ဝီရ
မြန်မာနိုင်ငံကိုဖြတ်၍ တရုတ်နိုင်ငံသို့ သွယ်တန်းနေသော ပိုက်လိုင်း (၂) လိုင်းမှ ရေနံနှင့် သဘာဝဓာတ်ငွေ့တို့ကို တရုတ်နိုင်ငံသို့ မကြာမီ တင်သွင်းတော့မည်ဖြစ်ကြောင်း သိရသည်။
တရုတ်နိုင်ငံက အရှေ့အလယ်ပိုင်းနှင့် အာဖရိကတိုက်မှ ၀ယ်ယူမည့် ရေနံကို ရခိုင်ပြည်နယ် ပင်လယ်ဆိပ်ကမ်းရှိ သိုလှောင်ကန်များမှတဆင့် မြန်မာနိုင်ငံ ကုန်းတွင်းပိုင်းသို့ဖြတ်၍ တရုတ်နိုင်ငံအတွင်းသို့ တင်သွင်းနိုင်ရန် ပိုက်လိုင်း သွယ်တန်းရေး လုပ်ငန်းများနှင့် သိုလှောင်ကန်များ ဆောက်လုပ်ရေး စီမံကိန်းများကို ၂၀၁၀ ခု ပွင့်လင်းရာသီတွင် အပြီးသတ် တည်ဆောက်သွားမည်ဖြစ်သည်။
ယင်းပိုက်လိုင်း (၂) လိုင်းအနက် (၁) လိုင်းကို ရခိုင်ကမ်းလွန်ပင်လယ်ပြင်ရှိ လုပ်ကွက် A1 နှင့် A3 မှ ထွက်ရှိသော သဘာဝဓာတ်ငွေ့များကို ဝယ်ယူထားသော တရုတ်နိုင်ငံသို့ တင်သွင်းရာ၌ အသုံးပြုသွားမည်ဖြစ်ကြောင်း ကိုဝင်းအောင်က ပြောသည်။
“တရုတ်က နအဖစစ်အစိုးရကနေ နှစ်စဉ် ဝယ်ယူထားတဲ့ သဘာဝဓာတ်ငွေ့ ကုဗမီတာ (၁၂) ဘီလီယံကို အဲဒီပိုက်လိုင်းကနေ စတင်သွင်းမှာ ဖြစ်တယ်။ ကျောက်ဖြူဒေသက ပဒေးကျွန်းပေါ်မှာ ကုဗမီတာ (၆) သိန်းဆန့်တဲ့ သိုလှောင်ကန်ကြီးတွေ ဆောက်တာ ပြီးတော့မယ်။ ပိုက်လိုင်းသွယ်တာလည်း စတင်နေပြီ။ ဟု ၎င်းက ပြောသည်။
ကျောက်ဖြူမြို့နယ်ရှိ ရေနံနှင့် သဘာဝဓာတ်ငွေ့ ခေတ္တသိုလှောင်ရာ ပဒေးကျွန်းပေါ်ရှိ ကျေးရွာ (၅) ရွာမှ အိမ်ခြေ (၆၀၀) ခန့်ကို ဖယ်ရှားခိုင်းခဲ့ပြီး ပိုက်လိုင်းသွယ်တန်းရာ ကုန်းပိုင်းတလျှောက် လယ်မြေအိမ်ခြေများကိုလည်း လျော်ကြေးတစုံတရာ ပေးဆောင်ခြင်းမရှိသေးဘဲ နေရာပြောင်းရွှေ့ခိုင်းခဲ့ကြောင်း ကိုဝင်းအောင်က ပြောသည်။
ပိုက်လိုင်းများ သွယ်တန်းရာတွင် ဒေဝူးနှင့် ဟွန်ဒိုင်းကုမ္ပဏီတို့က တာဝန်ယူပြီး ရေနံပိုက်လိုင်းသည် မလက္ကာရေလက်ကြားမှ သယ်ယူရမည့် ခရီးရှည်ထက် သက်သာကာ တနှစ်လျှင် ရေနံစိမ်းတန်ချိန် (၁၂) သန်းအထိ တင်သွင်းနိုင်ကြောင်း ယမန်နေ့
ရိုက်တာသတင်းတွင် ဖော်ပြထားသည်။
မြန်မာစစ်အစိုးရသည် တရုတ်နိုင်ငံသို့ သဘာဝဓာတ်ငွေ့ရောင်းရငွေ တခုတည်းအတွက် နှစ်ပေါင်း (၃၀) အတွင်း အမေရိကန်ဒေါ်လာ (၂၉) ဘီလီယံ ရရှိမည်ဖြစ်သည်ဟု သိရသည်။
Subscribe to:
Post Comments (Atom)
No comments:
Post a Comment