသည့် ကျွန်းသာယာတို့ဘက်တွင် ကြွက်များဝင်ဖျက်သဖြင့် ထွက်နှုန်းကျဆင်းနေကြောင်း ၎င်းက ဆက်ပြောသည်။

“ကျွန်းသာတို့ ရွှေညောင်ကြီးတို့ကျတော့ မထွက်ဘူး၊ သက်ဆိုင်ရာကို ငွေတသိန်းခွဲပေးပြီးကြိုရောင်းရတဲ့သဘောပါ စပါးရောင်းပြီး ပြန်ဆပ်ရတာပေါ့၊ တကယ်တမ်းကျတော့ ဒီဈေးတွေက ကုန်သည်တွေထဲမှာပဲ ရတယ်။ စက်ပိုင်ရှင်များအသင်း ဘာညာပေါ့။ နောက်တခုက ဒေသကုန်သည်ကြီးတွေပေ့ါ ပုလဲပေးတွေ၊ ရွှေပေးတွေ၊ ငွေပေးတွေ၊ စက်ပေးတွေ စတဲ့ ရိက္ခာအထောက်အပံ့ပေးတွေနဲ့ ကြိုပြီးတော့ ယူထားရတာကို။ လယ်လုပ်တော့မယ်ဆိုလို့ရှိရင် ပုလဲဓါတ်မြေ့သြဇာ၊ စက်မောင်းဆီ၊ စက်မောင်းခ၊ စတဲ့ ငွေကြေးလုပ်အပ်ချက်တွေရှိတယ်လေ ငှားခက။ အဲဒါတွေကို ငွေကြိုယူလိုက်တဲ့အခါကျတော့ စပါးနဲ့ ချေလိုက်တာက များတာကို။ အဲဒါတော ရလာတဲ့ စပါးတွေကို ထိုးအပ်ရတော့တာပါပဲ။”

ငွေကြေးတတ်နိုင်သူများသာ စပါးထွက်ကိုလက်ဝါးကြီးအုပ်ထားပြီး သာမာန်လယ်သမားက အကျွေးမဆပ်နိုင်ပဲ အခြားစက်များ လက်သိပ်ရောင်းစားပြီး စားဝတ်နေရေးကို ဖြေရှင်းကြရသည်ဟု သူကပြောသည်။

“သိပ်မကြာပါဘူး၊ မတ်လအကုန်လောက်ဆိုရင် ဆန်ပြဿနာတက်မလား မပြောတတ်ဘူး၊ မတရားမှုတွေပေါ်လာ မှာပါ။ အကြွေးမဆပ်နိုင်တဲ့ လယ်သမားတွေအမှုပေါ့။”

အမှိုက်ပစ်လျှင် ဒဏ်ငွေ ကျပ် (၁) သိန်းကောက်မည်ဟု တယက ကြေညာပြန်

မျိုးချစ်သူ
ရန်ကုန်မြို့တွင်းရှိ မြို့နယ်တို့တွင် နောက်ဖေးလမ်းကြားသို့ အမှိုက်ပစ်ပါက ဒဏ်ငွေ ကျပ် (၁) သိန်းထိ တိုးမြှင့်ကောက်ခံမည် ဖြစ်ကြောင်း ရန်ကုန်တိုင်း အေးချမ်းသာယာရေးနှင့်ဖွံ့ဖြိုးရေးကောင်စီ (တယက) က ကြေညာလိုက်သည်။

တယက က ပြီးခဲ့သည့် သြဂုတ်လ ပထမပတ်တွင် ပုဒ်မ (၁၈၈) ထုတ်ပြန်ကာ လမ်းကြားသို့ အမှိုက်မပစ်ရဟု အမိန့်ထုတ်ပြန်ခဲ့ပြီးနောက် ဒဏ်ကြေး (၁) သောင်းကျပ် သတ်မှတ်ကောက်ခံခဲ့ပြီး အောက်တိုဘာလတွင် ဒဏ်ကြေး
(၂) သောင်းကျပ်၊ ထို့နောက် (၅) သောင်းကျပ် အသီးသီးသတ်မှတ် ကောက်ခံပြီးနောက် ယခုအခါ ကျပ် (၁) သိန်းအထိ တိုးမြှင့်ကောက်ခံမည်ဟု ကြေညာလိုက်ခြင်းဖြစ်သည်။

တယက ထုတ်ပြန်သည့် တားမြစ်ဥပဒေတွင် မည်သည့်အမှိုက်ဖြစ်စေ တစုံတယောက်က စွန့်ပစ်ထားကြောင်း တွေ့ရှိပါက သက်ဆိုင်ရာ ဆယ်အိမ်မှူး၊ ရာအိမ်မှူး၊ ရယက အဖွဲ့ဝင်များထံသို့ အကြောင်းကြားရမည်ဖြစ်ပြီး အကြောင်းမကြားပါက အဆိုပါအမှိုက်နှင့် အနီးစပ်ဆုံးအခန်းတွင် နေထိုင်သူများက ၀ိုင်းကြီးချုပ်စနစ်ဖြင့် အဆိုပါ အမှိုက်ပစ်ခြင်းအတွက် ဒဏ်ကြေးပေးဆောင်ရမည်ဟု ပါရှိသည်။

ဒဏ်ငွေသတ်မှတ်သော်လည်း လိုက်နာသူ နည်းပါးနေသေးသည့်အတွက် ယခုကဲ့သို့ ဒဏ်ငွေတိုးမြှင့်ကောက်ခံရခြင်း ဖြစ်ကြောင်း၊ ရန်ကုန်မြို့သည် ကမ္ဘာလှည့် ခရီးသွားများ လာရောက်လည်ပတ်နေသည့် မြို့ဖြစ်သည့်အတွက် မြို့အင်္ဂါရပ်နှင့် လျော်ညီစေရန် အမှိုက်ပစ်ခြင်းကို တင်းကျပ်စွာ တားမြစ်ခြင်းဖြစ်ကြောင်း ကျောက်တံတားမြို့နယ် ကြံ့ဖွံ့အဖွဲ့ဝင်တဦးက ပြောသည်။

ရန်ကုန်မြို့တွင်း နေထိုင်သူအများစုကမူ အမှိုက်ပစ်ရန်နေရာသည် လမ်းမပေါ်တွင်သာ ဖြစ်နေသဖြင့် စည်ပင်ကသာ အချိန်မှန် အမှိုက်သိမ်းရန် အဓိကလိုအပ်သည်ဟု ပြောဆိုကြသည်။

“စည်ပင်က ပြောပါတယ်။ တိုက်ခန်းတွေရဲ့ ရှေ့မျက်နှာစာမှာ အမှိုက်ကို ထားပေးပါ၊ လာ သိမ်းပါ့မယ်တဲ့။ ဒါပေမယ့် မလာတာက များတယ်လေ။ အဲဒီတော့ တယက က ဒဏ်ငွေ ပြစ်ဒဏ် ကောက်ခံတယ်။ ကျနော်တို့က အမှိုက်ကို အချိန်မီလာသိမ်းဖို့ကိုပဲ လိုလားတယ်။ ဒါဆိုရင် ကျနော်တို့လည်း တိုက်ပေါ်ကနေ လွှင့်ပစ်တာမျိုး ဖြစ်စရာ အကြောင်းမရှိတော့ဘူး” ဟု ပန်းပဲတန်း မြို့နယ်အတွင်း နေထိုင်သူတဦးက ပြောသည်။

ရန်ကုန်မြို့တွင်း (၆) မြို့နယ်တွင် နေထိုင်ကြသော ပြည်သူများက လမ်းကြားများတွင် အမှိုက်သိမ်းရန်အတွက် တိုက်ခန်းတခန်းလျှင် ကျပ် (၄,၀၀၀-၅,၀၀၀) အထိ ပေးဆောင်ကြရကြောင်းလည်း မြို့ခံများက ပြောသည်။

မြ၀တီမြို့မှ လောင်းကစားပွဲကြီး


ရဲရင့်
ယခုနှစ်ပွင့်လင်းရာသီ၏ အကြီးမားဆုံး လောင်းကစားပွဲကို မြ၀တီမြို့ အမှတ် (၃) ရပ်ကွက်ရှိ ဓမ္မရန်အောင် ဘုန်းတော်ကြီးကျောင်းတွင် ကျင်းပနေသည်ဟု လောင်းကစားဒိုင်ကြီးတဦးက ပြောသည်။

၎င်းက “ဒီပွဲက မြ၀တီမှာ အကြီးဆုံးပွဲပဲ။ ကစားဝိုင်းက အကြီးအသေးဝိုင်း (၆၀) လောက်ရှိတယ်။ အကောက်ကတော့ ၀ိုင်းကြီး (၁) သိန်း၊ ၀ိုင်းငယ် (၄) သောင်းယူတယ်။ တညကို အကောက် (၁၅) သိန်းလောက်ရတယ်” ဟု ပြောသည်။

ယခုလ (၁၁) ရက်နေ့က စတင်ဖွင့်လှစ်သည့် လောင်းကစားပွဲကို မြ၀တီခရိုင်အာဏာပိုင်များ၏ ခွင့်ပြုချက်ဖြင့် ကျင်းပခြင်းဖြစ်ပြီး လောင်းကစားပွဲကို ဓမ္မရန်အောင်ဘုန်းတော်ကြီးကျောင်း ရန်ပုံငွေပွဲဟု အမည်ခံကာ ကျင်းပခြင်းဖြစ်သည်။

လောင်းကစားဝိုင်းကြီးကြပ်သည့် အ ဖွဲ့ ဝင်တဦးက “အကောက်က ငါတို့ချည်းပဲရတာမဟုတ်ဘူး၊ မြ၀တီက လူကြီးတွေကိုလည်း ခွဲပေးရတယ်၊ ဘုန်းကြီးကျောင်းကိုလည်း လှူရသေးတယ်။ ဒီလိုမှမလုပ်ရင် ဒီနယ်မှာ ဘာမှလှုပ်ရှားမယ် မကြံနဲ့ ပွဲပြီးသွားမယ်” ဟု ပြောသည်။

ပွဲတော်ကာလအတွင်း ဟန်ပြအနေဖြင့် ညစဉ်ကပြသည့် မော်လမြိုင်မှ ဟိန်းချစ်၊ ချစ်ရာဇာ၊ ချစ်ရဲမင်း၊ ချစ်မင်းသူ စသည့်ဇာတ်အဖွဲ့များကိုလည်း ငှားရကြောင်းနှင့် ဒီကေဘီအေမှ သပိတ်ဝင်အိတ်ဝင် မရကြောင်း၊ အဖွဲ့ရန်ပုံငွေအတွက် လာမည့်လအထိ ဆက်လက်ကျင်းပမည်ဖြစ်ကြောင်း အဆိုပါ အဖွဲ့ဝင်က ပြောသည်။

လောင်းကစားပွဲသို့ ညစဉ် လူထောင်ချီလာရောက် ကစားကြသဖြင့် ရပ်ကွက်တခုလုံး ဆူညံနေကာ လောင်းကစားဝိုင်းတို့တွင် လည်း ထိုးသားများကိုမြူဆွယ်ရန် ပြည့်တန်ဆာများပါရှိပြီး ရပ်ကွက်အတွင်း ဥဒဟိုဝင်ထွက်သွားလာနေမှုကြောင့် မှောင်ရီပျိုးစအချိန်တွင် အမျိုးကောင်းသားသမီးများပင်လျှင် အပြင်မထွက်ရဲကြောင်း၊ မြ၀တီမြို့၏ သီးခြားကမ္ဘာကဲ့သို့ဖြစ်နေသော်လည်း အာဏာပိုင်များက တစုံတရာ အရေးယူမှုမရှိကြောင်း ဒေသခံတဦးက ပြောသည်။

မဲဆောက်မြို့မှ (၃၅) ကီလိုမီတာအကွာရှိ မယ်လမတ်မြို့နယ် ၀မ်းဖာရွာတဖက်ကမ်း မြန်မာဘက်ခြမ်းရှိ စခန်းအနီးတွင် ထိုင်းလုပ်ငန်းရှင်တဦးက နိုင်ငံတကာအဆင့်မီ လောင်းကစားရုံတခုကို လွန်ခဲ့သည့် တလကျော်က ဖွင့်လှစ်ခဲ့ရာ မြန်မာနှင့် ထိုင်းနိုင်ငံသားများ နေ့စဉ်သွားရောက်၍ လောင်းကစားကြသည်ဟု သွားရောက်ခဲ့သူ ထိုင်းလူမျိုးတဦးက ပြောသည်။

အဆိုပါလောင်းကစားရုံတွင် အလုပ်လုပ်ကိုင်ရန် အမျိုးသမီးငယ်များအလိုရှိပြီး လစာကောင်းကောင်းရမည်ဟုဆိုကာ ဆက်သွယ်ရန် ဖုန်းနံပါတ်နှင့်အတူ ထိုင်းမြန်မာနှစ်ဘာသာဖြင့် ရေးသားထားသည့် စာရွက်များကိုလည်း ဖြန့်ဝေလျှက်ရှိသည်။

ရန်ကုန်မြို့ကို မီးပေးရန် ညွှန်ကြားထား

အောင်ကျော်မိုး
လာမည့် ၂ဝ၁ဝ ရွေးကောက်ပွဲကာလ မတိုင်မီ ရန်ကုန်မြို့ကို တတ်နိုင်သမျှ လျှပ်စစ်မီးပေးရန် ညွှန်ကြားထားကြောင်း ရန်ကုန်တိုင်း လျှပ်စစ်အင်ဂျင်နီယာရုံးမှ အင်ဂျင်နီယာတဦးက ပြောသည်။

၎င်းက “ရန်ကုန်ကို တတ်နိုင်သမျှ လျှပ်စစ်မီးပေးထားရမယ်ဆိုပြီး နေပြည်တော်ကနေ ကျနော်တို့ကို ညွှန်ကြားလာပါတယ်။ ကျနော်တို့ကလည်း ရေအားလျှပ်စစ်ကနေ လျှပ်စစ်ဓာတ်အား အဝင်နည်းသွားတော့ ဂက်စ်တာဘိုင်တွေ လည်ပေးဖို့လိုတယ်လို့ ပြန်တင်ပြတယ်။ ဒါနဲ့ နေပြည်တော်က စွမ်းအင်ဝန်ကြီးဌာနကိုလည်း ဆက်ပြီးညွှန်ကြားလိုက်တယ်။ ရန်ကုန်ကို တတ်နိုင်သမျှ ဂက်စ်တွေ ပို့ပေးဖို့။ အခု ဂက်စ်တွေ ရောက်လာတော့ ခါတိုင်းနှစ်တွေ ဂက်စ်မရှိလို့ မလည်နိုင်ဘဲ ဖြစ်နေတဲ့ ဂက်စ်တာဘိုင်တွေကို စမ်းပြီး လည်ပတ်နေတယ်။ ဂက်စ်သာ မှန်မှန်ရနေရင် ရန်ကုန်တတိုင်းလုံး လျှပ်စစ်မီး အပြည့်အဝ မပေးနိုင်သေးတာတောင် အရင်နှစ်တွေကလို ခွဲတမ်းနဲ့ ပေးစရာမလိုတော့ဘူး” ဟု ပြောသည်။

သို့သော် ခြောက်သွေ့ရာသီရောက်လာလေ မီးဆွဲအားများလာလေ ဖြစ်သည့်အတွက် မီးအားမနိုင်ဘဲ လျှပ်စစ်ဓာတ်အား ပြတ်တောက်မှုမျိုးကို ကြုံရနိုင်သည်ဟု အဆိုပါ အင်ဂျင်နီယာက ပြောသည်။

“စစ်အစိုးရက လာမယ့် ၂၀၁၀ ရွေးကောက်ပွဲကာလနဲ့ ရွေးကောက်ပွဲအကြိုကာလအတွင်း ရန်ကုန်မှာ မီးမလာဘဲ ပြည်သူတွေ စိတ်ဆိုးဒေါသထွက်ကြမှာကို မလိုလားဘူး။ ဒါကြောင့် တတ်နိုင်သလောက် လျှပ်စစ်မီးပေးနိုင်ဖို့ ဂက်စ်ရလာအောင် ဆောင်ရွက်နေတာဖြစ်တယ်” ဟု ၎င်းက ရှင်းပြသည်။

ပုံမှန်အားဖြင့် ရန်ကုန်မြို့တွင် နှစ်စဉ် သြဂုတ်လ၌ လျှပ်စစ်မီး မှန်မှန်ရလေ့ရှိပြီး ခြောက်သွေ့ရာသီ နိုဝင်ဘာလဆန်းခန့်တွင် ရေအားလျှပ်စစ်ဓာတ်အားပေး စက်ရုံများမှ လျှပ်စစ်ဓာတ်အား အဝင်နည်းသွားသောကြောင့် လျှပ်စစ်မီးကို ခွဲတမ်းဖြင့်သာ ရလေ့ရှိသည်။

၂ဝဝ၉ ခုနှစ်တွင်မူ နေပြည်တော်၌ သုံးစွဲသည့် လျှပ်စစ်ဓာတ်အား ပမာဏ များလာခြင်း၊ ရန်ကုန်ရှိ ဂက်စ်တာဘိုင်များ လည်ပတ်ရန် ဂက်စ် ပံ့ပိုးမပေးခြင်းတို့ကြောင့် မိုးတွင်း၌ပင်လျှင် လျှပ်စစ်ဓာတ်အားရရှိမှု လျော့နည်းခဲ့သည်။

နအဖစစ်အစိုးရသည် လောလောဆယ် ဂက်စ်တာဘိုင်များ လည်နိုင်ရေးအတွက် ဂက်စ်များ ပို့လွှတ်ပေးရုံမက လာမည့်နှစ်၌ ရန်ကုန်တွင် ဂက်စ်လုံလုံလောက်လောက် ရရှိနိုင်ရန် မုတ္တမ - ရန်ကုန် (၂၄) လက်မ သဘာဝဓာတ်ငွေ့ ပိုက်လိုင်းအသစ်ကို သွယ်တန်းလျက်ရှိပြီး အဆိုပါပိုက်လိုင်းကို လာမည့် ၂ဝ၁ဝ မေလ၌ အပြီးသွယ်တန်းနိုင်ရန် လုပ်ဆောင်နေကြောင်း သိရသည်။

အလားတူ အထက်မြန်မာပြည်ဘက်တွင်လည်း အပြီးမသတ်နိုင်သေးသည့် ရဲရွာရေအားလျှပ်စစ်စီမံကိန်းမှ လျှပ်စစ်ဓာတ်အား ထုတ်ယူသုံးစွဲနိုင်ရေးအတွက် စက်တလုံးကို စမ်းသပ်လည်ပတ်ရန် စတင်တည်ဆောက်နေပြီး အဆိုပါစက် လည်ပတ်ရေးအတွက် ဒုဌဝတီမြစ်ရေကိုပိတ်ပြီး ဆည်ရေများ စတင်စုဆောင်းနေပြီဖြစ်သည်။

မြန်မာနိုင်ငံတွင် ၂ဝဝ၅-၂ဝဝ၆ နှစ်မှစ၍ စုစုပေါင်း စက်တပ်ဆင်အား မီဂါဝပ် (၁၆ဝဝ) ကျော်သာရှိသည့်အတွက် လျှပ်စစ်ဓာတ်အား ထုတ်လုပ်မှုပမာဏမှာလည်း ကီလိုဝပ် သန်းပေါင်း (၆,ဝဝဝ) ကျော်မှ မတိုးတက်ဘဲရှိနေသည်မှာ ယခုတိုင်ဖြစ်ကြောင်း အငြိမ်းစား တိုင်းလျှပ်စစ်အင်ဂျင်နီယာဟောင်းတဦးက ပြောသည်။

၎င်းက “ရန်ကုန်အပါအ၀င် တိုင်းနဲ့ပြည်နယ်အသီးသီးမှာတော့ လျှပ်စစ်မီတာတွေ တိုးမြှင့်ရောင်းချခဲ့လို့ ၀င်ငွေကျပ် (၃၈) ဘီလီယံကနေ (၁၆၀) ဘီလီယံလောက်အထိ (၅) ဆနီးပါး တိုးလာပေမယ့် လျှပ်စစ်ဓာတ်အား ရရှိမှုအခြေအနေကတော့ တနေ့တခြား ဆိုးနေတယ်” ဟု ပြောသည်။

ရန်ကုန်တိုင်း လျှပ်စစ်ဓာတ်အားပေးအဖွဲ့သည် ဂက်စ်ရရှိနိုင်သမျှဖြင့် လျှပ်စစ်ဓာတ်အား ပေးနေသောကြောင့် ခွဲတမ်းစနစ် ပြန်လည်ကျင့်သုံးခြင်း မရှိသော်လည်း မီးအား မလုံလောက်သဖြင့် မကြာခဏ မီးပြတ်တောက်မှုများ ရှိနေကြောင်း မြို့ခံများက ပြောသည်။

ပို့ကုန်ငွေရှိသူများကို ကုန်ပစ္စည်းတင်သွင်းခွင့်ပြုတော့မည်

မျိုးချစ်သူ
ပြည်ပပို့ကုန်ငွေ (Export Earning) ရရှိထားသူတိုင်းကို စီးပွားရေးမူဝါဒရေးရာကောင်စီက မည့်သည့်ကုန်ပစ္စည်းမဆို ပြည်ပမှ လွတ်လပ်စွာ တင်သွင်းခွင့်ပြုရန် စီစဉ်နေကြောင်း ပို့ကုန်လုပ်ငန်းရှင်တဦးက ပြောသည်။

၎င်းက “ဒီဇယ်ဆီတွေကို ကော်မတီဖွဲ့ပြီး တင်သွင်းနေကြရာက ပို့ကုန်ဝင်ငွေ ရှိသူတိုင်း တင်သွင်းခွင့်ရတာကို အတိအကျ သတင်းထုတ်ပြန်ခဲ့ပြီးနောက် အခုတခါ ကျန်တဲ့ပစ္စည်းတွေကိုလည်း အဲလိုပဲ တင်သွင်းခွင့်ပေးဖို့ နေပြည်တော်က စီစဉ်နေတယ်” ဟု ပြောသည်။

ပြီးခဲ့သည့် အောက်တိုဘာလအတွင်း ပြည်တွင်း ပုဂ္ဂလိကလုပ်ငန်းရှင်များအား လောင်စာဒီဇယ်ဆီ လွတ်လပ်စွာ တင်သွင်းခွင့် ပြုခဲ့ပြီးဖြစ်ကြောင်း အဆိုပါလုပ်ငန်းရှင်က ပြောသည်။

သတ္တုတွင်းဝန်ကြီးဌာနအနေဖြင့်လည်း ရတနာများကို ပြည်ပက တင်သွင်းခွင့်ပြုတော့မည်ဖြစ်ကြောင်း နေပြည်တော်ရှိ သတ္တုတွင်းဝန်ကြီးဌာနမှ အရာရှိတဦးက ပြောသည်။

၎င်းက “နိုင်ငံခြားငွေရှိတဲ့သူတွေကို ဒီဇယ်တင်သွင်းခွင့်ပြုပြီးနောက် ပုဂ္ဂလိကလုပ်ငန်းရှင်တွေအနေနဲ့  လုပ်ငန်းဆောင်ရွက်ရတာ လွတ်လပ်ခွင့်ရလာတယ်။ ဒါ့ကြောင့် ကျနော်တို့ သတ္တုတွင်းဝန်ကြီးဌာနအနေနဲ့လည်း အဲဒီလိုပဲ တင်သွင်းခွင့်ကို ဖွင့်ပေးလိုက်တယ်၊ လောလောဆယ်တော့ သွင်းမယ့်သူတွေ မပေါ်လာသေးဘူး” ဟု ပြောသည်။

မြန်မာပြည်တွင်း စီးပွားရေးလုပ်ငန်းရှင်များအနေဖြင့် ဒီဇယ်တင်သွင်းခွင့်ကို စိတ်ဝင်စားကြသော်လည်း သတ္တုတွင်းဝန်ကြီးဌာနနှင့် ပတ်သက်သော ရွှေနှင့် အခြားရတနာများကို စိတ်မ၀င်စားကြကြောင်း မြန်မာနိုင်ငံ ရွှေလုပ်ငန်းရှင်များ အသင်းဝင်တဦးက ပြောသည်။

ရတနာကုန်သည်တဦးကမူ “ရွှေကို ကျနော်တို့  မြန်မာနိုင်ငံမှာ ပြည်ပက တင်သွင်းရလောက်အောင်ထိ ဈေးကွက်လိုအပ်ချက်မရှိဘူး။ တခုတော့ ပြောလို့ရတယ်။ ပြည်ပက ဒီဇိုင်းဆန်းတွေကို တင်သွင်း ရောင်းချတာမျိုးပေါ့၊ ဒါလောက်တော့ ရမယ်။ အရေးကြီးတာက မြန်မာက ကျောက်စိမ်းတို့လို တွင်းထွက်တွေကိုပဲ ပြည်ပပို့ကုန်အနေနဲ့ တွင်တွင်ကျယ်ကျယ် လုပ်ပေးနိုင်ဖို့၊ ခွင့်ပြုနိုင်ဖို့ကိုတော့ အားလုံးက လိုလားကြတယ်။ အကောက်ခွန် သက်သက်သာသာနဲ့ပေါ့ဗျာ” ဟု ပြောသည်။

မြန်မာလူမျိုး စီးပွားရေးလုပ်ငန်းရှင်များက ပြည်ပမှ ကားတင်သွင်းခွင့်ကို လွတ်လပ်စွာ လုပ်ကိုင်ခွင့်ရရှိရန် မျှော်လင့်စောင့်ဆိုင်းလျက်ရှိကြကြောင်း ရန်ကုန်မှ နာမည်ကြီး စီးပွားရေးလုပ်ငန်းရှင် အမျိုးသမီးတဦးက ပြောသည်။

၎င်းက “မြန်မာပြည်ကလူတွေ ဇိမ်ခံကားတွေကို ဈေးအဆမတန်ပေး စီးနေရတယ်။ ဒါမျိုးတွေကို ကျမတို့ စီးပွားရေးလုပ်ငန်းရှင်တွေက တင်သွင်းချင်ကြတယ်။ ဒါပေမယ့် အစိုးရက တင်သွင်းခွင့်မပေးဘူး။ ဒါက စီးပွားရေးပိတ်ဆို့မှုတွေနဲ့လည်း ဆိုင်နေတာပေါ့လေ။ Export Earning ရှိတဲ့သူတွေကို ဒီဇယ်တင်သွင်းခွင့် ပြုတယ်ဆိုတာသိရလို့  ကြိုဆိုပါတယ်။ ဖြစ်နိုင်ရင် အရာအားလုံးကို ဖွင့်ပေးစေလိုပါတယ်” ဟု ပြောသည်။

အရောင်းဝန်ထမ်းများ၏ တင်ပြချက် စည်ပင်ထုတ်ပြန်ချက်နှင့် တလွဲစီဖြစ်

ဝီရ
ရန်ကုန်မြို့ စည်ပင်နယ်နိမိတ်အတွင်းရှိ စင်တာနှင့်ကုန်တိုက်များမှ အရောင်းဝန်ထမ်းတို့အား အလုပ်ရှင်များက ရက်သတ္တ
(၁) ပတ်လျှင် (၄၈) နာရီထက် ပိုမိုစေခိုင်းခြင်း မရှိရဟူသည့် မြို့တော်ဝန်၏အမိန့်သည် အရောင်းဝန်ထမ်းတို့၏ လိုလားချက်များနှင့် တခြားစီ ကွဲပြားနေကြောင်း ဝန်ထမ်းများက ပြောသည်။

ဗဟန်းမြို့နယ် ယုဇနစင်တာမှ အရောင်းဝန်ထမ်းတဦးက “ကျမတို့တင်ပြထားတာက စင်တာကြီးတွေနဲ့ ကုန်တိုက်တွေက အရောင်းဝန်ထမ်းတွေအတွက် သက်ဆိုင်ရာ အာဏာပိုင်တွေက တူညီတဲ့ အားလပ်ရက် တရားဝင် သတ်မှတ်ပေးဖို့ပါ။ ဥပမာ ရန်ကုန်မြို့က အရောင်းဝန်ထမ်းတွေအားလုံးရဲ့ အလုပ်နားရက်အဖြစ် တနင်္ဂနွေနေ့ဆိုပြီး သတ်မှတ်ပေးလိုက်။ စင်တာကို မပိတ်ချင်ရင် နေ့တိုင်းဖွင့်လည်း ရတယ်။ ဒါပေမယ့် အဲဒီအားလပ်ရက်မှာ အလုပ်ဆင်းရရင် အချိန်ပိုကြေး အထူးလုပ်အားခ အနေနဲ့ ပေးရမယ်။ ကျမတို့က အဲဒီလို ဖြစ်စေချင်တာ။ အမိန့်ထွက်လာတော့ အလုပ်ရှင်နဲ့ ဝန်ထမ်းတွေ ပြဿနာဖြစ်အောင် တွန်းသလိုဖြစ်နေတယ်” ဟု ပြောသည်။

အရောင်းစင်တာနှင့် ကုန်တိုက်တွင် ပိတ်ရက်မရှိ အလုပ်လုပ်နေကြရသည့် ဝန်ထမ်းများက အလုပ်နားရက် တပြေးညီ သတ်မှတ်ပေးရန် အလုပ်ရှင်နှင့် အာဏာပိုင်တို့ထံ ယခုလဆန်းပိုင်းက တင်ပြခဲ့ပြီးသည့်နောက် ရန်ကုန်မြို့တော်ဝန် ဗိုလ်မှူးချုပ် အောင်သိန်းလင်းက တပတ်လျှင် (၄၈) နာရီထက် ခိုင်းစေလျှင် အလုပ်သမားဝန်ကြီးဌာနသို့ တိုင်ကြားနိုင်ကြောင်း ပြောကြားခဲ့သည်။

သတ်မှတ်ချိန်ထက် ခိုင်းစေလျှင် ဥပဒေနှင့် ငြိစွန်းနေ၍ တိုင်ကြားနိုင်ကြောင်း စည်ပင်သာယာရေးကော်မတီက အရောင်းဆိုင်များတွင် လွန်ခဲ့သည့်အပတ်က စာကပ်ထားသော်လည်း မည်ကဲ့သို့ အရေးယူပေးမည်၊ မည်မျှ အာမခံချက်ရှိမည် စသည့် အသေးစိတ်အချက်အလက်များကိုမူ ဖော်ပြထားခြင်းမရှိချေ။

“နေ့စား အလုပ်သမားပဲဖြစ်ဖြစ်၊ လခစားအလုပ်သမားပဲဖြစ်ဖြစ် (၁) ပတ်မှာ တရက်တော့ အနားပေးရမယ်ဆိုတာ အလုပ်ရှင်တွေသိအောင် ဥပဒေအတိုင်း လိုက်နာအောင် ဒီလိုစာထုတ်တာ။ တိုင်ကြားလို့ ဥပဒေအရ အရေးယူတဲ့ကိစ္စကို စည်ပင်သာယာအနေနဲ့ ဘာမှမလုပ်ပေးပါဘူး။ အလုပ်သမားဝန်ကြီးဌာနကိုပဲ လျှောက်ရမှာ။ စည်ပင်အနေနဲ့က သိဖို့အတွက် စာကပ်ပေးတာ” ဟု ဗိုလ်မှူးချုပ် အောင်သိန်းလင်း ပြောကြားချက်ကို ကိုးကား၍ ယနေ့ထုတ် 7 Day News ဂျာနယ်တွင် ဖော်ပြထားသည်။

ထိုကဲ့သို့ ပြောဆိုချက်သည် လက်တွေ့အခြေအနေတွင် မလွယ်ကူကြောင်းနှင့် လွဲမှားစွာ ချမှတ်လိုက်သည့် အမိန့်သာ ဖြစ်ကြောင်း ဝန်ထမ်းများက ဆိုသည်။

“အခု ကြေညာချက်အတိုင်း သွားတိုင်ရရင် အရောင်းစင်တာတိုင်းက ဝန်ထမ်းတွေ သွားတိုင်ရမယ်လေ။ အရောင်းစင်တာတိုင်းက တနေ့ကို (၁၀) နာရီအထိ ခိုင်းနေတဲ့ဥစ္စာပဲ။ သွားတိုင်ရင် အချိန်ပိုလုပ်ခတို့၊ လျော်ကြေးတို့ ရဖို့ မသေချာပေမယ့် အလုပ်ဖြုတ်မှာတော့ သေချာတယ်။ ဒါကြောင့် ဒီကြေညာချက်က လက်တွေ့မှာ အလုပ်ရှင်နဲ့ အလုပ်သမားအကြား ပြဿနာ ဖန်တီးတာပဲ” ဟု မင်္ဂလာဈေး အထည်ဆိုင်တဆိုင်မှ အရောင်းဝန်ထမ်း မသက်အေးက ပြောသည်။

ရန်ကုန်မြို့ရှိ ယုဇနစင်တာ မန်နေဂျာတဦးက ထိုကြေညာချက်နှင့်ပတ်သက်၍ ယုဇနဝန်ထမ်းများသည် အလုပ်လုပ်ချိန် တရက်လျှင် (၈) နာရီသာ ထားရှိကြောင်း ဖြေကြားခဲ့သော်လည်း အရောင်းဝန်ထမ်းများကမူ မနက်ပိုင်း (၉) နာရီမှ (၁၂) နာရီ အထိ၊ ညနေပိုင်း (၁) နာရီမှ ည (၈) နာရီအထိ တရက်လျှင် (၁၀) နာရီတိတိ အလုပ်လုပ်ကြရကြောင်း ပြောသည်။

ရန်ကုန်မြို့ အရောင်းစင်တာနှင့် ကုန်တိုက်ဝန်ထမ်းတို့သည် တရက်လျှင် အနည်းဆုံး (၉) နာရီ အလုပ်လုပ်ကြရပြီး လစာမှာမူ ကျပ် (၃၅,၀၀၀) မှ (၁) သိန်းဝန်းကျင်ခန့်သာ ခံစားခွင့်ရှိကြသည်။ အရောင်းစင်တာများက ဝန်ထမ်းတို့အား (၁) ပတ်လျှင် အလှည့်ကျ တရက်နားစနစ်ဖြင့် နားစေပြီး ပိတ်ရက်မရှိ လုပ်ငန်းလည်ပတ်စေကြောင်း သိရသည်။

မသက်အေးက “ကြေညာချက်အတိုင်းဆိုရင် တရက်ကို (၈) နာရီ၊ (၁) ပတ်မှာ (၆) ရက် အလုပ်လုပ်ပေါ့။ သက်ဆိုင်ရာက ဒီ့ထက် ပိုသတ်မှတ်သင့်တာက အဲဒီထက် ပိုတဲ့အချိန်တွေဆိုရင် အချိန်ပိုကြေး ပေးဖို့ပါ။ ဒါပေမယ့် ကြေညာချက်မှာ အဲဒါမပါဘဲ သွားတိုင်လို့ရတယ်ဆိုပြီး အပြုသဘောမဆောင်တဲ့ အပေါ်ယံလောက်ပဲ ချမှတ်လိုက်တာ။ ပိုတဲ့အလုပ်ချိန်အတွက် အကျိုးခံစားခွင့်နဲ့ အလုပ်အားရက် တပြေးညီ သတ်မှတ်ဖို့ကြတော့ မချမှတ်ပေးဘူး။ ဒါကြောင့် ဘယ်သူက သွားတိုင်ရဲမလဲ" ဟု ပြောသည်။

နိုင်ငံတော်ပစ္စည်း အလွဲသုံးစားလုပ်မှုဖြင့် သာသနာရေးဝန်ထမ်း (၇) ဦး အပြစ်ပေးခံရ

အောင်ထက်
နိုင်ငံတော်ပစ္စည်း အလွဲသုံးစားပြုမှုဖြင့် သာသနာရေးဦးစီးဌာနမှ ၀န်ထမ်း (၇) ဦးအား နိုဝင်ဘာ (၂၄) ရက်တွင် မရမ်းကုန်းမြို့နယ်တရားရုံးမှ အလုပ်နှင့်ထောင်ဒဏ် (၁၀) နှစ်စီ အပြစ်ပေးလိုက်ကြောင်း သာသနာရေးဦးစီးဌာနမှ သိရသည်။

အဆိုပါဝန်ထမ်းတို့အား ၂၀၀၇ ခုနှစ်တွင် ရုံးတင်တရားစွဲဆိုခဲ့ခြင်းဖြစ်ပြီး ၎င်းတို့သည် ကမ္ဘာအေး မဟာပါသဏလိုဏ်ဂူနံရံများ၌ ကပ်ထားသည့် ဓမ္မစကြာပုံတော်ကြေးဝိုင်းများ၊ ကြေးမောင်းများ၊ နိုင်ငံတော်အဆင့်ပွဲများတွင် အသုံးပြုသည့် ဆိုဖာကုလားထိုင်များနှင့် ကော်ဇောချပ်များအပါအ၀င် စုစုပေါင်းတန်ဖိုး ကျပ်သိန်း (၁၈၀) ခန့်ရှိသည့် ပစ္စည်းများကို အလွဲသုံးစားလုပ် ရောင်းချခဲ့ခြင်းဖြစ်သည်။

ယင်းဝန်ထမ်းတို့သည် မဟာပါသဏ လိုဏ်ဂူတော်အတွင်း တာဝန်ထမ်းဆောင်နေစဉ် အဆိုပါ သံဃိက ပစ္စည်းများကို အကြိမ်ကြိမ် ခိုးထုတ်နေခဲ့ကြခြင်းဖြစ်သည်။

“လိုဏ်ဂူထဲက ခိုးထုတ်နေတာ ကြာပြီ။ ဘယ်သူမှ မသိကြဘူး။ တရက် ည (၇) နာရီလောက်မှာ ကားတစီးပေါ် ကုလားထိုင်တွေ မတင်နေတာကို ဦးစီးအရာရှိ ဗိုလ်ကြီးအောင်ရွှေရဲ့ ဇနီးက မြင်သွားတယ်။ အဲလိုနဲ့ စောင့်ဖမ်းတော့ ဦးသက်နိုင် (ဒု-ဦးစီးမှူး) ခိုးထုတ်နေတုန်း ဖမ်းမိတာပဲ” ဟု လိုဏ်ဂူတော်မှ ၀န်ထမ်းတဦးက ပြောသည်။

တရားခံ ဦးသက်နိုင်အား နိုင်ငံတော်ပစ္စည်း အလွဲသုံးစားမှု (အပခ) အရ အရေးယူပေးပါရန် မရမ်းကုန်းရဲစခန်းသို့ သာသနာရေးဝန်ကြီးဌာန တာဝန်ရှိသူတို့က တရားလိုပြု တိုင်တန်းခဲ့သည်။

ဦးသက်နိုင်အား စစ်ဆေးမေးမြန်းရာမှ ဆက်စပ်တရားခံများဖြစ်သော ဦးမြတ်စိုး (ဦးစီးမှူး၊ နယ်မြေဌာန)၊ လုံခြုံရေးဝန်ထမ်းများဖြစ်ကြသော ဦးအောင်ကျော်သူ၊ ဦးသိန်းမြင့်၊ ဦးဇော်မိုးလွင်၊ ဦးရဲအောင်နှင့် ရေစက်မောင်းဝန်ထမ်း ဦးစောထွန်းတို့အား ဖမ်းဆီးအရေးယူနိုင်ခဲ့သည်။

ယင်းအမှုအား မရမ်းကုန်းတရားရုံးမှ (၂) နှစ်ခန့် ရုံးထိုင်ကြားနာကာ အဆိုပါဝန်ထမ်းတို့အား အလုပ်နှင့်ထောင်ဒဏ် အသီးသီး အပြစ်ပေးခဲ့ခြင်းဖြစ်သည်။

တရားခံတို့၏ ၀န်ခံထွက်ဆိုချက်အရ သက်သေခံပစ္စည်းများကို ပြန်လည်သိမ်းဆည်းနိုင်ခဲ့သည်။

သံဃိက ပစ္စည်းများ လက်ခံဝယ်ယူထားသူ (၄) ဦးအား အစိုးရသက်သေအဖြစ် ဆောင်ရွက်စေကာ အမှုမှ တရားသေ ပြန်လွှတ်ပေးခဲ့ကြောင်း ရန်ကုန်မြို့၊ ကမ္ဘာအေးစေတီလမ်း၊ သာသနာရေးဝန်ကြီးဌာန သာသနာရေးဦးစီးဌာနမှ သိရသည်။

အရက်ကြော်ငြာ ပိတ်ပင်ခြင်းကြောင့် ပုံနှိပ်မီဒီယာ ရပ်တည်ရေး ထိခိုက်နိုင်

ဝီရ
ပြည်တွင်း ပုံနှိပ်မီဒီယာများအား အရက်ကြော်ငြာ ထည့်သွင်းခွင့် တားမြစ်လိုက်ပါက မီဒီယာလုပ်ငန်း ဆက်လက်ရပ်တည်ရေးအတွက် အခက်အခဲများစွာဖြင့် ရင်ဆိုင်ရနိုင်ကြောင်း စာနယ်ဇင်းထုတ်ဝေ လုပ်ကိုင်သူများက ပြောသည်။

လစဉ်ထုတ်မဂ္ဂဇင်း လက်ထောက်အယ်ဒီတာတဦးက “မီဒီယာတွေကို စစ်အစိုးရက ရန်သူလိုသဘောထားပြီး အရက်ကုမ္ပဏီတွေကိုတော့ ဒိုနာ (အလှူရှင်) တွေ၊ မိတ်ဆွေတွေလို ဆက်ဆံနေတာကိုက မှားနေတာ။ ဒီလိုလုပ်လိုက်ရင် မီဒီယာတွေ အထိနာမှန်းသိလို့ လုပ်တာဖြစ်တယ်။ မီဒီယာတွေ ရှေ့ဆက်ရပ်တည်နိုင်ဖို့ အခက်အခဲ အများကြီးဖြစ်လာမယ်” ဟု ပြောကြားသည်။

လူငယ်တို့အား မှားယွင်းစေသည့် အသိအမြင်များ မရရှိစေရန်ဟုဆိုကာ လာမည့် ၂၀၁၀ ပြည့်နှစ် ဇန်နဝါရီ (၁) ရက်မှစ၍ ဂျာနယ်၊ မဂ္ဂဇင်း၊ စာအုပ် စသည့် ပုံနှိပ်မီဒီယာများတွင် အရက်ကြော်ငြာခွင့်ကို ခွင့်မပြုတော့ကြောင်း ပြန်ကြားရေး ဝန်ကြီးဌာနက ညွှန်ကြားထားသည်။ ထိုသို့တားမြစ်လိုက်သည့် အကြောင်းကြားစာ လက်ခံရရှိကြောင်း ခံဝန်ချက် လက်မှတ်ထိုးကာ ပြန်ကြားရေးဝန်ကြီးဌာနသို့ ပြန်လည်ပို့ဆောင်လိုက်ပြီဟု အဆိုပါလက်ထောက် အယ်ဒီတာက ပြောသည်။

ပုံနှိပ်လုပ်ငန်းအားလုံးတွင် အရက်ကြော်ငြာ ပိတ်ပင်သည်ဆိုသော်လည်း အရက်ကြော်ငြာ ပြက္ခဒိန်၊ ပိုစတာများကိုမူ ဆက်လက် ခွင့်ပြုထား၍ ပြန်ကြားရေးဝန်ကြီးက မီဒီယာလုပ်ငန်းကိုသာ ဖိနှိပ်ချင်၍ လုပ်ဆောင်နေခြင်းဖြစ်ကြောင်း ၎င်းက ပြောကြားသည်။

ကြော်ငြာဝန်ဆောင်ခသည် ၎င်းဂျာနယ်၏ ရောင်းရစောင်ရေအပေါ် မူတည်၍ ပေးဆောင်ကြခြင်းဖြစ်၍ ယင်းကဲ့သို့ ပိတ်လိုက်လျှင် ဘဏ္ဍာရေးအခက်အခဲ ပြေလည်ရန် ဂျာနယ်ဈေးနှုန်း မြှင့်ခြင်း သို့မဟုတ် စောင်ရေ ထပ်မံလျော့ချရမည့် အခြေအနေ ရှိနေကြောင်း အပတ်စဉ်ထုတ် ပြည်တွင်းဂျာနယ် အယ်ဒီတာတဦးက ပြောသည်။

၎င်းက “ကြော်ငြာတွေထဲမှာ ဆေးဝါးတွေ၊ အလှကုန်၊ အစားအစာ စတဲ့ ကုန်ပစ္စည်းကြော်ငြာရယ်၊ အရက်ကြော်ငြာရယ် (၂) မျိုးပဲ ရှိတယ်။ ဒီထဲမှာ ဝင်ငွေအများဆုံး ရနိုင်တာ အရက်ကြော်ငြာပဲ။ ဒါကို ထည့်ခွင့်မပေးတော့ဘူးဆိုရင် ဂျာနယ်တဝက်လောက် ပျောက်သွားနိုင်တယ်။ အခု ကျနော်တို့ဂျာနယ်ရဲ့ အပတ်စဉ်ရောင်းအားက (၁) သောင်းကျော်ပဲ ရှိတယ်။ ကျနော်တို့ဂျာနယ်လို ရောင်းအားမရှိတဲ့ဂျာနယ်တွေ ဆက်ရပ်တည်ဖို့ မလွယ်တော့ဘူး။ ဂျာနယ်ဈေးနှုန်း ဆက်မြှင့်မလား ဒါမှမဟုတ် စောင်ရေ ထပ်လျော့မလား ဒါပဲရှိတယ်” ဟု ပြောသည်။

ပြည်တွင်းထုတ်ဂျာနယ်တို့၏ ရပ်တည်ရေးသည် ကြော်ငြာဝန်ဆောင်မှုလုပ်ငန်း၌ (၃၀-၅၀) ရာခိုင်နှုန်းအထိ မှီခိုနေကြရပြီး ၎င်းတို့အနက် အရက်ကြော်ငြာကို အားထားနေကြရကြောင်း သိရသည်။

အဆိုပါ ဂျာနယ်အယ်ဒီတာက “အခုပိတ်လိုက်တာက တလွဲစီ ဖြစ်နေတယ်။ အစိုးရတရပ်အနေနဲ့ တကယ်လုပ်သင့်တာက လူငယ်တွေရဲ့ ကောင်းကျိုးအတွက် လုပ်ချင်ရင် အရက်ထုတ်လုပ်တာကို ကန့်သတ်လိုက်ပေါ့။ ပြည်တွင်းမှာ ပုဂ္ဂလိကပိုင် အရက်ချက်စက်ရုံ (၂၀၀) ကျော်ရှိတယ်။ အဲဒီဘက်အပိုင်းမှာ စံနှုန်းစစ်ဆေးတာတောင် မလုပ်ဘဲ ထုတ်ခွင့်ပါမစ်တွေကို လွယ်လွယ်ကူကူပေးပြီး အားကစားပွဲတွေမှာ စပွန်ဆာလုပ်ခိုင်းတာက လူငယ်တွေရဲ့ မြင်ကွင်းမှာ အဓိက ပိုဖြစ်တယ်။ ဒါကို ပိတ်သင့်တာ” ဟု ပြောကြားသည်။

အရက်လုပ်ငန်းရှင်တို့အနေဖြင့် ပုံနှိပ်မီဒီယာတွင် ၎င်းတို့ထုတ်ကုန်ကြော်ငြာခွင့် ပိတ်လိုက်သည့်အပေါ် တစုံတရာ ထိခိုက်နစ်နာစေမှု ရှိမည်မဟုတ်ကြောင်းနှင့် ကြော်ငြာလမ်းကြောင်းအသစ်အနေဖြင့် စင်ပေါ်ဖျော်ဖြေရေးများ ပြုလုပ်ကာ ဗီစီဒီ သီချင်းခွေထုတ်ခြင်းဖြင့် ၎င်းတို့၏ တံဆိပ်ကို အပြည့်အဝ ကြော်ငြာနိုင်သည့် နည်းလမ်းများဖြင့် စတင်နေကြပြီဖြစ်ကြောင်း အဆိုပါ အယ်ဒီတာက ဆက်လက်ပြောကြားသည်။

ရန်ကုန်နှင့် မန္တလေးမြို့ထုတ် ဂျာနယ်ထုတ်လုပ်ခွင့်လိုင်စင် ရထားသူ (၂၀၀) ခန့်ရှိကြောင်း ပြန်ကြားရေးဝန်ကြီးဌာန စာရင်းဇယားအရ သိရသည်။

ရန်ကုန်မြို့တော်စည်ပင်သာယာရေး နယ်နိမိတ်အတွင်းရှိ ဆေးလိပ်နှင့် အရက်ကြော်ငြာဘီလ်ဘုတ်ကြီးများ တင်ခြင်းကို ၂၀၀၆ ခု ဒီဇင်ဘာလတွင် သက်ဆိုင်ရာ အာဏာပိုင်တို့က စတင်တားမြစ်ခဲ့သည်။